阿里郎熱狗棒 (已結業)

朋友相約出旺角掃街，順便去試下最近新開既韓國過江龍Arirang Hotdog！而家唔洗飛韓國，喺香港都食到啦~餐牌有8款口味，我最後揀左 薯條熱狗棒 ($32)，朋友就揀左 車打芝士熱狗棒($34)；個分別就係：我個款係薯粒+腸，朋友個款就係Mozzarella+腸落單之後 你會見到佢即叫即整，見到佢先用麵包漿包住脆皮香腸，外面再加薯仔粒，再拎去炸，然後就俾你自行搭配醬料。我就好貪心貪心咁… 首先沾上椰糖 (呢個係韓國傳統既食法)，再係熱狗上灑上Garlic粉，然後醬就再加Cheddar Cheese 同Ketchup。P.S. 落多d醬會好味好多，因為薯仔同腸本身冇乜味咬落外層係好脆，薯仔既味道都幾出，脆皮腸食落都啖啖肉 夠晒大條，食完一枝雖然唔會話好油膩，但都飽飽地，所以建議女仔叫一枝食好啦，唔好貪心!如果你問我你好冇食的話，我會答你普通啦，不過你未食過的話 係直得一試既。

好耐無出旺角喇原來多左好多掃街既選擇呢間係韓國人氣小店ARIRANG Hotdog韓國熱狗棒即叫即炸外層炸到脆トト熱辣辣仲可以自行加入唔同既◾️調味粉蒜香蜜糖牛油芝士粉◾️醬汁番茄醬蜜糖芥末醬車打芝士醬泰式辣醬仲可以加糖先我發現加得太少喇我下次要成條都加晒❤️❤️❤️❤️❤️❤️芝士控必食系列首推介車打芝士因為芝士味好重即整即食 係岩岩好熔果下好正拉絲熱狗棒一啖啖芝士仲要好有拉絲效果可以拉好長呀打卡呃like必備呀個皮仲要唔硬好好食呀唔怪得咁多人排隊啦值得一試

韓國人氣小食阿里郎熱狗棒登陸左旺角。今日趁住周末中午來食個輕便午餐。韓國熱狗棒總有8款，5-8號是拉絲芝士系列。店內擺放住呢幾款製成品的模型，沒想到真實的還比較巨型。有6-8款醬汁、及蜜糖牛油粉、蒜味芝士粉自助形式自行添加。熱狗剛炸起的模樣！熱狗棒每條新鮮現炸，非常足料有份量。2.車打芝士腸熱狗棒 $32 6. 芝薯拉絲熱狗棒 $34 8.鴛鴦芝腸熱狗棒 $34車打芝士腸熱狗棒雖無拉絲芝士，但芝心的熱狗腸份外店香滿足。芝薯拉絲熱狗棒最巨型的一支，外面舖滿薯條。一啖咬落無限拉絲，建議要加多點茄汁及辣醬，減膩又滋味。想要有拉絲芝士但又想食到腸仔，叫8號最岩！滿足晒兩個願望。

行街路過呢間韓國熱狗店 二話不說決定叫黎同朋友share 食下4個人叫左其中三款熱狗 見佢係韓國過江龍 叫左佢最classic嘅 arirang熱狗 仲叫左車打芝士熱狗同埋芝薯拉絲熱狗等嘅時間特別煎熬 特別係見到人地有 我地未有得食個陣😭😭因為佢係即叫即炸 終於到我地個陣 我地就去左醬料區研究點食 先要點上沙糖 然後加上喜歡嘅醬汁 就完成啦！ 先試原味 覺得唔係太特別 只係炸粉加熱狗腸 而車打芝士就jeng 啲 中間嘅腸被車打芝士包住 多左芝士味成件事高級左 但最最最最最令我驚喜嘅就係芝薯拉絲熱狗捧 真係好拉絲 一口芝士好jeng 超邪惡 但真心幾好食 加埋啲炸薯粒係外面 我好鐘意呢個最後 有職員係韓國女仔黎架😂成件事更加特別 大家可以嗌拉絲系列 應該點叫都唔會輸 希望佢之後品質都keep到

成日行過阿里郎都無買來食，今日專程過去睇下係咩東東。原來係即炸既熱狗棒，花多眼亂，又諗唔到有咩分別，唯有點個$34好似叫「雙重芝士熱狗」。店員話要等4分鐘，咁即炸都算快啦。炸完出來個樣幾吸引，睇住D人加醬汁，我都跟住做。以為會好熱，原來都唔算。食左幾啖重未見到條腸既，如果成只有芝士就失望D。原來食到一半，條腸條出現左，即係上半部係芝士，下半部係腸仔。味道不過不失，無咩驚喜。所以一次就足夠。而家香港好少見到炸熱狗，想食既時候搵佢頂下引都得既。

終於終於終於食到韓國好出名嘅熱狗棒, 我相信其實熱狗棒係每個小朋友嘅一個童年回憶, 至少對我來講係...但係今時今日嘅熱狗棒已經進化左,仲有着唔同嘅款式添,居民旺角新開左一間韓國入口嘅熱狗棒小店,咁我就梗係同親愛的一齊去試吓啦! 我哋總共揀咗三款唔同嘅口味, 一種呢就係車打芝士腸, 有啲呢係冇香腸嘅入邊成條都係芝士...邪惡感十足但相當滿足! 我哋就order左一個原味嘅熱狗棒, 呢個車打芝士熱狗棒, 仲有一個水牛芝士拉絲熱狗棒! 小店提供左唔同嘅醬料比客人自由去配搭, 有番茄醬蜜糖芥茉醬, 芝士腸泰式辣醬同埋芝士粉, 我個人就覺得椰子糖唔係太啱自己口味所以我就落咗最原始嘅茄醬同埋芥末醬!

香港食呢款熱狗🌭️就真係少，去外地基本上好容易食到肥仔話帶我「食好西」，由於戀「美」（式）食物情意結，所以就食下～今日呢款係最basic 入面係腸仔🌭，其實有好多款揀，Vienn 係芝士控下次試下拉絲先！BTW呢款炸得好脆，但腸仔就好一般，你話好冇食就好普通，但未食過呢款街頭小食可一試，但食過就可以免一試。至少小公主未食過既都話「okay la」❤️但外藉店員幾靚女而且流利廣東話。地址：阿里郎熱狗棒 (旺角)旺角奶路臣街12-26號啟賢大廈地下7B號舖#肥dodo食記#TR90體重管達人

近日係韓國熱爆既韓式熱狗黎左香港之前就喺日本食過🤔🤔未試過韓國呢隻！我當然想去試下啦 所以就去左旺角一試……今次總共叫左3款唔同既野食車打芝士熱狗棒$32黎到當然要試下佢既經典款式 佢表皮炸得好脆咬開就係鋪滿溶化芝士既熱狗腸出面同入面兩種唔同既口感 感覺好味又新奇..........水牛芝士拉絲熱狗棒$32作為芝士迷緊係要試多款芝士熱狗係同樣香脆既熱狗表皮入面 包住大量水牛芝士而且芝士仲要啖啖都拉到絲 岩哂我呢d芝士迷..........年糕香腸串$18一向都好鐘意韓式年糕 所以見到有就試下年糕同香腸都炸得好香 配埋韓式辣醬口感同味道都完全無得彈 ..........另外店鋪亦都提供左好多款唔同既醬料俾大家自行配搭番 可以迎合返唔同客人嘅口味👍🏻

今日行旺角竟然見到開咗間韓國大熱嘅熱狗棒 本身都差唔多走，所以索性買咗幾條返屋企嘆!!! 求其揀咗三款唔同返屋企一人一條睇多個賣相已經流曬口水如果外賣拎走仲有外賣嘅番茄醬&芥末醬，方便返屋企再落醬料，唔使即場落完整到周圍都係1. 車打芝士熱狗棒 ~ 入面有超級大條腸仔，芝士味濃沃2. 雙重芝士拉絲熱狗棒 ~ 依款熱狗棒簡直係惡魔， 竟然落咗雙重芝士，超濃芝士味之餘，芝士仲可以拉到好長，打卡一流3. 芝薯拉絲熱狗棒 ~ 呢款係我嘅favorite，除咗有芝士嘅味道。熱狗外層加咗薯仔粒去炸，賣相更靚之餘 食落更有口感

這天朋友相約一同前往旺角逛街，這天我們真的很疲累，全因為消耗了太多能量， 剛好經過這間充滿人氣的熱狗棒店。 再從網上找點資料，發現這是從韓國引入的，沒想到韓國女孩皮膚如此好，但也喜愛吃炸物，相信當中定必有過中原因。我點算了兩種熱狗棒，水牛芝士拉絲熱狗棒及芝士熱狗棒。 從外表看起來兩支沒有大分別，但當放進口的時候就發現他們兩者不同之處，水牛芝士拉絲程度可媲美拉絲的頂點，加上芝味香濃，絕對令人吃完一口再一口。 芝士熱狗棒方面，香脆可口，最重要不油膩。另外店員也十分貼心，外賣的食物，更提供外帶醬汁可供使用。

熱狗食得多，條狀嘅熱狗真係未試過，今日就去呢度食嘢熱狗就係用一個包包住條腸，而熱狗棒就可以包住芝士，加上成支熱狗即叫即炸，為「熱狗」帶嚟新定義雙重芝士拉絲熱狗棒（$34）初頭我以為支熱狗棒係細細支，不過實際上都有大約 15cm 長，同一般嘅熱狗差唔多大細外層係炸麵粉漿，內層嘅芝士同一條腸仔差唔多粗，咬落外層係幾脆口，至於芝士就比較杰，試過拉到一次絲嘅，不過冇想象中咁惹味個人覺得其實可以食一次嘅，始終都比較特別，不過$34就食唔飽我，呢樣就差小小

太好了，現在不用去韓國都可以吃到熱狗棒😎每款都是即點即炸，炸完後你可以自由加上自己喜歡的醬料和調味粉！個人必會灑上白沙糖，其後再加番茄醬和蜂蜜黃芥末醬，其實芝士粉也是個不錯的選擇！熱狗棒炸得十分鬆脆，成金黃色，建議選芝士天堂系列，一嘗極強的芝士拉絲效果！在3款熱狗棒中，個人較為貪心，偏愛鴛鴦芝腸熱狗棒，因為裡面除了芝士外，還有香腸，吃起來味道與質感層次更豐富一點，如香腸是脆皮就更正啦！大滿足😊另外芝薯拉絲熱狗棒也蠻不錯咧，外層圍著脆薯粒，每口能都吃到芝薯味！PS：記得要趁熱吃，不然芝士會變得稍硬，較難做出拉絲效果。雙重芝士拉絲熱狗棒 HKD34鴛鴦芝腸熱狗棒 HKD34芝薯拉絲熱狗棒 HKD34

香港都有得食拉絲芝士棒喇！見韓國台灣已經有咗好耐！一直都好想搵間正式嘅試下！醬料放咗喺前面，自助形式咁加落去。有車打芝士醬、芝士芥末、蜂蜜芥末、蕃茄醬、芝士粉、蒜香粉等等⋯熱狗棒即叫即整，我地叫咗3款試吓！因為主要都係想食芝士，所以全部都係全芝士棒！- 雙重芝士拉絲熱狗棒- 芝薯拉絲熱狗棒- 水牛芝士拉絲熱狗棒芝薯拉絲熱狗棒係我最期待嘅！熱狗棒外邊痴滿晒薯仔粒再炸！好脆！入面當然係拉絲芝士，襯熱食啲芝士拉到好長！好好食！雙重芝士拉絲熱狗棒同水牛芝士拉絲熱狗棒比較相似。見到醬料前面有盤沙糖，原來可以點黎食。其中一條試下個新食法！估唔到又幾好食！因為會多咗啲脆脆嘅感覺！甜甜地又幾好食！另外最鍾意佢個芝士醬！加幾多都得，加埋芝士粉真係全部都芝士！

Korean Hot Dogs are in town so decided to check them out.Tried Arirang Hot Dog first followed by Bat Boys.Korean Hot Dogs basically look liked English battered sausages on a stick and American Corn Dogs.They are slightly different in the sense that they are coated in sugar. At Arirang Hot Dog, there were quite a few choices, various of coatings and some are filled with cheese.Tried the potato, cheese and the Korean mochi.At Arirang, they let you dip it in sugar and add sauce as you wish which I

去親韓國，都會去食熱騰騰的香脆熱狗棒，估唔到依家原汁原味進駐香港！同樣由韓國人主理的Arirang Hotdog, 遠遠已有排隊購買的人龍！熱狗棒主要分為芝士拉絲和香腸做夾心的兩款口味，下單點了店員推薦最多人選的芝薯拉絲熱狗棒和鴛鴦芝腸熱狗棒。油炸的芝薯棒內裡是鬆軟煙韌的芝士夾心，每一啖都吃到芝士拉絲，而熱狗棒的外層，沾滿粒粒薯條，就是外脆內軟的滋味口感；跟足推介美味辦法，添加了茄醬、車打芝士醬、蜜糖芥末醬，令薯棒更惹味！至於鴛鴦芝腸熱狗棒就是一半芝士，一半熱狗腸夾心，一次過滿足曬為食的好奇心，建議心大心細，第一次吃熱狗棒的最佳選擇！老闆人很好，還邀請我試吃下星期才推出的oreo 口味熱狗棒, 沒想到熱狗棒作甜食也是如此出眾，甜脆的曲奇妙脆外層，淋上冰涼的忌廉，而暖暖的芝士軟心，令熱狗棒的層次豐富特別，甜甜窩心。