陳儀興飯店 (崇齡街)

營業中

休息中

去親新蒲崗打冷，通常都係去睽記，佢哋嘅炸雙棗及糯米豬腸委實不錯。跟老友記打完波開飯，唔使問阿貴又係揾地方打冷。今次決定捨睽記而來呢度，志在係試下新嘢。見睽記嗰邊人聲沸騰，呢度卻係斯人獨憔悴，心知不妙...地方極地踎，但環境實在有D污漕。連小弟呢種最愛地踎之人都一皺眉頭...老友記堅持要叫嘅潮式拼盤，有鵝腸、生腸、紅腸、豬頭肉、鴨腎等。滷水不香，得個鹹字；鵝腸不夠肥美，又不入味；猪頭肉根本冇肉可言，只得肥羔；鴨腎太硬...絕對在水準以下....蠔餅係用萬年油炸起嘅。近排食慣正宗嘅煎蠔餅，一食呢亭油淋淋嘅貨色，大倒胃口；唯一好處係蠔仔尚夠大隻...鵝片肉太韌，不滑，配上個差勁嘅滷水，劣上加劣...唉...真的不值再提。倩願去睽記排吓隊好過...

時日收夜,老婆又想食楊州炒飯,而肥仔記亦轉了手,食物味道大不如前,便諗起呢度.已很久無幫親,又係果句因之前食物味道差左.今次叫了楊州炒飯及蠔餅,以我個人認為,想試一間小菜飯店的好與壞,最好叫它們的炒飯,連炒飯都做得差,其他食物不試也吧.楊州炒飯上桌,基本材料有齊,不似有些食店用火腿代替叉燒,而蝦亦用那些蝦毛,呢度D叉燒唔會太乾,蝦亦彈牙,而且炒得極有鑊氣.蠔餅須不是用鴨蛋,而用雞蛋,但做得外層香脆,裏面唔會乾爭爭,蠔肉亦非常鮮味,點埋魚露食,不錯不錯.以後深夜又多間選擇了.