陳仔葛菜水龜苓膏專家

營業中

休息中

🍽 餐廳｜陳仔葛菜水龜苓膏專家📍 地址｜衙前圍道17號地下B號舖🕰️ 營業時間｜09:00 - 23:15「陳仔」的歷史最早可以追溯至1945年，由木頭車到衙前圍道重開的地道涼茶老店，專賣葛菜水、各式草本涼茶及龜苓膏，依舊真材實料。過往途經這間老字號涼茶舖都會順便買一杯涼茶，碰巧在附近吃晚餐，所以也久違來一杯。崩大碗，源於葉片形狀似「崩口大碗」，又名積雪草、雷公根，是香港及華南地區涼茶舖常見的一款青草涼茶，屬於性質寒涼的草本植物，廣泛用於煲製消暑，對於最近覺得燥熱的我來說剛剛好，加上現在已經較少機會能見到這種樸實而具年代感的冷飲機，要麼不點，點的話必定會被這兩台老店的印記吸引過去。1️⃣ 崩大碗（$12）【5.0/5.0 🌟🌟🌟🌟🌟】呈墨綠色的涼茶，很獨特而內斂的青草味，微苦中帶甘潤，還記得初喝還以為會很濃稠，但結果都被那墨綠色騙了，口感略帶滑膩感但不澀口很清爽，非常清涼解喝，可能是加了黃糖或冰糖，苦味會被中和掉大部分，青草的清新風味和糖的甜味會融合在一起，變成一種甘甜而帶有獨特草本香氣的飲品，使其更加順口好喝。試過一次基本上都回不去了，每次經過都會買一杯。當然，非專業地溫馨提示一下，「崩大

幫襯咗30年，龜苓膏由$30食到而家$45 ，每次去九龍城食完泰國菜，路過都必定幫襯碗龜苓膏用以清熱解毒一下😮‍💨(對我嚟講好有效，因為第二日即刻有舒服清腸胃的效果💩)有時如果唔係太過夜，又有朋友陪嘅話，我地就會坐低慢慢嘆，通常都係老闆娘坐陣，撞啱就快收舖，佢都會好好咁送多碗葛菜水俾我地😘感受到深深的人情味涼茶又稱苦茶，從來都唔可以用好飲嚟形容，但個個都知係健康有益嘅飲品👍🏻如果想要好飲，其實可以去7仔買支又甜又冰嘅汽水飲⋯⋯

好熱氣，經過九龍城見有間涼茶鋪叫陳仔葛菜水，就去試試。基本上呢度無靚環境同好好嘅服務態度，㧾好杯葛菜水收左錢放低，就自行加鹽。略嫌唔夠熱，但葛菜味都可以。另外有崩大碗同紫背天葵飲

態度惡劣 (男店員/男店主）飲落去好難飲得別苦大家千祈唔好幫襯降唔到火不特止，仲一肚火唔會再幫襯了，本身都係貪佢開得夜先幫襯，而家寧願熱氣死都唔會幫襯，因為衛生唔好態度唔好

而家香港嘅天氣真係熱辣辣，成日出街食飯 & 模範(無飯)的我，唔多唔少都食咗熱氣野。為咗自己個身體着想，做多啲運動去保重身體之餘，而我仲有一個秘訣㗎。今日就將我嘅小秘訣話俾大家知啦🙈🙈我成日咁食法都會肥㗎，但係我經常性去陳仔度飲多啲涼茶同埋食多啲龜苓膏，如果唔係就好容易生飛滋，同埋塊面都會起粒粒。尤其是女性period期間，我仲會去食多兩碗龜苓膏，清下毒氣。不但可以幫助身體迅速咁樣清走毒氣，仲可以減少痛楚😌😌(拿，每個人嘅身體唔同，我係有少少幫助嘅，俾你地參考吓啦☺️☺️)言歸正傳，呢度嘅龜苓膏真係唔苦，而且仲可以揀熱or凍嘅🤩🤩

#小秘書 呢排 #攰 到死，又成日 #玩手機，搞到頸緊膊痛👉🏻👈🏻 加上呢排 #天氣乾燥，自然有幾聲咳😷 不過又唔想去睇醫生咁誇張喎，不如放工去「陳仔」 度飲杯 #葛菜水，可能幫到我呢！#陳仔 大大話話喺九龍城都有十幾廿年歷史，我細細個就幫襯到佢大，算係一間屹立不倒嘅 #涼茶店🤗 簡單嘅裝修，不過離遠喺九龍城街頭就會見到佢好大個招牌，話俾你知葛菜水有幾多好處🤪 $11價錢算公道，飲嘅時候可以加少少鹽，聽講效果會更好。飲落喉嚨味道甜甜地、唔太難入口，功效有幾勁我暫時講唔到，不過入口嘅感覺都幾舒服嘅😙

由媽媽年代一直飲到依家。。。每次生飛滋喉嚨痛都一定要飲返一支！其實佢係有好多功能嘅夜訓呀去骨火呀消熱解毒呀etc，不能盡錄，主要係唔記得咁多😅不過最肯肯定嘅係清熱氣！事源係。。。我上次生飛滋生到條脷都係，喉嚨痛到火燒咁，我就係靠連飲佢2日好返架！味道會唔會好難飲、好苦？非也非也!!!是甘甘甜甜咁嘅，老闆娘仲會落左少少鹽，加強清熱功能，所以其實我覺得個味道唔差架，有d似湯又有d似涼茶鹹、甜、甘，但唔苦，而且仲涼涼地添！絕對係依家呢個bbq季節必備之選

九龍城泰國菜選擇多。食完泰國嘢喉嚨鬼死咁唔舒服行行下見到有涼茶買。「陳仔葛菜水」清熱降火。買咗枝黎試下。一支$28 蚊。味道比較苦唔似旺角同灣仔都有分店嘅葛菜水。苦=真材實料？甜=溝咗好多嘢？仍是一個迷

本來已生梗痱滋。。。但晚上無理，照食炸野，點知食完真係賴野！喉嚨即刻痛痛地😣。記得朋友介紹過，話附近有間葛菜米水，好出名。唔理三七二十一，即刻去搵。終於搵到啦，即刻叫碗搵黎飲。一定要加少少鹽吊吊味。9蚊雞一碗，算是好合理。甘甘地甜甜地，幾好飲！飲完即刻個喉嚨都舒服返d👍🏻

早前為親人辦完事，去了九龍城吃飯，飯後趁機在這邊入點貨。近日喉乾舌燥，路經此陳仔葛菜水，心想來一碗也不壞吧。這裡的葛菜水口味比較鹹，檯上的幼鹽也派不上用場，幸好還有一點點甘甜味。

對這些涼茶鋪, 總有種難以解釋的情義結這家的葛菜水和我自己家裡煲的很相似:下了很多葛菜, 九肝菜, 味濃得有點甘, 即時感到喉嚨清潤了, 似乎很有效 去骨火, 正!!

近來大家都在說如何才能活得健康，食得健康。健康食品自然應運而生，在電視上每個星期都有機會見到至少一個有關的廣告節目便可想而知了。然而，在悠久的中國歷史裏，對健康的追求也有一種特別的方式。健康飲品：涼茶便是其中的佼佼者。有時醫病，無事預防，更是它的左右銘。這個位於九龍城的涼茶舖已有幾十多年的歷史，它的葛菜水更是最著名的。最愛它的是其味道不苦，而且每次飲完之後都有解渴之效，真好！

早年係機場返工,差不多每星期都會飲一次,搬左之後,除非有飯局,都好少再幫趁.反正約左朋友去粗菜館,之前食左碗豆腐花,一碗翅同車仔麵,個口有 d 乾,即刻飲返碗.同灣仔三不賣有點不同,三不賣羅漢果味比較重,側重味帶果甜的口感.陳仔相對比較甘,而且濃度更高,個人鐘情飲熱的,再加點鹽,有點咸味,呷一口生津解渴,相於我呢種成日出街食飯,仲要經常生"痱資"既人,真係幫助好多.最衰屋企附近無乜同類野飲,所以一有機會都唔會放過.p.s : 多花款唔代表好,三不賣同陳仔有辦你睇

一向都飲開呢間野嘅葛菜水，不過之前OR未有呢間店嘅地址，於是我次次都寫番落舊鋪度。今日一search見到有呢間嘢嘅地址喎，立即送佢第一個笑臉！照舊買咗一枝葛菜水。用玻璃樽裝住，好重！仲好熱添！大熱天時飲真係熱上熱，所以我都攞番屋企攤凍先飲！火候十足，味道濃，超降火。