20
3
0
港鐵堅尼地城站 C 出口, 步行約2分鐘 繼續閱讀
電話號碼
2816 2098
營業時間
今日營業
17:00-00:00
星期一至日
17:00-00:00
付款方式
現金
招牌菜
雞煲 鱷魚湯
食評 (25)
等級3 2017-01-28
1889 瀏覽
是晚因為被老細摔,心頭火盛下突然跟朋友跑到士美菲路街市食火焰雞煲! 以發洩心中嘅怒火 火_火其實呢間雞煲店好耐之前已有所聞,係直至今日才前去拜訪。一坐低,根本都唔需要諗,一定係點鎮店之寶---火焰雞煲$148 再加青島啤酒麻甩妹style是常識吧~ 過咗大概十分鐘,傳說中的火焰雞煲終於出場,大哥開猛個爐,再倒酒入去,熊熊烈火,連鄰座阿姨都眼甘甘望住! 其後火勢越趨猛烈,大約持續30秒哥哥一路幫我地炒 我地一路拍片終於完成 再用大火煮一陣就ready了。但一入口,感覺味道唔係話好出眾,反而係視覺比味覺更加震撼.. 雞肉份量唔多,味道夠濃。另外我地今次揀咗小辣,但我覺得好辣呀…..一啲都唔小野.. 不能吃太辣的朋友要注意了! 總括嚟講,雞肉份量可以多啲,而酒味亦可以加強,希望下次再試有進步!  繼續閱讀
(以上食評乃用戶個人意見 , 並不代表OpenRice之觀點。)
等級1 2016-10-31
2493 瀏覽
they do not welcome kid, their boss blamed my son for dropping the cup into floor. their attitude is very worse. 繼續閱讀
(以上食評乃用戶個人意見 , 並不代表OpenRice之觀點。)
等級1 2016-10-23
2318 瀏覽
探索過好幾家雞煲店,水平參差,對雞煲的執念依舊。前後來過兩次西環熟食中心的雞煲店,兩次都超贊!前後兩次水平維持的很好,可謂是目前嘗試過的我最鍾意的雞煲。和一大會兒朋友一起來吃,有朋友唔食辣,挨咗走辣,小辣,中辣的雞煲以及幾個小菜。果然人多吃雞煲要靠搶的。雞肉超級入味,咸辣適中,現在想起都要流口水。唯一的缺點,吃完全身上下都是大排檔雞煲味,簡直變成了一個行走的雞煲。找機會再去吃~超級推薦! 繼續閱讀
(以上食評乃用戶個人意見 , 並不代表OpenRice之觀點。)
因為朋友之前試過依間餐廳,佢地覺得食物唔錯,所以一行9人就選擇係度食晚飯~ 可能平日夜晚少d人,完全唔需要等位就有枱~ 我地分別叫左火焰雞煲,雞煲,椒鹽豆腐,燒雞泡魚,雞軟骨,炸鮮魷,豬頸肉,小炒皇,啫啫生菜煲,炒烏冬,鱷魚肉炒飯等~ 火焰雞煲同雞煲既分別就係前者用火燒時既畫面好震撼,說是用上藍妹啤酒烹調,所以雞比較濕潤,但本人反而覺得後者比較入味&香,較火焰雞煲好食~ 椒鹽豆腐都幾脆且椒鹽味都算濃~ 燒雞泡魚及雞軟骨好香口,與啤酒實在絕配~ 炸鮮魷入口幾香脆,但略嫌鮮魷細左d~ 豬頸肉配上好似泰式既綠色醬,帶少少辣味,好好味~ 小炒皇同啫啫生菜煲整得好香及爽,食多d菜中和肉既油膩感~ 炒烏冬炒得好入味,而且麵身唔會炒到過軟,味道唔錯~ 但炒飯就真係唔係咁好食,鱷魚肉既質感有d實,又冇咩味,都唔知自己食緊咩,而且個飯炒得比較濕,同平時食既炒飯有落差~ 總括黎講,大部分食物都唔錯,而且我地坐到佢地收舖都冇比臉色我地睇,所以依度係同一班朋友聚會既唔錯選擇~ 繼續閱讀
(以上食評乃用戶個人意見 , 並不代表OpenRice之觀點。)
等級3 2016-08-10
2235 瀏覽
堅尼地城係我長大的地方,依家已經發展到面目全非,不過每次再黎,都會勾起好多兒時既回憶.........係快樂既,我愛西環入正題,士美菲路熟食中心的雞煲聽聞已久,今日兩公婆路過就上去開飯啦,閒日唔洗等位,不過以前試過星期5,6日黎,係要排隊等位既.半隻雞煲加小辣,真係爆得好香,雞肉夠入味,配料香料又香又辣,配個白飯,一定要試呀!椒鹽鮮尤,尤魚好林好新鮮,個脆皮唔厚,又有D胡椒味,唔會太油太膩,好香口! 勝瓜蒸粉絲,勝瓜清甜,再配上大量蒜蓉粉絲一齊蒸,粉絲索哂蒜蓉香味,清淡得黎好好食!唔知係咪熟食中心通常下面或者隔離就係街市,所以食店既食材多數都好新鮮,而且價錢大眾化,晚飯宵夜藉得推介 繼續閱讀
(以上食評乃用戶個人意見 , 並不代表OpenRice之觀點。)