隠家拉麵工場 (已結業)

So I love ramen and I was recommended this place from a friend. This is my second time today and I also brought a friend who also happen to love ramen. We must say that the service was great. We both had the black garlic ramen. By the way, it's the type of ramen that you have to dip in the broth. The noodle is quite firm for me, I usually go with softer ones. We also had a type of egg that was soft-boiled. I don't know the name but it was SO good. It had this special type of soy sauce that was b

今日假期陪女朋友黎西九龍中心買飾物,順道試下呢度既美食,揀左出名既隱家拉麵,位置的確幾隱閉,因為係蘋果商場既最入面,行左幾轉迷宮先見到呢個招牌唔明顯既沾麵店可能星期日門口大概排左十幾人,以為會排好耐但半個鐘左右就入得入面冇想像中咁逼(因為以為係呢D隱藏位置既話空間會好細)桌椅係用舊汽水架黎整,幾特別但坐得唔太舒服同女朋友分別叫左白麵同赤面我食既赤麵以為係辣味,一試原來係蕃茄,蕃茄味唔算太突出,勝在佢熬既湯底夠濃味麵質幾彈牙,軟硬適中,係略嫌份量有D少至於女朋友既白湯底我就比較鍾意自問愛好沾麵,呢間俾到驚喜我在於個湯有濃濃豬骨香味之外仲食得出加左柚子黎輔助飲落去濃得黎唔油膩 反而帶有柚子淡淡既清新下次黎我都係會揀白湯底

聽過呢間隱家好耐，聽講好好食，今日終於久仰慕名而來入到個日本人已經好熱情咁招待，同係日本時既日本人態度一樣今次叫左白伝($78)麵質較硬，尤其食到後期既時候一試落去無我想像中既豬骨濃郁感紫菜有店舖名係一大特色，但唔夠脆，可能佢以呢種擺法，好快比d湯及熱力整淋紫菜😯每碗都有荀，叉燒兩塊，唐心蛋一隻叉燒很瘦，所以食落口無入口熔化，肉質唔嫩，普通😐半熟蛋醃得未夠入味，但半熟程度好！蛋味足！沾麵掛湯力好放落湯一下已經食到濃郁既味道，但食到後期愈食愈咸食完之後日本人會用日文叫你加湯飲塭d湯我加左湯之後仍然覺得好咸同塭因為已經好飽，所以無再飲塭佢**食完之後個兩三個鐘仍不斷覺得好口渴😩😩另外，四人枱既座位真係坐得好唔舒服，用汽水箱做枱腳，係好特別，但頂住雙腳無位放，櫈又無得踩住腳，搞到食得好唔舒服

放工同男朋友拍拖，上開飯睇下附近有咩好食，就搵到呢間，都on list 左一段日子，咁就試下啦～認真，好多年冇去過西九廣場，真係花左啲時間先搵到咁隱蔽的隱家！究竟佢係咪一家隱藏版店呢？入到店內，裝修都幾有風味，好有特色小店風味，餐點不多，只有幾款面，我地都選左白湯。面條幾有口感，彈牙不過掛湯力不足，始終有點面湯分離嘅感覺。湯底幾好，溫泉蛋叉燒都好正，仲有清湯比你溝開個湯底黎飲以香港沾面店黎講，真係算不錯了

沾麵...男朋友身邊好多日本同事都會幫親呢間位於西九龍小小o既麵店, 所以我同我男朋友都成日黎食返個沾麵.次次黎都要排隊, 通常6點幾就開始有條隊係外面... 每次大概為30-35分鐘...最鐘意都係食隱世白伝....隱世黑伝油d同咸d, 當我想食味重d 就會揀隱世黑伝.價錢唔算最大眾化...地方真係一眼睇哂, 多個袋都放唔落坐都係食一個麵o既時間, 但係咁亦都唔係大問題...一路都唔知點先叫好食o既沾麵...相比係銅鑼灣同尖沙咀o既沾麵...我都係鐘意西九龍呢間多d....

咁岩去開深水埗整野就去左呢間食想試好耐既沾麵老闆好熱情，一坐低見我攬住個袋就提醒我枱下面有鈎。中午人未算多，落左單無耐野食就到。嗌左碗豬骨湯加溫泉蛋，溫泉蛋好滑加埋甜甜地既汁好開胃，湯汁好濃好香，但我一下將全部魚粉搞勻左所以有啲鹹，個麵偏硬身，但我本身鐘意食比較軟既，加上沾麵無湯泡住，所以對我黎講有啲過硬，相比之下都係鐘意食普通拉麵多啲。

晚上有事要來深水埗兩口子不太餓於是走到西九龍中心這個奇怪的小商場排隊吃沾麵因為位置不多所有要等一陣位未入去就坐前店員已遞上點菜紙讓你預先選擇沾麵的口味好了入去就坐以後我們被編在最後排的兩個座位不出5分鐘沾麵已送到我今日選擇了「隱世白伝」（$76）湯底還好不算十分濃郁麵的份量都足夠（可能本身不太餓的關係）餡料有筍、豚肉兩片、已浸軟的紫菜、半熟蛋一顆）不吃半熟蛋可以選溫泉蛋但個人覺得溫泉蛋與沾麵的配搭好奇怪餡料的味道一般特別是豚肉很薄感覺很吝嗇紫菜在送上的時候已經浸軟了令我完全不想吃檯面有昆布醋、炸蒜等讓食客添加在沾麵上加上數滴昆布醋可以令沾麵感覺不太肥膩吃完沾麵最後還可以加湯（已放在檯上）不過我已吃飽了只是小嚐幾口感覺一般而已我們吃完沾麵還在喝湯的時候有一位女店員已經急不及待要過來收拉麵碗我坐在靠牆的位置而當時對面還有兩位食客在吃麵這位女店員望著我然後示意我跨過對面兩位食客遞拉麵碗給她店家有這個急切需要收碗嗎？其實她收完碗不出一兩分鐘我們已經放棄了喝湯埋單走了這個服務態度加沾麵變差的質素令我再也找不到要來西九龍中心的原因了

同男朋友行街行到咁上下諗住食嘢就比我地見到呢間隱世拉麵見細細間咁得意就入咗去啦一入去個西裝叔叔就好有中氣咁嗌“二奶三二媽四！”其他師傳又一齊嗌，有一種熱烈歡迎嘅氣氛我地坐咗喺收銀隔離張枱，超級迫頂住膝頭哥之餘，男友仲要帶咗個極大嘅背囊，勉強放咗喺櫈後有個女侍應攞咗兩張點餐紙嚟，男朋友唔肚餓就冇嗌到嘢；我見對面個黑蒜拉麵好似好正咁就叫咗一個。兩個人坐低得一個嗌嘢食，好唔好意思……好快個麵就到，侍應好主動問我地要唔要碗仔個湯入面有好多蒜泥、兩塊薄叉燒、竹筍、紫菜。我等一次食沾麵，唯有望住對面點食我點食啦。塊紫菜唔脆嘅一啖啖拉麵夾落去個湯度食，個拉麵冇嗰隻鹼水味（可能比個湯蓋住咗？），幾彈牙。叉燒太薄太乾喇，我都係鐘意食厚身軟叉燒。牆上面其實貼咗沾麵教學，咩湯底太咸唔好就咁飲、加啲昆布醋好食啲、咁咁咁。張教學太遠我食到一半先見到sosad 原來跟住嚟加配料好食勁多到最後見對面加清湯落個湯底度飲，咁我又試下啦加少少，好咸再加多d點知錯手一嘢車咗勁多落去，好淡唔識食啊喊出嚟收錢時個西裝阿叔就嗌 “八十八です”我真係吹漲。其實一路食一路聽到佢同一個哥哥仔喺度日語對答我都好緊張，餐牌又係日文行先……

星期六晚上跟男友吃拉麵，身穿不是工作服的男人（應該是日本人）替我們下單，安排坐位及收拾。相信他是負責人。當我們竟不多吃完之際，突然心血來潮想去看電影，於是上網check場次，然後那個先生走過來跟我們用英文說「吃完就不要打機，出面有人等」！天啊！第一外面沒有寫限制用餐時間，第二其實我們由坐低直至吃完只用了十五分鐘，我們也不是打機，這麼差的態度不能忍受！從此不會再來

經常見到好多人排隊，決定一試。叫咗個豬骨湯底，湯好濃有D咸。差燒大塊唔太肥，幾啱我流心蛋就最正，咬一淡D蛋黃咇哂出嚟食完最後加水飲，但都係覺得有D咸，飲咗一淡就放棄，不過都推介嘅

其實黎過好多次，不過就而家先記得寫食評。12點幾閒日直入唔洗等，坐底如常叫我最鍾意嘅蕃茄拉麵。面嘅質地好彈牙，湯要搞均先好飲，因為最濃嘅湯底都喺最底層。有少少酸又夠濃，蔥花夠多夠香，個湯超多蕃茄肉，叉燒肥瘦比例3:7，岩哂我。最好味就係隻蛋，好林好入味。平時有人幫我share d 面，今日自己一個人食哂飽到傻左！呢個係我食得最多次嘅拉麵，到而家都未厭

同事介紹去食，我跟男朋友叫咗白同黑，我跟溫泉蛋。溫泉蛋甜甜的，新鮮，好味道。豬骨湯: 沒有豬骨煲出嚟嘅濃郁。麵: 夠咬口，一啲味道都冇(我預計應該有蛋味或者有麵粉的味道吧)，質地好似膠。肉: 還不錯，雖然只有一片但都有一定厚度。實在無辦法將湯送入胃，因為真係唔好味。其實最敗筆係碗湯不夠熱！暖的湯，未食晒一半麫，湯已經凍了...我們兩個已把它立入不會encore list...

今次友人專乘帶我到隱家拉麵工場因為說這是她之前吃過頗好吃的沾麵🤔可惜我們都大失所望🌚🌚🌚🌚 食後友人還說不會再去了這裡和很多日本拉麵店一樣在店外排隊的時候店員送上點菜紙和問及有多少位客人等了15分鐘 終於到我地啦整間店很簡陋 只是用幾塊木板砌成 店面積不大 地方很狹窄店裡雖有吧台位 有五張四人桌 座位和桌面更是用可樂箱堆砌而成 不過最嚴重的問題是店的桌子和座位的高度不太成比例 桌子太矮 座位太高 坐得不太舒服 食得也很辛苦😟😟😟我和友人二人分別點了兩款沾麵—隱世白伝和隱世黑伝🐏吃之前先說說吃沾麵和吃拉麵的分別🍜🍜🍜吃拉麵會先喝一喝湯頭 嚐嚐湯頭的原味但吃沾麵千萬🙅🏾🙅🏾🙅🏾不要喝湯頭先因為那是濃縮了的湯底 超鹹的啊！！！😝而且麵沾湯的時間不可以太長太長的話麵質便會太腍👻太短的話麵就不能吸收湯頭的精華👄所以沾湯時間約3秒為最佳🤘🏾🤘🏾🤘🏾先說隱世白伝（$78） 即是最基本的豬骨湯底叉燒、蛋、筍、紫菜都和湯放在一起紫菜印有隠家拉麵的字眼👀湯底看上去有點油😰😰😰麵條的份量不似別的店一樣可供選擇 只有一個既定份量 我猜大概有200g吧🤔🤔🤔麵條以沾麵來說不算粗 看起來像車仔麵的油麵😅夾起一束來

今天一家三口去試下食，2:15到要排隊，等了15分鐘入去。坐底給我感覺地方超細，我坐得非常不舒服，感覺非常差。好壓迫好壓迫。算啦食野忍下啦，我叫左隱世白伝+日本溫泉蛋麵質OK不過不失，湯夠濃﹑紫菜太細塊﹑义燒普通呀仔叫了隱世白伝+半熟煮蛋+替玉(180g)補多$25味道都係無物特別，但半熟蛋好滑，正。加了替玉好份內好足夠。太太叫了隱世黑伝+溫泉蛋總體來說所有食品味道正常，沒有大驚喜，但甘樣坐位又唔係平，要有下一次除非七折，太不好坐，太迫啦。

店如其名-隱世，點解？？因為間店係隱藏於西九龍嘅一些細店中，要穿過很多細店，左轉右轉，呢啲咪隱世囉 ！！仲要深水埗係有好多隱世食店 。店面裝修得好有特色，簡單的木板，汽水箱為椅子，令你仿佛不是處於商場內隱世黑伝（黑蒜）沾面的特色在於面和湯是分開的，吃時把面輕輕的放於湯中，再吃。不接受太鹹的你，不要把面浸於湯太久，因為沾面的湯是很濃的，想喝湯的你，可於吃完面後，吩咐店員把預先弄好的清湯加上，就可以。