雲桂香米線專門店

營業中

休息中

有段時間都無去新城市廣場的雲桂香米線吃東西原來裝修了都不知，入去發覺有許多民族風格的吊燈，環境好過之前。可能是中午，需要等了一陣才可入去，裝修之後野食比之前貴了點，但整體加價還可接受。我叫了小鍋米線中辣，但完全不辣，只有點辣，味道算不錯。但上次叫小辣就有中辣的感覺，每次辣度都不同，希望辣度有所標準統一就好，而我太太就叫了一個米線套餐，味道還可以，但比起裝修之前的套餐選擇比較少, 可能裝修和食材加價，而且米線明顯偏少，尚算好味，而餐牌上的小食種類反而增加了不少，總括整體上OK。

其實平心而論雲桂香啲嘢食就真係ok嘅，但唔知點解沙田呢間啲服務態度可以差到咁，個個姐姐都好似同你有仇咁，郁啲就皺眉頭啤住曬。離過幾次都係咁，以後有得揀都一定唔會堂食。

某個傘型曲髮啊姨員工態度極差，未入去就見到全程黑面。呢次第一次食，點餐對話就feel到語氣麻麻，不耐煩，有種睇唔起人既感覺。點兩個麵話要分開叫，心諗（好啊，咁方便你地冇所謂）下一秒又話餸同湯要一樣，咁我梗係答左佢呢到先話係一樣，怱怱忙忙點完兩個，醒起有份要走菜就講埋比佢知啦。講完佢語氣極差咁答「咁咪唔一樣囉」我鬼知你點寫咩！你又岩喎係唔同左，但態度唔洗咁差囉，我d fd同我當場無奈靜左好幾秒。唔怪得呢到無乜後生食，會比睇唔起，見佢睇落對大d既成年人都未至於咁差!味道個邊都ok既，我明人多會有d燥，但其他上菜既姐姐都未至於西口西臉囉，食乜都一肚氣啦!

叫極都唔理人嘅店員, 全部企喺出餐口隔離, 4,5個人明明望住我聽到我叫都斷行斷過, 本身諗住走人, 但朋友話叫多次啦, 最後有個黑色衫應該係經理/店長喝人先過來. 其實平時食慣茶餐廳,唔介意服務差, 但連落單都要叫人叫成5分鐘就真係一肚氣喇.我叫咗麻辣米線, 朋友叫咗重慶酸辣薯粉. 值得一讚係重慶酸辣個湯底幾好味,啲餸就中規中矩,可以煮得耐啲會比較入味.飲品就真係強差人意,杯 "凍"檸茶係熱嘅...杯"凍"菊花蜜係暖嘅, 仲要得糖水味...

琴日放飯自己一個人去食，雖然星期六，但因為朝早十一點所以唔多人。咁我自己坐左一張四人枱，我見到都重有好多空位。 叫員工幫我落單，第一句就問我係咪一個人，叫我坐過去搭人枱話個個女仔都係一個人。咁我望一望個場，有成半個場都係空既，又無人等位，我咪話一陣有人再幫你坐過去。點知啊姐即刻發老脾☺️我都係打份工姐！食咩？！喂大佬，你有其他客我幫你坐有咩所謂，而家你又無客，我又唔係死要一個人霸四人枱，到我走個陣都係無人啊！以後食譚仔都唔食你呢間垃圾野，唔怪之得譚仔做得好過雲桂香咁多啦。

今日大概4點幾入左沙店食，一開頭入到去就個姐姐安排坐入面同人搭檯啦。但係，可能嗰個位真係太入啦，係咁揮手（同啲姐姐有eye contact）但就係係都唔過黎☺。終於有人show我幫我落左單。咁我就叫左中辣啦，係幾好食既，但真係太辣啦，諗住問姐姐攞碗清湯。都知道真係坐得太入啦，都無人會見到我揮手，咁我走出去問啦。個姐姐就同我講，因為而家太多碗麵要俾客人，叫我等多陣，話陣間再拎俾我。好，咁我一等再等，一等再等，到而家都唔知送梗第幾round既麵，而我碗麵都食晒啦，我碗清湯仲係未到既。🤔其實打咁大篇野，唔係想講我碗湯未到，只係想表達下沙田店雲桂香既服務態度有「幾咁好」姐，係會好到一直無視你同hea你既。其實就咁既，隔離間譚仔裝修梗，就睇下譚仔裝修完之後，班姐姐仲可以串幾耐🤔。

真心講，裝修完後質素好差，夜晚點左一碗蟲草米線+竹笙，雖然明白夜晚十點幾仍然滿座好忙，但如果無曬蟲草同生菜應該都講聲，而唔係等左10分鐘上到台係一碗湯底勁咸只有竹笙同雞既米線，同店員有禮貌地反映，佢話原來就無果一塊生菜（之前一直都有）同蟲草賣曬最後食左少少就走了。

一直都係雲桂香fans食開荃灣嗰間今次打算試沙田嗰間哇 2個人食等左好耐先到 (不是重點)我男朋友叫左個肥牛米線佢話啲肥牛眾老過慈禧太后🤦🏻‍♀️個熱拌米線 根本就吾係熱拌啲湯有個碗既一半😃我問姐姐點解甘多湯 佢話係師博好好比好多腩汁我 但重點係啲腩汁好似湯水甘 冇味到呢🙄叫左小辣又冇辣 啲腩肉正常係又好食又有啲辣但依間啲腩肉勁勁酸 (有諗過係咪壞左)杯熱菜蜜甜到一個點🤦🏻‍♀️根本就飲吾落唉作為fans 吾話難食都吾得☹️ 好失望都係決定支持翻荃灣嗰間

其實我好耐好耐以前係雲桂香忠粉，上當年仲未有譚仔同三哥，同班同學一放飯多數都去附近間雲桂香食。就算出黎社會工作，得閒都會出去食返碗。不過自從譚仔開始出名之後，頭段時間都仲係好雲桂香忠粉。因為貪佢酸辣真係有酸菜，有好多肉碎！不過不得不退下來了。其實已經比佐好多次機會，我都唔希望比個劣評。不過真係差到我都已經接受唔到了。入正題，今日同男朋友去完玩，二個人咩住個背囊加一袋野食入去。點知個阿姐聲大大叫我地去四人卡位坐(我都明白，已經係一種文化)咁我地就坐佐係張四人吉枱，男朋友就睇餐牌。睇睇下個阿姐叫我地坐第2張四人卡枱，因為怕一陣有三或四位客人入坐，叫我地搭其他四人枱。如果有客人需要，我都明白，但當時係無囉，仲要有其他吉位..之後我地都一袋二袋諗住坐後面果張，點知後面二公婆話有人，我地又行返前面，原來有對情侶已經叫佐野食，呀姐好不客氣叫佢地坐埋一邊(難聽啲好似趕狗咁)咁岩隔離二人枱埋單走，果對情侶就話寧願坐二人枱於是就調佐過去(可能佢都見到我地好多野，真係會好迫)。最後我地成功又坐返一張吉既四人枱，呀姐仲千叮萬囑要坐埋一邊但我地個袋太大，跟本都唔夠位，而家又無人等，又有其他吉枱，最後我地忍唔住

七一有咩搞作？慶回歸就無咩太大感覺，所以，兩公婆專程一早入咗去香港文化博物館睇展覽，皆因有兩個特展好吸引：「羅浮宮的創想－ 從皇宮到博物館的八百年」及「八代帝居 ─ 故宮養心殿文物展」，原本打算睇完展覽晌博物館嘅「牧羊少年咖啡．慢遞館」食埋午餐，嘩多人到不得了，結果行過去新城市三期，一樣人潮澎湃，故最後過咗對面偉華中心嘅雲桂香食米線，雲桂香有唔少分店，但都喺第一次食，事後睇啲人嘅食評先知，晌咁多分店中，沙田店喺劣評最多嘅一間，小弟呢次都算中個頭埋去自挖墳墓。估唔到都已經2:00pm，一樣咁多人，不過，由入門嗰刻感覺已有少少唔好。入到去想搵位（依啲米線鋪不嬲自己搵位架啦），一個應喺主管嘅阿姐（佢着黑色製服，其他人全部喺黃色）攔住我哋叫等等，OK我當妳喺安排緊座位，點知轉頭佢放另一對後嚟嘅女生入去，我哋即刻禮貌話我哋先嚟，但佢都貌似無理。事件二，後來斜對面四人卡位有兩個人走，佢要求剩低食緊米線嘅兩個人（喺食緊米線，有米線，有小食，仲食到一半左右）調去搭落另一張四人卡位，務求放番晒成張四人卡位出嚟，嘩！使唔使使到咁盡呀，啲人食米線都快上快落啫。餐牌唔多講，貼出嚟大家自己睇，總之只可以講，選擇

今日難得出到沙田，真係好多野食可以選擇，不過一個人想食平平地，最好的選擇都係米線。除左譚仔之外都想食下其他口味的米線，所以來左好耐冇食的雲桂香。6點幾左右的時間唔算多人，馬上就可以入坐，而且食米線的好處係可以好快整好有得食。豬軟骨雲吞米線 (小小小辣) - 先講湯底，其實餐牌都有寫小辣會少D豬肉碎，而小小小辣真係得好少好少豬肉碎，整體來講係冇咩辣的味道，而個湯底都冇以前咁好味。豬軟骨分量唔多，而且肉質過腍且散爛，失去了豬軟骨原有的脆脆口感 。雲吞得兩粒，而且皮都幾厚下，味道普通。而且食的過程中係咁有D小形飛行物體飛來飛去，影響到要成日撥走佢，真係令我對雲桂香扣左不少分數。整體而言，食物質素唔可以講得上好食，而且分量仲少左，估唔到雲桂香的質素係咁多米線店的競爭下都可以下跌咁多，真係好可惜。

雲桂香去完沙田扔彩虹,我朋友話介紹我去食酸辣米線,話好食過我樓下個間, 咁咪去試近希爾頓中心,係一間米線專門店價錢中等, 叫左D丸 , 辣度我選左小辣整體都OK, 可以再食,D丸幾好食

今次叫左叫個"勁辣 多酸"完全唔辣 不過夠酸👍🏻抵讚既係配菜好多 就算唔叫餸都唔會好dry🌝豬軟骨依舊好食 呢間得三舊但好大舊😍------------------------------另外叫左個夫妻肺片👫呢個係伏 個辣油唔辣唔香 得啲油味肉本身都係冇味 又韌😒$42不如叫口水雞吧啦 伏呀😡

夜晚十點係沙田仲有咩宵夜選擇呢？企係雲桂香同譚仔中間，個心15 16，向左走定向右走好呢？最後選擇向左走，因為譚仔平時都食得多。對於有選擇困難症既我嚟講，要揀個餸係要花好多時間，幸好 menu 左上角有個大大既腩肉小鍋米線圖，唔洗諗即嗌。雖然同譚仔大家都係賣米線，但食落完全唔同。感覺上雲桂香多啲配料，腩肉又多，我本身也偏好吃酸辣湯底，佢個湯真係幾辣，但辣得好過癮，可惜變咗孖潤腸嘴，俾男朋友取笑！過份呀！

今日放工後去到沙田同朋友食個晚飯傾下計，由於大家都係慳錢一族，決定以低價取勝。 平時食開譚仔，平得尼又想有D新意思，就試下呢間雲桂香。叫左小窩酸辣紅薯粉（小辣）（$27）＋牛展（$7）平時食開譚仔三小辣，但似乎云桂香嘅小辣大摡只有譚仔四－五小辣左右。味道遍咸，酸味唔太突出，優勝之處應該算係有得選米線以外的粉，紅薯粉🙈。牛展有四至五塊，非常失望，好硬，而且好un.. 對比上次食的南記實在差太遠了🙈。