陳儀興玫瑰餐廳

營業中

休息中

香港系一個一年四季都可以有好多人打邊爐嘅地方，春夏秋冬只要你開着冷氣都可以做呢件事而家差唔多到夏天其實條街都幾熱但係同朋友今日就決定去打邊爐。嚟到新蒲崗真係有好多好嘢食揀，今次就揀咗之前有朋友推薦我試吓嘅玫瑰餐廳。入到去店員都有幫我哋量體溫絕對符合疫情防疫嘅時候嘅標準 坐低一陣之後店員就你叫我地可以如果打邊爐嘅話就可以叫住個湯底先之後我就深深咁比胡椒豬肚雞湯吸引着，所以決定就要試吓啦一路叫住嘢食個頭好快就想，同朋友決定飲啖湯先再繼續打邊爐。不啲湯嘅時候見到號有好多黑胡椒係入邊 就覺得成個湯底係好足料 而且入邊都有好多榨菜同埋豬肚 值得一提嘅係所有豬肚都係唔肥嘅所以都好放心食 打邊爐最緊要係湯底！今次真係好滿意🥰 平時我都好少點醬汁 所以個湯底真係好重要啊！雞係另外上既，有半隻，對於我地2個人食黎講都幾多，但好新鮮同好滑未幾，配料都上哂黎。今次叫左打邊爐必叫既萵苣，芋絲，金菇，油麥菜，韮菜餃拼魚皮餃，手打三寶丸(鯪魚球，豬肉丸，蝦丸)仲有加一蚊就有既牛抑粒！ 食材全部都好新鮮！值得encore🤓☺️

呢排經常去新蒲崗食嘢，因為朋友在附近上班😂不過無意間發現有不少食店都是值得一試，好似這間港式茶餐廳/火鍋店，令我一試難忘😍😍——————————🔹胡椒豬肚雞煲這種湯底真的不是常常見到，難得看到就叫一個試試😚 一上菜就看到湯是奶白色，裏面有不少鹹菜和豬肚，還聞到陣陣胡椒香味～ 起初冇為意，飲咗大大一啖，原來都幾重胡椒味，有點嗆辣🤪豬肚軟透不腥，完全沒有怪味👍🏼之後加入雞件煮十幾分鐘，湯底會更濃郁鮮味，而雞件煮得很嫩滑，有淡淡胡椒香，不錯😋😋-🔸自家手包韭菜餃 $45這個韭菜餃很飽滿，裏面有很多韭菜和豬肉，調味剛好，餃皮又不會太厚，必食☺️-🔹招牌手切肥牛 $168手切肥牛比我想像中瘦，沒有明顯雪花紋，但肉味一樣很濃，肉質也不韌，所以食幾塊就會有點飽☺️-🔸極品黑豚肉 $88這個黑豚肉很厚切，肥肉較多，淥熟後有很香的油脂和肉味，肉質亦不鞋口👍🏼 再蘸少少豉油，味道會更上一層樓，個人認為這個比手切牛肉好食😋-🔹炸魚皮/ 響鈴卷 各$35這兩種配料份量都算多，好似食極都還有，而味道似店家自家製，香脆可口😚

陳儀興玫瑰餐廳 (新蒲崗)胡椒豬肚雞煲（半隻） $138雖然平常但係唔係間間打邊爐都有呢個湯底。一上枱即刻試吓個湯。胡椒味好足夠，湯底清甜，加埋鹹菜同豬肚，好豐富。雞比足大半隻，一上枱就覺得雞肉好靚，有光澤雞皮有黃。加埋雞落湯底，煮多陣會更加香濃。鍾意食辣嘅我就會覺得如果胡椒味再辣啲，會更加惹味同滿足。#凍檸樂 $18 鹹檸七 $18 一大杯冰底，打邊爐必備。#菜肉餃拼芥末西芹餃 $50 好大粒又足料。鍾意刺激試新口味嘅，一定要試吓芥末西芹餃🤣真係會辣到喊，芥末味好重，好刺激。#安格斯牛肉細碟 $138牛肉味好香濃。見到肉嘅花紋都知道係靚嘅牛肉。#滑牛肉拼竹笙$50 都唔錯。鍾意竹笙夠大舊，可以吸晒嘅湯底。Like 社交平台和牛牛柳粒 $1最抵食莫過於讚好社交平台可以用一蚊加購和牛牛柳粒。數過仲要有8大粒，一係唔惹小。食落係喺美食展可以買到嘅和牛粒。肉味香濃肉質腍又香油脂。

又返嚟我最喜愛十大火窩餐廳既其中一間—玫瑰餐廳陳儀興，本身諗住帶個朋友嚟慶生見識下佢個黃金甲，因為上次食完念念不忘，但今次有新野而且仲要係我地都喜歡既胡椒豬肚雞窩，緊係要試新野啦！個湯奶白色，陣陣胡椒飄香，我地未打邊爐前就已經每人飲左碗(未落雞）果然好香濃，散發出淡淡藥材同埋胡椒香氣，唔會太嗆辣。豬肚爽脆鮮美無怪味。至於點解上面話未加雞呢，原來佢個好貼心咁雞係另上既，應該係怕煮得耐會d肉會鞋。而另上好處係可以食曬再落，咁d雞就夠曬鮮嫩同保持返d雞汁&精華都唔會流失。p.s份雞有半隻仲幾大份下仲跟埋個生菜先係百幾蚊，又可以叫多幾份唔同既食材啦抵食呢個豬粉腸同竹笙都係半分，雙拼收多5蚊但可以食多幾樣唔同既野😁竹笙好肥仔，又爽又大條，爽曬d胡椒味，咬落清脆無沙，不錯，但粉腸可能洗既時間穿左，有點苦甘，但只係少部分問題不大。本地手切肥牛當然唔少得，除咗湯底款式眾多而別具創新之餘，呢個本地手切肥牛都係我返轉頭嘅原因之一，雪花肥牛脂肪分佈極之平均，見到相中一格格咁就知，有圖有真相，色澤紅潤夠新鮮，咬落嫩滑而且牛味十足，中間有個相連嘅筋位咬落彈牙，一塊肥牛有咁豐富嘅層次感係非常值得一試，雖然價錢比較

係屋企抗疫，煮飯煮到悶見之前幫襯開呢間良心火鍋店有做外賣，當然要幫襯下四月份優惠，超抵食$338有咁多野食...今次揀左胡椒豬肚雞湯底屋企外賣打邊爐呢個idea真係冇諗過咁正，開心到呀媽都尖叫逐樣點評胡椒豬肚鍋底🍲: 非常足料，香濃食完唔口渴火鍋配料: $338二人餐居然有手切靚牛食，牛肉好易睇靚唔靚，睇相睇油花就會知，唔係俾cheap cheap急凍牛呢個好抵讚雞: 套餐包半隻雞，冇雪味，新鮮處理得好冇瘀血，食落嫩滑豬肉: 略嫌切得厚左少少，但肉質夠香丸😋😋😋: 新鮮手打梅菜豬肉丸同綾魚丸，梅菜豬肉丸非常好食，梅菜加豬肉呢個combination 係滿分。綾魚肉丸加左蝦米，香口夠彈牙👍🏼👍🏼👍🏼花膠仔: 呢間之前堂食都必叫花膠，水準keep到，同湯底好夾$338仲要送海蝦...生猛仲識郁，蝦新鮮就夠彈牙好食菜豆腐夠哂份量，菜冇爛👍🏼總結: 好食抵食，個餐應該3個人食都得！呢個餐可以自取亦可以代叫送貨，新蒲崗送到油塘$70，其實除返開都唔貴既，反正出街食都要俾車錢~香港艱難時刻，希望呢d良心小店可以撐住，我好少出post，但外賣做到堂食水準仲要$300幾咁多野食，我俾200分。真香港人

經過新蒲崗 發現左個好抵食既冬瓜盅想介紹俾大家大大盅 有成半個冬瓜裝住的湯料湯料都好豐富又名貴四隻原隻大大隻鮑魚 新鮮爽口又彈牙好幾片大大塊既花膠 很有膠質 很滋補❤️仲有大大條海參同其他藥材湯料方面真的很重手重點是不用二百蚊已經可以嘆到 性價比超高!!👍🏻👍🏻湯滾後 將冬瓜剪件就可以飲靚湯同食正粒啦😋😋湯很sticky 很濃厚🤩🤩冬瓜盅仲附送左雜菌同唐生菜 不過呢的都未滿足得曬我地個胃再叫左個招牌手切肥牛(細)好高質👍🏻👍🏻雪花紋分布平均牛肉軟棉棉又有牛味雲吞魚皮餃雙拼松露墨魚丸

最近疫情非常利客，又唔太敢出街食飯，有時無煮飯叫外賣都係必需，見到呢間最近有個4餸燉品套餐就叫外賣試下本身呢個餐有燉湯要早一日預訂，好在我住九龍區免運費姐，個餐燉湯有3款選擇，我叫咗金銀菜燉白肺湯，好足料勁多菜膽，啲白肺燉到好腍，個湯好清甜潤肺啊滷水鵝片好嫩腍入味，鵝香不斷好正，仲有豆腐底菠蘿咕嚕肉份量都多，食落去酸酸甜甜好開胃，入面豬肉半肥瘦好正霸皇雞半隻，雞件都大好厚肉，薑蔥豉油汁調得不錯，肉質都嫩滑入味蒜蓉時蔬當日係菜心，好新鮮喔，最鍾意蒜蓉炒嘅香味，仲有白飯4碗跟埋，另外仲有黃金蝦送㗎，不過唔記得影～

是晚和男朋友做冬，揀左有二百幾個嘅玫瑰餐廳食！我地都算係walk in入去食，只係去之前打電話問有冇位，店員好好人話仲有一枱問口位幫我留位。藥膳魚頭鍋個魚頭超級大！！！配料仲有d支竹、豆腐、秀珍菇同粟米，奶白色的魚湯，飲落仲有淡淡藥材味，以$168來講絕對係性價比高！打邊爐之前都飲左一碗，感覺好養生招牌手切肥牛叫左一碟細嘅肥牛，話就話係細，但份量一d都唔少，我地2個人食，食極都好似仲有咁。肥牛脂肪分佈平衡，肉質新鮮好嫩，入口滿滿幸福感。皇帝菜洗得乾淨，只覺得份量偏少。松露墨魚丸推介！推介！推介！尤其如果喜歡食松露嘅絕對不能錯過，入口爽彈兼陣陣松露味，丸裡面仲有d墨魚粒。鮮蝦丸又係一粒星都唔想俾嘅系列，未食過咁差嘅蝦丸，說好的手打呢？一點都唔彈牙，入口仲好鬆散，食剩表示不滿。脆鯇魚腩厚切嘅脆鯇腩，烚幾下就食得，都算爽脆。好意外地呢到唔收加一又唔收茶介，除左蝦丸之外，這晚我同男朋友都表示好滿足。

兩條麻甩佬想吹吹水當然食大牌檔，見到依間個名咁特別決定入去睇下咩料。典型大排檔的格局和服務，醬料任添。點了個魚獲至寶美顏鍋，夠哂睇頭，成個魚頭show 哂出泥，個嘴仲要含住舊花膠。魚肉非常新鮮，成個湯底非常milky，再加埋木瓜並非常鮮甜，食落去由心裏面甜出泥， 同條魚互相配合，成個感覺好rich，好香魚味，一口麵一淡湯，正👍🏻咁優質嘅魚湯當然不少得配料，我點了肥牛和鵝腸，牛肉也非常新鮮，單看紋理就知道脂肪分布非常均勻，入口即溶果隻。凍柑桔蜜都好正啊，咸咸香香甜甜咁，絕無欺假。

餐廳夜晚好多人呀 等位都要等一陣諗咗好耐想食咩好 見佢哋又有得揀打邊爐或者食小菜 聽到打邊爐又心郁郁 但見到有羊腩煲、雞煲揀又想食喎🙈🙈🙈最後都係掙扎完 要咗個魚獲至寶美顏鍋魚獲至寶美顏鍋條魚俾木瓜包住左 好大個魚頭同魚尾😱😱而湯頭黃黃地色同鮮甜 飲到有小小菇味同海鮮味木瓜煮煮下 啲甜味會去哂個湯度 後尾飲啲湯超級正🥰🥰🥰搭配咗食幾款食材 的確係實至名歸既美顏鍋👍🏻👍🏻👍🏻鍋入面除咗有魚之外 仲有秀珍菇、好大嚿木瓜、冬菇、仲有海蔘另外我地叫咗鮮牛片、極品黑豚肉、自家制韮菜餃、響鈴鮮牛片 極品黑豚肉自家制韮菜餃響鈴

沒有想過打邊爐也可以用冬瓜盅, 冬瓜盅配料十分豐富, 有鮑魚花膠海參雞等, 真材實料,湯底更是味道濃郁,鮮味十足的雞湯, 店員貼心地切開冬瓜, 令冬瓜更加入味。在放火鍋配料之前,可以先喝上一碗雞湯和先吃冬瓜盅的配料, 清甜又不會油膩, 雞件嫩滑, 即使煲很久也可以保持質感!火鍋配料方面，我們都最推薦松露墨魚球 $98。一碟有八粒，爽滑的手打墨魚球加上恰到濃度的松露香，還有彈牙的墨魚粒在中間，真材實料、有新意，又意想不到地可口！我們還點了韮菜餃+麻辣香芹餃 $ (雙併)，各4粒，每一粒都漲卜卜很大隻，韮菜餃內是滿滿的韮菜，麻辣香芹餃則是滿滿的肉，加上麻辣味更惹口。兩者吸收湯底後都美味非常。黑豚肉肉質肥瘦適中，肉味香濃十足，有口感又不韌，友人平時不好豬肉也吃得津津有味。雖然是茶餐廳格局，但火鍋食物新鮮又抵食，鍋底選擇多又有心思，一言概之，是出乎意料的高質！

 搵食在黃大仙區～靠近工廠區附近，其實好多餐廳！今次去飯聚朋友約在這一間！早一天預訂只要$188有鮑魚花膠!新鮮大隻鮑魚!好重本~仲有海參片,雞濃湯,食完仲可以打邊爐! 訂左位,埋位等冬瓜上菜就先上配料辣椒,碎蔥花,乾蒜,蒜蓉等等先預調一個醬特盛冬瓜盅 一客包括鮑魚,海參,花膠,中間仲有幾件雞件超足料,無味道雞濃湯,煮一小時多就可以煮軟冬瓜肉,清甜多肉  附上一客蔬菜盤有雞脾菇,菜等等食完冬瓜盅既配料再放蔬菜 蒸個15分鐘左右熟了蒸熟鮑魚,夠彈牙,鮮味花膠,雞件,雞件多肉夠嫩 雞濃湯好甜,冬瓜肉吸飽後,非常清甜好食冬瓜肉已經好夠飽所以追加了韭菜餃,粟米,魚片頭韭菜餃十分飽滿,鮮肉韭菜非常夾粟米吸了冬瓜雞湯味,食起來更甜!新蒲崗爵祿街33A-37A號百勝工廠大廈地下

今晚同前世情人打邊爐，幾十年前老爸喺新蒲崗發跡，直到而家佢久不久都會回來新蒲崗吃過晚飯，懷緬一下過去。雖然好多鋪頭都已經面目全非，但有一樣野不變嘅就係經濟又好食，今晚老爸揀了地道港式小店：玫瑰餐廳陳儀興。天氣冷這裏主打的極品御前冬瓜盅、魚獲至寶美顏鍋及多款特式小菜也十分受歡迎。《極品御前冬瓜盅》新年前食清啲，一於來一個極品御前冬瓜盅，店員非常快手，上枱時冬瓜盅的擺盤十分漂亮，矜貴的鮑魚非常彈牙，花膠、海參夠晒滋潤，冬瓜盅中間還有杞子雞件。食件滑雞再飲啖湯，一個冬瓜盅已經夠晒滿足。《野菌雜菜拼盤》真材實料嘅冬瓜盅，湯頭特別清甜，用嚟滾野菌、雜菜清新又健康，啱晒減肥中的女孩。《特選火鍋配料》多達幾十款的特選火鍋配料，鮮滑牛、粟米、手打薯粉；自己都可以煮出牛肉粉嘅風味。我鍾意佢有得揀雙拼，每人食少少份量又可以試多幾款食物，鮮蝦雲吞+自家手包韭菜餃；鍾意食餃嘅朋友唔好錯過，真係好掂！大大隻鮮蝦，真材實料。響鈴卷、炸魚皮真係值得一讚，新鮮熱辣辣脆卜卜，食到停唔到口。打邊爐唔飲汽水，大大杯凍檸檬茶健康啲，冰涼透心一樣咁爽！

#陳儀興玫瑰餐廳 (新蒲崗)重量級冬瓜盅。🌪食火鍋又唔想食得太重口味，太熱氣，👀最近比我留意到可以食冬瓜盅。💁🏻‍♀️有打邊爐嘅感覺之餘，🤗冬瓜又清涼，煲出嚟嘅湯有勁好飲。 陳儀興既冬瓜盅 $188早一日訂可以話係豪華版。🤩大嚿冬瓜裏面圍住雞、四隻鮑魚、厚海參、花膠同杞子。🤯料有好多，如果兩個女仔👩🏼‍🤝‍👩🏻食嘅話，🥳淨係食呢個冬瓜盅都夠。湯底好清甜，😚雞湯加冬瓜，濃度啱啱好，飲左好多碗都唔會膩。煲到腍左既冬瓜吸左啲湯汁😛真係好好食。仲隨冬瓜盅附送生菜🥬同菇類，好健康。我哋仲叫咗少少配料打埋邊爐。安格斯牛肉 💰$128雖然有啲肥瘦不均勻，賣相都係靚仔既。牛味都突出。份量比想像中多，好抵食。手包韭菜餃+豆豉鯪魚餃 💰$48餃子🥟肥嘟嘟，漲卜卜。韭菜餃唔錯，皮厚薄適中，🤓啖啖韭菜再加少少肉，比例好好。豆豉鯪魚餃，雖然創新，但對於我黎講味道比較難接受🙈，豆豉鯪魚本身嘅酸味，令到成舊餃子🥟都酸酸地而且肉既分量好多，有啲漏。野生竹笙+豬潤 💰$50竹笙好大條粗身，👍🏻份量多又係抵食。最鍾意佢可以吸晒個湯，😻又好爽口。豬潤就正正常常啦。無咩特別。超甜粟米 💰$20比起我食過嘅超甜粟米🌽仲有一段距離

聽街坊話抵食又好食，真材實料，我放工約老友聚餐，齊齊去新蒲崗爵祿街33A-37A號，百勝工廠大廈地下食火鍋，我們點左御前極品冬瓜盅 $188，冬瓜盅材料好豐富 ，有大大舊冬瓜 、鮑魚、海参、花膠仔和雞塊配杞子、紅棗 。湯底很清甜，十分美味。送野菌雜菜拼盤，有雞腿菇、秀珍菇、鮮冬菇和生菜🥬。蔬菜和菇菌都很新鮮又清甜。招牌手切肥牛$248，牛肉味濃郁，肥瘦適中，超正鮮豬腰$45，新鮮爽口，洗得乾淨，無怪味。真不錯，很好吃😋