陶源酒家

營業中

休息中

假日同屋企人飲茶，佢哋揀咗老字號嘅陶源酒家。 中午時段唔算好多人，可能附近多商業大廈又少住宅，假期少啲人，唔嘈雜幾好！諗住都係食普通點心，點知有唔少精緻嘅創意點心，味道同埋賣相有驚喜。先叫咗個「奢華美點薈萃」用雀籠盛載，八款點心，每款有兩件，咁鬼靚用嚟打卡一流。由雀籠底層嘅鹹點開始食起，食到最上面就係甜品喇！底層：原隻鮑魚燒賣、嫩滑鮮蝦菜苗餃、金箔原隻鮮蝦餃、姬松茸遼參粉果，頭三款都都係我飲茶必點嘅點心，不過呢啲係高級版。 燒賣上面有原隻鮑魚、菜苗餃皮薄夠晶瑩，而蝦餃上面就用咗金箔裝飾。內餡漲卜卜，足料！ 粉果我平時好少食，一般都好厚皮餡料又唔太啱食，呢款姬松茸遼參粉果做得薄皮，餡料香軟清新，我比較鍾意呢款。中層：小梨子咸水角、安格斯和牛天鵝酥 又係造型一流嘅創意點心，天鵝酥外皮係好多層嘅酥皮，好用心。上層：食到最後，點心已經凍咗，有啲可惜。 朱古力鴛鴦奶皇包面頭有朱古力旋轉紋，入面奶皇有吉士香味但就無朱古力嘅。 養顏紅棗糕一般凍咗係會好硬，但呢個做得唔錯，凍咗都做係軟身好食。碳燒西班牙黑豚腩叉呢個叉燒真係好好食，外層微焦，一夾起就望到半肥瘦，啲蜜汁半黐住舊叉燒，一滴一滴咁掛汁～鮑汁扣

趁住Weekend唔洗返工，出嚟飲茶之前都嚟過食晚飯，原來午市嘅點心咁有質數。✨花鳥聚陶源 有8款唔同口味嘅點心同甜點鳥籠賣相好靚呀，忍唔住影多幾張相🔴安格斯和牛天鵝酥 天鵝嘅賣相，大人小朋友都覺得好靚外層酥脆，裡面係安格斯和牛夠肉汁，令整個酥唔會太乾🟠原隻鮑魚燒賣 呢度係鮑魚專門店，燒賣都加上原隻鮑魚，相當精緻🟡嫩滑鮮蝦菜苗餃 薄薄嘅餃皮晶瑩通透，裡面菜苗夠新鮮嫩綠🟢姬松茸遼參粉果 呢款粉果比平日食開嘅好食得多，裡面材料切成粒粒，配埋粉果外皮煙煙靭靭，好味🔵金箔原隻鮮蝦餃 蝦肉新鮮爽口，好足料，上面加咗金箔更貴麗🟣小梨子咸水角 目測以為係甜品，原來係咸水角好有驚喜，呢款唔單只外表得睇，入口真係好有內涵，仲唔會油淰淰🟤朱古力鴛鴦奶皇包 朱古力扭螺紋外表，裡面流出金黃色熱辣辣軟綿綿嘅奶皇，口感鬆脆⚪️養顏紅棗糕 平日食到嘅紅棗糕多數都係死實實，呢度嘅紅棗糕，超軟彈，煙煙靭靭又唔會太甜🟥西班牙叉燒強烈推介，必食西班牙叉燒，除咗厚切之外，靚叉燒一定要帶點肥先夠好食，外皮燒到香脆，肉質口感Juicy, 淋上蜜糖超好食🟨鮑汁鳳爪 鳳爪食得多，咁肥美咁多肉真係好少有，配埋鮑汁好香口🟩鮮芒腸粉 忍唔住

本人第一次寫食評，真心唔想有人再上檔，尤其長輩生日！落訂時主動話可以俾間房我，按餐比例我加多兩位$， 佢有俾discount 我因為有d菜如乳豬雞都加大唔到本來都算公道，可惜係一場惡夢！因餐牌吸引而誤墮陷阱，上菜超慢（食足3小時），乳豬全肥豬肉，所有餸都係微溫，花膠燉雞湯似胡椒豬肚湯，所有菜都偏油兼味道欠佳，係得個鮑魚同條魚係正常，份量細賣相差，圍菜居然上隻春雞😓，第一次要食壽包先夠飽，最慘重要係冷壽包可以掟死狗，利是已俾都要出去搵侍應上菜分飯麵！一定唔會再回頭😡⋯⋯

初嘗陶源記哈 其實一開始我哋去前都以為係桃園酒樓😂不過，去到嘅環境都係具中式酒樓嘅格局，傳統，以紫黃色設計為主，因我哋係自己獨有嘅房間，所以場地方面有啲婚禮feel~不過，洗手間就比較唔方便…食物方面，尚算可以嘅，除咗伊麵嘅口感就太濕外，其他味道上都正宗。尤其冬瓜盅、菜同燒賣係非常好味又足料。😋一圍8個人食嘅一餐飯，啱啱好。傾吓計、打下機都幾開心架 都係一個幾難忘嘅回憶，大家有機會可以同親朋好友一齊去下

同同學匯報完一行六人搵間酒樓賀一賀佢🤣🤣行過見到有陶源酒家就走咗入去飲茶一入酒樓就係幾個大魚缸入邊有龍蝦 帝王蟹 長腳蟹 龍躉 東星班…淨係睇下都覺得開心🥳入嚟過咗早茶時間午市有優惠套餐我哋叫咗個海皇冬瓜盅同櫻花蝦蛋白炒飯（$198）個冬瓜盅一嚟到好有誠意每人飲到兩碗 入邊亦好足料炒飯入邊除咗櫻花蝦同蛋白仲有瑤柱元貝炒得有鑊氣同乾身 份量亦足夠如果同幾位朋友一齊嚟可以考慮呢個套餐額外再叫咗啲點心同小食有幾款創意點心味道都唔錯小梨子🍐鹹水角流心冬菇包黑白鴛鴦腸粉冰燒三層肉椰汁紅棗糕懷舊馬拉糕潮州粉果山竹牛肉球鮮蝦菜苗餃蠔皇鮮竹卷……樣樣味道都幾好如果午市有埋精選優惠點心就更好啦🤣下次同屋企人去開附近都會帶佢哋去飲個茶😉

任食價$600 落樓，總括不過不失！雖然蟹細，但都算多膏，服務亦好好，其他任食嘅食物都算正常，食兩個鐘，就啱啱好蟹有三款煮法，除咗鹽焗無試外，其餘兩隻味道都差不多，所以最後都係叫返清蒸算！餐牌上有其他主食任叫，原來係飽點。。。甜品就好多款揀，有D都無叫到，最好美就係薑茶湯圓。。因為。。。夠薑。。可以驅驅寒！

中秋節晚飯，服務人員很盡心，服務質素到位，食物味道也不錯，特別推薦黃金蒜香雞及海味雜菜煲 ，這裡環境舒服不嘈雜，枱與枱之間嘅間距足夠，就算有輪椅，也不會坐得逼， 。

尖沙咀東海商業中心陶源酒家大閘蟹放題🤬🤬🤬未試過的，可以唔使試，服務態度劣劣劣👎🏼👎🏼👎🏼，坐低一嚟四個人叫咗十二隻蟹, 等咗半個鐘頭先至有蟹出，食物方面十隻蟹有兩隻黑色嘅，乳豬話任食，但係八點幾先上四片比我哋，一路吹個樓面一路話隻豬🔥燒緊，每枱都問乳豬幾時到，答案都係「🔥燒緊」😡點嘅野食又漏單，樓面全場得兩個😓未夠九點已有人走黎叫埋單，但又冇同我哋講係last order, 等我哋想叫甜品時先話唔可以再落單！🤬未夠十點熄咗天花燈，其中一個樓面仲要話熄燈熄冷氣🤬🤬🤬，完全冇人走埋嚟講一聲要關門，除了我哋，其實還有兩枱客！總括來說，不要試，重要埋單$477一位，已經折咗！😤冇諗過咁嘅價錢有咁「好」質素嘅服務，貼錢買難受！

每年大閘蟹季節，都至少要食—次，今年便來光顧了陶源，有三種口味可供選擇有油鹽焗，花雕，清蒸，隻隻也爆膏，我最爱食油鹽焗非常入味，還有楊枝甘露也令我—食再食，真是仼食兩小時，絶無冷埸，哈哈三個人共食了四十隻大閘蟹呢，真盡興！這個價錢真是非常超值

又係大閘蟹🦀時間。。繼10月份瘋狂食了一輪蟹主題自助餐。大閘蟹套餐。。亦食咗蟹放題。。。剛踏入11月又要再去大閘蟹放題。。今次我哋試陶源。。。我哋揀咗尖東噴水池附近嘅分店差不多6:00我們到達已經有幾台食客開始。。。當時人客就不多。。。我們當然快快脆脆就落單食大閘蟹啦。。依間酒家比較特別除了一般的清蒸外。。還有花雕和鹽焗大閘蟹🦀🦀🦀🦀🦀另外還有一張只可以比我們自選其他任點任食。。。當然還有幾款指定菜式每人一份啦。。當中還有一隻鮑魚。。和海參羹。。。第一輪嘅蟹好快就上枱啦我們每樣都叫咗兩隻來試一試。。。最普通當然係花雕啦味道很清淡。。。但係估唔到最好味又最爆膏。。。竟然是鹽焗大閘蟹🦀。。非常鹹香野味。。但係食到中段就突然停頓了20多分鐘。。。唔知點解其他台也有追單。。。後來好多人再有加單我哋都加咗啲清蒸大閘蟹。。當然最後全部都有上枱🙈🙈🙈。。只不過可能太多人選擇鹽焗廚房製作不及。。。差唔多兩個鐘就要埋單啦。。。當然幾台食客都有投訴啦因為追加的大閘蟹根本未出。。。幸好是應話唔會趕我哋走。。。。最後我哋明明寫住食兩個鐘變相食咗三個多小時。。。可能係呢間分店冇下一輪客所以就冇咁緊張啲位。。。當

和老公食了皇牌鮑魚餐，買一送一，好抵食。鮑魚保持水準，鮑汁濃度恰到好處，鮑魚也夠入味，遼參燴小米嘅小米汁有驚喜，魚子醬少一些，建議要至少多一倍份量，但魚確是煎得很香，也脆口，但不油膩。羊架伴天使面也算美味，羊肉質一般般，幸好羊架汁夠香，天使面可能給多點，畢竟全個餐沒其他飯面飽肚的，大食的可能覺得這個餐唔夠飽。部分螺片有點過硬。反而最後的蛋白杏仁茶太甜了，蛋白太少。美中不足。整體有八十五分。可能客人少了，店長親自招呼，介紹菜式。

又一年同嫲嫲喺呢度慶祝生日Book咗一間房成班親戚同阿嫲嫲慶祝其實都幾好一家人自己一間房啲小朋友又可以喺房度自己玩又有電視睇裝修又好唔錯唔錯叫咗一圍賀壽宴鴻運乳豬隻豬好好食有脆又唔肥水準之作鮑魚扣鵝掌個鮑魚好香好有咬口 鵝掌我就一向唔食澳洲龍蝦上湯燴伊面龍蝦啖啖肉爽甜 彈牙 個伊面好索味鮮帶子炒雙蚌正常發揮幾鮮味腐皮花菇扒豆苗啲豆苗都幾清嫩炸子雞瑤柱蛋白炒飯炒得幾乾身幾香食咗兩碗杏汁燉燕窩真係好鍾意食杏汁好似好滋陰咁紅棗三層糕雖然冇利苑嗰個咁好食但係都唔差壽包我冇食到俾個size嚇親超級大個

接近兩點，走下地庫試試這間，可能已過午膳時間，沒太多顧客。開了茶，拿起點菜紙看看，嘩……午巿的套餐、點心都頗貴。想問侍應有沒有下午茶的點菜紙，但侍應是不隨便現身的，好不容易找到一個，她在抽屜裡左找右尋，拿來一張，出乎意料，價錢超抵。落單15分鐘後送來點心，立即起動。剛剛蒸好的豆苗餃，熱騰騰，皮薄又晶瑩剔透，咬落去豆苗非常清甜。這個點心拼--千層糕、紅棗糕、遼參粉果 & 燒賣，四款不同，咸甜都有，最為讚賞，好味！粥裡有少許西洋菜，粥底滑，很甜。蘿蔔糕，以為普普通通，但很香口，吃了1.5件都不膩口。牛肉腸，食落有懷舊茶樓的味道，腸粉拉得薄薄，包著很多牛肉。這餐誤打誤撞，享受到美味，有水準的點心，沒想過咁超值！

So regret to choose this restaurant when there are so many restaurants in TST East. I chose the abalone set menu. Not cheap. I had to go find other places to it after it. The food quality is by using a lot of msg. Dont talk about service. They tried very hard but a lot of temps screwing it up. I dont think this space have enough place for me to write the comments. I for sure not come again and will tell all my friends too. I really dont understand how people run a chain restaurant. God bless the

Very disappointed with the food and services. 1. The teapot and teacup have strong chlorine smell this is very dangerous and poisonous 2. The crab was not fresh and it smells bad, they don’t even check before serving us 3. The staffs were not friendly and helpful even after we complained 4. only three dining tables on 1 sept 2018 around 830pm when we arrived the staffs were seen sitting around and not serving us, I had to walk up to ask for refill of my tea pot 5. the staffs were rude and loud s