雞功房 (世瑛大廈) (世瑛大廈) (已搬遷) 新店位置

雞功房向來對海南雞飯都有一份特別的情意結。初到上環就職，於同事的引領下就第一次嘗試了「雞功房」！由於習慣兩點才午膳，避免了中午繁忙的用膳時間，一行 5 人無需等候就可以就座了。由於此行的目的是衝著海南雞飯而來，理所當然清一色海南雞飯，用我們不同的味蕾去感受同一個美食，到底評價有否分歧？ 結論是...認真的說海南雞飯表現不過不失，雞肉的味道跟雞油飯的搭配亦尚算不俗，但大概是因為咀刁的關係對吧? 如果雞皮能夠再滑一點，肉質再嫰一點，這個午餐就無懈可擊了!然而！隨餐附送的「客家黃酒雞湯」卻相當有驚喜！外邊的海南雞飯平常配搭著一碗例湯，較專業的則附送雞什湯。而這裡的黃酒湯明顯有著甚大的分別，淺淺的一層雞油覆蓋於表面，品嚐的第一口已經深深感受到黃酒跟雞肉的完美配合。這湯帶有濃濃的酒味卻不嗆喉，湯料也一點不吝嗇，藥材、雞肉的份量相當充料！一個字形容的話: 非！常！掂！更難得的這裡的員工(還是老闆？)，興起地跟食客談起了餐廳的運作、煮雞的心得、試菜的煩惱等等... 有趣的分享讓食客在品嚐美食外也讓耳朵過了一個充實的下午。

賴生再次因爲工作關係路經上環，當然要把握機會同屈小姐Lunch黎個小聚，賴生都未諗食咩既時候，屈小姐已經衝口而出講：「雞功房！」，勁難得屈小姐會咁決斷，賴生當然負責上去拎位啦！唔知係咪呢個鐵竇揚左既關係，今次賴生12:30黎到，外面已經排左勁多人！而且加左個規矩就係⋯人齊入座，賴生只好乖乖拎飛通知屈小姐慢慢黎等左大約20分鐘之後，終於到賴生同屈小姐入座啦！（第6張枱左右啦）當然，賴生同屈小姐係唔會浪費等候既時間，用左lift lobby 張大餐牌開番個2人會議，商量下食咩啦！不過，咦？冇左雞湯浸菜既？唯有揀蘿蔔先啦⋯⋯（但原來呢張餐牌唔update既，入到去我地先發現有雞湯浸菜），所以入到去我地叫左雞湯浸菜+1人1個Main賴先生之選1) 海南雞飯：爆5⭐️呢個海南雞飯真係好得！再次食佢既味道仲昇華左！佢仲配左碟招牌甜豉油同泰式酸辣汁比你點! 雞件好滑，骨肉好容易就分離，皮下冇脂肪咁濟，面頭層雞皮好薄，單純一個滑字就可以形容到! 而且雞肉味濃，點甜豉油就令雞味更突出，扯晒個雞味出黎! 一個靚既甜豉油配埋滑雞，真係十級夾! 不過，賴生同屈小姐都係鍾意點泰式酸辣汁，酸酸地辣辣地，夠晒惹味!

Sor，個標題有D難頂，但港女我覺得幾貼切，幾自豪😜雞功房專食🐔，開喺舊式大廈二樓，仲要一流水凖，仲唔係一"流"一？🙈好，入正題，講吓佢有幾一流！首先店員好 nice，lunch hour 即使好多人，服務態度都唔錯，地方都乾淨企理。我哋嗌咗海南🐔飯、豉油🐔飯、仲有🦀肉泡飯。D雞好新鮮，好有雞味，又嫩滑，肥瘦適中，食得我哋津津有味！海南雞D醬汁有齊，又有油🍚，都算正宗。我個人鍾意豉油雞多D，甜豉油好帶得出雞嘅鮮味，蟹肉泡飯都好足料，蟹肉好夠，不過味道可以加強D，如果可以落D酒，加隻半生熟🥚仔可能會仲正！不過啱清淡嘅朋友會鍾意，因為幾 soothing，係 comfort food。我哋三個人，份量夠大，不過臨尾個 friend 仲癲到要嗌多半隻豉油雞，但係已經比人食晒，佢都仲堅持白切照殺，可想而知有幾好食！

頭抽醬油雞.午市套餐的1/4隻頭抽醬汁雞配白飯😍 大約下午一時 食物已經開始賣光😱 是最後的一份頭抽雞脾肉 (+$10)🤤 一上枱已看見這標亮的色澤 頭抽醬油滲透雞皮 非常入味😋 雞脾像好嫩滑 生熟程度剛剛好 不會過熟變韌 又不會有血水😚 下次再來試他們招牌的黃酒雞湯!

年幾前去過雞功房食蟹肉泡飯,印像中都幾好味.但係叫得做雞功房,主打梗係雞啦.今日咁啱諗起,午餐時段就衝咗上去.我記得之前去嗰陣要等好耐先至有位,但係今日13:15上到去唔使等位就即刻入座.立即叫咗海南雞飯,呢個餐係跟客家黃酒雞湯,海南雞飯好多地方都有,呢個湯先至係我今日嘅目標.雖然藥材味好重,食得出圓肉,北芪果種味,但係碗裡面只係見到好少量依D材料,又香又甜,飲完之後成個身熱烘烘,咁先係靚湯.至於個海南雞飯,老實講,質素同湯差太遠.雞好梅,一啲都唔實淨,如果就咁食唔點醬就無乜味.左面既醬汁似係食腸粉既甜醬,右面係酸味既蒜蓉.就算放成件雞有醬料度沖涼,味道都唔係好黐到上件雞果度.雞油飯無乜特別,只係淡味左少少.我會為咗碗湯再幫襯既,但如果唔計碗湯,我會比較想食燒味舖既切雞飯配咸薑蓉.湯同雞飯,1勝1負,算係OK啦.

難得又可以再因工作關係可以同屈小姐食個Lunch，心情由一起身就處於亢奮狀態！當做好左上半晏既工作後，賴生就出發去搵位等屈小姐啦！由永樂街1號Polo Shop 側邊行入去就會見再世瑛大廈，而大廈入口就座落係豆漿舖隔離，紅色既門口，行入去搭𨋢上2樓就係啦舖頭唔大，大約可以招呼到30人，乾淨企理，唔錯既！不過想食就要早DD黎，事關真係幾多人下⋯一到Lunch time好快就坐爆晒，變左要企舖頭出面既走廊等，夏天企就有D悶熱⋯賴生拎左位之後，就Send定Menu比屈小姐揀下食咩啦，而賴生當然係現場觀察下其他人叫D咩食啦，等到屈小姐差唔多到既時候，賴生就落Order啦1）辣菜譜：5⭐️ 每枱既枱面都有1樽任你加同食既辣菜譜，唔會太辣，辣到人眼淚流果隻，而且就咁食味道都唔會太咸，不過最正係撈白飯食！超香，又帶微辣，送飯的確一流！ 呢樽野比左人另一個食飯既選擇，幾好幾好2）海南雞飯：5⭐️雞件夠晒多夠晒滑，斬雞既技巧亦好出眾，一早將雞殻果排肋骨斬開，等客人方便進食，上排雞肉啖啖肉，而下排雞肉就帶骨香再者，雞件一D都唔肥，皮下脂肪近乎零，雞皮略微用鹽醃制過，配以自家制甜醬油/薑蓉，令人欲罷不能！飯底雖

本小姐係超喜歡食雞的 午餐同事介紹去雞功房食 一開始見個menu得4款雞餐 3款蟹餐 心諗應該普普通通啦 想食飯就無疑問 揀左1號海南雞飯 要雞胸本身好怕飲雞酒湯 可能未試過飲過好飲嫁啦 但佢地個黃酒雞湯不得了 好濃的中藥味 但係好飲的 而且有酒嘅香味 唔會好over 濃濃的啡黃色 飲完一啖好想繼續飲雞飯好快就到 起興奮 只因我地有幾個都叫左雞胸點知除左雞胸仲有一隻雞脾 份量好足夠 唔似係出面得好少雞送唔到全部飯 雞嘅肉質算唔錯 始終我 叫雞胸會有少少鞋嘅感覺 姐就要喜歡 就唔係一般的蔥油佢係有一個甜甜地蠔油醬 另一個就係酸酸地咁 個人都係鍾意蔥油哈哈 而油飯好都夠香 但可以再rich d 同油d 老闆都好好人見我地7個人 送左黃酒雞湯羅白 都算好淋不過未必咁入味 最後包埋阿華田/豆腐布甸 飽飽好滿足