雲川 米線．紅薯粉 (貝爾特酒店)

營業中

休息中

屯門好好食薯粉之一！地點比較近屯門西鐵站，唔係住屯門既人比較方便。平時去食通常會叫酸辣湯薯粉，佢嘅酸都幾酸吓，鐘意食酸嘅人，可以試下。同埋一定要叫薯粉，佢嘅湯係好夾薯粉，唔夾米線。有一次失手叫咗米線，成餐都食得好唔開心。今次試下唔同嘅湯底，叫咗金湯同麻辣，金湯係酸辣加麻辣嘅味道，食落去好似食緊酸菜魚湯咁，我個人係幾鐘意，同薯粉都夾到。麻辣就一般，少咗啲麻辣感，通常麻辣食完個口有少少麻麻地，但佢冇咗哩種感覺。至於啲餸，豬頸肉係切到一條條咁，食起上嚟冇咁油膩，有啲人會鍾意食大大嚿嘅豬頸肉，但我覺得太油膩，食幾嚿就唔會想食。豬大腸都係細細塊，醃得都幾入味。小食最鐘意係食圖片個款（唔記得叫咩名：~ $29價錢唔平，得幾條。）但炸得啱啱好。另外一款都會成日叫嘅小食係芝麻醬萵筍絲，萵筍絲好脆，口咁勁清新，食得太多辣嘢，可以中和下個口。下午茶（$43一餸）餸同薯粉份量比較少，但就唔駛點排隊，試過中午（$49一餸）去食要大排隊，但份量真係多好多，價錢都貴幾蚊。

放工放靚正又好食之選👍🏼當然係米線啦！屯門呢間米線真係嚟親呢區都必食。我就叫咗蘿蔔，腐皮蝦卷薯粉。蘿蔔超甜，又唔會比酸辣湯既味蓋住😋蝦卷好味，薯粉軟硬適中，我最鐘意最尾先食薯粉，因為薯粉索哂啲湯，勁正😍朋友叫咗豬腸，魚丸米線。豬頸肉必食🩷

記得以前讀大學未出名嗰陣，$37碗配一餸，仲包嘢飲。而家開多咗分店，價錢亦貴咗好多🥶唔再係屯門隱世名物米線😔今次嚟開附近，專程重遊舊地搵返以前陣味，結果失望而回。酸辣米線（中辣）$47+ $1 轉配豬頸肉 +$3 凍檸茶口味多元化咗，除咗魚湯同麻辣湯，後期新加酸辣湯，十足譚仔三哥啲款🙈但係味道反而遜色得多，始終覺得麻辣惹味啲又唔會咁確喉。酸辣湯的辣味都幾重下，建議由小辣叫起。豬頸肉份量多，而且同以前的味道一樣，唯獨是價格上升得驚人。如果未食過嘅話，可以一試。但我唔會再特登嚟食，回憶嘅味道永遠是最好。

係Vcity 附近有間米線成日排長龍，去過好多次都要排，今日決定排返次試下好冇食，叫「云川」。我地2個人食，朋友叫左魚湯豬頸肉腐竹米線。魚湯比較鮮甜，有小許既魚味，但飲落幾好飲。豬頸肉係云川好岀名既餸，果然名不虛傳，好好咩，有咬感，又吾硬👍🏻👍🏻👍🏻，重吾係好油利，切到一條條咁，好易入口。另外腐竹就比較硬身，不推薦😆而我就叫左豬頸肉大酸辣米線，酸辣加豬骨湯👍🏻👍🏻，但係對於我食得辣既人來講，大酸辣係冇辣既😆最重要既主角，米線。我個人覺得比較硬左d,下次可以選擇返米淋。總的來說，呢間米線係幾好龟，同埋環境坐位就比較差，同逼夾，可能因為太多人了。✔️✔️✔️(最高5個💋）價💋💋💋💋景 💋味💋💋💋💋

第一次食呢間米線，叫咗個豬骨湯底同魚湯底，佢哋嘅豬骨湯底好味Ｄ，魚湯就冇乜味，食完唔會好口渴，豬扒厚度、煎得啱啱好，食落唔硬。加埋生菜，雲吞皮薄厚咗少少，內陷裡面嘅菜肉味道好滿，好好食。米線連埋湯底食都好入味，煮得恰到好處，唔會太腍或者太硬，配上豬扒同雲吞，味道更加豐富。飲品最緊要係杯凍檸茶， 係茶記茶膽沖嘅凍檸茶，宜家係出面好難飲到杯好飲嘅。至於環境方面，比起卓爾居個間，雖然午市都好多，但坐位都唔會太迫。

同老公行街行到中午，覺得肚有D餓，佢問我食乜好，我話工廠果邊有一間雲川米線幾好味，可以同你去試下，佢話好！咁我們就行左去工厰區悅品酒店樓下果間雲川米綫食。我叫左我食開嘅猪頸肉米綫，少少辣，水準一如既往的美味！我特別喜歡佢猪頸肉煎得又香又不韌，牙菜又爽脆，一個字~正！

晚上放工超肚餓，想快快去食嘢，見到「雲川」剛好有座位，立即衝入去。叫了酸辣紅薯粉配豬潤和螺旋藻，豬潤很鮮嫩，粉粉的口感，我最喜歡吃。螺旋藻爽爽的，配豬潤也不錯。再加一杯凍奶茶🧋，這個晚餐已經很足夠。

Encore左無數次的雲川！真係百吃不厭😆 本身我係唔中意食米線，直至我發現左呢間咁好食嘅連鎖店！可惜只限屯門區。食過3間雲川，貝爾特酒店個間啲送同米線都更出色🤣 所以每次都會特登係小欖揸車去買呢間😂 好味推介：豬頸肉，韭菜餃，蘿蔔，炸醬🤘🏼每次必點嘅餸！必點湯底酸辣❤️

一個人簡簡單單食晚餐，又唔想虐待自己個胃，選擇去了「雲川」食個薯粉。叫了一個魚湯紅薯粉，湯底鮮咪，薯粉彈牙。還選了兩個餸，豬潤+螺旋藻，豬膶新鮮，厚厚的，食落好有質感；加上螺旋藻爽爽的，這樣配搭很好味😋來多杯凍奶茶，那就完美了。

入到黎屯門就試下雲川米線，好彩11點半到唔洗等位，食完出到去見一堆人等緊😯我地叫左兩碗豬骨湯紅薯粉同一份小食😀▫️豬頸肉豬骨湯紅薯粉湯底配料有肉碎、辣椒、酸菜、蒜蓉等等，好濃郁幾有豬骨香，味道帶咸帶辣。紅薯粉煙韌好滑身。豬頸肉切成幼條，份量都幾多，煎得幾香口，易咬唔韌。▫️香茅豬扒墨魚咀豬骨湯紅薯粉香茅豬扒好大塊，香茅味十足，雖然唔係厚切，但肉好嫩👍🏼墨魚咀有煎過亦好入味。▫️酸辣豬耳都幾大碟，豬耳好爽口，味道偏酸多過辣，我個人鍾意呢個比例。餐廳環境就一般但叫企理，多人時要搭枱，有啲窄但冇咩所謂，上菜快，食完就閃了😆啲阿姐都幾有禮貌😆

呢間屯門區內的連鎖米線一向非常出名，佢嘅豬頸肉同埋豬扒都係香口見稱。以前叫雲川燒，依家改咗名叫雲川，但味道不變。呢日公眾假期下晝三點嚟到，依然爆滿，好彩早一步入座。店面全面改用手機落單，對於米線呢啲會自訂材料嘅餐飲嚟講來講非常方便。今次叫咗一個酸辣湯米線同埋一個魚湯紅薯粉。酸辣小辣豬頸肉米線第一啖湯飲落都幾搶喉，但食落又覺得OK，肉碎酸菜都非常惹味，豬頸肉油脂感一流。魚湯墨魚咀紅薯粉呢度嘅魚湯都幾清甜，就算唔落胡椒粉都唔會覺得腥，適合清淡飲食嘅人士。墨魚咀爽彈不過冇咩點調味，都比較清。薯粉只提供幼薯粉，喜歡粗薯粉嗰種煙un感覺嘅朋友可能就要去其他米線店。加埋嘢飲每個餐$47，同連鎖譚仔米線差唔多，難怪喺區內吸到咁多生意。

今天來到了一家名為雲川的食店，真是讓人驚豔。店內裝潢就一般，人多要搭枱就一定存啦，坐得唔舒服，食完快走，佢先可以做多兩轉。我點了豬骨湯米線同幾個餸，包括豬頸肉、腐皮蝦卷和豬腩肉。首先，豬骨湯鮮美滋味，湯頭濃郁，豬骨的味道和其他食材混合在一起，呈現出一種獨特的風味，十分美味。接著，豬頸肉肥瘦適中，入口即化，加上秘製醬汁的調味，十分美味。腐皮蝦卷也非常好吃，蝦肉鮮嫩多汁，腐皮酥脆可口，非常適合下酒。最後，豬腩肉米線的豬腩肉軟嫩多汁，口感非常好，搭配上細緻的米線，十分開胃。除了菜品美味以外，店家的服務也十分周到，服務員熱情親切，讓人感到非常溫暖。而且這家店的價格非常親民，性價比十分高，始終食個米線都差不多70蚊，同等價錢更好味道就叫值得。雲川絕對是一個值得推薦的米線。總而言之，如果你喜歡米線，不妨來到雲川品嘗，相信你也會像我一樣愛上這裡的美食。菜品新鮮、美味可口，讓人一次次想再來品嘗。

1. 酸麻金湯中辣豬頸肉米線（9/10）🥣湯：第一次食咁特別嘅酸麻湯，個味似酸菜魚湯，好重酸菜味，又帶啲辣，可能太酸所以個麻唔算突出，但我揀左中辣就真係好辣啦🙈最後要加多啲湯🤣但呢個酸麻辣真係好好飲 個味好突出，第二度真係食唔到呢個味😍 🍜米線：呢度嘅米線係幼身，我好中意食幼米線，而且佢煮到岩岩好，唔會太淋或太爽🤤而且份量都好多！🥓豬頸肉：切到好幼條咁，份量都好多，好入味，偏甜少少，肉質唔會乾👍🏻好好味！2. 麻小辣豬扒紅薯粉🥣湯：又係好特別嘅麻辣，好重味好鬼正，似孜然味加花椒🤔，又係其他鋪頭冇嘅麻辣味！🥩豬扒：都有好幾件，份量都多，醃到好入味，夠鬆軟！🍜紅薯粉：份量超多，但有啲難咬，如果要我揀我都係會揀返米線😆🍽️小食：炸豬大腸🐷實在太好食啦！ 外脆內軟，而且韌，容易咬得開，有豬油香，點左啲泰式辣醬唔肥膩。

近期最愛既米線---雲川！！！次次都要等位架💁🏻‍♀️---🔸湯底食米線最中意配重口味湯底，呢間做到！酸加辣我最愛，做得好出色同米線融為一體🤭-🔸秘製豬頸肉MUST食！佢唔係大大舊啖啖肉個隻，而係切左條，每條都有煎香既外層包住煙韌既肉，做米線toppings唔夠喉，後來每次都叫一碟😆🍽️ 雲川食過貝爾特店同虹橋店#屯門美食 #sis屯門 #雲川 #米線 #sis米線#hkfood #hkfoodie #eat #food #dessert #美食 #香港美食 #相機食先 #香港 #平民美食 #sisterfoodcourt

📍雲川 米線．紅薯粉🇭🇰 屯門震寰路6號貝爾特酒店地下2D號舖呢間係我米線排行表數一數二係米線舖!!!食過咁多間 係少數我會想去回訪嘅米線基本上去到屯門都一定會食😋 豬頸肉麻辣小鍋米線 (小辣) $47佢唔算好辣 食得好舒服 大概小過譚仔五小辣好香麻嘅 唔算好油好重口味個隻 正最好食係佢個豬頸肉佢唔係好脆好大塊個種係一條條 而每條都好淋 唔會太肥重點係佢豬頸肉係搽咗蜜汁 甜甜地好好食總結 中意食米線嘅人係一定要食！山長水遠入屯門都要試下！