雲南風味過橋小鍋米綫 (已結業)

要品嘗正宗的過橋米線，不得不來這間雲南風味。這家食店可能有幾十年了. 這浬的過橋米線真的吃極也不厭。今次叫了碗黄鱔炸醬豬皮米線. 雖然湯底有一層油，但吃時又不覺得其油膩, 味道也不太辣. 雖然吃不出有黄鱔味,但它的米線食落好煙韌，爽口彈牙，帶點咬口，不如別家米線般一咬就斷。其湯底亦很清甜，而且配料也充足.汽鍋雞, 上面舖滿了雞,而底部充滿了入晒雞汁味的雲耳,雲耳份量也彼多、雞肉好滋嫩、湯汁鮮美、原汁原味. 非常惹味!即叫即炸豬扒,上枱時還熱辣辣. 香脆可口.雞翼炸到好似麵包皮厚,脆卜卜,但有點太油了.可以一試

到這店外附氣鍋雞 - 人氣必吃，味道獨特，非常多料，過以往是雞7雲耳3，現在是五五了，雞係貴咗好多，過只係少咗雞，仍然入味和滑炸豬扒 - 有醃過，少少咸，炸得太乾，有少少Juicy炸雞翼 - 已是炸全翼，只是中翼，漿粉過厚，超油...過雞翼會過乾身...點都好...下次吾會點...太油豬膶魚蛋栢葉米線 - 是一般魚蛋，是有少少魚腥，太彈牙。栢葉彈牙過少少韌。黃砂豬膶夠滑。米線沒有雪味...一般做法是先煮熟，然後放入雪櫃，有order再拎出黎煮，處理得吾好會有雪味到這店一般是老食客，並是年紀老，而是經常光顧，侍應是問"老"食客是否"照嚿"，食客食法也差多一置，飲完2-3啖湯，才吃米線我重未在這店吃過橋米線，過3-4成客必食吾太記得幾錢，好似140元3人

其實,我自小已經同屋企人黎食呢間啲米線即使係搬左屋都特登撘車去食可算係食佢嘅米線長大而且以前媽咪一直都好欣賞佢啲湯無咩味精!!但係近年來,次次食親,都覺得愈食愈差!!!之後屋企人都無再話黎食啦..首先,佢啲價錢愈來愈貴.!!但係材料又愈來愈少!!!年年都加1,2蚊..搞到而家食個午餐都好貴!!汽鍋雞..而家得嗰幾隻雞,,雲(已)就多到食唔哂!!!本來最欣賞嘅炸醬: 就愈俾愈少!!!!啲米線今次可能因為多人得滯 令米線嘅軟硬程度唔係咁啱我心水...之次個老闆好好人,,次次都同我傾計....有時仲加料...而家轉左人之後,,咩都唔同哂.!!!!!食野嗰陣佢地講野就好大聲...對食客有所影響!!一坐低就問你食咩....唔夠時間諗....而且加茶嗰陣速度有待改善仲要禮貌欠佳!!!搞到食野好受氣咁..總之,,唔推介!!!我唔會再去!!!

這天和朋友到了這間米線試試早前聽人講依度d米線係唔錯的所以就吸引左超中意食米線既我！一入去，成間茶樓咁仲真係有茶壺比你唔order飲品的話飲佢d茶都ok了！我地叫左個腩肉米線我frd就叫左個腩肉加魚蛋一上枱，嘩！d腩肉勁大塊又係d薄薄地個種！唔係隔離舖個種厚切細塊型！一食落去，你可能會話我誇張，但d腩肉真係入口就溶！個米線，因為我地唔識order無叫辣，但就算清湯都已經非常濃味！值得一去！

今天來這吃晚餐,想起很久沒吃的汽鍋雞,就叫了一窩,再加個2餸米線和芥蘭油菜,足夠2位享用!先說一下汽鍋雞,通常都第一時間來,因為都預先做定一定數量,雞件份量不少,相信有半隻左右,雞都是新鮮的,加了些少胡椒調味,肉質都算嫩滑,略嫌有些碎骨,味道很濃近咸,雲耳煮得好淋,仲入晒雞味,好吃,最後當然是吃光光啦!而2餸米線這次就揀了豬潤和腩肉,我覺得豬潤是必備的,因為滾在湯裡會令湯底味道提升,腩肉是因為阿娘想試,結果沒有失望,腩肉很爽,下次可以再叫!芥蘭13蚊以這個份量雖然貴了點,但味道是不錯的,值得每次都來一吃!

小弟不臭米飯之人,麵食由小已成了主食.而食麵我先著重湯頭,像廣東雲吞麵的蝦子大地魚...湯要清而味濃,配上2滴豬油更香氣無比...牛腩麵有"九記"...拉麵都係去日本食正宗d,而此店的豬肉湯底,真的是云云眾米線店中最夠肉味,唔係一般味精亂溝的味道. 酸辣,痳辣通通嚐過,現在只會為清湯而去,喝一口湯,了結整碗麵,滿足了!

要食就趁早, 當日中午12時到達都無客, 但一到12時半左右食客就陸續有來, 多到好似賓墟咁通白的四周加埋強勁嘅冷氣, 為什麼我碗熱騰騰米線還未到?黃鱔小窩米線$26...整體味道不太辣, 但一定不會吃到黃鱔味, 說是黃鱔米線不如改為豬皮米線還貼切, 因為豬皮量比黃鱔量多得很, 幸好豬皮煮得夠腍夠入味, 米線滑滑及好香米味, 既然是賣米線的店舖, 那麽米線是一定會好味, 對嗎?腩肉豬潤酸辣米線$28...豬潤唔掂, 柴皮般乾, 腩肉就較像樣, 肥瘦相間, 油鹽水鹹豬肉咁醃已好入味, 酸菜味道過重, 不過撈埋食都過得去。過橋米線幾多人叫, 冬天必叫汽窩雞。

我又黎喇~首先我並唔係住附近或者係附近番工既, 好多時都係特登搭車黎食, 可見呢度既米線係幾咁好味大大話話食過幾十間唔同既米線, 好味既係有, 多數都係因為盲腳, 方便而去但係講到神奇, 頂級, 超卓, 經常有再食諗頭既就只此一家, 難怪開業幾十年, 日日都係咁多人幫襯如常點左雞肉腩肉米線, 十幾年黎每次都係食佢原因有二第一食量唔算大, 叫兩餸份量剛剛好可以食清碗米線連湯飲埋, 100%享受哂, 唔會有個種好飽夾硬食既難受感覺第二呢度個湯底先係精華所在, 每次都飲哂, 所以唔想叫炸醬之類影響左個湯講真呢度D雞肉腩肉等只係普通貨色, 但係同腐竹韭菜米線混和埋一齊, 再投向正湯底既懷抱之後, 好似起左化學作用咁, 太好味喇~生命中不能承受的米線~ ~正是生命中再不能承受第二D米線~

這間食物本身是不錯的,但有時很怕等位,就算有位都只會坐下15-20min,店內沒有電視,不能享受,加上只有10張台,還要必須"答台",所以都很難有機會來,今次就來快快吃完這一餐其實這裡的選擇好少,米線,炸物,汽鍋雞,菜,餸菜也只有魚旦,腩肉,雞肉,豬潤,火腿,炸醬,酸辣和黃蟮,有一半我都不吃,選擇真的十分少,我想也是因為保持食物質素吧!今次就叫了豬潤雞肉米線和火腿魚蛋米線加一碟豉油芥蘭,本來是想叫過橋米線比較經濟,但它的湯帶了一點微辣,所以我不太喜歡,她們上菜很快,基本上3min內必有野食(除非漏單),他們湯底很濃味還偏咸,所以不建議飲太多湯,不過如果米線叫了豬潤的話會更好喝,很像喝豬潤水一樣,米線口感很好,真係食咁耐keep咁耐,火腿k,魚旦:很彈牙不過冇乜魚味,豬潤:今次有點老,雞肉:是雞胸肉,有點散,芥蘭:新鮮好吃!以前吃過汽鍋雞,這裡的汽鍋雞都是一早準備好的,只等客人要就上,所以感覺上雞件都有點老,加上很多碎骨,吃得比較辛苦,雲耳吸收了雞油,是很好吃不過吃到一半就覺得好咸,要放在自己的米線碗裡"清洗"一番,基本上要3個人才能吃完,感覺上雲耳才是主菜呢!

我本身好喜愛吃黃鱔, 尤其是黃鱔焗飯, 但現在已比較少見了. 有一次在看其他食家的食評時發覺有黃鱔米線. 我當然不會錯過及放過啦. 大約七時十五分到達, 門外有四至五人. 我還以為是等位入座原來是外賣的. 但店內差不多爆滿幸好我們不需要等位, 枱上有茶壺和茶杯, 不計茶芥的.由於我們很喜歡吃雞而自己又未曾吃過汽鍋雞所以是必食之一, 汽鍋雞最快上枱, 整煲雞面頭都是佈滿著大大少少的雞件, 下層是雲耳, 雲耳吸了雞的精華非常好味, 而雞亦十分多, 胡椒味頗重, 我十分喜歡, 熱辣辣的汽鍋雞真是吃得滿頭大汗. 但不知是否黃油雞呢?其實雞肉十分之嫩滑, 又不算肥, 但下層的雞油和雞汁是黃色的. 到最底的雲耳都沒有吃了, 因真是油浸雲耳~黃鱔份量很少, 十分幼身. 而且比較硬鱔的味道亦不重. 豬皮十分十分之鹹, 一樣切得長條形幼身的. 其實為何要弄得這麼鹹呢??配料有韮菜, 美味~米線方面份量都頗多, 麵質爽爽的.湯底十分出色辣度適中. 原來我忘了加炸醬, 因很多食家都說加了炸醬會更出色一件豬扒切成三塊, 麵包糠炸粉令到豬扒炸茶餐廳的豬扒一樣, 我覺得口感麻麻, 但勝在頗厚身, 但肉質不夠鬆軟.

之前看過另一位牙醫的診所在這邊附近, 前後到過這邊吃了兩次用料特別, 而且蠻便宜的, 配搭任客人自己配他們這邊有茶樓的茶壺, 不叫飲料的話其實喝他們的茶也夠了 豬潤豬排米線我是叫店員走韭菜, 但就連蔥也沒有給我米線軟硬度不錯, 份量超多, 一個女生很難會吃得完豬潤有很重的薑味, 不會過老, 味道其實蠻像維記的豬潤蠻好吃的豬排蠻厚身的, 很容易咬開來, 醃料不會說太重, 也處理得不油黃鱔炸醬米線外面很少有黃鱔這個配料, 他們的黃鱔是加了豬皮, 弄得爽口也很入味黃鱔也是很爽口, 鱔的鮮味蠻突出的. 一整個調味本身帶麻且辣, 好吃炸醬不像外頭帶甜的那種, 我覺得有點太鹹, 而且也有麻辣的味道這邊的價格也算便宜, 大大碗的20幾塊就有了也是一個不錯的米線店

今日lunch約埋3個同事一齊去食米線. 本來食米線單拖去都ok, 但又想食佢個汽窩雞. 上次3個人去食有d勉強, 所以今次加強陣容.汽窩雞應該係招牌菜, 有普通($68)同田七($99). 本來想嗌田七, 但其中一人話大熱天時咁補驚頂唔順, 所以嗌o左個普通就算.汽窩雞d雞有雞味又唔會鞋, 窩內除o左雞, 仲有木耳, 絕佳o既配搭.米線我就次次都係食黃鱔加腩肉多蔥. 黃鱔唔係咁多地方有得食, 再加兩匙秘製辣椒油, 無得頂!!!4個人一窩雞一碟油菜再加人頭米線位位$45, 深水講算有d貴, 但就食得非常滿足!!

去完西九龍踩冰，想搵野醫醫肚就黎左食米線。晚上九點左右，店入面都幾多人，不過好彩唔駛等位。服務質素就實在麻麻，不過我本身無期望，所以都無失望。我叫左個黃鱔炸醬豬潤米線($34)先講黃鱔，份量少，質素又平平無奇。豬潤，只可以叫不過不失。炸醬係咸咸地果隻正宗炸醬，不過我個人鍾意譚仔甜甜地果隻。總括而言，呢間野d份量少，呢個價錢我絕對搵到好食過佢又大份過佢，如果經過，一試無妨，若果係特登走入黎食就真係免啦。

開業n年，無論出品與服務，十年如一。阿姐永遠都會同大家sales氣鍋雞，那怕你只是一個人。味道呢？是不錯的。但是配搭方面要有所研究，才能拼出好食的米線，否則食唔到好野之餘，又會俾個差評依家店。個人推介：黃鱔炸醬豬潤。黃鱔與炸醬是膽來的，想食好野就一定要叫，最後一樣就個人喜好。不過，先聲明一點，黃鱔、炸醬兩者皆辣，辣辣組合定必有心理準備，不吃太辣的只能必選炸醬。雖然味道不俗，但是不滿意的就是黃鱔份量越黎越少，叫黃膳這個澆頭（即是小菜）以前是黃鱔與豬皮五五比例，但依家就變為七三，七當然是豬皮啦。無奈又無奈~~~另外，想懷舊一點，可再叫一隻炸雞翼或豬扒，完全是食脆漿的感覺，但又十分地道的街邊小吃！挺入味的，可以試試。去這些店不要想會有很好的服務態度，不至於受氣，以去食好野的心態去，心裡會舒服一點！最後環境太窄，人又多，所以單挑或兩個人去食會好些。

食物無特別, 呀姐好惡死:入到去好似要佢施捨咁...要比錢 仲要受佢氣....食完無耐 就即时要你走...通知呀姐斟茶 仲要比說話你聽....huffy:黃鱔米線 只見豬皮....碗米線又唔見得好大碗....對面個間好好多..... 各位臨去前真的要稔稔...