雪山冰廳

營業中

休息中

今日番工忙到癲，冇時間出街食lunch，唯有叫外賣啦。揀左雪山冰廳嘅檳城特餐（$52外賣＋$1）。外賣聽電話的店員好有禮貌。👍不過由於成一點先order，要等半個鐘先送到。個檳城特餐有丹麥多士、櫻花蝦炒蛋同叻沙摻摻。因為外賣原故，個丹麥多士送到黎已經凍左，冇去堂食時咁好味了。炒蛋上有唔少櫻花蝦，幾香喎，仲要係滑蛋添。碗叻沙摻摻，湯同麵分開上，啲麵唔會浸到淋晒，加分，同埋個湯竟然都仲暖喎。摻摻即係米粉加油麵，呢個配搭好正，啲米粉吸晒啲叻沙湯味，碗麵仲有蝦同魚片，以呢個價錢食到碗東南亞口味嘅粉麵，正啦。😋😋👍呢個餐仲包埋杯飲品，揀左奶茶，唔。。呢個價錢加上外賣，對杯奶茶冇要求啦😅😅

星期六日係屋企閉關左咁耐，今日番工又係時候搵新餐廳試下，今次對我來講係新餐廳，但係其實已經有64年歷史，我都係見佢始創1956 年先入嚟試吓。好耐冇嚟過冰室食嘢，一入到黎忍唔住即刻點左幾樣經典嘢食。點左：雪山常餐1 $46，即雪山沙茶牛肉公仔麵，頂級雲腿午餐肉炒蛋，同香酥丹麥多士，經典芝蛋牛肉漢堡包 $32 同避風塘生炸肶 $28。茶餐個滑蛋好正，滑得來唔會散修修，同埋特別在於佢唔係用普通白麵包嚟整多士，係用丹麥包，焗得脆口加埋一搽落去就溶為一體既牛油，正呀。芝士蛋牛肉漢堡包亦都好有水準，牛肉漢堡似係佢係自己打嘅，會漏蛋漿既煎蛋同埋醬汁令成個包外脆內juicy🤤🤤炸肶果然係生炸，一上碟係熱騰騰既，用刀一切係卡擦聲，清脆既外皮加埋避風塘辣粉，食落更加刺激。食完d tea 之後諗著叫番d 主食，見到有我鍾意既叻沙就揀左檳城叻沙海南雞米線$46,雞係鋪平面，非常吸引。之後見到有個餐牌出左個冬日暖笠笠系列，就揀左蝦乾馬拉盞生啫芥蘭煲 $78同香噴噴臘味煲仔飯 $68一人份量/$98二人份量。本身以為一人份量係講緊一碗飯，點知嚟到嘅時候係勁大個囉鍋😂，本身食咗咁多嘢嘅我哋都真係唔係幾食得晒，另

朋友新居入伙，大家玩到攰就落街食下野就去左呢間雪山冰室。呢間感覺好似茶餐廳但又比傳統嘅茶餐廳多式多款，好多特別嘅菜式，所以我哋都每樣揀咗D大家分享下。我見到呢間個奶茶好似幾推介就揀咗樽仔奶茶，果然名不虛傳，茶味好濃郁同奶既分量調配得啱啱好👍🏻估唔到茶餐廳有大排檔既煲仔鑊氣，我哋叫咗臘味煲仔飯同馬拉盞啫啫芥蘭煲，兩樣都好好食，非常足料👍🏻跟住我哋仲叫咗芝士煎蛋牛肉漢堡包，個蛋係流心架好有驚喜，非常推介要叫呢個，價廉物美❤️朋友就叫咗榛子醬西多士，波士頓龍蝦海鮮飯同燉湯。佢話估唔到茶餐廳都有呢啲嘢食，仲要整得唔錯👍🏻最後就嚟埋椒鹽鮮魷配金磚豆腐，真係要讚下個豆腐，外脆內軟，呢間餐廳令我比平時又食多左好多野😋

這間餐廳一直到午餐時間都不少人，所以今日專登早一點來吃，幸好還有一桌二人桌，選擇不少仲有午餐，見到不少人叫了一個漢堡來吃，我們就決定叫一個再加一個全日早餐和飯。 經典芝蛋牛肉漢堡包，入面材料好豐富，一切出來流晒蛋汁又香的蛋，漢堡幾軟熟，包面有不少芝麻仲有煎香好味，醬汁芝麻醬好特別，仲有一片濃味芝士增加味道，配合醬汁竟然不錯，怪不得不少人吃。 招牌海南雞飯仲要限定版，六十元都不貴因為好多海南雞，雞肉好嫩滑而且醬汁夠惹味帶辣，飯有乾蔥香，份量都有成碗飯都十分飽肚，還有開胃的酸蘿蔔好清新。 全日早餐來到首先見到一大片炸魚，不油身又魚味濃，仲有千島醬。法蘭克褔腸啖啖肉又份量十足，茄汁焗豆作配菜，最點是來到已嗅到濃郁的黑松露香氣炒蛋，,配上滑身的蛋混一起食最好。比較少見的香酥丹麥多士，好香又帶微熱，配牛油好味道! 最後我們飲品要了熱檸檬茶，茶底幾香濃檸檬夠酸，在門口有個雪櫃有樽仔奶茶，可以再來試試。

與另一半到朋友家中拜年後，無意中見到雪山冰廳，印象中曾幫襯深水埗店，覺得食物味道不錯，原來長沙灣也有分店，便決定入内晚膳！餐廳裝潢與深水埗店大同小異，但環境好像比深水埗店寬敞，兩店一樣於餐廳入口放置雪櫃，售賣樽仔奶茶及咖啡！招牌海南雞（半隻）之前於總店食過海南雞飯覺得不錯，所以今次直接點了半隻海南雞，果然不負所望！除了皮爽肉嫩外，大部分雞件已去骨，所以食落啖啖肉，再配上酸酸甜甜的青瓜及蘿蔔等醃菜，好味道！有3個店員分別見我沒有白飯跟配，均主動詢問要否給我白飯，我便分別解釋了3次因肚子容量有限，所以不要了，可見店員的細心及殷勤！樽仔咖啡於總店試過樽仔奶茶，所以今次就試飲樽仔咖啡，咖啡與奶茶均是原支放入雪櫃保冷，所以味道保持香滑濃郁，不像一般茶餐廳加冰以致味道變淡！經典芝蛋牛肉漢堡包漢堡包新鮮熱辣、香氣四溢，餡料有牛肉漢堡、半熟荷包蛋及芝士，將漢堡包切開一半後，蛋黃及半溶芝士混在一起，真的邪惡至極，好可惜我只吃了一口，就被另一半極速清光！蝦乾馬拉盞生啫白菜煲由於沒有芥蘭，店員推介後換成白菜！我倆還是首次嘗試白菜以生啫方法烹製，原來這製法也幾配合，很是惹味，但略嫌煮得過久，口感較腍，不夠爽脆

明明都唔肚餓，但都食曬😂真心係好食既👍🏻朋友食過佢個晚餐，話好食同抵玩，老實講，晚餐就冇咩機會去試，不如就今日去食個下午茶啦😏話明唔太餓，當然係要選揀個輕盈餐啦，而我地今次叫咗2個茶餐，分別係經典芝蛋漢堡哇，真係出人意表，麵包唔似平時既麵包，扒又唔似平時既扒😂麵包同件扒都好鬆軟，一啲實的的既感覺都冇，咬落好焾，唔會2啖就飽上心口果隻。中間流心蛋好正，一切已經爆咗啲蛋黃上黎，連蛋白都有少少流心既狀態，師傅好功夫👍🏻出面既漢堡多數都係用沙律醬，而佢比較特別，用麻醬，又幾夾喎，個醬係比出面稀，所以冇搶咗芝士同肉味，又食到有醬既味。榛子醬西多士又要讚一讚個麵包，即使切果時壓扁咗，入口果時都係鬆軟唔似方包質地🤔榛子醬同糖醬都唔係好甜果款😋，食曬都唔漏👍🏻樽仔奶茶🥤熱奶茶☕️一次過試埋凍熱奶茶🤣味道比較似台式奶茶，茶味同奶味都比較淡，飲開港式奶茶既朋友可能未必啱口味。個人比較啱淡口味奶茶😛所以我幾鐘意，好滑又一啲都唔澀👍🏻好滿意今日既下午茶👍🏻

今日同媽咪係長沙灣整完啲嘢之後，唔想媽咪辛苦就決定今晚食飽飽先返屋企！係長沙灣周圍睇吓有咩食，就發現呢間雪山冰廳，雪山冰廳既總店係深水埗，而且係好有歷史～呢幅畫都幾潮枱與枱之間都好闊落我地就揀咗呢個▶️滋潤燉湯二人套餐正呀正呀🤤每人有一盅燉湯當中有d藥材、豬骨和雞腳，啱晒冬天飲又滋潤▶️鹹蛋黃一字骨小菜方面招牌小菜鹹蛋黃一字骨近年係勁興鹹蛋黃既菜式，一字骨佈滿晒鹹蛋黃溶，熱辣辣，食落唔膩▶️招牌海南雞（半隻）好鐘意食海南雞，去左骨又啖啖肉🤤肉質嫩滑🤟🏽配菜有啲酸紅蘿蔔🥕和白蘿蔔，好醒胃，呢啲酸酸味味嘢食岩曬媽咪

年廿九收爐跟朋友在長沙灣亂逛，走到有點餓看到這家雪山冰廳 ，聽朋友說在深水埗那家也很有名氣，便入去試試他們的招牌菜式。經典芝蛋牛肉漢堡包 經典的漢堡包配上鮮嫩牛肉，而最出色的是爆漿雞蛋，足料又juicy！大推介！避風塘生炸肶 比面大的炸肶和朋友禁不住要一人一隻！即叫即炸的關係，一上場便香噴噴。避風塘料香味全吸，皮薄肉嫩令人完整吃完一隻才得以滿足！蕃茄濃湯牛肉炒滑蛋通粉 酸甜番茄湯底，牛肉腍滑，炒蛋超嫩滑，開胃之選。榛子醬西多士 平時的西多比較油膩，但這個配搭榛子醬餡卻恰到好處。港式茶走紅豆冰本來想試招牌樽仔奶茶，可惜收爐剛賣清，朋友試了港式茶走紅豆冰，茶底香滑，不錯！華田曲奇妙趣 濃郁的凍華田入口香滑，加上邪惡忌廉令人在吃飽後喝點甜的得以大滿足。

🎈 #cathlife_yum大年初一帶大家食好食雪山冰廳名氣一直都不錯🧐終於有機會一嚐其出品🍴發現茶餐真係抵食$48 就食飽飽∣∡芝士蛋牛肉漢堡配肉醬意粉🍝$48大大個漢堡包🍔好足料！流心蛋配芝士已經好好味仲要有埋好厚肉嘅牛肉，牛味濃郁，真係好正！食完個漢堡就試下個肉醬意粉意粉口感岩岩好，鐘意食公仔麵硬麵嘅人，尼隻硬度嘅意粉很好👍🏼不過肉醬味可以再濃啲，肉醬份量足夠撈曬啲意粉🍝成個常餐份量好夠，食到飽飽😋發覺下午茶都好抵，下次要試埋👩🏽‍🍳💨回頭指數💞4/5

難得放假可以聚聚就黎食下野..入到黎都幾full下,咁我相信le間餐廳一定唔錯.雖然侍應門好忙,但佢地都保持笑容.令客人可以無壓力情況之下享用美食皇牌推介經典芝士煎蛋牛肉漢堡包配肉醬義粉 +什果賓治 $48+9全日早餐( 炸魚+ 法蘭克福腸+ 黑松露炒蛋+ 茄汁焗豆+ 香酥丹麥多士)+樽仔奶茶 $50+9足餡榛子流心西多$28全部都食到我地攬住個肚走,全部都好足料同好有份量.非一般好食餐廳.除左長沙灣之外,還有一間分店係深水涉.下次要去試埋另一間分店先

古老名牌冰廳終於開分店了午餐時間來到，人頭湧湧阿，果然很多捧場客喔！細細個已經食開既常餐依然好吸引小食選擇很多，適合下午茶邪惡下～香港人最愛的樽仔奶茶和招牌熱奶茶朋友説樽仔奶茶好像更好喝喔，奶同茶比例剛剛好，甜度也適中最重要擺耐左不會溝淡左d味，讚👍酸菜蒸排骨 $50 見到好多食客都揀左呢個，一於跟風排骨肥瘦適中，啖啖肉，加了酸菜蒸，更開胃，輕易送到成碗白飯很有家的味道招牌海南雞飯 $60油飯份量很多阿，而且完全不乾，是比較濕潤的飯，較易入口雞的份量亦不少，完全是性價比高的午餐雞肉頗嫩滑，連皮食最正，夠滑旁邊的酸蘿蔔很開胃海南雞醬汁都十分出色，夠辣，老抽都夠味咁多年都keep到水準芝士煎蛋牛肉漢堡包 $32用上傳統的芝麻麵包，入口很香芝麻味，麵包烘得香脆簡單是流心的，牛肉都係新鮮即煎，內裏還有小小粉紅色，火候控制一流海苔炸薯條 $22薯條厚身，很有國富感加上海苔粉和調味粉，單吃不用蘸茄汁已經夠滿足

今日相約朋友到長沙灣行街，見到這間新式冰廳，裝修都幾光猛，一邊係以卡位為主，另一邊以大枱為主。壁畫都好靚，餐牌有不少特式食物，有焗飯，西多士，漢堡包，冰室特式飲品，包羅萬有😍，我地特別點左餐廳嘅特式野。經典芝蛋牛肉漢堡，店家將包烤得脆脆，個煎蛋係荷包蛋😍牛肉漢堡扒食落有肉汁👍🏻👍🏻醬汁同芝士好夾，總體味道都好夾。😋榛子醬西多士，西多士係即炸，食落好似綿花糖咁，軟綿綿嘅好好味🥰入面係甜甜嘅榛子醬。避風塘生炸脾，避風塘辣辣嘅蒜香，雞脾炸到脆脆🐥瑪蘇里拉鮮菌海球焗飯，其實係白汁海鮮焗飯☺️海球係蝦球🦐🦐好爽口，焗飯係即焗，炒飯底配上鮮菌同蝦球，味道好好🤤紅豆冰，紅豆冰係大大粒紅豆，唔係好似出面咁，得幾粒，好足料😆仲唔會太甜😌樽仔奶茶，飲落好香好滑😋冰冰凍凍好正😍

出發行山前先來一個早午餐吧。住在附近的山友推薦吃這個雪山芝士牛肉漢堡包，早餐時段還未過用優惠價錢就吃到很正。牛肉明顯真材實料，口感有牛肉味之餘而且相比連鎖快餐店紮實很多。加上半溶的芝士，三層材料，三重口感。一場來到當然要試樽仔奶茶，茶味濃又滑， 齒頰留香。值得一讚這個熱杏霜，有別於一般茶餐廳，這裡的很香很滑。樽仔咖啡很滑但偏甜，有點像輕量版的越南咖啡。避風塘生炸肶外層皮很脆，肉汁仍然得以保留， 鋪上炸蒜碎更加惹味。始祖椒鹽豬扒飯炒底，豬扒不算乾身外脆內嫩。與避風塘生炸肶很不同，傾向辣濃的味道。雪山沙爹牛肉公仔麵保持爽口。沙爹醬加入花生醬很香口，與鮮嫩的牛肉很夾。假日座無虛席，想吃好東西要給一點耐性但確實值得。難怪多年來有這麼多的捧場客。

雪山冰廳深水埗店開業至今逾三十年上年年中先喺長沙灣青山道開新分店經典芝蛋牛肉漢堡包麵包滿佈芝麻鬆脆香軟經典配搭牛肉厚嫩多汁而且芝士半融以及煎蛋流心層次豐富迷你肉醬意粉經典芝蛋牛肉漢堡包常餐跟配迷你肉醬意粉價錢相對單點抵食而且意粉雖然聲稱迷你但係份量根本足夠小女生飽招牌海南雞飯招牌海南雞飯每日限售百份；去骨雞肉肉質嫩滑而且雞皮清爽跟配濃黑醬油甜香醇厚或者雞醬酸辣醒胃原隻鮑魚福建炒飯福建炒飯食材豐富芡汁濃稠而且炒飯飯粒分明；餐廳創新配搭原隻迷你鮑魚質感緊緻鮮嫩蕃茄濃湯牛肉炒滑蛋通粉蕃茄湯底選用大量茄肉熬製質感濃郁稠厚配搭牛肉軟腍以及炒蛋嫩滑而且通粉軟硬適中魔鬼吉列豬扒漢堡吉列豬扒手掌大細油炸酥脆而且肉質油潤軟嫩配搭生菜以及沙律醬料微辛刺激同時解膩消滯榛子醬西多士西多金黃鬆厚配搭榛子醬餡濃甜流心；多士跟配牛油以及糖漿可以按照個人喜好添加厚切炒蛋三文治蛋治聽落平凡普通但要整得好食絕對唔易；厚切方包烘底焦脆配搭半熟炒蛋香嫩軟滑而且炒蛋爆餡誠意滿分粟米雜果沙律港式雜果沙律絕對算係港人集體回憶；冰廳獨創混合胡麻醬以及沙律醬配搭罐頭雜果以及粟米香濃酸甜紅豆冰冰廳必點懷舊紅豆冰；椰奶濃香順滑配搭紅豆軟糯

上一次有同事帶小妹嚟試過雪山冰廳之後覺得唔錯, 所以今次小妹帶左另一班同事再嚟平!食!冰!室!, 雖然係平喎但勝在款式多, 味道唔錯, 而且大大份😆, 性價比非常之高! 難得星期五, 當然要對自己好d，我地一行4人決定食豪d😂粟米雜果沙律🌽🥗雜果沙律用左沙律醬同芝麻醬撈埋一齊, 味道幾特別, 而底下仲鋪左生菜🥬, 口感爽脆!經典芝蛋牛肉漢堡配迷你肉醬意粉🍔🍝首選性價比高是常餐B，港式漢堡飽加肉醬意粉， 漢堡包夾住漢堡扒🥩, 蛋🍳, 芝士🧀同埋芝麻醬, 味道唔錯, 咬落去好juicy, 不過記住食果時小心D蛋汁噴出嚟🤭肉醬意粉🍝一d都唔迷你🙈, 茄汁味濃郁, 肉醬味道唔錯, 做得幾好!😋厚切炒蛋三文治除左麵包🍞厚切, 連炒蛋都係厚厚的☺️, 口感幾滑而且仲有蛋汁流哂出嚟, 幾好味!魔鬼吉列豬扒漢堡😈🐖🍔吉列豬扒炸得好脆, 加埋個芥末汁, 滋味又開胃!招牌海南雞飯🐔🍚雞飯足料, 雞肉夠滑無血水，黑醬汁令到海南雞味道提昇到另一個層次, 加上油飯吸左海南雞醬嘅味道令食慾大增!原隻鮑魚福建炒飯🍛鮑魚……汁福建炒飯食得多, 原隻鮑魚都第一次見, 炒飯材料好豐富, 醬汁嘅調味岩岩好, 物超所值!蕃茄濃