阿里郎熱狗棒 (已結業)

最近真係發生太多事，連出街心情都無...唯有得閒食下食評，呢間corndog真係想食好耐，而且我見影相好多芝士，因為我好鍾意食芝士，所以經過都話要食！呢次係我第二次食corndog,第一次係尖沙咀batboys， 所以都會用兩者作比較呢次係叫薯仔芝士，第一眼見到嘩份量好大！大過batboy 成倍...心諗一定超正！同埋價無想像中咁貴，全部都3x，同batboy 其實差唔多價錢不過食落真係超級濟，外面厚厚薯仔粒再包住面包再住芝士...重點係3樣野都無咩味，薯仔、面包同mozzarella 芝士，三樣野本身已經好淡，如果唔係靠自己落調味根本係無味再者呢次叫薯仔再加面實在太厚，厚過舊iphone5...同batboy塊薄薄面包實在太唔同啦，不過唔肯定呢間如果叫有腸會唔會好少少，起碼都有d味道。總括我覺得呢款一般，唔肯定正宗corndog係咪咁厚皮，但如果下次再叫我一定唔會再揀呢一款！同埋服務可以好返少少...

間舖唔會好難搵，沿住洗衣街行就好容易見到間錯舖。入到去見到有八款芝士棒，我揀咗薯條嗰個，因為好似好少見，幾特別。佢期間限定嘅仲有oreo味，不過我自己唔太由意又咸又甜，所以就冇試到，不過都好特別。即叫即整，所以要等幾分鐘，但拎上手食又唔會話好熱或者好油。粉同醬料都係仼加，當中有啲醬係幾特別同唔常見，但都有供應，唔錯！總括而言，我覺得都值得一試，但我就未必會再回購，一來好漏，二來我即食都好似唔係好熱，拉絲效果唔太明顯，但一試無妨。

自問係一個終極腸仔控嚟亦都鍾意食炸嘢所以炸熱狗真係我好好好鐘意食既嘢嚟知道有間新開賣韓式炸熱狗既鋪頭，即刻要嚟試下台灣既大熱狗就試得多，今次就試下韓式既店面唔大，外賣為主，得一張枱同一張櫈最近仲新出左個oreo不過我同朋友都想食咸既，所以今次就未試到2個人揀左3款即叫即炸I’m ready I’m ready睇定要點食同埋落咩醬等左唔使10分鐘就有得食左至右：芝薯熱狗棒 $34、雙重芝士拉絲熱狗棒 $34、車打芝士腸熱狗 $32瘋狂加醬加粉唧左2枝試下味先車打芝士腸熱狗 $32 三個入面，我最鐘意依款入面既芝士腸真係好好食加埋麵粉去炸，發明依個做法既人真係太聰明雙重芝士拉絲熱狗棒 $34 拉絲一流但芝士又唔算好香濃至於芝薯熱狗棒 $34 個frd好愛依款😂😂😂又有芝士又有薯仔又有麵包不過我覺得too much lah食落有啲濟車打芝士腸熱狗最好食朋友就投芝薯熱狗棒下次經過再買嚟食先份量其實都唔少，口痕當小食既話2個人share一枝都好夠不過我就會自己一個獨食一枝既

我是個十分喜歡吃熱狗腸的人。還記得在韓國時，經過街邊店都會買來吃。尤其如果是寒冷天氣下的韓國，簡直就是恩物。知道香港開了一間，那就當然要去試試吧！車打芝士腸熱狗棒 $32有芝士腸鹹鹹的相伴是不錯的，起碼不會只有芝士的單調。芝薯拉絲熱狗棒 $34如果沒有吃飯的時候，吃這款應該都夠飽的。水牛芝士拉絲熱狗棒 $32這款是芝士迷必定喜歡的，因為芝士量是真的夠多，而且是十分拉絲的那種！總結香港這家是可以望梅止渴，醬料選擇是廷多的，要原始味道就當然要到韓國吃吧。

近期好hit既韓式熱狗 當然要去朝聖下， 去到叫了個阿里郎熱狗 即普通原味阿里郎熱狗 28蚊賣相一般， 只係炸熱狗 多了麵包糠 和 熱狗腸改用珍寶腸， 職員會問你 要唔要砂糖 要砂糖 他會幫你灑上 醬料方面是自助式 依自己喜好而落的醬料有 番茄醬 車打芝士 蜜糖芥末 泰式辣醬 芝士芥末，我除 番茄醬泰式辣醬外都落了，主要 泰式辣醬蕃茄醬 比較普通，所以我不試了！ 食落味道唔錯 是新鮮即炸的 沒有油益味 香口熱氣 加了砂糖 味道偏甜沒那麼爽脆醬料不錯味道幾蓉 唔會好稀好淡 幾好吃 食落幾夾，好吃度👍👍總括來說以28蚊來講價格合理 因為用了珍寶腸比熱狗腸厚肉和成本高D，熱辣辣食味道也不錯， 用嚟呃like 打下卡都唔算好貴👌路過嘅都可以一試🤝

Arirang Hotdog是韓國人氣街頭小食店，主打阿里郎熱狗棒，終於在旺角都可以食到，當然要來試試啦。熱狗棒有多款口味，而且都是每日新鮮即叫即製。更加設了 Oreo Series 口味(雪糕配Oreo吉拿棒)。還可以自選不同的沾醬，如番茄醬、蜂蜜黃芥末醬、芝士醬、芥末醬和辣醬，令口感更有層次！芝薯拉絲熱狗棒 - $34炸至金黃色，外層脆卜卜。咬落瞬間爆餡，芝士流心，入口啖啖芝士熱溶。拉絲效果吸引，配上脆卜卜的外層，口感煙韌香酥。雪糕配Oreo吉拿棒吉拿棒吃起來外面酥脆，裡面卻很軟Q，口感味道特別好吃。韓國牛奶製成的軟霜淇淋雪糕香濃軟滑，加上Oreo碎，口感富豐，享受脆和甜的美味。

以為平日應該人不多結果去到芝薯拉絲熱狗棒已經沒有了最後點了水牛芝士拉絲熱狗和雙重芝士熱狗還可以隨心加上不同的醬汁~不過因為跟朋友都沒選到有腸仔的款式 裡面滿滿芝士 但芝士味沒有很濃所以也不會很鹹.阿里郎熱狗棒 ARIRANGHOTDOG地址：旺角奶路臣街12-26號地鋪

我第一次購買和試食韓式的炸熱狗棒，是在兩年前在韓國首爾跟隨旅行社旅行的時候，在首爾一間街頭小食店裡面購買，當時我什麼調味料也沒有加在炸熱狗棒表面上，直接把炸熱狗棒塞進口中。後來我透過「開飯喇」裡面的介紹，才知道旺角「奶路臣街」，近着「金雞廣場」的地舖舖位裡面，開了一間新的韓國菜街頭小食店，主打韓國炸熱狗棒小食的小食店，店名叫做「阿里郎熱狗棒」。韓式炸熱狗棒小食的最大好處，就是享用炸熱狗棒過程裡面完全不需要技術可言，直接用口噬向炸熱狗棒，一口一口咬熱狗棒的免治熱狗腸餡，跟麵粉製成的炸熱狗皮就可以了。當時我很快就完全在「阿里郎熱狗棒」裡面的購票程序，因為我只需要購買一枝原味，而且跟食店名同名的招牌熱狗棒小食「阿里郎熱狗棒」，價錢只需港幣二十八元而已。購票後等候「阿里郎熱狗棒」廚房店員製作食品的同時，我的雙眼不斷搜索「阿里郎熱狗棒」店內的每一處地方，包括為炸熱狗棒調味的醬料，還有少量可以享用食品的餐櫈。等候大概接近十分鐘的時間，「阿里郎熱狗棒」廚房的店員，已經很快製作完成我的招牌「炸熱狗棒」食品，食店店員很快就已經把炸熱狗棒交到我的手上。「阿里郎熱狗棒」給我的第一個感覺，就是熱狗棒的構造充滿

阿里郎熱狗棒在2008年於韓國開業，後來在日本、中國等地插旗，最近更進駐香港，首店選址旺角。熱狗棒有兩類：熱狗及芝士夾心，分傳統、芝士及鬼怪系列，共12款。最近看到IG好多人打卡，今次經過附近，就決定同幾位朋友齊齊買來食！——————————店內張貼「令熱狗棒更美味的方法」，按韓國傳統，首先沾上砂糖，再按喜好灑上芝士粉、蜜糖牛油粉或蒜味粉，最後擠茄汁、車打芝士醬、蜜糖芥末醬、芝士芥末醬或泰式辣醬，趁熱食即可！🔸芝薯拉絲熱狗棒 $34去韓國必食的味道！新鮮即炸，外面裹有薯粒，中間是麵包，內層就是水牛芝士，外脆內軟，好飽肚！值得一提的是，裏面的水牛芝士可以拉絲，軟軟糯糯，又鹹鹹香香，味道很好～🔹鴛鴦芝腸熱狗棒 $34芝士迷必吃！熱狗棒混合水牛芝士和車打芝士兩款，芝味濃郁，加上內層的香腸及麵包，整體口感好豐富！🔸Oreo芝士拉絲 $38店員大推的新口味！外層是Oreo碎碎，店員擠上白色奶油汁，加上糖粉，甜上加甜，略嫌過膩～不過它就是三種中最香，脆卜卜，好鬆脆！

芝士 全部都係芝士！睇左好耐餐牌 1-4號 係熱狗棒 裡面有條腸5-8號就係濃濃拉芝芝士除左8號就又有芝士又有腸仔揀左6號的芝薯拉絲棒（$34）等左一陣有得食 仲熱呼呼架拎上手都有少少熱燙燙外面係痴左好多薯條 裡面全部芝士好好味呀！不枉我專登提自己出開旺角要食左佢！仲要調味料可以任加加左蜜糖芥末、蕃茄醬同芝士醬喂喂喂 原來真係每啖都拉芝得好交關未必每個人都咁鐘意食芝士但見住佢既芝士咁濃郁 真係有少少邪惡的幸福感不過食完係好熱氣 即刻生痱滋要飲番涼茶下下火但可以值得一試！不過女店員講野語氣輕少少有番少少笑容就好

今日特登走到旺角去食呢間。一去到，即刻feel到鋪頭前面條路有啲窄，只係可以啱啱好俾兩個人行，買完之後想企係到食埋佢都要貼住個欄杆先得，不過商家都有俾個紙盒你裝住，要邊行邊食冇問題。收銀係韓國人，不過識基本廣東話，建議直接同佢講你要嘅熱狗編號會比較方便。買咗一個車打芝士腸熱狗腸同埋薯條熱狗棒，好飽，仲有啲頂肚添，份量好足。兩個口味本身都有啲偏淡，腸同皮都係，主要靠醬料補足，加嘅嗰層砂糖算係幾夾，但係我個人食得比較少糖，所以下次可能試下冇加糖嘅版本會點啦，再順便食下佢哋嘅拉絲芝士。

之前loop ig見到話有新開熱狗店 又講到幾勁幾威咁 好奇心驅使到我去食佢佢唔算真係開d人流好多既地方 金雞條街尾既轉角位 去到見到個舖面 講真第一個感覺會覺得有dd污糟 可能長奇要炸野 d炸鍋又喺正收銀後面 自然d油煙就攻到個收銀位都好油膩咁但都無阻我試佢既 同朋友一人嗌左一條薯芝拉絲熱狗棒(左)水牛拉絲熱狗棒(右)我地分別喺薯芝加左芥末醬+車打芝士醬同水牛度加泰式辣醬食左第一啖 都一致認為 加泰式辣醬先係絕配而兩個熱狗比較下 薯芝嗰個個皮有d太厚 一黎口感會相對差d 二黎因爲個皮厚左 所以令到個心d芝絲溶得唔夠 拉絲效果冇咁正而水牛嗰個真係冇得頂 外脆內軟 d芝士拉絲既程度真係誇張味道方面 兩個其實本身味道偏淡 係要靠d醬調味 而薯芝嗰個會建議落醬可以重手d 360度圍住落就冇死🤣🤣🤣p.s. 一條可以當一餐飯

之前見ig好多人po呢隻熱狗 終於係旺角見到佢 貪心的我揀左幾條試 超鍾意芝士 order左芝薯拉絲熱狗棒出面係薯條 入面係超級多芝士 張相好似好細條 拎上手好巨 佢有好多隻醬比我加 呢隻我加茄汁 蜜糖芥末 要趁熱 拉芝拉到勁長 好好玩 仲試左薯條熱狗棒 呢個入面有腸腸 加埋腸無咁滯 好飽肚 呢隻我加泰式辣醬 阿里郎熱狗棒就無薯條係出面 可以一路行街一路食仲有好多款下次可以試

Happy Friday 就係用黎食好西減壓。食完飯唔夠喉都係決定係街度食番啲小食。行行下見到個個都攞住一支支韓國熱狗棒，搞到我都心思思買番支。攞到手就係呢度自助加醬料加調味粉。我勁鍾意車打芝士醬，仲有芝士芥末醬，芝士味內外夾擊，完全係我呢個芝士控嘅最愛。<雙重芝士拉絲熱狗棒> ($34)集合拉絲芝士同埋濃味既車打芝士，簡直係芝士控必點！又睇得又食得！<芝薯拉絲熱狗棒> ($34)呢隻就係薯仔粒係外面，入面就係拉絲芝士，視覺上非常震撼！<鴛鴦芝腸熱狗棒> ($34)呢隻係拉絲芝士加腸仔！口感同味道上都好豐富！夜晚好好生意，即叫即炸所以都要等一陣先有。不過絕對值得啊！

鋪面細細，可以見到order完既食品，店員都係即製既，所以要等3-4分鐘。食物交到食客手上既時候，可以再按自己口味，瘋狂落邪惡既醬料今次點既係水牛芝士棒，無腸既，但有滿滿既芝士。外皮香脆，芝士可以完美拉絲，但芝士味唔瘋出，純粹滿足口感