陳記燒鵝花園餐廳

營業中

休息中

位於深井的陳記燒鵝花園餐廳，主打廣東菜。餐廳位於深井天主教小學對面，老遠便會看到「陳記」的招牌。餐廳的格局有點像酒樓，六時多陸陸續續有人到達用餐。牆上貼滿了不少推介菜式和價錢，五十多至百多元的菜式也有。小菜即點即炒，新鮮熱辣。餐廳最有名的是燒鵝，兩個人來到吃晚飯，點一客百多元的例牌燒鵝已經十分夠吃。例牌燒鵝約有十多件，外皮微脆香口，特別是胸的位置啖啖肉，肉質一點也不韌。鵝的肥膏不算太多，醬汁香濃微甜而有層次，能吊起鵝肉的鮮味。再點少許自家製的酸梅醬，令燒鵝味道再添豐富。點了一客蒜茸粉絲蒸蟶子皇，蒜蓉預先用豉油醃過，味道鹹鹹香香，送飯一流。蟶子肉質飽滿肥美，啖啖肉，肉質新鮮彈牙，吃落很滿足。避風塘小炒熱騰騰地來到了，韭菜芯口感細嫩，充滿鑊氣，其他配料有魷魚片、蝦乾、腰果粒和菜甫，味道豐富，份量十足。海皇粉絲雜菜煲來到了，特別點了一客相對上較為清淡的菜式來平衡一下。面頭的海鮮有帶子、珊瑚蚌、魷魚、蝦仁等，份量慷慨。朋友特別喜愛吃尺寸頗大的蝦仁，肉質爽口彈牙。底下還有大量的雜菜和粉絲，侍應還特別附上了湯勺，上湯的味道頗清新。順便一提，侍應貼心地提醒，待餸菜來到時，才點白飯，免得白飯放得太久變

今晚約埋男朋友同屋企人食晚飯，同屋企人食梗係食中菜啦，男朋友約咗我哋去食深井燒鵝！記得好細個嘅時候食過，唔知而家水準點呢？👀叫咗個燒鵝海鮮三寶B餐，食物好豐富，有半隻燒鵝、一條海斑，仲有蟹食！✨✨嗰晚係星期一，不過當晚例湯就唔係餐牌所寫嗰款，而係眉豆花生雞腳湯。👏🏻如果鍾意食海鮮，餐牌有啲時令推介，當晚就係蒜蓉粉絲蒸蟶子皇！！我哋全家都鍾意食，即刻叫咗每人一隻！😆🦀薑蔥肉蟹煲🔸份量有整整一隻蟹🔸薑蔥味道濃郁，最啱送飯🔸肉蟹啖啖肉，而且又多汁！😍🥬腐乳通菜🔸份量多‼️🔸椒絲惹味，腐乳又唔會好鹹🦢燒鵝半隻🔸老字號果然係老字號，呢碟燒鵝超級出色‼️🔸脆皮+油香充斥成個口腔😛🔸本身唔係咁鍾意食燒鵝，覺得好穌，但係都覺得呢個好好食呀！🔸酸梅醬都係重點，唔好唔記得點啊！😉🍲花生眉豆雞腳湯🔸以為例湯會好淡，不過佢一啲都唔似例湯，反而係一煲老火湯！🔸料多味濃，雞腳煲得好林，老爸好鍾意😆🤩蒜蓉粉絲蒸蟶子🔸$38一隻，價錢合理🔸而且大大隻，味道又正！🐟清蒸海斑🔸條魚好多肉，四個人食都非常夠🔸個人覺得豉油汁濃味左少少，不過薑蔥好香，最後都清晒成碟-老實講，陳記好有驚喜，尤其係燒鵝，老字號嘅光環真係名不虛傳‼️而且

連續落雨，今天終於放晴☀️，中午決定去黃金海岸坐下沙灘，回程深井晚飯，真美麗嘅一天😘入到深井，遠遠已看見巨型燒鵝《陳記》，車子駛到商業大廈門口，緊接停車塲，十分方便。陳記係老字號，老土啲講句，真係由細食到大，點餐服務員好nice, 大家街坊咁好好傾，燒鵝我哋叫左三寶餐，半隻燒鵝上枱前，廚部才淋上惹味燒汁，香噴噴的引死人咩😝燒鵝入口暖暖的，鬆化脆皮油潤甘香，鵝肉質感Q彈易咬，肥瘦適中，吃到骨位還帶D香料味道，爆汁燒鵝眾望所歸，一件都冇得留低😝😝😝燒鵝三寶餐仲有油泡龍躉球，龍躉大大件厚切走油，嫰白爽滑魚扒啖啖肉，習慣的以西芹拌炒，咁傳統嘅菜式，陳記絕對靠得住。蒜茸粉絲蒸帶子，材料新鮮已經冇得輸，四個人食仲有一隻剩，猜赢食多隻，猜輸咪飲多杯，$598.- 呢三寶，大大牒有肉又有菜，認真抵食。👍👍👍椒鹽鮮魷人見人愛，薄薄脆漿裹著鮮魷魚即炸，脆脆外皮再用紅椒香蒜淮鹽兜炒，十分惹味，食到內層，魷魚彈牙鮮甜，越𡁻越好味，個個都搶住食，非常正用上湯煮蜆，鮮甜蜆肉已經好好食，加埋絲瓜入饌，絲瓜充滿蜆汁，腍滑清新，天然味道鮮上加鮮，真係夏天妙品至愛港式小炒，傳統叫餸食飯永遠都啱食，深井陳記幾十年來伴我成長，

深井燒鵝，由小時候聽到長大了，也沒有親身嘗試過，只因地點偏遠；今日碰巧朋友有車，行個方便便吃個便飯！馳名燒鵝當然不用經大腦想就點單了，更因為牠出名便二話不說叫了一整隻燒鵝，好可惜最終吃剩了四分一隻；可是，並不是因為牠不好味，反而是太好味，香脆的外皮已經充滿濃濃的燒鵝油和汁，再加上厚厚而又嫩滑的燒鵝肉，令人不禁吃了一片又一片，但又因為牠濃厚的皮油和肉汁而令人不能吃得過量，這個燒鵝真的教人又愛又恨呢！吃燒鵝怎能不配瀨粉？我們每個人叫了一碗，它的清香簡直和燒鵝配合得天衣無縫！當然，吃晚飯絕對不能只有一款餸，這個金銀蛋莧菜也是衝著燒鵝而來的。另外要特別推介這個砵酒蠔；本身已經喜歡吃蠔，加上濃厚的砵酒味，十分可口！我們最錯的，就是不明白為什麼吃中餐要揀選喝日本啤酒？？？

陳記燒鵝花園餐廳📍深井陳記商業中心地下後舖放假當然帶家人食好西啦Kay Gor 來到深井今次就食陳記燒鵝深井老字號的陳記燒鵝，泊車超級方便優惠燒鵝海鮮三寶A餐$588有燒鵝皇（半隻）清蒸海班1條白灼海生蝦12兩招牌燒鵝⭐️⭐⭐️⭐燒鵝超級脆，肉質好多汁肉質嫩滑，皮爽脆微甜，燒鵝燒得岩岩好唔會老，試過就知。清蒸海班⭐️⭐⭐️⭐蒸魚海斑整得剛剛好，唔會太老用上蒸魚豉油汁，鮮味濃郁白灼海生蝦⭐️⭐⭐️⭐大大隻鮮蝦，肉質彈牙記得要點辣椒豉油推介老店👍🏻👍🏻👍🏻👍🏻

朋友搬左去深井居住，今天入去探佢，順道品嚐一下遠近馳名既深井燒鵝陳記燒鵝在深井有兩間店舖，我們選左總店，總店裝潢比較似舊式大排檔，好親切燒鵝王， 上枱時，賣相吸引燒鵝皮好薄，燒得好香，入口香脆，又唔肥，肉質幼嫰多汁，味道甜美蒜蓉粉絲蒸蟶子王蟶子肉質雪白，新鮮，味道鮮甜，加埋蒜蓉，味道提升不少豉汁蒸魚雲，蒸時間啱啱好，魚雲幼嫰滑溜，加左豆豉及炸蒜粒，味道更有層次，食到停唔到飯後有糖水送，今天喺蕃薯糖水，糖水薑味濃郁

下午6時一行四人由青衣機䥫站轉乘308 m專缐小巴，經新汀九橋，約20分鐘車程到達深井碧堤半島站下車，步行5分鐘到達深井陳記燒鵝海鮮酒家（商業中心），很快坐下，點了一個焼鵝(半隻），蒸海石斑及羌葱炒蟹套餐，椒絲腐乳通菜，海鮮冬瓜盅及一碟瑤柱蛋白炒飯。一會兒來了冬瓜盅及焼鵝，冬瓜盅材料十足，有瑤柱、金華火腿、𧎚干、冬菇、蓮子、瘦肉粒和魚粒等，清甜可口。至於芬香撲鼻的燒鵝，肉質幼嫩，皮香脆口，轉眼之間已所剩無幾。跟著又來一味羌葱炒蟹🦀🦀🦀，火喉十足美味。另外蒸海斑🐟🐟🐟亦有一手，恰當好處，鮮味可口。加上幼嫩的通菜和香口乾炒的瑤柱蛋白炒飯，飽肚後到海濱長廊欣賞青馬大橋一帶的夜景，另這頓晚餐更感滿足。

眾所皆知深井出名食燒鵝,今次去深井食陳記燒鵝。深井有好多燒鵝店,今次就去試大名鼎鼎嘅陳記燒鵝。陳記燒鵝係深井有兩間店,比較多人去嘅係有露天分店。不過我今次就去試大名鼎鼎嘅陳記總店。由於我因為工作OT關係, 差唔多八點先去到。總店門口有人代客泊車,然後有人帶你入去, 待應服務好好。可能因為八點多過了最多人食飯時間,所以唔係好多人。今次特意來到當然要點大名鼎鼎陳記燒鵝,然後有燒蜜汁叉燒, 竹笙魚肚浸節瓜同薑蔥魚雲煲。陳記燒鵝真係冇揀錯,一食落去皮脆肉嫩真係名不虛傳。原來佢嘅叉燒亦係驚為天人,佑吾到會咁好食, 真係出邊好少食到咁好食嘅燒鵝同叉燒。不過可惜個薑蔥魚雲煲啲魚雲好小同好多碎骨, 有少少失望。總括來説如果我想食燒鵝同叉燒真係要來深井陳記一趟👍。

來深井一定要去食陳記燒鵝媽媽很喜歡食中菜，所以我angel 今次放假帶她食中菜，今次帶她去食深井老字號的陳記燒鵝，泊車方便。我們點了優惠的燒鵝海鮮三寶A餐$588有燒鵝皇（半隻）清蒸海班1條白灼海生蝦12兩燒鵝皮很香脆，肉質好香，真係皮脆肉嫩，聽為虛眼見為實，好難形容到，一定要親身試過才知道好在哪裏，肉質嫩滑，皮爽脆微甜，招牌菜真是招牌菜，火候恰到好處，試過讓人念念不忘。大大條鮮蝦，肉質彈牙，爽甜蝦，我喜歡點辣椒豉油。蒸魚海斑整得剛剛好，唔會太熟，我非常喜歡食蒸魚豉油汁撈飯。總結：我媽咪對食物很有要求，難得今次我們又覺得好味，又抵食，總之我媽咪太后佢喜歡就ok 。

尋日去上海街陳記，花了160元試一碟例牌燒鵝脾。來了全部皮包肥膏。師傅仲鬧下庒梗係肥啦。眼見隔離坐女士點了46元燒鵝瀬來了黑肉燒鵝，投訴要求更換我才膽粗粗反影一下。換來一肚氣！唯有冇下次。

來深井探朋友不下數次，所以今次決定不吃燒鵝，試下改吃小菜。通常叫炒蜆都是叫豉椒炒，但老闆推介了我們試下油鹽水浸花蛤/蜆。我們從沒吃過這種煮法，上台時原來的胡椒朱肚湯的味道，胡椒上沙浸花蛤，連湯都可以飲埋，以後學識了這裡方法吃海鮮。

行完山經過深井當然要一試出名的燒鵝瀬粉啦侍應叔叔好好客燒鵝皮脆肉嫩 好好味呀叔叔仲特登整兩碗正野俾我地添呀非常有人情味$55 一碗 不過有加一唔想食太飽又想試下個燒鵝依個絕對是不二之選

今日荃灣行山，行完出返深井。黎到深井一定要食燒鵝啦，唔係講笑行幾步好似就見到陳記咁，所以無咩選擇下就入去試下。由於已經傍晚所以無哂粉麵得返例牌，都試下啦一場黎到。點知。。。整體得幾舊係有肉食，而且好肥膩，皮又唔脆，十分敗筆。同朋友食完都好失望。價錢唔係平，但質素完全不行。希望可以好好咁改善下，唔係出名了就唔駛理質素的。

4個為食鬼去完廸廸尼，就順便揸車黎深井食飯💕💕先黎半隻燒鵝，皮係脆嘅，可惜肥膏較多，而且食到底層，發現好多都只係骨頭，無肉食嘅😭😭有少少失望...再黎梅菜扣肉煲，肉質夠淋，肥膏同肉嘅比例各佔一半，用左生菜墊底，都幾好味，而且超多梅菜，送飯一流蒜蓉豆苗炒得比較乾身，生炒骨同椒鹽鮮魷都可以👍👍個人認為小菜部分做得幾好，反而燒鵝呢....真心有d失望，話哂係招牌菜嘛...希望係一時失手啦，期待下次更好表現。

早排同家人一行4人去完天后廟拜完神就直去深井既陳記食下午飯因太肚餓既關係叫左5樣野食同每人一碗瀨粉🥣重點唔少得燒鵝 半隻$290肉質鮮嫩 無論係肉定個汁都夠哂入味！皮脆肉嫩，配埋瀨粉食，讚👍🏻瀨粉個人認為好好食，但如果可以再大份d就好🤤海哲（海哲燻蹄）$75（因我地無人食燻蹄 就問侍應可否改只要全海哲）是可以改的好爽口，味道足夠之餘有點辣辣地，好正！我地個個食上癮🤣竹笙扒雙蔬$88呢碟菜 清得黎好食 咸味適中有西蘭花，草菇，竹笙份量充足👍🏻椒鹽九肚魚$88張相係食左幾舊先記得影🤣好脆好鮮，咬落去係熱辣辣太心急關係比d汁辣到舌頭🤣個椒鹽味好平均每條魚都有下次要食埋椒鹽鮮魷！其實仲有個咕嚕肉忘記影不過個人認為一般所以放棄打🤣