影片
港鐵尖沙咀/尖東站 B2 出口, 步行約4分鐘
繼續閱讀
電話號碼
25278383
開飯介紹
火鍋放題餐廳，結合海鮮火鍋、刺身沙律及特色雞煲，其中雞煲提供泰式酸辣、花膠、韓式芝士及四川麻辣等獨特口味，為賓客帶來層次豐富的美食饗宴。
繼續閱讀
附加資料
可網上訂座 , 可電話訂座 , 可賞訂座積分 ; 用餐時間入座計2.5小時, 完結前45分鐘最後加單
營業時間
今日營業
17:00 - 00:00
星期一至日
17:00 - 00:00
以上資料只供參考, 請與餐廳確認詳情
-
網上訂座服務暫停
相關文章
今日放工好肚餓！同事提議我一齊去打邊爐，就試吓呢間阿爺八鮮鍋!我哋揀咗花膠雞煲，海鮮湯底❤️花膠雞的雞件非常嫩滑，而且好入味，唔會太鹹，同都幾多花膠！件件肥美入味，加埋芫荽超級香☺️Like and share 社交平台送刺身：牡丹蝦、油甘魚、北寄貝、魷魚、八爪魚，牡丹蝦特別鮮甜，又大條，入口肥美好味，其他刺身都幾新鮮！🥰海鮮拼盤：有帶子、蝦、蟹、龍蝦，海鮮超生猛，尤其鮑魚，仲識郁架！食落有口感又鮮甜🤗海蝦又大又甜，龍蝦同蟹啖啖肉，安格斯牛肉薄切，唔係好肥，但係咬落好有牛肉香味，而且唔會韌，幾嫩口😍新鮮滑牛肉唔係講笑，真係超級滑，小編都叫多咗兩盒，醃味又夠，打邊爐一流！鮮蝦雲吞呢個鮮蝦雲吞皮薄餡多，裏面嘅鮮蝦仲好爽口蛋呀，整個雲吞非常好食，小編都叫咗兩三次☺️招牌手打蟹籽蝦滑黑松露魚滑還有點胡椒味道，咬落爽口彈麻，真材實料!😁招牌手打黑松露墨魚滑有淡淡的黑松露味，墨魚滑嘅肉比較實淨，一樣好香口！😃蟶子、大蜆：非常鮮甜，有海鮮味，鍾意食海鮮嘅可以叫多D! 😗珍珠蠔: 比較細粒，但係都幾新鮮，好香蠔味! 😚本地豬粉腸：正常，處理乾淨，不錯☺️本地新鮮豬肚：好有咬感，都處理得好乾淨😄外面任飲嘢飲，根據自己喜歡嘅口味揀☺️
繼續閱讀
今日開完會約咗去阿爺八鮮鍋度打邊爐，但係上到去發現奇奇怪怪嘅，又話我哋去倉門口，要去正門，上到去正門，打去問，佢話原來搬咗去尖沙咀金馬倫道？ ！打去問餐廳佢哋點解旺角嗰度個招牌同海報都冇變過嘅？竟然係下一間嘅租客借用左佢哋個名，咁樣呃啲顧客上去好似唔係咁好喎🥲上到嚟見到好多活海鮮同刺身，知道自己搵啱地方！鮑魚彈牙又鮮甜，游水鮑魚值得多叫，龍蝦又係大大隻啲欲購實際，啲蟹好多蟹黃，海鮮真材實料絕不含糊，我自己鍾意食呢一度嘅鮮蝦，真係街市啱啱買返嚟好新鮮好大隻，佢哋個湯底係前一日用海鮮熬製而成，鹽都冇落，望落有啲似清水，但係呢一種嘅真材實料海鮮唔加味精，再加上啲海鮮，就會釋出佢嘅真正鮮美🥰個人推薦台灣嘅白鱔片同埋龍躉片，鮮味亂畫，鳳城水餃都令我有驚喜，基本上每一款嘅用料都係好高質素，有少少不計成本，樣樣都係由原產地寄過嚟，好少見到香港嘅小店，仲可以有呢一份嘅堅持喺度，老闆係好性情中人，見到佢同好多熟客仔都好好傾，連公仔麵都整夠有11款hahaha香港地需要有一班仲願意堅持嘅人，哪怕經濟唔係咁好，都仲願意比咁高質素大家，令到香港繼續有好多好好食嘅餐廳，保持美食天堂呢一個美喻💝
繼續閱讀
阿爺八仙鍋，海鮮控同火鍋控既其中一個必然之選😎海鮮牛肉任成火鍋食成2.5個鐘😳真正游水海鮮任叫，急不及待，坐低即上一壺時令燉湯，椰子雞湯，順喉舒服👍🏻仲可以配炸魚皮食爆🌟只要like同share餐廳任何一個社交平台就送刺身拼盤，爆左唔係hea，真係好靚既拼盤😆甜蝦鮑魚魚腩都好鮮好正，爽👍🏻招牌花膠雞煲，香料超足，雞肉焦焦地好味又幾嫩🤗花膠都好入味，仲有得任叫🙌🏻打邊爐🍲霸王海鮮盤上台已經好吸晴😍鮑魚仲會郁，爽身又鮮，蝦好大隻，好鮮👍🏻帆立貝又大又鮮，勁好味，龍蝦真係MVP，又鮮又厚肉多汁，爽到爆🤤爆膏蟹都好搶fo，膏同肉都係正，全部海鮮鮮到爆🫠其他火鍋配料九宮格咁上幾精緻✨安格斯肥牛好夠牛脂，質素高，手打黑松露墨魚滑，海鮮味濃口感好好👍🏻鮮蝦勁癲，真係撈上黎仲會跳🦐珍珠蠔size細細但蠔味好濃，深海龍躉片係必必必必食，好鮮味又大舊，肉質一流啖啖肉😋超多勁鮮海鮮任叫，蟶子皇、白鱔等，最後仲送個果盤🍐好爽，實現游水海鮮自由就係阿爺依度！🤠
繼續閱讀
餐廳：阿爺八鮮鍋 (尖沙咀)地址：尖沙咀金馬倫道48號中國保險大廈1樓A&B號舖講到食飯聚餐，火鍋一定喺香港人嘅頭幾個選擇，加埋「任食」兩隻字，就更加喺香港人嘅至愛❤️，近排去咗尖沙咀阿爺八鮮鍋食任食火鍋🍲，$368就可以享有2.5小時任食，但如果你夠醒✨，趕得切7pm前埋單就即減$70，即喺$298就可以無限享用頂級食材，仲可以加$20升級任飲啤酒汽水🍻，試問邊個抵擋得到🤤未開始打邊爐，已經率先送上刺身拼盤，只要like同share餐廳任何一個社交平台就有👍，當中包括生蠔🦪、吞拿魚、北寄貝、八爪魚🐙、甜蝦🦐、魷魚🦑、赤貝同馬刀貝，每一款都夠新鮮，媲美得上日式餐廳嘅質素🍣食食吓店員送上門脆口嘅鱔連骨魚皮同自家製五指毛桃湯，湯味清甜，健脾又潤肺，好啱食完刺身暖暖胃😜。之後就有任食嘅雞煲，我就揀咗花膠雞煲，雞肉嫩滑惹味，濃郁得嚟唔會過膩，配埋滑溜爽口嘅花膠勁滿足😌，食完一煲雞煲已經開始有啲飽，但主角火鍋都仲未開始😂火鍋揀咗蕃茄湯底🍅，味道鮮中帶甜，配牛肉同海鮮一流，送嘅手切安格斯牛肉牛味濃厚，油花分佈啱啱好，入口嫩滑有啲嚼勁 ，落鍋十秒左近吸收蕃茄湯底更加有層次🤓然後就喺龍蝦海鮮盤 ，入面竟然有鮑魚、龍蝦🦞、蟹🦀、海蝦🦐、帶子 ，每一樣都夠新鮮大隻，龍蝦肉質鮮甜，鮑魚夠爽口，有啲仲喺任食，呢種級數真心少有💯點餐紙上面仲有接近60款火鍋美食任你叫，食材豐富到驚人🫢，豬牛雞類、各種海鮮、蔬菜、麵食、火鍋配料 ，選擇多到食唔晒，完全滿足所有人嘅口味，就連蟶子、龍躉片、珍珠蠔、豬肺豬腦、牛骨髓、雞腎雞子等都喺任食，應有盡有👏加錢任飲嘅嘢飲有燕京啤酒、椰汁馬蹄爽、仙草清涼爽、清熱降火、烏龍茶、各式汽水，款式唔多但都算唔錯喇🙈
繼續閱讀
阿爺八鮮鍋今次要介紹一間喺尖沙咀有一間火鍋店叫「阿爺八鮮鍋」，呢間火鍋店係位於尖沙咀中國保險大廈1樓，輪椅人士係去到，呢間火鍋店賣點係1700至1930前離座就$368，享有2.5小時河鮮海鮮雞煲火鍋放題，加$20任飲指定啤酒或各式飲品！一入座就會先送一兜炸魚皮、一碟手切安格斯牛肉（潮汕）同超級多嘅生猛海鮮拼盤，海鮮拼盤包括有龍蝦、帶子、鮑魚、蟹同蝦，雞煲我揀咗花膠雞煲，火鍋湯底就揀咗椰子雞湯底。雞煲估計有半隻雞，雞件大約15舊，花膠都有幾片，每一片花膠都好厚切！仲有就係Follow佢哋任何社交平台會即送時令刺身拼盤，每一種刺身都好新鮮，當食到好飽時，竟然仲會送埋時令生果，我話一人份量就夠啦！火鍋食材超過60款都可以任食，蟶子當日竟然係蟶子皇，鍾意食火鍋同海鮮嘅你不妨嚟呢一度試下啦！如果火鍋鑊轉為有層架可以蒸海鮮就更好味！2人總共價錢$854，其他有加一服務費！個人口味總評分：8.5/10 @grandpa8383 地址：尖沙咀金馬倫道48號中國保險大廈1樓A&B號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#阿爺八鮮鍋 #打邊爐 #火鍋 #任食火鍋 #香港美食 #尖沙咀美食 #尖沙咀好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀