雞煲

營業中

休息中

味道不錯，雞煲很贊，特別是乾鍋的那種，中辣就剛剛好。魷魚很新鮮，小炒皇也很好吃，每次必點。上菜整體速度也不錯。整體環境就像food court，有位置隨便坐，適合幾個朋友喝酒聊天。

在士美非路街市楼上这里蛮多挺出名的店店家很热情，很有趣啤酒鸡煲会在上桌前燃烧，还是蛮酷蛮好拍的头几口啤酒还没完全挥发，所以可以吃到酒味，还蛮不错分量还可以，俩人只吃一份煲也足够

最近去咗堅尼地城士美菲路熟食中心食咗呢間嘢，感覺幾好。雖然環境就普通啲，但一陣陣香味即刻吸引咗我。點咗佢哋嘅招牌雞煲同埋薯仔牛柳粒，真係冇令我失望。唔怪得就咁叫雞煲都有咁多人去。講下雞煲先，呢度嘅雞煲雞肉好嫩滑，啲味道入晒去，每一啖都好香。湯底用咗好多種香料熬嘅，有層次感之餘又唔會太油膩，飲一啖真係暖心暖胃。雞煲入面嘅豆卜都好正，吸滿湯汁，咬落去嗰啲濃郁味道真係幾好。薯仔牛柳粒就更加唔錯。牛柳粒煮得啱啱好，嫩滑多汁，配埋綿綿嘅薯仔，真係絕配。每一啖都係幸福嘅滋味，忍唔住一啖接一啖咁食。雖然呢間舖環境唔係話特別，但服務真係唔錯。店員好熱情，時不時嚟加湯，仲會問下我哋嘅口味需要，成個用餐過程都好舒服。總括嚟講，呢間雞煲舖真係近期嘅驚喜發現。無論係雞煲定係薯仔牛柳粒都好滿意，加埋貼心嘅服務，食得開心又舒服。推薦畀鍾意食雞煲嘅朋友，保證你食過一次就會記得呢度。下次再去士美菲路熟食中心，好過出面啲連鎖雞煲好多。

聽聞士美菲路熟食中心高手雲集，今晚同屋企人嚟雞煲食雞煲，六點幾去到好彩仲有幾張枱，唔使排隊先嚟一個大笪地小辣雞煲加豬粉腸，呢個邪惡👿兼麻甩嘅配搭，加埋支啤酒，gur 晒啱啱上枱嘅雞最嫩滑，豬粉腸又香又嫩，唔韌，呢個要趁熱食，擺咗一輪就會老了涼拌辣魚皮，我唔係好食得辣，係就係辣啲，但好正，瞇埋眼食以為自己食緊海蜇頭，點解世上會有咁爽嘅魚皮㗎！椒鹽鮮魷要俾個like，呢個鮮魷好鮮，薄薄脆粉輕輕的包住炸得啱啱好嘅鮮魷，我一個人清咗大半碟😂食完雞煲之後就叫咗啲火鍋料打邊爐：有肥膏嘅鵝腸，牛柏葉，紅薯粉，一碟菜。生料正正常常，不過要特別提吓紅薯粉，晶瑩滑捋捋，為晚上嘅火鍋畫上完美嘅句號。

兩個人一齊打邊爐，叫左個胡椒豬肚湯，之後叫左豬潤，膳片，響鈴，豚肉，份量都ok,鱔片新鮮及爽脆，正，另外豬潤就新鮮，豚肉就麻麻哋，兩個人食份量就剛剛好，價錢方面，都唔太貴😂

雞煲本應如此。恕鄙人不多作交代咩約左朋友十年無見咁啱喺西環之廢話，總之今晚就係叫左$288全隻雞煲大辣，配一瓶獅威啤酒。服務：👍🏻👍🏻👍🏻👍🏻👍🏻- 行到入視線範圍即問幾位，指示清晰立刻就座，啤酒落單1分鐘內冰凍上檯。食物：👍🏻👍🏻👍🏻👍🏻👍🏻 - 一隻雞啖啖肉，要吮骨有骨，雞中翼兩大隻，大辣係真大辣，過癮。香料蒜姜充足，食得出醬料用心調配。一定要配啤酒解辣，飲一啖，又想再挑戰。不過建議叫其他牌子啤酒，獅威太淡！記於星期四晚上9時。

堅尼地城士美菲路街市大排檔雞煲試過不小雞煲，大部分以辣取勝。當柯打微辣時，便覺得口味太淡；相反堅尼地街市依間簡單直接叫「雞煲」既大笪地雞煲，我叫微辣也好，味道仍然不減，汁底微辣帶甜，但係唔搶雞味，重點係雞肉全部大大件，好有咬口，口感又嫩滑，全無偷工減料。覺得未夠喉仲可以用雞煲做火鍋湯底。又或者可以試一試佢哋既魚皮，燒汁鱔球煲，椒鹽魷魚鬚，海底椰燉鱷魚湯，暫時食過都冇失望！*鱔球煲同樣係重點推介之一，有鑊氣，鱔球外脆內軟，肉汁豐富，一啲都唔乾身。注意佢哋星期三休息！

睇住佢開業 已經差唔多十年 覺得係好好食 見好耐無食 今日同屋企人再去光顧叫咗個蜜椒薯仔安格斯牛肉粒以前係鐵板 燒到熱一熱 之之聲咁上 真係送到兩碗飯 結果今日 求其兜兩下 就上枱比人食離譜在於 牛肉係完全生 仲要岩岩係雪櫃拎出嚟 雪都未溶 雖然$148 可以取消到不過咁樣嘅餐飲態度 極為失望 唔會再嚟

今次同朋友一齊慶祝生日，我地就嚟左士美非路市政大樓嘅雞煲食雞煲。哩度有打邊爐同埋小菜俾大家揀，成日打邊爐，所以今次我地就揀左食小菜。雞煲走辣，由於朋友唔食得辣，所以辣椒汁我揀另上，半隻雞都幾大碟，好惹味，而且最緊要係食完覺得好口渴👍👍金銀蛋肉鬆浸時菜時菜竟然喺白菜仔，專登打一啲清啲嘅菜，可以清下個口食雞煲更加惹味！椒鹽鮮魷好食，不過濕左少少另外仲買左可樂，最後埋單三個人食左387蚊，都幾抵食！

堅尼地城士美非路街市熟食市場，未到夜晚七點，已經坐滿七成客人，大部份人都係食烤魚或者雞煲，座位都算企理。今日去咗食雞煲，叫咗大笪地雞煲，仲加咗豆腐，豆腐吸收晒雞煲嘅精華，夠晒嘢味，雞煲應該係即叫即炒，原煲上，上枱時香噴噴，熱辣辣，食完雞煲仲可以用啲汁嚟打邊爐。雞煲相當好味，好香，雞肉嫩滑。仲有洋蔥，菇類做配菜。食過返尋味。值得一試。 之後我地打邊爐加左牛肉牛丸響鈴，牛肉都好靚，肥瘦適中。食 芝心牛丸嘅時候小心啲， 邊好熱，芝士會流出來。

食雞煲嘅精髓係食響鈴卷，點知啲響鈴卷好淋，一啲都唔脆，好似擺咗好耐咁，個雞煲又唔夠味，啲雞唔夠滑，自問我同班朋友本身唔係食得特別鹹都覺得唔夠入味。價錢就正正常常，鍾意食淡味雞煲可以一試！

好好食 但吾知佢開爐未 好想再試佢店既新野 只不過我住得遠 所以會唔會有師兄知佢開左未呀🙏🏼🙏🏼🙏🏼🙏🏼不過同大家介紹翻 雞煲打邊爐真系不得了 再配小量餸菜好入味呀

朋友介紹我哋去，佢口中西環最正雞煲，喺士美非路街市，原本就冇乜期待，但係既然朋友講到咁好味，就去試吓！試過之後，真係一試難忘，本人好少食雞煲，今年都係第一次食次，叫咗個大笪地雞煲，個雞煲香噴噴，雞肉先嫩口，真係好好味，係我食過最好食嘅雞煲。食完個雞煲之後，仲可以加啲湯底去打邊爐，之後我哋嗌咗烏冬，菜，餃子，牛肉等，真係有另一番風味！至於環境，佢喺街市上邊，都比我預期乾淨，真係要再強調一次呢個雞煲真係超級好食。一定要再嚟，我見到個火焰雞煲想試吓，下次會再嚟試吓。

呢間雞煲位置係士美非路街市，街市食肆環境算乾淨，無強哥同烏蠅仔，仲有冷氣添 🤭啤酒火焰雞煲半隻 （$198） — 唔單止食Gimmick，雖然啤酒on fire之後都蒸發晒，但雞煲依然惹味，雞件嫩滑，足料，好食！雞煲最緊要既就係夠茜！🍀🍀🍀 店家唔洗講就加到成坐山咁，加分！加分！另外叫生料打邊爐就質素大路，價錢合理，無乜大驚喜，下次試下叫雞煲同小菜，睇下小菜夠唔夠撚手同鑊氣！🔥🔥🔥

呢間雞煲係西環有必食嘅街坊飯堂，西環呢個熟食市場管理得真係幾好，地方又大又乾淨，仲有呢間臥虎藏龍嘅雞煲！成日都見到好多人都係食佢呢間雞煲，每次嚟到西環一定要食嘅雞煲，價錢平之如食物高質素！係坐得舒服又有冷氣嘆街坊大排檔！大笪地雞煲呢個雞煲呢真係好好食！佢個雞係非常之滑溜細嫩，好肥美，雞煲醬汁加咗好多花椒八角芫荽同烈酒吵到好香口，好濃味，記得要加$38加個黑毛豬大腸，大腸好爽口，食到你滿嘴漏油好正！極品安格斯肥牛 $168個肥牛好正！油花分布得好平均，牛肉好細嫩，食落口係有一股濃烈既牛肉味，點埋個雞煲湯底簡直一絕！自家製韭菜餃半份 $28韭菜餃皮好薄個韭菜豬肉味都好香好濃味，幾好食嘅不過就幾貴… 係真係同灣仔碼頭嗰啲有分別嘅，係皮薄餡靚好食嘅！真材實料炸枝竹 $25有啲炸得老咗少少有d硬身，但係其他都好好食