雲味園 (已結業)

上次25/9/2011來吃過下午茶,覺得食物幾好, 所以今日又同幾個朋友來, 可惜加左價, 短短一個月, 下午茶餐由HK$18漲價至HK$21, 但都比左右兩間餐廳便宜HK$2三人行點了一份豬扒飽HK$21, 一份奶醬豬HK$17及一碗清湯雲吞米線(不連飲品)HK$28豬扒飽一樣保持水準, 豬扒入口有香茅的味道, 飽身鬆脆, 夾有菜絲及番茄奶醬豬一開二, 烘過後塗上厚厚的花生醬, 只嫌牛奶下得少, 沒有牛奶的甜味清湯雲吞米線內有腐竹及6隻雲吞, 可惜雲吞沒有半點蝦肉, 全都是豬肉, 入口不及有蝦肉爽口, 至於米線煮得剛好, 不太淋, 與"譚仔"比較, 不論價錢及質素, 確實比了下去

前身係星泰真味, 而家改為雲味園, 餐廳裝修沒有作出任何改動, 跟以前一樣, 但食物則沒有喇沙供應而轉為雲南米線下午茶價錢由HK$19 至 HK$24 不等, 更好的是, 現在係星期六, 日及假期由以往要加一到現在亦取消了三人行, 叫了兩份豬扒豬仔飽 + 一份雞扒豬仔飽豬仔飽先一開為二, 底層係豬仔飽, 再放上豬扒, 而千島醬就夾雜在蕃茄片同生菜絲中間, 另一半豬仔飽則烘後再塗上一點點牛油, 然後蓋回頂部入口微暖, 飽身又烘得鬆脆, 咬一啖, 飽碎即時灑滿枱上, 而豬扒則用上了香茅奄製, 與一般不同, 至於配料蕃茄片同生菜絲入口亦覺新鮮友人的雞扒只有半塊, 而且烘得有點過火, 稍為乾了一些餐飲要了一杯熱檸茶 , 一杯熱杏霜及一杯熱咖啡, 咖啡跟檸茶沒有多大異樣, 至於熱杏霜, 師傅沒有先把粉末攪拌, 送上枱時還一粒粒未完全溶化