雋園火鍋

營業中

休息中

即興端午節BBQ，第一次到呢度BBQ, 即日book只可訂基本A餐 ($268 per head). 其他有海鮮的餐要早些預訂。打電話訂枱問咗付人頭後可自携海鮮。 揸車到達有車位，坐小巴商場門口可達。港島區有燒烤地方，燒烤爐炭火準備好，戶外有遮蔽可避免落雨淋濕，環境廁所等清潔情度也可以。影咗隔離枱的海鮮餐有大蝦下次可試。

又係朋友聚會嘅時間，剛巧其中一個朋友提議去雋園，佢話因為好耐冇去，掛住佢嘅燉湯，於是我哋就一行五人，去咗俊園晚飯，是日落大雨，所以人客比較少，首先嚟一杯凍檸茶，我喜歡走甜少冰，茶底濃度剛好，唔會太澀，好味！晚飯開始，首先當然係嚟個燉湯，花膠燉雞，雖然花膠唔係嗰啲好厚好厚嗰種，不過勝在雞夠新鮮又足料，味道好鮮甜，個個都讚！因為大家都係女士，戒澱粉質，所以只叫咗四個清清地嘅餸，份量十足，五個人食都要打包，首先清清地嚟過花膠蒸豆腐，仲有一個招牌嘅咕嚕肉，仲有一個脆皮雞，有少少鹹味，又不會過鹹，味道鮮味，又唔肥膩，跟住嚟個菜，係我最鍾意嘅高山椰菜花，完全唔油，但有淡淡嘅鮮味，我哋大家都一致好評！

今年完全未食過大閘蟹，於是同屋企人一行三人一齊去食，今餐晚飯有驚喜，去咗好耐沒去的雋園。因為天氣乾燥，所以預訂了西洋菜豬肺湯，雋園的燉湯，同屋企煲的湯完全唔同，非常鮮甜，有好多杏仁（但完全冇苦味！）感覺好滋潤！豬肺液洗得好乾淨，西洋菜非常鮮嫩，食湯渣的時候，完全唔覺食緊湯渣，讚！跟住要咗一個菜膽雞，清清地，唔肥膩！另外，當然要食我必食嘅菜肉雲吞（即係蝦膠），加埋酸甜醬，非常好味，唔係度度食到！跟住就到主角，係五隻大閘蟹（四公一乸），清洗得非常乾淨，至於好唔好食？自己睇蟹殼張相就知道啦，哈哈！仲有薑茶驅寒，老闆真係心思細密，讚！因為怕肥，所以冇叫炒粉麵飯，叫咗個蛋白蒸豆腐，因為有蝦，所以非常鮮甜，豆腐亦好滑，就咁當主食，味道剛剛好！正全晚非常滿足，大家都食得好開心，有時間一定會再嚟！或者下次可以試吓燒烤，因為晚飯時屋企人聞到燒烤味好香，下次可以叫啲燒烤套餐嚟試吓！

朋友見到我之前發的照片，紛紛說要試這間「穩世」餐廳，適逢秋高氣爽，所以相約來BBQ。因為是星期四，我們五人「直接包場」（強力建議喜歡清靜的朋友，不妨嘗試一至四晚嚟BBQ，環境特別清靜！👍🏻）BBQ都有驚喜，首先係環境非常有氣氛（有圖有真相，隨手實拍！）利用開爐的時間，首先來個鐵板茄子，超級美味！茄子巨型！仲有我上次試過的黃金豆腐，朋友說要試，外脆內軟，不油膩！跟住豬肋骨已經燒好，因為炭火好靚，所以燒得非常好！正！跟住來一個上湯浸雜菜，也邊燒我們的燒牛扒，羊扒，還有雞翼（抱歉，牛扒羊扒沒有相，因為未上菜，朋友已在爐火上直接拎走完全吃光，我沒機會拍攝😅）接着是我最愛的燒雞翼，睇相便知好味道！就不多說了！最後，是我最愛嘅蔬菜，有南瓜，番薯，同菠蘿！超級好味！超級好味！ ！超級好味！ （重要的事要講三次！）呢三樣蔬菜是必食！總括來說，有興趣燒烤又又不想自己拿炭和燒烤叉的朋友，來這間隱世餐廳就是最好的選擇！還可以點小菜！非常完美， CP值極高，推薦！一定會再幫襯😋

很久沒外出食飯，因為想避開人群，朋友介紹去一間人世餐廳，可以同時小菜，燒烤，火鍋，我即管去一試！一時難忘，覺得值得推介，所以分享一下！首先係我最喜愛嘅肉餅，呢個肉餅真係不得了，竟然有鹹香嘅味道，又唔油，食完隻碟一啲油都冇，極好送飯！跟住來一個清清地的蔬菜，這個海味雜菜煲，清得來又好鮮味，讚！再來一個金磚豆腐，同樣唔油膩，外脆內滑，一樣食完隻碟一啲油都無👍🏻毫無罪惡感！主食是煲仔飯，也是餐廳最有名之一！雞非常滑，薑蔥好入味，最驚喜是「飯焦」！有圖有真相，飯焦真的很脆，香港好難食到！大家都食到一粒飯都無剩！👍🏻👍🏻👍🏻最後來個燒雞翼，因為見外邊燒烤很香，雞翼超靚，肉剛離骨，又沒血水，若非常嫩滑，外皮脆卜卜，這餐圓滿了， 10分推介的餐廳！總結，食物超水準，環境亦好，老闆娘爽快公道，價錢合理，性價比超高，一定會再幫襯！👍🏻👍🏻👍🏻👍🏻👍🏻

中午打電話去問吓晚餐有咩選擇，她回應竟然係「你想食啲乜呀？要訂餐過路喎！」我說未能決定，就係打來問下有乜嘢食。她便馬上冚線。幾好食都係咁話！唔知係咪唔休做呢？今時今日呢種服務態度。。。

今日第一次上樹仁大學附近搵個朋友食飯，咁上樹仁大學就要上寶馬山啦，得一架小巴巴士上到去好偏僻，咁大家都知而家疫情啦，唔係該校嘅學生係唔可以入去大學範圍入邊，所以我哋唯有喺個山頭度搵其他餐廳一齊食飯啦！咁我哋嚟到學校附近呢一個餐廳嘅集中地啦叫做，就有三四間唔同嘅餐廳集中左係一齊嘅，其中一間叫囍筷嘅就係佢哋樹仁大學生嘅專屬飯堂咁滯！但係講到明係專屬飯堂，就梗係好多學生喺度排緊隊買飯啦，所以我哋去咗隔離呢一間比較大d嘅雋園火鍋餐廳！咁我睇過啲食評同埋食個晚餐火鍋嘅人都話OK嘅，但係中午嘅午市套餐真係麻麻哋，咁我叫咗一個雲耳蒸雞飯啦再加一杯凍檸茶，啲飯係好多，但個餸菜就好一般，同埋佢哋啲凍檸茶用紙杯裝住嘅，所以感覺又差啲！不過可能佢晚市火鍋係會做得好食d，希望下次有機會試埋個晚市火鍋🍲

想BBQ 又想食煲仔飯，住港島區當然去雋園首選，BBQ套餐3款任選(包飲品)，仲有其他野選，我今次試海鮮餐，有龍蝦，扇貝，蟶子，細隻生蠔雞全翼超正，牛扒羊架都好正，另加燒大石蠔，燒菠蘿更加要試，超甜又香，加埋個臘味煲仔飯，食完後可以+$30整個泡飯，真係飽到不得了，如果想食菜，可以再叫2碟炒菜食，餐廳有打邊爐位置，有機會都會試下，侍應服務很好，老闆娘又有善，一家大細同朋友聚會既好地方，真係超舒服BBQ既地方!

喺寶馬山嘅餐廳唔多，會係晚上開嘅餐廳更加係少之又少，雋園係其中一間，而且佢都有一段歷史，所以相信附近嘅住客/學生哥，應該都嚟食過。呢次唔係我第一次嚟食，佢嘅午市同晚市我都試過。一般黎講，午市針對對象係附近嘅返工人士/學生哥，所以會做午市套餐，價錢介乎四十幾到六十幾，係山上算係合理；而佢晚市針對嘅對象係附近嘅住戶，主要會做小菜，另外會收茶茗（就算齋飲水，都會照收），埋單每位約百五左右。今次同朋友一齊嚟食午餐。我嗌左陳皮鴨腿（仔仔）湯飯，送凍檸茶，而朋友嗌左雜錦冬瓜粒湯飯。兩樣都十分唔錯，無論係味道、份量都很好👍🏻（可以睇圖片介紹）。另外，平時黎食開嘅朋友仲介紹咗呢度嘅酸辣米線，今次我無試度，如果鍾意食辣嘅朋友，可以考慮吓！

上年12月的聖誕BBQ，因為就腳之下，決定去近港島的地方，本身打算石澳，但又怕入夜太黑路線不太方便，於是另覓，友人推介到寶馬山的雋園火鍋，是一間火鍋、小菜及燒烤集於一身的中菜餐館。 上網看了一下資料，這裡的BBQ不是任燒，而是套餐，每位$228，食物看來不俗，大家一於試下了，友人訂了10位，7:30。 見到餐廳對面有間7仔，即諗可方便買飲品。 餐廳以落地玻璃設計，空間通透明亮，內堂是食小菜及火鍋。 穿過餐廳，到了戶外地方，是BBQ場，適逢聖誕，擺放聖誕樹增添節日氣氛。 雋園自助燒烤套餐，每位$228，每位奉送2支汽水或1支大青島，另收加一服務費，燒烤時間4小時，每開一個爐收費$80。 食物份量不少呀。 齊齊BBQ~正呀~~~之後得返兩位大廚上場。 廚師腸，趁而加好燒多點呀。 西冷牛扒，好大塊，香口惹味，肉質鮮嫩，竟然會係BBQ場食到有水準牛扒，靠大廚功架同牛扒質料。 石蠔，尚算大隻飽滿，幾好味呀。 燒雞翼我鍾意食。 燒虎蝦幾好味呀。 芝士菇，菇味香濃又多汁，芝士份量多~好味呀。 燒菠蘿，好味的甜品。 越式蒜香包有好多蒜蓉醬，芝士墨魚丸有

寶馬山上既餐廳選擇係比較少因為山上面既學校比較多通常都好多學生去食而我都係其中一個學生食係會有番個學生價而通常佢都唔會特別叫你出示學生證應該係睇落似學生就會直接出學生價通常都係A B C D餐果D咁呢日我就叫左A餐既咖哩牛腩飯牛腩煮得好淋 好入味咖哩汁既調味都唔錯佢既咖哩係唔算辣既醬汁唔會太稀 杰身既程度撈飯係一流佢比既飯量都幾多而佢比既醬汁都夠撈飯有D鋪頭就算比得多飯都未必比得多醬而雋園既碟飯頭份量都夠晒比一個成年男士享用!!不過薯仔既份量就唔太夠 淨係比左一舊如果不多2舊薯仔就PERFECT池~~~~不過呢間餐廳最差既就係員工既服務態度唔知佢地係咪唔憂做有朋友果碟飯未食完佢就想收問都冇問一聲而收錯左亦都冇表示任何既歉意今時今日咁既服務態度就差咁D喇雖然食物質素係OK既但服務態度要扣分

經朋友推介所以打算一試，長假期前打電話想訂國慶日晚吃飯，告訴店員我哋十二人自攜海鮮只需店鋪代煮及另加兩碟菜，提議連酒水共五百元，無唸過被店主一口拒絕，是否太過份？

We have been to this place a few times and it gets worst every year.  The management is extremely rude and un accommodating.  We decide to cancel out booking this year.The food is so so, the venue is old and not very comfortable.  It's only semi convenient if you live in HK island but seriously, the crappy attitude, rude telephone manners is the last straw.

星期日中午去食午餐。點左蕃茄肉碎湯飯。賣相零分。吾知以為係人地既嘔吐物。味道超酸。服務態度極直不知所謂，有個疑似太子仔既𡃁仔落單，問我飲咩我説水呀。之後發現原來跟餐有野飲。想改熱檸水。佢話水已攞黎要收茶錢。態度很差地。結帳同老板講仲要大聲話自己冇問題。成，服務態度超差完全不知所謂。個老板應該係維護自己個仔，叫我吾滿意就以為吾好再黎，其實不是錢的問題，只是今時今日點解仲有咁差既服務態度。想呃人錢不是用這手法。公道說話除左收銀老板同佢個太子仔之外。其他二個姐姐服務態度很正常

公司約左好耐既BBQ 最後揀左係雋園舉行 由於50人左右關係 最後雋園比左半邊室外場我地。先忙忙透爐 再搬左好多野食出黎 有蒜蓉焗蜆 隻隻原殼開，好香蒜蓉味好鮮甜 好好味接住有好多醃肉類 豬扒 牛扒 雞扒 扒類都 好好味 冇雞中翼 但有全隻雞翼 但個人偏好食雞中翼 易燒又好味 雞全翼就比較難燒 食起來會原太熟。 最意想不到係有燒蠔 加左好多蒜蓉 燒起來特別香 仲有大大隻芝士冬菇 燒完啲芝士溶哂😍係好正既 間唔中會出下熟食 咖哩魷魚 又有雜菜包 粟米 番薯 都適合一大班人開BBQ party的地方