雲吞成麵食 (已結業)

收工落車時，見到雲吞成，於是與同事碰碰運氣，幸好半死兩三點仍未收鋪。十蚊雲吞麵正合心意。試過牛腩同雲吞麵，牛腩比較乾身，似煲湯瘦肉，雲吞就很足料，大大粒，但可惜只得三粒。湯底冇乜味，如果叫雲吞河，你會感覺到是清水河粉加雲吞，所以如果叫雲吞或水餃類時，一定要加腩汁，否則真係淡得可憐。呢度野飲一o的都唔平，七蚊杯，如果減到5蚊杯可能會更好。至於衞生問題，的確幾污糟，o的枱同椅都滋lup lup。不過十蚊雞...不要要求咁多了。

同朋友去呢度食$10麵,一入去就見到個女人力住碗麵比人食,不過手指都叉埋入去,算吧啦, 入左去又冇理由走既,叫左個魚旦米, $10竟然可以咁多料, 份量咁多,有4 粒魚旦仲有3塊魚片, 米粉有食唔完既感覺,魚旦好彈牙, 所以真係唔錯, 食既時候已經忘記左衛生,我諗如果佢乾淨d 會好好多!

呢間野其實真係好污糟好似上個食評都講過平時都係貪方便同平$10碗所以先會黎食檯檯櫈櫈都幾污糟仲有佢d食物有點兒亂放既感覺但佢又真係幾出名同埋我覺得個炸醬河真係幾好味唯有...眼不見為淨嚕><

話說上星期四(12月23日)我同同事去食野,諗住搵間平平地拿拿聲食完就去行街,點知上到樓上,竟然見到幾個阿嬸o係廚房研究塞渠問題,仲唔知點搞條渠....!!後尾送左兩碗醬爆豬肉丸麵同河粉黎,同事食食下竟然o係其中一粒丸入面發現一條藍色膠條,狀似原子筆蓋下半截!!叫店員行埋黎,佢瞄左瞄,竟然若無其事咁話換一粒比佢,我地即刻大叫:"一粒????!"本來我以為佢會話換一碗,就算佢話換一碗我地都唔會要,仲要佢free我地(其實我地仲有叫豆漿,但基本上冇乜食過野就已經發現條膠!)後來佢見我地咁大反應先話換一碗,但我o個碗都係豬肉丸黎架喎!?!佢就話又唔係同一碗,唔換,後來我地同佢嘈話咪又係同一來源,佢先話換,但問題係我地一開始已經唔係想換,而係想走!但佢係咁問我地要換咩,之後仲行開埋,本來我想就咁走,但同事又話同佢講左先,但叫極佢都唔返番黎,又唔望過黎,淨係一路行一路嗌換咩?對面對男女細聲話:"你估佢地會點做?"最後我拎住張單走入佢廚房掟番比佢話我地唔會換,都唔會比錢就走左.後來同事話o個陣成層望住我地,後面幾台d人仲要換麵添呀!之前黎過兩次其實都覺得好污糟核突架啦,但係貪平就側側膊由得佢,但今