雲桂香米線專門店

營業中

休息中

今日突然米線癮起，見到隔離有間雲桂香，就入左去試試。其實之前都食過好多次，酸辣米線都幾惹味，而當中我最鍾意嘅係蟲草花雞湯米線～個湯底一直令我念念不忘。不過唔知係咪唔同分店製作方法有唔同，旺角店嘅水準實在一般。首先講賣相，湯底顏色透明，有一層層油浮上面，蟲草花少得可憐。睇落就好似一碗浸住幾舊雞同生菜，完全勾唔起我嘅食慾。-味道方面，同賣相一樣，都係淡如水。我記得之前喺其他分店食過，湯底係有酒香，係好濃味嘅，但呢度淡茂茂，冇乜味道。而雞肉口感亦都比較鞋，完全唔入味。-而杯奶茶勁重茶味，偏苦。-成個米線其實唔算特別難食，普普通通，及唔上其他分店嘅水準，應該唔會再食。

睇完場戲都成10點幾，唔知食咩好。我地就 落番太子搵嘢食！落到橋底就見到呢間雲桂香，呢間分店開到12點半咖!餐牌除咗小鍋米線、涼拌薯粉外仲有新推出嘅蟲草花雞湯米線！而且 仲有魚湯米線系列～大腸腩肉小鍋米線 $41叫左小辣, 米線都算大碗！酸菜、炸醬配料基本配備都有～ 不過腩肉分量非常小， 而且好細塊!墨丸雞翼涼拌紅薯粉 $45圖中所見墨丸只得三粒很細粒!不過薯粉份量都幾多嘅！呢一個價錢嚟講嘅太子區食店，都算合格!

呢日呢食米線,去左呢間- 雲桂香米線專門店食!咁呢, 其實佢有好多唔同自選餸菜嘅米線的~但我好記得我食過幾次呢間野,我都係叫蟲草花雞肉湯米線!因為我本身係雞怪來, 中意食雞,,對於有酒味嘅湯又有偏好~然後我又有選擇困難症得來又貪心..如果揀餸, 我會搵好耐之餘..仲會叫到好貴所以我都係叫呢個啦~蟲草花雞肉湯米線 ($46)ummm... 賣相係差少少..真係圖片只供參考嫁咋..同佢餐牌上張相...不過, 佢味道都唔差嘅!湯底係有d黃酒味嘅雞湯底,淡淡酒味啦, 唔濃的~另外仲有d蟲草花, 雞件同生菜~雞年唔鞋, 都ok~食呢個可以免卻左揀餸嘅苦惱,彷彿又好似養生d, 都ok的加$7可以加杯熱飲~

☺️簡簡單單食個下午茶外賣，餸既份量好多，四十幾蚊兩個餸連埋野飲都好抵食💖 🙃以前啲豬軟骨比較淋同多啲軟骨位，而家好大件都係豬肉，冇以前咁好食 🐷 蘿蔔好大件好淋好入味，每次必食推介中小辣湯底，睇落好紅好刺激，食落唔係好辣，食出湯底甜味👍🏻

難得出城上training上完 可以去旺角 太子 行一陣好耐無食過la 係懷孕味道ar平時唔食辣ge我 懷孕我心思思去食個小小小辣紅薯粉 就咁渡過我ge懷孕期以前做完產前檢查 都會好like食雲桂香今日就想 回憶那味道今次叫左小鍋紅薯粉+小小小辣+魷魚頭+豬軟骨+凍檸茶薯粉依舊咁煙軔 QQ彈牙湯底 對我來講 都有 點點辣 (唔明當時自己點解食到)至於餸方面豬軟骨 唔okD肉好柴同埋乾身到咬唔開雖然入味 但真係無骨食跟住魷魚頭 就係魷魚下半身有軟骨 同d魷魚腳無咩味 可能湯底影響la食返懷孕味 但d配料就

好耐冇食雲桂香! 一係唔食, 一食就連續一排都想日日食! 可能中左米線毒今次黎開旺角, 食我最中意既小鍋米線~ 成日都想試下挑戰中辣,但係驚辣到食唔到,所以都係叫番小辣雞絲好有咬口!蘿白同紫菜吸哂D湯既味! 每次食親辣野都一定要帶紙巾~ 鋪頭都有紙巾賣, $3 一包~ 鋪入面都有自助站可以斟水飲, 食到覺得太辣杯野飲哂都可以飲水夜晚都唔駛等位就可以入去, 都不失為快食晚餐既好選擇!呢排天氣咁熱, 下次可以試下個涼拌米線

未試過食甘垃圾既熱伴紅薯粉！從未試過食熱伴啲油系多到就黎以為自己叫左有湯！明明叫bb辣，食落仲辣過同事既中小辣！用熱水洗走d油同辣椒，居然d辣椒仲多過同事碗中小辣！明明叫左走花生，但仲係度！！！！！！！打電話去叫佢送過碗黎，結果一打開，同第一碗一樣！不知所謂！！！第一次打食評，自問對食唔係好麻煩果種人，問題唔大都唔會要求再送過，但係再送過都係甘！未試過甘嬲！！！唔會再叫呢間！兼職係用錢買難受！！！

2人行食下酸辣小窩米線先～食咗幾年食親都係旺角同大埔分店多～今次試吓太子分店先果然都係咁旺～好彩唔駛等位～坐低即刻叫咗兩碗小鍋米線炸醬、豬大腸酸辣小鍋米線～炸醬入味又唔會太多肥豬肉～豬大腸清得幾乾淨唔怕食到肚痛～加上炆得好淋一咬即開～配上小辣酸辣湯底正～所以食極都唔厭豬軟骨、豬紅酸辣小鍋米線～豬軟骨慢炆骨軟入味～豬紅大大嚿唔會腥～酸辣小窩米線有：芽菜、韭菜、豬肉碎、酸菜配以酸辣湯底依間分店環境差、衞生差、服務差～但又鍾意食佢點算呀～小窩米線個人認為真係比三哥好食

店員係我一坐低冇幾耐就企定定係我格黎等我落單。好喇，落左三餸，最後出單比我發覺佢落左四餸，好正常同返店員講聲。店員即刻用質問態度反覆問我好幾次「下，你冇落腩肉？你有嗌喎。」我答返佢幾次我冇嗌到。我坐收銀處格黎，事後聽到店員大大聲同收銀個位員工講又話我嗌左又指住餐牌又話冇嗌，似係講比我聽。員工非常唔專業以及冇禮貌。。

由中學食到依家,, 諗返起好多回憶諗起佢的麻辣同湯底,, 真係好好食今日上堂前去食一食未到7點, 座位都坐滿一大半叫左小鍋米線+豬軟骨麻辣中少辣走酸一上台先飲啖湯底, 一如以往的味道, 味道濃郁湯入面配料有肉碎, 芽菜, 韮菜, 花生, 蔥, 芫荽 (如果食素者,可以走肉碎)米線夠彈牙, 豬軟骨只有三舊, 唔夠食~~但米線份量算多, 再加杯凍檸荼降一下辣度每次食完都好滿足, 同埋好岩冬天食,,食完胃會暖立立$40左右,,價格合理又親民

係太子一條友上完堂勁肚餓，鍾意食辣野既我決定行去食雲桂香~就到下午茶時間~一個人獨自既好處就係好易搵位~ 店內座位都多~食我既至愛~水昌粉~~ 鍾意佢夠Q夠咬口~~~要個中小辣再加個豬大腸~冇計太鍾意食佢地既豬大腸~KEEP FIT 什麼的下一餐再講~~~配料其實好多架~只不過我唔鍾意食韭菜芫茜酸菜先走哂佢地~~落單時姐姐有友善提醒可以等多幾分鐘就下午茶, 叫野飲會平D~我都幾鍾意食呢間既辣度~有時都會忍不住又想再食~上哂癮

今日女朋友話帶我去食新野喎佢問我有冇食過涼伴米線我話我冇食過呀所以佢就話帶我去食新野喇去到都唔駛睇餐牌啦其實知道食涼伴米線啦當然其實都要睇啦都要睇下配咩餸架嘛而我揀返平時食開個啲餸都係炸醬同埋墨丸個麵黎到啦凍凍地咁食落都唔錯既但食下食下發覺樣野就係啲麵好多呀份量好多 食唔晒咁滯味道都唔差既都幾好味墨丸得三粒少咗啲不過我知有啲地方仲少呢到有三粒都唔錯炸醬味麻麻由於米線本身唔入味所以好靠湯底呢個冇湯 佢有少少汁包圍住都可以既算係但就唔算好好味

食物質數中規中矩，但份量出奇地細，一個正常食量的成年人可以食到兩碗至碗半，今次我就叫左一碗小鍋米線，一碗肥牛紅薯粉，來到的時候才發現肥牛的數量竟然只有四小塊，湯匙也比它大，呢個都算，更甚既係，我同圖中的阿姨要求加芫茜，呢個阿姨三番四次無視我，每次她都是望一望我便向反方向走開，直到我第四次揮手時，她只回應一句加茜加六元便離開，態度極不耐煩，其實加錢並不是問題，點解要叫第四次才過來呢，明明餐廳內每一位顧客都在進食，只有我一枱揮手。令人百思不解，到最後我要親自走去阿姨身旁要求下單，她才逼於無奈幫我下單，其實如果這間餐廳這麼不希望為客人提供食物，為何不提早關門呢？

公司忙左成日超餓,所以放工飛奔去左我好耐冇食既雲桂香,叫左我既至愛腩肉大腸米線,諗住匆匆食完,反歸做堆公司野,因為太飽,支豆漿都飲吾落,諗住拎反屋企先飲,天氣太熱,行到半路忍吾住開左黎飲,“...個蓋扭開過既…再睇真D,支豆漿少左一節“點解頭先冇為意...都差D行到深水涉,吾通又行反轉頭咩,諗住打個電話叫佢地小心D check 清楚先,點知仲要比人鬧反轉頭“你吾巧屈喎地喎,e電係工廠運題“..我話“我打黎同你講聲,咁你而家姐係話我講大話？“ 佢話“係呀“我話“好呀,吾該晒“我真係嬲過火屎,我冇la la得閒冇事做打黎玩電話呀我比錢買左豆漿都冇得飲,仲要話我講大話吾通天氣熱得濟,個蓋自己彈開,仲要豆漿蒸發埋呀.chi gun!no more搵鬼香worst mainland chinese service.

本身臨走叫左杯凍檸7拎走$11) 佢比錯咸既咪叫佢換過杯點知等左10分鐘 淨係俾返冰底同 兩片檸檬仲要係堂食洗唔洗cheap成咁罐汽水值幾錢呀大佬以後唔幫襯 真係好差！