阿爺八鮮鍋

營業中

休息中

打邊爐食材矜貴人都開心D，今次揀咗有海鮮嘅打邊爐。$398/人  (19:00 - 21:30時段) ＋ $20升級任飲任食雞煲揀咗個四川麻辣味，小辣。湯汁濃郁醇厚，麻辣味道恰到好處。刺身拼盤（like 社交平台 post 送嘅）一上枱，好靚，份量。刺身質量唔錯，尚算新鮮。時令燉湯(海底椰元貝鱷魚肉燉湯)有蠟燭仔㷫住。一飲落去，勁鮮甜，好好味，但似加咗味精嘅。新鮮河鮮勁大盤，打卡一流。有大虎蝦、龍蝦、聖子、元貝、蟹同鮑魚。盡顯矜貴食材。虎蝦、龍蝦、奄仔蟹都勁多膏！如果要加仲可以剔紙繼續叫，唔係得呢盤就算。冬瓜魚翅花膠湯底一上枱，用勁多材料煲個湯底。但都偏淡，要食到尾聲先出到湯底味。邊爐材料有好多：生猛海鮮、新鮮河鮮、豬牛雞類、蔬菜、自家製嘅雲吞、水餃、魚滑等。基本上食完雞煲同河鮮已經勁飽。但都不得不提安格斯牛肉，有牛味，唔係hae 野。另外，呢間d擺盤真係sell 精緻，連蕃茄、粟米都一個個碟仔咁上台，超靚。自家製乳酪最後，餐廳按人頭送咗每人一份雜果乳酪。打完邊邊熱辣辣，食個冰凍甜品啱晒！真係好飽，最鍾意係有任食海鮮！食材係新鮮嘅，始終一分錢一分貨。另外，服務好好，連任食都係侍應幫手拎

【尖沙咀•阿爺八鮮鍋】@ππππππππππππππππππππππππππππππ尖沙咀超人氣鮮活海鮮火鍋今晚特意嚟尖沙咀新舖，食吓噌火鍋放題。新舖係喺金馬倫道，交通比舊舖更方便，裝修同舊舖一樣靚，仲有好吸引人嘅任食火鍋餐牌。兩個半小時嘅河鮮海鮮雞煲加任食火鍋全部都有，價錢依然係$398包一樣嘅優惠：1. 雞煲（芝士雞煲)2. 燉湯3. 日式推介(刺身5點)4. 新升級海鮮盤(澳洲大龍蝦、鮑魚、越南大虎蝦、蘇格蘭大元貝及台山奄仔蟹)～海鮮盤上抬時，鮑魚仲活生生亂郁動，好有生氣。澳洲龍蝦有半條，鮮甜爽口。5. 55款火鍋配料包括海鮮、牛豬雞肉、蟶子、鮑魚、白鱔片、龍躉肉、龍躉腩及 蔬菜等任揀加S20還有啤酒、汽水、健康工房或淳茶舍飲品任飲所有海鮮都非常新鮮，好鮮美。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 950（兩位連加一）✨✨✨✨✨✨✨✨✨✨✨✨✨#尖沙咀美食 #阿爺八鮮鍋 #web3尖沙咀阿爺八鮮鍋尖沙咀金馬倫道48號中國保險大廈1樓A&B號舖

今日去咗尖沙咀打邊爐同埋食雞煲 😋😋一次過滿足晒兩個願望😍 一開始嘅時候佢會俾你選擇雞煲嘅款式，我哋就選擇咗芝士雞煲濃郁嘅芝士在配合雞煲真係一流👍👍😎 而且份量亦都唔會太多所以唔驚飽得滯打唔到邊爐🤣🤣佢亦都會安排湯杯俾大家飲打邊爐嘅湯😋😋 真係非常之好味同濃郁👍 之後就加錢叫咗一個魚刺身😍 都係第一次食呢一款魚嘅刺身佢成條魚上枱影相真係一流，同埋佢亦都有兩隻蝦仲有其他魚刺生👍 仲有得玩遊戲彈波波，但到中間就可以半價，另外亦都抽中咗一包蝦米🤣🤣之後就開始叫佢轉打邊爐湯底可以揀海鮮湯底豬骨湯底等等一上湯底嘅時候，佢連埋個海鮮盤一齊上嚟😋 有大大隻龍蝦元貝鮑魚蟹😋😋 另外我哋再order咗一啲海鮮牛肉同埋菜👍😋 啲海鮮真係十分之新鮮，仲會喐上到枱嘅時候👍👍😋 很好人均：$500地址：阿爺八鮮鍋 (尖沙咀)尖沙咀金馬倫道48號中國保險大廈1樓A&B號舖

有齊刺身、雞煲同埋打邊爐，仲有卡位，啱晒同三五知己去happy Friday👻💙海鮮刺身餐廳做緊優惠，只要like佢哋嘅page就可以送一份刺身頭盤，有蝦、海蜇、北寄貝等！抵！💙任食雞煲打邊爐之前仲有雞煲，仲可以無限添加！雞煲都幾惹味，有得揀唔同嘅辣度，一路熱住可以一路自己炒下💙湯底 - 紅顏花膠雞鍋店員叫我哋先飲湯！！用熱水壺一路返熱，可以保持溫度，而且飲到嘅都係精華，碗湯好濃，就咁倒落杯好方便💙伊比亞黑豬肉、美國特選級牛肩胛分量又夠多，切得夠薄，好快熟！放2邊湯底都好入味💙海鮮拼盤- 鮑魚、龍蝦、蝦、蟶子、象拔蚌成個海鮮拼盤送上嚟已經夠吸睛，啱晒打卡影相，而且非常新鮮下面有冰保持溫度，值得一提嘅係海鮮都係任食。食到幾多就係你㗎啦💙蔬菜及其他配料拼盤碌完非常爽口，同堆邊爐必需菜！🤭鍾意佢每份配料份量細細地，但係就會用一個九宮格嘅盤上菜，即刻提升咗賣相，啱晒打卡💙生果乳酪最後每位客人會送一份甜品，係餐廳自製，又係好impressed! 💙加$20任飲汽水果汁茶

我真係好中意食海鮮，食完雞煲再打邊爐係必須的，但呢間除左常見嘅雞，牛，豬，蔬菜類之外仲有好多生猛海鮮，新鮮河鮮同阿爺自家製餃店員會先為我哋送上鱷魚肉煲川貝燉湯，好耐冇飲過呢啲住家湯，足料好飲，仲有個火保持佢嘅溫度，唔錯我哋今次揀咗比較特別嘅韓式芝士雞煲，事關因為我好鍾意食芝士但係未食過芝士雞煲芝士雞煲嘅芝士份量剛剛好，食落好香芝士味但係又唔會好膩食完雞煲就可以轉鍋打邊爐🍲今次我哋揀咗最基本嘅豬骨湯，大大嚿豬骨，仲每位首先包咗海鮮盤，有大虎蝦，澳洲大龍蝦，蘇格蘭蟶子，蘇格蘭大元貝，台山奄仔蟹，新鮮鮑魚唔知點解仲多咗大大隻嘅生蠔🤤🤤海鮮你會見到佢放咗喺個缸裏面真係游水所以係新鮮之後佢仲送咗個刺身拼盤俾我哋，有我最鍾意嘅赤蝦🤤🤤🤤我encore得最多一定係海鮮，因為即使平日打邊爐有海鮮食都冇咁多種類，而且其他外面餐廳大部份海鮮都係雪藏貨，而呢間除咗最普遍嘅大蜆，仲有鮑魚，蟶子，海蟹，海蝦同蠔，但係海蟹真心出色估佢唔到，因為新鮮連蟹膏都好甜好好食鍾意食魚嘅，呢度魚類都選擇好多，有啲魚甚至連聽都未聽過最特別嘅係有抽獎環節，雖然抽唔到大獎，但係我中咗鵪鶉蛋，可以拎返屋企整鹽焗鵪鶉蛋😂😂😂呢個價錢嚟

同朋友去打邊爐，呢間火鍋店真係人情味滿滿，亦係一間好受歡迎嘅店舖，全場坐滿！首先嚟咗一壺湯，清清地嘅雞湯，朋友大讚～再嚟一盤刺身，好新鮮，隻蝦好大隻！我哋嗌咗泰式酸辣雞煲，好特別啊！呢盤活海鮮真係好新鮮，隻鮑魚仲係好生猛咁郁！其他食材都好新鮮，有特別嘅款式，例如牛骨髓，好少火鍋店有！連海鮮都有得任叫，食到超級飽！當晚體驗好特別，第一次去火鍋店有得抽獎，我朋友好好運地抽到大獎，獲得大大隻麵包蟹，好好玩😂

聽朋友講有一間食雞煲加打邊爐非常正!性價比高!今日就來一試！門外牌匾甚有氣勢,場內光線充足,地方乾淨！先嚟個是日足料靚湯,今天是鱷魚肉瘦肉湯..火喉十足,再嚟過刺身拼盤都唔差,仲有新鮮滑牛肉！另外讚好專業仲有小食送添,真係有諗頭！接住落嚟係花膠年糕雞煲,有辣有唔辣任君選擇..啲雞非常滑,一啲都唔鞋,足料..抵讚！壓軸來一個超級生猛海鮮盒啲海鮮非常新鮮,上到枱仲鬱下鬱下..見到都流曬口水！有龍蝦,鮑魚,青蟹,生蠔,扇貝 用料十足！值得一提嘅係佢嘅鍋底係用啲一梳梳魚翅嚟淆湯,真係好揼本！之後我哋再任點任食海鮮,每次都嚟足,絕冇偷工減料同取巧啲海鮮大隻又生猛我最鍾意佢隻蟹,同鮑魚真係好鮮甜！仲有龍躉片同白鱔真係可以encore,再encore！其實除咗海鮮仲有好多唔同嘅嘢食,真係有選擇困難症都搞唔掂！中場休息仲有靚女叫你大抽獎,今次抽到個花菇真係又食又拎！臨尾仲有甜品送...食完大家都好滿意！

我向來都好喜歡打邊爐，無意中發現呢間又有得食雞煲又有得打邊爐嘅阿爺八鮮鍋餐廳。首先每枱都會送一個海鮮拼盤，全部都係新鮮嘅活海鮮，最愛嘅當然係大大隻嘅龍蝦同鮑魚除咗呢個海鮮拼盤之外，任點餐牌都有好多海鮮嘅選擇，種類繁多，肉類方面安格斯手切牛肉亦係非常推介。另外不得不提及今次嘅火鍋湯底 - 石橄欖豬骨湯底，清熱養陰潤肺生津，越煲越清甜甘香，可以試吓呢個湯底👍🏻食火鍋之前仲會有任食雞煲，雞煲有唔同味道嘅選擇，平時麻辣就食得多啦，今次就試咗酸辣，酸辣幾惹味，食完唔會覺得好膩。最後必定要推介時令燉湯，今次係鱷魚燉川貝湯，好足料，好好飲🤤▪️ 2.5 小時河鮮海鮮雞煲樣樣齊火鍋放題 $398 1位▪️ 新升級霸王海鮮盤（嚴選食村）▫️ 越南大虎蝦、澳洲大龍蝦、蘇格蘭聖子、蘇格蘭大元貝、臺山奄仔蟹、新鮮鮑魚▪️泰式酸辣雞煲▪️ 時令燉湯 - 鱷魚肉燉川貝湯▪️ 特色湯底 - 石橄欖豬骨湯底▪️任飲 + $20✨ Like 社交平台 仲有得送刺身拼盤～啲刺身仲好新鮮添，最鍾意係佢隻甜蝦🦐

環境氣氛超好既活海鮮火鍋雞煲放題，都係$368一位，加$20有埋任飲，又有刺身送又有大抽獎🎟️超抵呀😍一入坐店員同我地介紹是日限定，我地就+168要埋個美國桶蠔，佢仲話like&share佢地fb就刺身送，咁梗係like埋啦😂然後好快就上左刺身同一壺湯，鱷魚肉燉川貝湯，店員介紹個湯潤肺化痰止咳😆食完刺身就上雞煲，我簡左泰式酸辣雞煲，酸酸地好開胃，雖然對我地食得辣既黎講係唔辣🤫食完雞煲就上重點火鍋啦😍冬瓜花膠魚翅湯底，超足料，個海鮮拼盤都好新鮮，上枱果時啲鮑魚仲郁緊嫁😋部分活海鮮可以再order，仲有其他魚/牛肉/豬肉/雞肉/自家製餃類/蔬菜，種類都幾多本身餐廳氣氛都好好，食食下突然有人黎話大抽獎🎟️我地抽中左個美國蠔🫢任食仲有大抽獎送野，會唔會太抵呀🤣

「阿爺八鮮鍋」～之前曾到旺角舊店吃過，今次來到尖沙咀金馬倫道的新店，2.5 小時河鮮海鮮雞煲樣樣齊火鍋放題，仍然能夠保持水準！$398/位，另加$20任飲汽水🥤職員先奉上用茶壺盛載的燉湯，可以直接放在爐上加熱，火喉十足！雞煲三選一，今次揀了韓式芝土雞煲，好多芝士鋪上面，啱晒芝士控！主角當然係-新升級霸王海鮮盤～有越南大虎蝦、澳洲大龍蝦、蘇格蘭聖子、蘇格蘭大元貝、臺山奄仔盤、新鮮鮑魚，用料上乘，食呢個海鮮盤都抵番晒！其他配料不能盡錄。肉類如安格斯牛肉、丸類、海鮮蔬菜等都非常新鮮！今次再訪阿爺八鮮鍋，原來有個抽獎活動，每一枱都可以即場參加抽獎，永不落空！幸運地今次竟然抽中大獎，得到魚翅一包！又食又拎真開心！

Good value for money for a buffet hotpot with fresh seafood🦐🦞🦑🐟🐷overall: 7/10🍗Cheesy Chicken PotThis eat-all-you-can unlimited refill hotpot buffet meal began with a scrumptious bowl of cheesy grilled chicken pot that left me craving for more. The chicken pieces are tender and well soaked in a large portion of cheese which makes it an evil start of the meal.🐙Seafood bowlThe star of the show was the large bowl of fresh seafood that was served. It boasted an impressive selection, including succule

有同事放咗一個星期大假，真係忙到痴線，今個星期終於得閒啲，可以準時收工，咁啱又有個舊同事約打邊爐，都好呀，出嚟吹下水訴下苦先😂舊同事係海鮮愛好者，佢介紹咗阿爺八鮮鍋，佢話呢間啲海鮮係任食，仲要係活海鮮唔係冰鮮貨，超正咁話喎🤤正餐時段$398一位，加人頭$20就有埋任飲，可以食足兩個半鐘頭🤤一坐低，店員就介紹佢哋嘅調味盤，跟住揀雞煲嘅口味，仲有湯底。店員話佢哋嘅湯底係每日新鮮淆製，口味日日不同，所以唔會印係餐牌上面，我哋就揀咗個豬骨湯底。另外仲會有個爐熱住一壺燉湯，是晚係姬松茸川貝鱷魚湯，湯頭濃郁鮮味，真係好好飲🤤喺社交平台like and share嘅話，會送一盤刺身盤，都幾抵呀😋再來就係雞煲，我哋揀咗泰式酸辣口味，雖然叫酸辣，但其實完全唔辣，酸酸甜甜食落個感覺有啲似西檸雞😆食完雞煲就打邊爐，我哋揀咗呢個石橄欖豬骨湯底，入面有好多石橄欖㗎，雖然係豬骨湯但唔油膩，清清地幾鮮甜，之後就上埋個霸王海鮮盤同靚料安格斯牛肉，個海鮮盤包括龍蝦、奄仔蟹、大虎蝦、大元貝、鮑魚同埋鮮蠔，睇見都想食🤤灼完一大堆海鮮，個湯底仲鮮甜左，啲牛肉灼完出嚟都係甜㗎😍落單任食嘅海鮮都唔輸蝕，一樣係大大隻好新鮮😍，除咗

🍲 阿爺八鮮鍋 🍲我今天到了位於尖沙咀的阿爺八鮮鍋，這是一間以雞煲火鍋放題為特色的餐廳，價格為$398，可以無限任食兩個半小時。一開始服務員會端上一壺湯，加熱後喝下去，感覺清甜可口。接下來就是雞煲時間了，我們選擇了韓式芝士味道，芝士多且拉絲，香濃而不膩。食完雞煲後，他們不會直接用雞煲湯底來煮火鍋，而是換成了更適合的藥膳湯底，帶有濃濃的當歸味道，煮完的食材味道十分鮮美，基本上不需要再加醬油。每人還會有一份霸王海鮮拼盤，裡面有越南大虎蝦、澳洲大龍蝦、蘇格蘭聖子、蘇格蘭大元貝、臺山奄仔蟹和新鮮鮑魚等，海鮮的新鮮程度令人驚艷。如果你關注他們的社交平台，還可以額外獲得一份刺身。食完雞煲和海鮮後，還可以無限任食火鍋，提供的食材包括各種海鮮、河鮮和肉類，甚至是之前提到的新鮮鮑魚。連響鈴裡的紫菜都特別美味，腐竹更是香濃豐富。我們點的蝦滑質量高，丸類和餃子也都非常新鮮多汁。總的來說，這家餐廳的每一道菜都經過精心挑選和製作，從食材到成品都非常認真。這是我今年吃過最高品質的一餐，真心大力推薦。📍 地址：尖沙咀金馬倫道中國保險大廈1/F

🌸2.5小時河鮮海鮮雞煲樣樣齊火鍋放題｜$398一個價錢包晒雞煲、火鍋、燉湯、生猛海鮮，輕鬆回本😌餐廳仲做緊推廣，只要follow IG/FB/抖音就會送刺身拼盤。刺身拼盤有赤蝦、希靈魚、燒三文魚腩、北寄貝、海蜇，全部都非常鮮甜，特別海蜇甜甜地非常爽口好好食。燉湯非常暖胃，仲有小火爐keep住保溫。雞煲簡左松茸菇味，雞件細細件掛滿醬汁。放題套餐會包一個升級既海鮮拼盤（龍蝦、帶子、蟹、蠔、鮑魚、蝦）一上枱啲鮑魚仲跳緊舞，生猛到呢😂咁新鮮用黎打邊爐就一定好食架啦，部分海鮮仲可以無限追加添。魚翅花膠湯底用料十足，湯頭清甜，淥完海鮮既湯底更加濃郁，煮冬瓜正

阿爺八鮮鍋 (尖沙咀)尖沙咀金馬倫道48號中國保險大廈1樓A&B號舖海鮮雞煲放題 1700-1930hrs $368 另外再加$20飲品放題有好多生猛海鮮、新鮮河鮮、牛、雞、豬 嘅食物任食職員同我哋講只要讚好社交平台就可以送刺身刺身有北寄貝、希靈魚、牡丹蝦、另外仲有少量嘅海蜇刺身嚟講都幾新鮮另外有雞煲選擇麻辣雞煲、芝士雞煲、茶樹菇雞煲我哋揀咗芝士雞煲，芝士雞煲真係第一次食，芝士超級多，食落去又唔會好漏，勁拉絲，雞肉肉質嫩滑，份量啱啱好兩個人食得晒，個底仲有啲洋蔥配搭幾好升級霸王海鮮盤入面海鮮有澳洲龍蝦、奄仔蟹、蘇格蘭元貝、越南虎蝦仲有鮑魚，鮑魚送到上枱仲郁緊 海底椰川貝鱷魚肉湯鮮甜潤喉冬瓜魚翅花膠湯底勁多刺同花膠，冬瓜都好大塊，湯底加入左海鮮之後更鮮甜😝