5
1
1
港鐵康城站 B 出口, 步行約1分鐘 繼續閱讀
電話號碼
28580033
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
付款方式
Visa Master AlipayHK 支付寶 現金 八達通 AE 銀聯
其他資料
當面支付
食評 (7)
仲記得上環潮州巷未清拆之前,多次同大學同學去幫襯。一如其名,巷內全部係唔同級數嘅潮州菜館。唔好以為只是條橫巷,就一定係平價潮州菜,其實小巷臥虎藏龍。當年香港最出名、最貴嘅潮州菜館「尚興」、「兩興」及「斗記」都係喺附近(按:現在只剩下「尚興」仍然在上環老舖維持經營),三間皆以潮州翅、金華嚮螺、凍蟹等高級潮州菜聞名。潮州巷內則是以平民打冷及小炒為主,味道並不差過三大名店,尤其潮州滷水就更加是每間店都有自家秘製滷水膽,每盤滷水大大話話都超過二、三十年,邊有可能唔好味?其中一間就是「陳勤記」,也是潮州巷清拆後碩果僅存,直到今天仍然繼續打拼的潮州滷水打冷老店。「陳勤記」始創於戰後1948年,當年上環三角碼頭一帶很多潮州人聚居及打工,創店人陳適勤先生適逢其會,紥根於文咸西街及皇后大道西之間的一條橫巷,將潮州滷水文化帶來香港發展;之後陸陸續續又有其他同鄉進駐,逐漸於1950、60年代形成了聞名香港的潮州美食巷。到後來潮州巷清拆重建,陳老先生兒子堅持以第二代接班人身份遷往皇后大道西地舖發展,延續陳老先生當年創店的精神。到了第三代,更曾經想大展拳腳,在灣仔開設分店,只可惜最終結業。估唔到去到2020年,上環總店也結業收場。原以為一代潮州滷水老店也敵不過時代洪流,有點唏噓;估唔到竟然在香港這個最新的將軍澳康城Lohas商場以全新形象重生,老店 X 新商場,有意思!但並沒有忘本,「陳勤記」的菜牌上也要加上「1948」這個創業年份。門外當然要掛上2012至2020連續九年《米芝蓮》頒發的「車胎人美食推介」獎牌。小店面積比想像中還要細,原以為一代馳名老店會租一個較大舖位。更加估唔到嘅係,客人數量並不太多,以為這類型馳名老店、再加上《米芝蓮》加持,一定會有很多人排隊。店內蔟新的招牌來自灣仔分店。問過店舖負責人(年紀甚輕,可能係第四代老闆),上環總店的招牌則放在貨倉內。最搶眼當然是玻璃後的一隻隻肥大滷水鵝。始終唔係高級潮州菜館,巨大凍花蟹、大眼雞、甚至潮州滷水大墨魚皆未見展示。雖然沒有巨大凍花蟹,但菜牌內就有很多潮州小炒,甚至有名貴菜式潮州翅。其實「陳勤記」當年創店,只主力潮州滷水及打冷;菜牌內加入潮州小炒這個概念,是第三代接班人當年開設灣仔分店及翻新上環總店時的銳意革新,以求擴充業務。到今日重新出發,仍然繼續這個革新堅持。本來想食滷水鵝片($238),但原來同滷水鵝髀($238)價錢相同;夥計又話滷水鵝髀大碟啲,更加抵食,就揀滷水鵝髀。用滷水布包豆腐墊底係潮州滷水打冷店普遍做法。這碟滷水鵝髀只有薄薄幾片豆腐,但望落去滷水鵝仍然滿滿鋪滿一碟,足證滷水鵝份量夠多。鵝肉飽滿,又切走了多餘的鵝皮下脂肪;入口鵝皮軟滑,鵝肉軟而不嚡。雖然滷水汁份量偏少,勝在味道醇而不嗆;香料份量調校得宜,芳香而沒有過鹹過濃、兼有鵝脂香味。不愧是超過70年的陳年滷水膽。沙嗲牛肉炒河粉($82)見不到一條河粉,完全被沙嗲醬汁覆蓋;這正是美味沙嗲牛河的首要條件,保證每一條河粉都可以沾滿沙嗲醬汁。牛肉雖然嫰滑冇筋,但欠缺牛味。河粉炒功就相當好,有少少煎焦效果,亦加入了份量不少的雞蛋,配合潮式沙嗲醬汁實在相當好味。醬汁稠度適中,味道濃郁,但唔夠香;唔可以話唔好食,其實味道都已經相當好,但總是欠缺了一些香料,未係最好味的潮州沙嗲醬。雖然未係最好,但肯定好味過港式沙嗲醬汁。潮州牛肉湯河粉($62)味道很差。湯底似是普通的味精湯,湯河粉唔夠滑溜,牛肉欠牛味。今次冇試過廚房小炒,唔知道質素如何。但湯河粉就很差了,至於潮州菜的招牌醬料沙嗲醬味道也一般,未算好食。唯獨滷水鵝就非常出色,值得專程捧場。 繼續閱讀
等級3 2021-04-09
601 瀏覽
由上環總店搬到日出康城新商場嘅新勤記,帶着米之蓮推介嘅光環黎到將軍澳區,今次叫左外賣,滷水鵝片併鵝腎、鵝肝同鵝腸,承惠$468,老實講,一開始見呢個價錢,真係覺得有啲貴,但舖頭堅持用獅頭鵝,聽講來貨價都唔平,所以即管試一試。(發生咗一個小插曲,就係我喺落單嘅時候用app揀錯咗鵝脾,但其實我係想要鵝片,價錢是一樣的,我打返電話去舖頭,職員都好有禮貌咁幫我改返)成盒野有大概一張A4紙咁大盒,講真,比我想像中多!鵝片size切得適中,唔會太韌,仲有好香嘅鵝味,底下仲有另外一層,竟然係鵝脾,真係喜出望外,而鵝脾比起鵝片更加嫩滑,好味!另外,鵝腿滷得好入味,而且份量好多,正!腎同肝都好味,唔會太硬,但確實鵝腸比較出色整體:大推!康城有咁出色嘅滷水店真係幸福!未試過嘅一定要去試吓!真心好味! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-03-08
672 瀏覽
經過此店,突然唸起好似好耐無試過潮州鹵水食物,幫襯一下!環境可以,但侍應就幾潮式😏講串無澳牛個D咁有型格,話晒要走高檔潮菜就服務應該好D, 言行舉止要衛生,可能一時大意啦。菜式都多款。大路野全齊。餐牌呢度有晒。但一個人就好難叫小菜,性價比唔算太高,所以唯有食返D大路野,鹵水!一個人食個鵝雙併。其實肉質都可以,份量都叫大(3人可叫兩碟share) 最大賣點應該係D鹵水汁。如果有個鹵水白飯就已大把生意😜 繼續閱讀
(以上食評乃用戶個人意見 , 並不代表OpenRice之觀點。)
等級1 2020-12-07
1358 瀏覽
其實係香港,一個正常的外賣晚餐幾錢先為之正常呢?$50?$60? 今晚,我就食咗一個正價$88嘅滷水鵝拼腎飯。(外賣九折)為咗試衣間米之蓮推介餐廳。其實我一向覺得潮州人真係唔係好識做生意,好似九龍城和記隆咁,通常食物嘅品質可能都唔錯,但係推銷產品方面,包裝同埋服務態度應該都一般。這間服務員態度非常好,不似老派潮州店。這個鵝味道不錯,不過肉質較韌不夠甘香。喜歡吃腎的麥兜說鵝腎爽口好味道 。整個飯盒分量多,我和麥兜晚餐一起吃也足夠。但當真係令人驚喜的是我們那碗加$8平平無奇的西洋菜豬雜湯!這碗湯份量非常足料,味道濃郁,豬雜軟硬適中沒有臭酥味。湯似乎沒有加太多味精,飲完都冇口渴,感覺良好。其實依碗湯如果正價賣,我願意比$20。鴻福堂一包湯都五十幾蚊,這碗湯$20比少咗佢了。總括而言,如果飯個價錢平啲,碗湯個價錢貴返啲,就感覺比較平衡了。Mcmug 繼續閱讀
(以上食評乃用戶個人意見 , 並不代表OpenRice之觀點。)
等級1 2020-11-25
878 瀏覽
搬入將軍澳好幾年,難找一間似樣的潮州菜館。聽聞獲米芝蓮推介的陳勤記搬到將軍澳,當然要來試試啦。兩個人食得唔多,只點了鹵水鵝、蠔仔粥同豬肚湯。招牌鵝片果然係鎮店之寶,鵝片肥瘦適中,色相吸引,肉質鮮嫩入味,一個字,正。蠔仔粥同樣值得推介,蠔仔多而肥美鮮脆,粥底亦甜美,加上米粒不爛,保留了潮洲粥的神韻,真係食到唔停得口。至於鹹菜胡椒豬肚湯,胡椒味很突出,豬肚口感爽口彈牙,認真唔錯。今次確係不往此行,以後搵正的潮州嘢食,唔使再走到山長水遠了。 繼續閱讀
(以上食評乃用戶個人意見 , 並不代表OpenRice之觀點。)