陳勤記鹵鵝飯店1948

營業中

休息中

其實係香港，一個正常的外賣晚餐幾錢先為之正常呢？$50？$60？ 今晚，我就食咗一個正價$88嘅滷水鵝拼腎飯。（外賣九折）為咗試衣間米之蓮推介餐廳。其實我一向覺得潮州人真係唔係好識做生意，好似九龍城和記隆咁，通常食物嘅品質可能都唔錯，但係推銷產品方面，包裝同埋服務態度應該都一般。這間服務員態度非常好，不似老派潮州店。這個鵝味道不錯，不過肉質較韌不夠甘香。喜歡吃腎的麥兜說鵝腎爽口好味道 。整個飯盒分量多，我和麥兜晚餐一起吃也足夠。但當真係令人驚喜的是我們那碗加$8平平無奇的西洋菜豬雜湯！這碗湯份量非常足料，味道濃郁，豬雜軟硬適中沒有臭酥味。湯似乎沒有加太多味精，飲完都冇口渴，感覺良好。其實依碗湯如果正價賣，我願意比$20。鴻福堂一包湯都五十幾蚊，這碗湯$20比少咗佢了。總括而言，如果飯個價錢平啲，碗湯個價錢貴返啲，就感覺比較平衡了。Mcmug

搬入將軍澳好幾年，難找一間似樣的潮州菜館。聽聞獲米芝蓮推介的陳勤記搬到將軍澳，當然要來試試啦。兩個人食得唔多，只點了鹵水鵝、蠔仔粥同豬肚湯。招牌鵝片果然係鎮店之寶，鵝片肥瘦適中，色相吸引，肉質鮮嫩入味，一個字，正。蠔仔粥同樣值得推介，蠔仔多而肥美鮮脆，粥底亦甜美，加上米粒不爛，保留了潮洲粥的神韻，真係食到唔停得口。至於鹹菜胡椒豬肚湯，胡椒味很突出，豬肚口感爽口彈牙，認真唔錯。今次確係不往此行，以後搵正的潮州嘢食，唔使再走到山長水遠了。

瞓醒落街試新野，點知中伏🤬開頭見到門口有九個連續九年米之蓮大獎，心諗應該幾好食呀，再加上本人非常鍾意食滷水野咁就諗住試吓啦入到去見佢有個二人餐，$298包蠔仔粥，滷水鵝肉，同方魚炒芥蘭一於試吓佢啦滷水鵝第一碟嚟到見到色水就好夠但佢俾咗應該係啲脾位我心諗賴嘢因為食開滷水鵝嘅人都知滷水鵝脾係又乾又韌㗎啦食落果然又乾又韌仲要冇味成疊野係要靠個醋嚟令到個鵝有翻啲味之後到蠔仔粥，蠔仔係幾大隻幾滑嘅不過個湯就味道欠奉炒菜就普普通通唔使講啦埋單因為假日仲要加$20茶錢最後俾咗總共$350食美心朝廷嘅質素咁嗰九個米之蓮真係唔知係咪買返嚟㗎喇

平時都幾鍾意食潮州野，所以好早之前就已經好想試。不過唔知點解次次都就唔到時間去食。咁岩今日約左朋友仔係將軍澳食飯，先知原黎康城杠廣場新開佐一間潮州餐廳：陳勤記鹵鵝飯店。查佐下先知原黎呢閒餐廳之前舊店係上環，已經有七十幾年歷史。咁就梗係要去試下啦！入到去見到個裝修好古色古香，明顯同其他既食店好唔同。識食梗係要叫碟滷水雜錦拼盤，包含佐鵝掌、鵝翼、五香滷肉、大腸，一次過滿足你所有需求！食落果然無令人失望！入口啖啖滷水香，鵝肉鹹淡適中，肉質都好彈牙！正！ 之後我地仲叫佐金華四寶蔬，入邊有紹菜、小棠菜、草菇、雲腿。實在好奇厨師用咩醬汁烹調，可以令到蔬菜入口鮮甜，同草菇都搭配得好好！同埋跟餐茶都同其他食店好唔同，飲落明顯是靚茶。一問先知原黎老闆娘專門去日本買冲茶工具翻，真係好有心機！食完飯飲番杯靚茶，不但可以清下d油膩感，仲可以同朋友慢慢傾下計，唔錯！朋友同我都好滿意，由d細節位都睇得出餐廳係有心思。下次將軍澳康城商場記得試下喇！