雲桂香米線專門店

營業中

休息中

個人覺得呢間好味過譚仔譚仔的湯底唔夠濃味辣度方冲 雲桂香的辣更香最重要是呢到有得食豬肚豬腸餸菜多左好多選擇價錢方面 兩餸都係三四十蚊如果未夠飽 可以再試佢個皮蛋辣辣地幾好食

寶仔以前已經食過好幾次雲桂香， 小鍋米線真係無得輸！寶仔叫左酸辣，小辣，無叫野飲，但都唔會覺得好辛苦。個種辣味係舒服既辣，d湯飲完一啖又一啖，好好味！寶仔叫左個豬軟骨，酸菜（因為好中意酸野哈哈）酸菜既味道一般，豬軟骨就唔錯！加埋個湯，再加最愛既米線，已經岩岩好！埋叫，大約$40一碗面，今時今日咁既環境，算抵嫁啦～

和男友在旺角睇完戲，突然好想食米線，見到旺角有好多間真係眼花撩亂丫！男朋友話之前試過呢間，帶我試試佢叫左酸辣小小辣，蟹子丸同腩肉，酸辣味道唔錯，辣味用酸辣各半，而且低下有肉碎，湯底好甜！腩肉就鞋左少少。我叫左麻辣走酸小辣，都係蟹子丸同豬肚，湯既味道更加甜，唔錯唔錯。佢既辣係偏甜的，而且原西既味道同湯好夾。米線都好多好大碗！皮蛋就不過不失，好似味道淡左少少。夫妻肺片-好大碗，夠晒滋味啊。兩個人叫兩個小食真係食唔晒，佢既米線偏大碗，下次應該叫一個小食就夠。呢餐都哈皮滿足，呢間會再食！

lunch放飯最好食米線 又快又飽肚 食過咁多間米線我覺得呢間係最好食 尤其係佢嘅湯底 酸酸辣辣好開胃 太耐唔食會掛住叫咗腩肉小鍋米線大辣 腩肉好林好薄 好鬆軟米線份量多 食曬食碗超級飽

晚餐打算搵間米線普普通通食咗佢呢間米線連鎖店食過幾次本身對啲食物都冇乜印象今次就印象深刻喇晚飯時間大約坐左六七成人唔使等位就有得坐我哋坐低落完單坐咗差唔多成十分鐘見到隔離枱同我地一齊黎嘅人啲食物都開始上齊心諗就有啲唔對路喇九成九漏咗單之後同個阿姐講我哋食啲乜叫佢跟單一等又等左五六分鐘原來都係冇同我地跟單仲要撐話我地冇講過要由頭落過柯打最後一共等左廿幾分鐘先有嘢食餐牌熱拌水晶粉牛肉有少少麻辣味味道唔差入口係凍嘅我估係凍食個粉叫左中辣得辣椒油味冇乜層次豬扒冇乜味酸辣小窩米線得個酸冇辣味奶茶個茶底太苦飲完成個口鞋曬

約了一位臭味相投的知己晚餐， 大家都喜愛食辣， 尢其是麻辣， 愈辣愈興奮， 無辣不歡。 朋友今次選了酸辣湯， 我就麻辣湯， 其實兩個我覺得都好美味， 但麻辣先夠刺激一碗米線有好多唔同配料， 酸菜， 芽菜， 肉碎， 我點了2 個餸都已經好豐富咁。 但係今次d 豬潤好似老左d,雞絲好碎濕濕咁。下次試下其他款式

朋友想食米線想食個間唔知點解無開咁我地又係是但入左呢間係旺角呢間雲桂香比沙田好地邊坐得好d 環境清潔d但可能人手短缺 漏單情況嚴重今次食既豬紅 終於有味啦唔似之前咁而豬腩肉亦好腍好惹咪👍🏻👍🏻湯底都係保持水準旺角呢間感覺無咁hea🤔

成日都食譚仔，啲人話雲桂香同譚仔有得揮，所以今次就登呢度試下。結果以後都係決定繼續做譚仔嘅死忠算喺譚仔食開5小辣，黎到呢到諗住都係叫小辣，點知一啲都唔辣。 所以大家如果係譚仔食開5小辣，係呢度記住要叫中辣呀！叫咗個豬大腸酸辣薯粉，因為米線成日都有得食。個薯粉其實幾滑，啲豬大腸都幾好食嘅，鹵水得幾入味， 又幾好咬口，不過份量就唔算好多！佢個湯底比譚仔多一啲嘢，有芫荽亦有蔥花，如果唔鍾意芫荽同埋蔥花嘅話，下次記得要走！個湯其實幾清甜，不過其實我都唔知點講呀，食譚仔係食嘅感覺，呢度無令到我覺得想再黎嘅親切感覺。

極度中伏，叫左碗麻辣上湯米線，原來只不過係一個上湯底加幾滴花椒油的米線，咁我仲乜要來你度食，我都識去買花椒油啦！一心食個美味的麻辣米缐，而家極度失落，下次去番隔離個間好食好多！

難得同中辣知音朋友lunch, 當然係食雲桂香！ 朋友食腩肉小鍋米線 腩肉本身都辣辣地，所以湯嘅色水比中辣level嘅紅更紅，麻辣味十足！我就食豬大腸小鍋米粉 見menu有手寫米粉二字就轉左，我都係叫中辣走芫茜，我碗都好紅一睇就知唔簡單，豬大腸好大舊好入味，有d小小粒肉碎連米粉連辣到流眼淚嘅湯底，食食下不知不覺變了孖腸咀但係都要繼續食因為實在太四川feel太有風味了！有個小tips就係其實不用叫太多餸，主要享受個湯底同米線就夠，好似我上次叫左3個餸，根本食唔哂個麵的。同埋阿姐好好人，原來2點半係tea就可加$3有野飲(冷熱同價)佢就幫我地5分鐘後先入單，like!

今日有事到了旺角，因為時間尚早的關係，所以已開始營業的食店不多，我們唯有選擇了附近已開店的雲桂香。店內只有一枱客人，非常寧靜。環境都算乾淨，我們選擇了位於收銀處後的卡位。清湯米線配雲吞：我點的是清湯米線配雲吞。湯底味道淡淡的，不算十分惹味好食，自問是喜愛淡味食物的我，都覺得如果多一點鹹味會比較易入口；米線的口感尚可接受，不會太稔或太硬；但就雲吞來說，雖然味道不太差，餡料鮮甜夠味，但雲吞皮就略為過厚，接近2mm，當中亦包了很多的肥豬肉，咬下去時感覺很不健康呢！酸辣米線(少辣)配豬軟骨：男朋友因為可以食辣，想早上精神多些，便點了酸辣湯底。酸辣的香味很強烈，即使我只是坐在旁邊，都已經嗅得到。我只敢試一口，味道的確重我那碗很多，但我只嚐到辣味，酸味就不太足夠；不過豬軟骨炆得軟稔入味而且香，值得一讚！

因為朋友食過呢間，話價錢平味道OK，今晚一個人途經見到咪試下囉，同其他米線店差唔多，揀下辣度同配菜，配菜款式都算多，好似腩肉、肥牛、雲吞、牛丸貢丸之類，另外有兩款米線揀，小鍋米線同上湯米線，我就揀左酸辣小鍋米線，配菜揀左肥牛同魚片再加可樂。個麵來到，試左湯底只酸不辣，D肥牛硬掘掘咁，魚片冇乜味，整碗野只係一般般吧。同譚仔雲南米線差唔多料，用來填飽肚尚可，想食好D重有大把選擇呢。

上回試過傷心酸辣粉，今次試試另一家。同一條街道上有多家米線專門店，這次揀了雲桂香，已是晚上9點，店內依然人流不絕。 口水雞 ～ 賣相不吸引，沒有雞味，醬汁好唔夠，若沒有醬汁，雞肉完全是沒味的，不是辣妹子，但也略嫌辣度不夠小鍋米線加雞絲冬菇和魚腐 ～ 冬菇很入味，整體不錯。重慶酸辣粉（麻辣）加腩肉轉細薯粉 ～ 揀了小辣，辣度可接受。

因為想吃酸辣米線，所以來雲貴香解饞。因為吃不了太辣的東西，所以還是叫的小鍋米線的小小辣，基本不辣，有些酸酸的味道。米線很彈很好吃，湯里有酸菜肉末，拌這著米線，酸爽可口。我點了每次必不可少的豬軟骨，很入味，軟骨很軟，入口即化。加了些菜，吸收了湯的酸爽的味道，非常有味道。因為可以按客人口味調整辣度，所以每次都能吃到自己最喜歡的口味，是我這種不會吃辣的人享受酸辣米線的好去處

前幾日去旺角場睇波，場波加埋時都成五點幾，一路行去太子食個 early dinner。去到條街見到有幾間米線舖，平時有食譚仔同雲貴村，所以今次揀咗呢間。個人最鍾意食牛，所以就叫左肥牛小鍋米線，加支豆漿，等左十分鐘倒(人地晚飯時間，所以耐少少)，就有得食。一口又一口的肥牛，吃起來很滿足，米線不太淋，係我喜歡的那一類，可惜湯叫得不夠辣，美中不足，下次一定叫一個中辣。總括來說，水準絕對屬於中上級。價錢就同一般米線舖差唔多，始終係九龍旺區。