雲川百味

營業中

休息中

元朗新開發地方洪水橋，屬於新市鎮，陸續有好多新樓宇落成。最近去咗近輕鐵站嘅 "雲川百味"，主打雲南米線、川菜、雲吞及水餃等麵食，就不坊試吓啦！店內地方比一般米線舖大，格局有啲似茶餐廳，環境潔淨明亮，很不錯呢。餐牌裡種類都算多，選擇單餸套餐 $48，每加多一個餸 $10。湯底有5款 : 麻辣、鮮魚、麻酸樂金湯、豬骨同埋蕃茄，可配米線/麵或紅薯粉 ; 餸有三十幾款選擇，真係幾多。除左湯粉麵仲有炸醬飯、拌麵、特色小食同飲品。鮮魚湯米線    $58依碗有2個餸，分別係蝦卷和蘿蔔，奶白色嘅湯底，係用新鮮魚熬製而成，味道鮮甜清香，米線爽口，滑嘟嘟，湯裡面有好多芽菜和蔥花，食落非常爽脆，配埋彈牙嘅蝦卷及白蘿蔔爽口無渣，吸滿魚湯夠鮮甜。鮮魚湯米線    $58而另一碗同樣都係鮮魚湯底，啖啖鮮香，加埋豬潤嘅甜味，魚香味散發出來，無味精同無魚腥味，飲晒成碗都唔會口渴，濃郁嘅湯底配埋米線，食落好爽滑，吸入魚嘅湯汁，魚湯米線個人覺得好夾。揀咗兩款餸，豬潤同雞翼，豬潤新鮮爽嫩同滷水雞翼好入味，肉質嫩滑，滋味無比。豬頸肉    $40煎至外層非常焦香，少少鹹幾入味，肉質都好嫩，切成條狀方便食，沾上酸辣醬更惹味，

孖住個#米線控 去洪水橋食野，餐廳由朝到晚都好多人🥹難得今日黎到又有位一定要食！位置方便輕鐵一出行2、3分鐘就到，而且大碗足料有湯有撈有辣有唔辣，多款餸菜任君選擇(˶‾᷄ ⁻̫ ‾᷅˵)🥢單餸 $𝟒𝟖 每加一款餸+$𝟏𝟎▸ 魚腐豬紅熱拌紅薯粉 $𝟓𝟖好耐無食過紅薯粉仲要撈🥰魚腐軟軟又香豬紅嫩滑不易散加上微辣肉碎少少酸芽菜(醃製過)整個配搭同味道恰到好處▸ 香茅豬扒肥牛米線 $𝟓𝟖米線軟硬適中份量多鮮魚湯底清甜飲多幾啖唔覺渴肥牛筋少油脂不多味幾香濃豬扒軟而香茅味清香不過重微微甜▸ 脆皮豬大腸 $𝟑𝟐即叫即製大大舊份量有不少外皮好脆內裏爽而有咬口不臭表面灑上少許孜然粉好惹味另配有甜酸醬 我覺得唔點正啲🤤☕️奉送熱飲 凍飲+$𝟑▸ 熱檸水 正常發揮▸ 熱阿華田 有少驚喜🫣有用奶沖飲落更順滑重點甜度剛剛好 唔洗加水飲多杯

洪水橋作為新開發城市，餐廳越開越多同多元化，今日簡左食米線，餐廳位置好方便，一落輕鐵就會見到。🔸豬腸及雞扒鮮魚湯薯粉點左鮮魚湯，湯底鮮甜而且唔會有腥味，鹵水豬腸出色，煙un彈牙好入味，雞扒大大件炸至金黃色，唔會老身。🔸豬扒及墨魚餅酸樂金湯米線麻酸辣金湯酸味好出，香茅豬扒切左條狀，鬆化而且入味，非常易入口。墨魚餅彈牙有咬口，如果炸過/煎過會更加香口。🔸腐皮蝦卷追加左小食，蝦卷口感豐富除左彈牙蝦膠，仲有青豆馬蹄芋頭等蔬菜，配上雞醬好夾。米線本身包一杯熱飲，凍飲都係加$2。

鮮魚湯：腐竹酸辣米線$56.00配菜：芽菜，葱 配料：香辣腩肉、蝦卷飲品：豆漿一間小店有齊不同口味選擇的湯底，每次去都可以嘗試到不同口味，一星期即吃幾次都食唔厭❤️鮮魚湯清香鮮甜沒有魚腥味❤️🤭。冬天冷冰冰多飲幾口，身體都溫暖起來，讚。香辣腩肉入口微辣，對怕辣的人來說都十分友好，腩肉肥瘦適中，醬汁非常惹味，配合米線一流，比自己在家處理方便多了，加配都是$10簡直平宜得不要不要。蝦卷一開二吃的時候非常方便。家鄉手撕雞＄41.00滿滿的一大份，雞肉口感紮實，雞皮滑。醬料均勻地包裹每件雞肉。有別於一般手撕雞，醬汁比較濃稠帶微辣，拌麵吃很開胃。

Tastes of Wan Chuen 雲川百味（洪水橋店）元朗尋找好味米線 性價比高 特色風格的味道，食一次你就會愛上它除咗米線 炸醬飯都好味😋肉既份量夠多麻酸樂金湯配辣腩肉+豬軟骨（配菜：蔥，炸醬，韭菜，芽菜，酸菜）威辣、麻，又酸.又辣.又香.值得一試腩肉肥瘦適中，肉質鮮甜的腩肉本身帶辣豬軟骨煮到軟綿綿，都係其中一個必須嘗試的餸菜，包保有驚喜米線酸辣湯底非常香濃，顏色濃不見底，湯底內有豬肉碎、酸菜及芽菜等；而米線軟硬適中，非常爽口有嚼勁。鮮魚湯（唔辣）米線配豬頸肉配菜：芽菜，蔥（唔辣）豬頸肉喺呢間舖頭嘅靈魂之作，香口彈牙有口感，齒頰留香，必試項目之一香濃鮮魚湯米線，用鮮魚熬製，好濃郁，每次去到必清

個人非常喜歡食麻辣，哩間嘅麻辣湯底非常濃郁，超香！！我叫左中辣，我覺得辣味十足，除左湯底，入面仲有好多配菜，口感豐富。我揀咗炸醬同娃娃菜，佢地嘅炸醬係自己熬製嘅，所以特別香，同湯底完美融合。我嘅朋友叫左蘿蔔豬頸肉撈米線，蘿蔔夠軟亦非常入味，清清甜甜，而豬頸肉炸至金黃，外酥內嫩，有嚼勁又唔會油膩。另外，我地叫左小食豬大腸，意外地好味！同豬頸肉一樣外酥內軟，外皮酥脆而且鮮嫩多汁、口感彈牙，我覺得炸嘅時間控制嘅啱啱好。同買小食涼拌麻辣牛肉，好似係新品，份量都係好足，而且涼拌嘅辣油幾香下，如果鍾意食辣嘅可以選擇加辣，個人非常推薦麻辣米線同炸大腸！最後我地係響下午茶時段去食，所以每個套餐有四蚊優惠。

呢間米線鋪主打街坊生意，店員遮遮好熱情，會主動同啲街坊搭下訕傾下計，米線啲份量十足，口味係偏濃，外區人未必識黎，但喺呢頭嘅真係必試熱拌兩餸米線 $56熱拌米線配菜有辣肉碎 、芽菜、葱，叫左兩個餸，香茅豬扒超入味又幾淋，豬腩肉都唔係譚仔果款白肉，係醃到好入味果種香辣胡麻湯兩餸米線 $58呢個都係叫左兩個餸，分別係蒜香雞同墨魚咀，呢兩個餸都係豎手指公推介，胡麻湯好麻小小辣，好啱我地口味麻辣魚皮 $35｜涼拌皮蛋 $28兩個小食都係比較重口味，係川式果種麻辣同蒜香，魚皮好爽脆，皮蛋超重蒜好開胃

呢間米線舖喺洪水橋已經好出名，地理位置優越，喺正輕鐵站後面無得輸👏🏻搭正12點去食已經坐滿街坊😆😆😆除咗米線，仲有多款小食同碟頭飯任君選擇，不過今次食咗米線先！🌼 豬潤麻酸樂金湯米線 ($46 包熱飲)上枱又係大大碗嘅米線，湯底濃郁，麻酸味好出，重口味人士必愛😋😋😋個人比較喜歡呢間鋪嘅米線，因為比出面食開嘅粗身啲 🌼 螺旋藻魚湯麵 ($46包熱飲)螺旋藻份量足，湯底超鮮甜，改配嘅(上海麵?)都有驚喜，煙韌彈牙👍🏼👍🏼👍🏼

雲川百味今次介紹洪水橋呢間專食米線嘅「雲川百味」，記得一年前左右下午茶（1400-1730）無咁平，依家單餸$41起，加多一餸加$10，套餐加凍飲都只係加$3起！今次係第二次回訪比我覺得抵食咗好多，味道依然無變，要變就係我輪椅唔知點解無力上塊斜板，不停自己輪軚空轉，要向後衝前幾次先上到果一級！1.酸辣湯肥牛米線（中辣）$42+花枝丸$10+凍奶茶$3（10/10）呢碗米線份量好多，米線煮得彈牙唔會過淋，唔算好肥嘅肥牛有5塊，3粒花枝丸好彈牙，米線入面其他配料有芽菜同蔥等，中辣辣度比我覺得似小辣，好好食！凍奶茶：奶同茶比例啱啱好，好滑唔會好甜，好好飲2.香茅豬扒豬骨湯米線（微辣）$42+鴨胸$10+凍利賓納$3（10/10）呢碗米線份量好多，米線煮得彈牙唔會過淋，香茅豬扒切開有4條，鴨胸有6塊，米線入面其他配料有芽菜同蔥等，微辣辣度比我覺得唔係好辣，好好食！凍利賓納：正常，唔會好甜！3.炸墨魚餅$31（9/10）呢個炸墨魚餅炸得好脆，食到一粒粒墨魚粒，成塊墨魚餅幾彈牙，有6舊（切半），可以話係有3大塊！4.麻辣青瓜$25（9/10）青瓜好爽脆，唔算好麻辣，大約有30舊！2人總共價錢$16

我哋今次經過 #洪水橋 🚋，喺呢度搵嘢食😋，一定要嚟呢一區嘅名物🌟！我哋就揀咗呢一間米線舖🍜，呢度有好多唔同類型嘅湯底可以揀♨️。湯底嘅味道真係好香💕，聞到已經肚餓啦。🏅麻酸樂金湯米線(螺旋藻、豬頸肉)($54)酸菜味道好香濃👅，一入口酸嘅味道好出😆，之後再慢慢食到花椒嘅麻味出嚟🌶️，再配埋刺激嘅辣味😝，好惹味。而且米線真係好軟滑🍜。螺旋藻份量好多🌊，而且好清新爽口。豬頸肉🐷切成細條，啱啱好可以食到佢煎香咗嘅口感🍳，而且仲有油脂香味🤩，同埋蜜香味🍯。🐷豬骨湯米線(豬大腸、豬軟骨)($52)肉香味同油脂香味充滿咗個湯底🥳，加埋少少辣味🌶️，令到湯底好濃郁、好滿足💕。豬大腸嘅口感夠腍🐖，而且味道濃郁，啱晒鍾意食內臟嘅朋友😍。豬軟骨都煮得夠腍🫦，而且醬汁嘅味道好香，同湯底嘅味唔同😛，好特別。🦑脆皮花枝丸($31)炸得幾香💥，而且唔會有油膩嘅感覺👍🏻。食落口花枝嘅味道好濃郁🦑，點埋泰式辣醬🇹🇭夠香口。🐥椒鹽雞軟骨($32)份量好多😙，而且每一粒都夠香脆💕，唔會有粉嘅感覺，反而食落去有雞皮同埋油脂🐣嘅邪惡感覺，仲有脆口嘅雞軟骨🦴。可以點埋燒烤粉🔥，或者泰式辣醬，好食🤤。

元朗都算美食多，呢日發現到有間食米線嘅店舖，雖然唔係市中心，但鄰近輕鐵站都算方便，喜歡米線湯麵之類嘅朋友就啱晒啦 ~店內裝修看似茶餐廳格局，地方比一般粉麵舖還要大，裝修明亮簡潔，睇落都唔錯。嚟睇下餐牌先，選擇都幾多，套餐粉或麵配一款餸 $46，湯底 : 豬骨、麻辣、鮮魚、蕃茄及麻酸樂金湯，可配米線、紅薯粉及麵  ;  餸都有三十幾款揀，又真係好多。除咗湯粉麵仲有炸醬飯、拌麵、特色小食及飲品。麻酸樂金湯紅薯粉  $64依碗湯底濃郁，味道酸酸地，亦飲到麻椒味，少少酸少少辣，好開胃，湯底有大量芽菜同肉碎。呢碗餸選咗蒜香雞扒、香茅豬扒、墨魚咀，煎得香脆嘅雞扒，加入蒜蓉更惹味，豬扒陣陣香茅味，肉質鮮嫩，墨魚咀食落脆脆，配合爽滑嘅紅薯粉，吸收左湯汁更好味。鮮魚湯米線   $62同樣都係揀左3款餸有香茅豬扒、雲吞、蘿蔔，湯底係鮮魚熬製而成，魚味清香鮮甜，米線爽滑，湯入面都係有好多芽菜，非常爽口，配搭煎得好香嘅豬扒，肉質軟嫩，大大粒雲吞，滿滿餡料嘅豬肉，食落鮮味，蘿蔔爽口冇渣，吸滿魚湯夠清甜。家鄉手撕雞    $41食手撕雞真係好方便，淨肉無骨。雞肉爽嫩，不乾身，沾滿辣油，食落唔會太辣，好惹味，配備芝

約個朋友出黎傾下偈，到左佢屋企附近的雲川百味，之前食過覺得佢湯底唔錯。是日下午四點黎到，終於唔使等位，呢度幾乎由朝到晚都一位難求😂⭐韮菜水餃墨魚餅酸辣湯米線朋友點了酸辣湯米線，要微辣，試左一啖佢碗湯底，微辣真係一啲都唔辣，酸酸地幾好味。水餃大大隻好飽滿，墨魚餅彈牙，整體不俗。⭐豬大腸蘿蔔麻酸樂金湯米線自己就要左金湯，呢款湯底帶麻同酸，叫左小辣剛剛好，湯底很鮮味😋餸方面叫左大腸蘿蔔，朋友戲稱做車仔麵😆大腸入味蘿蔔淋甜，實屬高質。⭐椒鹽雞軟骨仲加左份小食炸雞軟骨，喔喔脆口感好正，雖然望落係深色啲，但無炸過火㗎。⭐凍檸茶 & 凍檸賓檸茶走甜啱口味，朋友話好耐無飲過利賓納就叫左杯凍檸賓，沖得夠濃有誠意。坐到五點左右又開始爆場了，讓返張枱出黎先😆

朋友介紹話好食，近幾個月都食左三四次，質素保持住，試左佢麻辣湯底米線，麵質適中，最吸引係湯底屬偏濃，亦自己較為喜歡，推薦餸款：豬軟骨入味，豬頸肉，蒜香雞扒，墨魚餅仲有小朋友好中意食既炸饅頭加媡奶晚上繁忙時間可能等位，8:00後無咁多人，不過有次岩岩放低筷子拎野，枱上面小食都未食完，秒速過黎話收走？👽真係有啲趕客，重點果時有空枱並不是繁忙時間，並留意其他食客同樣對待。除咗小問題外，食物方面係值得推介黎食！

完全無見過一間咁離譜嘅餐廳我碗麵未食完，杯嘢又未飲完，繁忙時間，慢慢見到人多，就二話不說將我嘅食物轉成外賣人多可以叫我調去第二度坐，唔係咁樣趕客走囉同其他職員投訴，只係一直講唔好意思，都係唔會比返個位我 我明明見到有好多單人位冇人坐以後都唔會再幫襯呢間餐廳

#洪水橋 #雲川百味又去咗洪水橋食米線好掛住佢啲炸饅頭3隻都係$20 抵食😋叫咗個麻酸樂金湯米線包一個餸$44另外再叫多兩個餸分別係花枝丸、墨魚餅同豬軟骨，每款餸加$10個湯底好正😋😋😋啲餸好多好足料👍🏽👍🏽🤤花枝丸💕豬軟骨💕墨魚餅💕屋企人就叫咗個麻辣湯底，都係要咗三款餸，包括係墨魚咀牛柏葉同香辣腩肉，份量好足，煮得好好食😋飲品要咗凍咖啡同埋凍朱古力。呢間餐廳食物質素真係有返咁上下，所以成日特登過嚟食😋