陳漢記 (已結業)

工作做到一頭煙，最好就是吃一頓回魂午餐朋友介紹來陳漢記，一看餐牌果然超多選擇胃口常不太好的我總想找到些不太heavy的粥和粉麵這裏就可以完全滿足我的要求這天就一人點了一個粥, 再加一碟炸兩是很港式的早餐配搭, 不過作為午餐也絕不失色, 因為這裏有花蟹粥！是原隻花蟹在碗裏面, 而且非常鮮甜另一碗則是田雞粥, 粥底較蟹粥要綿滑不過粥一般都很熱, 要預留時間品嘗！

今日出大埔走走，孤陋㝰聞既我完全唔知而間陳漢記咩料。只係朝著門口寫住既”玻璃腸粉”就沖左入去啦。最初以為佢啲腸粉一定好正啦，玻璃喎！🤔咁就叫左個义燒腸同炸両，點知失望多過期望羅。腸粉皮厚啦又唔熱啦，义燒都係一般咋，呢個都還好。個炸両仲慘，淋架。。。。。🤦🏻‍♀️咁樣就睇得出有幾好味啦，細細份要收我32蚊，加野飲仲要比多3蚊，呢個價錢唔值羅。❌食完後尾上網搵佢下佢資料，睇唔出都有好多好評，但唔係食腸粉羅，失策了😖總之腸粉就真係可以skip啦，其他就唔知lu，不過我就唔like羅

去陳漢記通常都係食煲仔飯出名嘅腸粉但食得多真係都會有少少厭嘅所以今次要轉下口味食下佢啲魚蛋粉還記得有一次食魚蛋米難食到飛起，重點係魚蛋太過魚腥味，半碗都食唔落所以今次叫左墨魚丸河試吓先，先生叫咗一碗魚蛋牛腩河，味道OK墨魚丸質感彈口

花蟹粥（HKD47）一夾起蟹蓋，啲膏嘅精華就滴返落軟綿嘅粥底，味道極之鮮甜，難怪多人嚟食！仲有1隻半嘅蟹咁多，好抵食，我最鍾意呢個！牛坑腩河粉（HKD46）份量都算多，湯頭清甜，肉好香滑軟腍。可惜幼薄嘅河粉煮耐咗少少，碎咁啲啲，如果唔係佢會爬蟹粥頭囉。呢度嘅腸粉都係必食嘅，牛肉腸（HKD23）嘅皮非常薄！靚過茶樓嘅多多聲！入口滑溜，豉油都唔會好鹹，啱啱好，正！美咪指數：9/10抵食指數：8.5/10

大埔有好多美食，其中一間平民飯堂就係陳漢記。朋友唔係成日黎大埔，而又未食過陳漢記。今日決定帶朋友黎試下食。 雖然六點幾己經到左，但係可能係星期日既關係，都己經好多人排隊，差唔多排左九個字。不過都正常既，好野先多人試。 排隊排到一半期間職員己經問定要咩煲仔飯，因為煲仔飯要整9個字。 首先叫左個皮蛋瘦肉粥，份量唔係好多，但粥好綿 之後叫左叉燒腸粉，唔怪得腸粉咁出名，皮薄又夠滑，豉油都好味 最後就煲仔飯，叫左個鳯爪排骨煲，煲仔飯真係好味，好香。埋單101蚊，食完之後決定下次要再試埋其他。

典型港式差服務，呼呼喝喝冇冷氣另外咁大個人第一次食咁難食嘅奄列蛋全熟，口感鞋過沙紙咁簡單嘅野都整唔好...完全諗唔明點難咁多人其實係咪附近啲人冇啖好食，無奈選擇？

次次經過都大排長龍，印象中好似好多年前食過，耐到任何印象都沒有了。今日行經，竟然不用等位，就入去支持支持。（因為經常有朋友叫我去碰碰運氣，有機會見到明星）「鮮牛肉粥」好少餐廳可以食到新鮮牛肉。碗粥未知是否下午茶關係，比想像中細碗。不過喜愛大蔥、薑絲的我，一食就愛上了！$30這個份量，的確有點貴。「油炸鬼」不是新鮮炸，凍冰冰。不過唔緊要啦，它不是主角。$11條油炸鬼，是平是貴？這間餐廳是賣食物質素的，如果想要服務質素，可考慮別的食肆。*餐廳沒有BB櫈提供。

大埔好多煲仔飯都好好食， 其中呢間都係好出色， 有黃鱔，有田雞，個人 就最鍾意食因為真係真係好鬼香同係有飯焦嘅. 若果天氣熱可以試下佢d粥， 有蟹粥夾埋個"爽滑魚皮"真係prefect. 魚皮d麻油同花生都好香， 不過有時排隊都真係排好耐

可以說是味精餐廳界，佢既味精係超重手，都真係食一啖已經完全feel 到，無論是腸粉/粥/煲仔飯 , 唔叫野飲配住食真係唔得，食粉麵就相對味精輕手dd不過大家唔mind 味精🙈，咁佢既蒸腸粉同煲仔飯係ok, 夠多選擇，同即叫即做，新鮮滾熱辣以夜晚宵夜時段既大埔墟，比起7仔/ok 便利店，咁陳漢記係沒有的較好選擇，方便c 家車友泊車食但以咁既性價，食物質素，我真心唔建議大家專登去食+排哂長龍等食，大埔有更加好選擇

環境：👣👣👣食物：😋😋😋態度：😊😊性價比：👍👍👍環境方面，一定係逼架啦，只係望落都5算十分企理，所以得三對腳印。食物方面，粥偏稀，好水無乜米咁，雞肉魚腩粥，魚腩（又腩5曬）好多，雞骨都好多，而且雞肉很細喔，所有雞肉加埋應該有一舊魚咁多。雞肉好重料酒味，好似係紹酒，視乎您對酒味雞既喜愛程度決定好唔好食啦。皮蛋瘦肉粥多皮蛋，皮蛋5會半舊半舊上，有切細粒d，而且係溏心皮蛋，不錯。腸粉今次好似比之前厚多dd，好多叉燒粒，畢竟玻璃腸粉係佢招牌，所以5會太差。態度方面，er，本來都無乜想講，但我黑仔，坐係飲品櫃前張枱，佢地好隨心咁放野係我張枱，開汽水蓋又好隨意咁由佢跌落地彈到我咁，其他無乜野。我好少去陳漢記，一黎成日排隊，二黎唔係認真好抵，不過未試過可以去試下玻璃腸粉既，幾靚架。

真係唔明點解可以有三星...一家人去探婆婆諗住同佢食好野點伏到無朋友...叫咗及第粥,皮蛋瘦,豬潤粥 (蟹肉無哂),四寶麵(之類既物體),叉燒腸,炸兩,齋腸 (我地有五個人),粥最快到, 第一個感覺係水...之後都係水... 你係唔會搵到多過十粒飯,我想問咁姐係想點?!!之不過你唔會覺得無味個啵,因為有味精呀嗎! 食完我飲咗5杯水...算,希望"手工"腸可以搭救吓, 個日我認識到咩叫希望愈大失望愈大...邊到滑,邊到手工????!?!!!?!?上碟個吓?? 佢真係腸 "粉" 啦! 散到mud咁, 料又少! 炸兩腍既,麵唔彈牙,粥得水,腸粉既.....唔明,真係唔明...

之前睇左宋熙年同佢公個YouTube channel話大埔呢間陳漢記既煲仔飯好出名，所以慕名入左去食。一入到去，坐入面既，但唔知係咪個冷氣壞左，成餐飯熱到嘔，所以都冇乜胃口。我地兩個人，叫左個窩蛋牛肉煲仔飯，叉燒腸同蝦腸。等左十分鐘有得食，個窩蛋牛肉飯一黎到，落左鼓油再焗下再打開蓋，聞到香噴噴，已經好期待。但放落口大部份既飯都係濕既。有少少飯焦，但苦既，真係唔知係咪我唔識食煲仔飯。結果都冇食曬啲飯，窩蛋牛肉個味正常，冇咩特別。叉燒腸同蝦腸，熱辣辣，個皮好滑，但係個味都係好普通。總結係如果要排隊先食到就唔係好值喇，唔明點解咁有名氣，自己食完覺得似街坊茶餐廳質素。

之前據聞這一間麵店，是前高官喜歡的，這次剛好有時間，路過來試一試。員工的服務態度不錯，至少會為你安排沒有人在附近的座位，亦都不會阻塞通道，點了一個牛雜麵。牛雜米線，只看賣相，就不覺得有什麼特別，其實和普通的麵店賣相差不多。看見牛腸兩件、牛肚比較多，有四五件，以及牛肺兩件、以及牛蒡一件。牛蒡還算綿滑，牛肺乾淨，爽脆；牛腸比較林，而且薄片；牛肚雖然多，但是不算入味，味道普普通通，但至少不會太過韌，吃到痴牙。米線其實份量極少，湯底其實味道也沒有特別，還要頗碎。甚至乎可以誇張的說，如果蒙着眼睛，和深水埗有一間20多元的小店，質素其實差不多。雖然名氣很大，但是就我這天吃的這碗牛雜米線來說，看來不是這麼出色🤔，可能，大家讚賞的，都是其他菜式，例如牛腩、小菜，或是其他煲仔飯等等吧。

一大早在大埔跑了10公里，就為了減掉新年滾得圓圓的肚子。「我記得大埔也有我想要嘗的美食耶!」出發前我便跟漁夫說，「你看這些腸粉有沒有很吸引!」每次在網路上看到別人在陳漢記的腸粉照片，都覺得漂亮得不得了，現在當然也要拿出來說服他帶我去! 不出所料，這些腸粉照片真的提起了那位同樣是腸粉愛好者的興趣。「那最後就跑來這邊吃午餐吧!」12點在這種人氣店家前果然長出了一條長長的人龍，我偷偷瞄一下漁夫，生怕他放棄排隊。「我們才2人，很快啦!」店面其實不小，粥麵店的流動速度也快，沒有不等的道理吧!果不其然，很快伙計便喊到：「有沒有兩位？」「我們！」我立馬招手，拖著漁夫進去。「怎麼餐牌上都貼了紅紙?」我問。「新年期間，加一加二也難免吧!」漁夫指著桌上的菜單，「我們應該看這個新年菜牌。」腸粉大概二十多塊，也只是稍貴了一點，就當作給老闆的勤工獎吧!「先來腸粉吧！」口味也不外乎那幾種，我們便點了向來最愛的豬膶和牛肉腸。「你看這個皮! 你看這個皮!」我猛拉漁夫的手，這太薄了吧！粉皮都薄得像玻璃一樣可以看清楚裡面包什麼了！我輕輕一劃，把半條腸粉咕嚕的吸進肚裡，真的有夠滑溜的！豬膶腸是我的最愛，不過做得好吃的也不算

零晨突然有點餓發現呢間陳漢記都仲未閂門即刻同男朋友衝左入去食由於太夜已經冇晒飯餐-店員好熱心推介我地食腸粉我哋叫咗鮮蝦腸同叉燒腸唔係等左好耐就上左枱唔知係咪太肚餓 真係覺得有啲似酒樓嘅布拉腸~一樣咁好食！啲蝦仲要係大大粒原隻!茶餐廳有咁嘅水準都算唔錯啦~杯紅豆冰就比較普通啦