雞蛋仔專門店 (已結業)

I tried the "special" flavour 雞蛋仔hahaha never had cheese in 雞蛋仔, it is both sweet and salty, didnt turn out bad at all. Quite funny instead.Tasty but not 香口(雖然真係打得好痛苦,但係始終得中文可以表達到自己 lol )唔夠香不過佢又唔係傳統雞蛋仔... 好難比嘅幾得意貴

一月三十一日(星期日)後補的食評同老公仔逛到旺角,見到有新開的雞蛋仔專門店,一於試試是即叫即弄的,很熱烘烘味道不錯,蛋漿滿滿的,有點似蛋糕般感覺很實在,味道都可以呢!吃過別的登打士街食店,這店都可以一試吧!

以前的輕鬆飲眨眼間已演變了「雞蛋仔專門店 」，所以說世事莫測!上次經過其實已經有點興趣，但食過了晚飯食不下~這次有機會試試，奇怪地企左一陣，完全不知道隊在哪裡排，面向客人的就有一個人在整賣中，而直巷就有二個人在賣，問了店員說: 兩邊都可以排! OK我排....但係真係好混亂，ORDER了一個士多啤梨味，足足等了20分鐘有多....因為係即整即有既關係，所以會好熱手，吹了一會便可以拿~賣相的顏色很怪!以為味道會加點分，結果令人大大的失望!我食士多啤梨味我諗同食原味差唔幾!雞蛋仔外脆內唔軟。我想下次想試芝士味的欲望由80%變成了20%~急降.....

本人好鐘意食雞蛋仔，但通常都係食原味，好少試其它，之前經過旺角見到呢間新開既雞蛋仔專門店，已經覺得個裝橫幾好，隻雞仔麥頭好得意！不過上次食左隔離街間瘋薯，食唔落雞蛋仔！今次經過就决定試下，見到好多人係到等緊，諗住行埋去俾錢攞飛仔啦，但望黎望去都見唔到收銀機，原來全程係靠伙記人腦去記，邊個叫先就整先，我就覺得呢點唔係咁好，攪到有d混亂！講返食物方面，叫左香芋雞蛋仔$13，等左大約15分鐘，終於整好，幾脆，香芋味亦都夠，雞蛋仔入便有竽頭(但都有幾粒入便係冇，可能人多太忙既關係啦！)不過整體黎講我都覺得好好味！最後最值得讚既係靠人腦記單既果位伙記哥哥，服務態度好好，下次一定再幫襯，好想試朱古力味！

食完Doraya，意猶未盡，過來登打士街掃街，見到呢間大大個招牌寫住「雞蛋仔專門店」的店子，既然叫得自己做專門店，一定有番咁上下水準掛，好，就試一試佢。呢度的雞蛋仔總共有5款，除了原味外，仲有朱古力味、士多啤梨味等，比較特別的就要算係香芋同芝士味，特別係芝士味，佢話係全港首創喎，好，就試一試佢。我係睇住佢整嘅，每粒雞蛋仔入面都放左一小粒大小不一的芝士粒，的確無花無假，不過帶著鹹鹹芝士味的雞蛋仔，其實給我的感覺只係一般，一來呢度d雞蛋仔整得比較硬，裡面的蛋漿不夠多同香濃，二來我也喜歡甜味的雞蛋仔多d。加上芝士味係最貴的一種味，要成$18一底，都咪話唔貴。不過呢度都有嘢係值得讚嘅，包括呢度間舖頭裝修好吸引人，好搶、個logo隻雞仔都幾得意、我幫襯時招呼自己的店員哥哥服務態度良好、舖頭的設備頗為專業，例如有吹風機吹乾d剛剛整好的雞蛋仔，紙袋有窿仔可以透氣等，都係呢間舖頭嘅優點，可以加番d分呢！

之前我喺海怡半島食過，之後唔見咗一排...以為無咗@@，原來搬咗去旺角~！嗰陣次次都食芝士味，口感好特別，粒粒都有唔同驚喜！雖然係芝士，但食落又一啲都唔”濟”，食完好想再食=~=唯一唔同就係多咗好多爐，保持即叫即整，外面脆，𥚃面熱辡辡~好有水準！最緊要係有創意，有心為雞蛋仔搞搞新意思！加油加油，繼續努力！　

又話雞蛋仔專門店，又收咁貴，以為好好食...點知一mit，粒雞蛋仔就會一分為二上下2層聞落幾香，但食落係冇cheese味，而且人地果d係脆，佢係稔同有d un同埋食完，隻手指好多油是但揾個人黎整就叫專門??點解唔培訓下佢先?

學校位處油麻地，所以好多時放學都會行去旺角食下野早排見到間新開既雞蛋仔專門店，隻雞仔好得意，一直都好想試下!!尋日終於試左一底香芋雞蛋仔$13因為前面有４~５個人等緊，所以師傅要即叫即整，新鮮出爐熱辣辣雞蛋仔外脆內軟，質感唔錯，裡面仲有唔少白色既芋頭粒粒，但相信芋頭粒係用鹽水烚熟...雞蛋仔又唔夠甜...所以整體咁食係咸咸地既...有少少奇怪...另外，雞蛋仔本身有少少蛋香，但無咩香芋(精油)既味道如果唔係紫色既話，其實同原味無咩分別總括黎講有少少失望！不過想俾多次機會佢，下次試下朱古力味先，唔知係咪又有朱古力粒粒呢？！

大年初九，放工後去旺角行街，女友一心想吃傷心酸辣粉，到達後才發覺店方仍未啟市，二人白走一趟。路過昔日的輕鬆飲鋪位，今日已變成雞蛋仔專門店，除原味雞蛋仔外，更大賣多款「新」口味，包括芝士、士多啤梨、朱古力、香芋等，老實說，這概念並不新鮮，擺明「參考」位於紅磡的媽咪雞蛋仔，價錢則明顯升了呢，最平的原味也要十二蚊，至於店方首創的芝士味，盛惠一底十八蚊！新年流流豪氣一點，決定試試這個全港最貴的芝士味雞蛋仔，本想排隊，卻發現沒有一條正式的人龍，在不知有冇打尖的情況下，我們直接向店員落 order。店員接 order 後便依次序製作雞蛋仔，但他們並沒有派任何「牌仔」或「飛仔」，整個流程全以人腦運作，相信人多時定會引起極大的混亂。另外，雖然店內爐頭數目不少，每邊起碼都有四至五個，但我卻足足等了近二十分鐘，主因是人手不足，店員與爐頭的比例是 2：5，以致效率不升反跌，亦即是 Econ 課程常提及的 The Law of Diminishing Marginal Return。雞蛋仔是即叫即製的，店員在蛋漿內加入大小不一的車打芝士粒，完成後再放在風機上吹十秒便成，目的是令雞蛋仔更為脆口，做法本是正確，偏

有日行過見到有芝士味雞蛋仔;芝士怪O既我就梗係吾放過啦!但係18蚊真係有D吾捨得~好似吾多抵~但係多謝男朋友買我食 =)好啦!去買;冇收銀機O既?!N多人O係度排緊隊= ='又吾知邊個打邊個..收左錢又冇飛..根本吾知你買左D咩!!俾完錢等左成10分鐘..終於到手啦雞蛋仔!芝士味食落都幾香;但係好多油囉...少食多滋味都係少食為妙啦!!

聽人講開o左間雞蛋仔專門店又咁o岩行開個頭, 即管買黎試下hk$18一底 都算幾貴見佢係芝士味, 仲有人係檔口切緊芝士粒, 望落都重料, 即管試下 即叫即整 每粒雞蛋仔都有起碼一粒仔的芝士 芝士味香口, 因為真係用芝士粒, 味道真實 芝士粒有兩隻色, 一隻黃色一隻橙色, 橙色個隻味香o的重o的 整好的雞蛋仔檔主會用風機幫你吹下, 等佢唔駛焗係個袋入面濕晒 雖然吹過, 但係隔一間袋入面都係濕晒, 可能個日天氣太凍, 袋入面同出面的溫差太大.. 要逐粒雞蛋仔揻開食有點困難, 一係揻爛, 一係揻到一"pat"咁整體黎講, 呢個芝士味係我唯一除o左原味夠膽試的味道而且都會諗番炒都不妨一試!

芝士味 $18-沒什麼味道-芝士分佈不均 有些有有些沒有=原味-收費頗貴香芋味 $13-足料 多芋頭-頗香整體芋頭味搭夠也不置要給喊面,希望能努力改善所謂一分錢一分貨 收得$18(芝士)應有一定的水準吧!

I went by this store the other day and decided to give it a try.But after I tasted my first bit I knew I made a mistake.The 雞蛋仔 is not crispy nor rich in flavor. But rather very doughy and I would definitely not recommend it to anyone.

以為獨創芝士會有幾特別十六蚊買咗一個食咗一粒——個味淡，唔講芝士味我仲以為喺原味！入邊喺有黃黃的D嘢樣似芝士，但真喺冇味！太過失望啦！其他就唔試啦都仲喺食番尖沙咀同埋紅磡媽咪雞蛋仔好味！

其實一早都知吾會好食,但見間野新開,就試下佢有芝士味,朱古力味,士多啤梨味,香戶味,原味芝士味$18<---最貴朱古力味,士多啤梨味,香戶味$13原味$12<---比平時食開既重要貴我就叫左個香戶味,除左係紫紫地色之外,重加入左香戶粒.都幾特別下既,但雞蛋仔好食之處係外脆內軟,呢個一d都吾脆,入邊重好實~