阿波羅

營業中

休息中

阿波羅乳酪雪糕係我地讀書時候既最愛, 估唔到過左咁多年..最近多左好多人講番起呢間舖頭..搵左呢間舖好耐..終於比我搵到佢...因為下午時間得兩個員工做野..一個去左買飯..另一個又要負責收單、又要整雪糕、又要收貨..其實真係好辛苦..所以佢落半閘截單都好明白，大家都好守規矩，排好隊，等姐姐整好哂野先再收單。等左十幾廿十分鐘，終於到我，一如以往，我都係叫藍莓乳酪雪糕，先唔講中間我又等左幾耐....同埋佢D cone 冇 cover 好..個人擔心衛生問題，我改用杯裝..終於乳酪雪糕到手，一咬落去，我只能講..係冇味...唔知係D蓋莓冰得太耐定佢落得太少藍莓...真係冇味..好失望..仲要$48 既價錢...真係寧願食番Haagen-Dazs 好過...

🍦阿菠蘿乳酪雪糕 💰42💭👷🏻‍♀️細孖揀左芒果🥭x 士多啤梨🍓💭呢排好Hit，唔多唔少都跟風食，細過食開覺得幾正又健康😋自從荃灣南豐中心分店執咗就冇再食過💭味道依舊，真係回憶番哂黎，細個果陣好似都要$10幾蚊一杯，對比M記雪糕貴好多，👭🏻媽咪都好少會買比我地食💭姐姐幾有心機整，好多人排隊買都好淡定，要比個Like店員姐姐🥳👭🏻評分：🌕🌕🌕🌕🌕❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ 👭🏻推薦指數:⭐️⭐️⭐️⭐️⭐️

2022.10.31 星期一 5pm🌬️天氣涼了，都是適合吃雪糕的日子，不會那麼快溶掉。店舖小小，之前幾次平日都沒人留在店內吃，這天就有幾個，都不斷有人進去買雪糕。•••••••••••••••••••• | 雜莓乳酪 | $45🍦🫐🍓店員姐姐說會有點酸，建議加麥提莎，最後我沒加，想吃水果的原味。果然只有用甜筒裝才會覺得雪糕圈捲得很高🌪️紫紅色的乳酪很吸引，甜筒都很脆。其實味道不是太酸，就是多種莓果的味道，還有粒粒未完全打碎的果肉，充滿維他命C的感覺，不錯啊。不過有點蓋過了乳酪甜味，吃到尾才嚐到原乳酪味，應該是上一杯的味道吧😂

之前經過旺角阿波羅分店，唔知係咪因為雪糕關注組嘅推介，見到超多人排隊喺度買乳酪雪糕，成功吸引到我都排埋一份🤣🤣阿波羅細細個既時候成日都食，每次見到呢個牌子都會回想起童年回憶，今次食都可以比較下同以前既味道有無唔同!!!<藍莓乳酪蛋糕> $40小編今次只係嗌咗藍莓單拼，味道肯定冇得輸，用料實在❤️不過挑戰唔到六圈半雪糕添🥲聽講唔同地區嘅阿波羅分店價錢都有少少唔同，推介大家去試吓～同埋有一個對我來講幾有趣體驗，就係有機會食到上手雪糕嘅口味!!

好多人話係佢地嘅童年回憶 但我細個屋企附近個間啊波羅好似係無乳酪雪糕可以食🤨我對appolo嘅印象係有熟食位佢啲雞蛋仔係每邊計好時咁整.然後有啲迷你糯米糍！唔記得幾錢有三種味道 然後就係孖條啦！我最鍾意西瓜味！最近咁多報導我每次經過都好多人排隊🥲想試都懶得排🥹但係今日經過竟然無咩人 可以揀兩隻味 我揀咗蜜瓜同埋西瓜 原來係拎啲急凍嘅水果去整😂 然後可能上一手揀左藍莓所以個店員問我介唔介意有啲藍莓 出到黎成個隻色似藍莓多啲 食落係好似好普通麵包鋪個啲雜果蛋糕咁嘅味😂 我覺得無咩乳酪味 但好得意 真係好似食緊雜果蛋糕😂

🍦阿波羅 Appolo ⁡傳說中的完美6圈半🤔係咪真係有甘誇張⁉️⁡⁡早排喺太子食完餃子，行左去T.O.P的阿波羅食傳說中的6圈半雪糕🤩~⁡🤤超級期待!!!!⁡⁡夜晚8點幾，都唔少人wor~⁡⁡🍦乳酪雪糕可以揀2款配料。⁡夏天甘熱，揀jor藍莓🫐同士多啤梨🍓，諗住酸甜口味開胃d~⁡⁡🤵🏻‍♂️店員哥哥唧ge手勢有待改進，成品有d參差，要唧我嗰杯時都有d擔心😅⁡幸好店員哥哥都唧得好靚😍，雖然無完美6圈半，但都有4圈半甘誇張!!!⁡外表賣相一流，夢幻戀愛粉紅紫色💜~⁡味道就普通d🙊⁡可能生果ng靚，藍莓、士多啤梨同乳酪味欠奉呢🥲…..有d失望⁡⁡反而痴到d上一手ge哈密瓜味🍈，有驚喜，哈密瓜味突出香甜!⁡下次記得叫其他味道try try~⁡⁡⁡

夏日炎炎最岩就係食雪糕，係條街到唔洗十分鐘已經熱到中暑咁濟…...之前入左雪糕關注組見到呢排大推阿波羅乳酪雪糕，老實講阿波羅細個成日都去買雪糕，但後黎佢啲分店變得好唔就腳，所以都好多年無去買，細個入去都係買孖條多😂😂😂(暴露年紀系列) 鮮果乳酪雪糕真係一次都未食過。佢有好多唔同生果可以選擇，有香蕉，蜜瓜，芒果，菠蘿，士多啤梨，藍莓，Oreo，麥提沙，椰子，可以簡兩款。乳酪再加急凍生果味道實在又健康😎.自從比雪糕關注組介紹完，好多人去潮聖，不斷有客人入黎買乳酪雪糕😂😂😂菠蘿🍍x麥提莎 $40本黎想叫椰子x麥提莎，但係椰子賣哂😤乳酪口感軟滑而菠蘿🍍味好出好fresh，麥提莎有咬口但唔太食到麥提莎味比菠蘿蓋過哂，食到底仲有上一手既士多啤梨味🤣可以試埋其他味🤣🤣🤣人人都講完美六圈半，我就無留意我呢杯有無六圈半啦，我整係知道食完好飽.士多啤梨🍓x菠蘿🍍 $40朋友係士多啤梨🍓愛好者，所以就簡左士多啤梨🍓x 菠蘿🍍，士多啤梨酸酸甜甜加上菠蘿🍍本身有小小酸味，夾埋我覺得太酸（本身我唔太鐘意食太酸)但朋友話呢個組合好正，下次再食都會係呢個組合😎如果中意食酸甜既不防試下呢個組合😋

細細個一直都好鍾意食阿波羅😙反而大個之後因為出面愈黎愈多唔同既乳酪雪糕阿波羅分店又愈黎愈少真係少食左好多🤣🤣🤣之前經雪糕關注組既加持又令阿波羅番生😂咁當然趁熱鬧都要去試下啦😂😂今次去左會整到6圈半既旺角分店試試🤤叫左由士多啤梨🍓+藍莓🫐既不敗配搭😆果陣呢間舖既姨姨無令人失望！真係6圈半好大杯😍😍😍😍😍😍😍酸酸甜甜咁好清新😆正正子👍🏻👍🏻👍🏻不過真係超級多人排隊😢當日係夜晚7點都等左半個鐘😢不過見佢咁好食就算啦😚😚😚搵番細個食既味道😆😆

日日都喺雪糕關注組見到，最近我都成日去食～又過黎潮聖喇～～之前分別試左旺角同海之戀分店💕個人私心推介海之戀分店！呢間分店姐姐唧得好靚，仲要有靚靚牆打卡👍👍藍莓荔枝甜乳酪 $40藍莓椰子甜乳酪 $40士多啤梨蜜瓜甜乳酪$40個人大推藍莓+椰子！！椰子味香濃又食藍莓味，加上纖維應該較多輕易唧到大大杯！完美6圈半成就解鎖🔓！成間分店雖然得一位姐姐，但佢非常熟手同快手，一個人落單、執配料、唧雪糕👍仲要唧得好靚👍希望阿波羅可以加人手同加佢地人工，呢間分店到差唔多閂門都仲有人排隊。

近日 雪糕關注組 超出名既阿波羅雪糕，見到有d人有6圈半都吸引左我去試，不過亦有人不足圈數之餘仲失手，都有d驚🤣今次去旺角分店，兩位姐姐都好好人而且手勢好好，續樣講比我地知邊d可以整到邊d唔得🫢原來高纖維d既生果整到既機率大好多架！例如芒果、菠蘿、蜜瓜、哈密瓜✨當然如果想顏色靚d可以另一d紅/紫色類生果，例如士多啤梨同藍莓，我見oreo打出黎都幾靚架😆.乳酪蛋糕 HKD40芒果x椰子（左）不過留意返，朋友落椰子點知好快雪崩😂芒果x菠蘿（右）菠蘿味重d，好fresh好啱夏天食☀️💦.阿波羅地址 ｜旺角彌敦道700號T.O.P This is Our Place地下8號舖📍分店：荃灣、尖沙咀、沙田、將軍澳、葵芳、天水圍（分店太多不能盡錄）

As a normal person who wants to keep an eye on the weight, it’s hard to find some health dessert on the street which is allow kcal and low sugarOrdered a frozen yogurt for Apollo , the great thing is it’s able to chose what fruits you want to be included within the yogurt -I have chosen the strawberries and blue berries which is very low sugar and great for the body, and low carbs low Kcal -The sweet and sour taste from yogurt makes the dessert very suitable and nice for a summer hot afternoon,

最近阿波羅興起一股熱潮，出開黎旺角，梗係要去朝聖一下，回味下兒時回憶。6點幾去到，條隊排到出門口😱不過好在職員動作好快，唔係等左好耐就買到。期間限定西瓜味乳酪有珍寶版本，會多50%果肉。見到期間限定，所以就叫左依個試下。職員技術果然厲害，乳酪整到好高，不過可惜溶嘅速度都好快，搵到地方食再影左兩張相，已經見到佢溶緊。西瓜味清甜，咁熱嘅天氣食真係好消暑解渴。份量好多，兩個人食就剛剛好！不過個雪糕筒略嫌唔係好夠脆。

加入咗香港雪糕關注組阿波羅而家簡直係爆紅 今日咁啱經旺角轉車所以去咗阿波羅佢嘅士多啤梨同芒果係無敵見到長長的人龍就知道阿波羅真係名不虛傳大家都好守秩序我都見到爆紅嘅翻版李司棋能夠食到佢親手唧嘅雪糕，幸福滿瀉酸酸味味嘅乳酪冇罪疚感再配合芒果同士多啤梨嘅果甜 仲食到啲一粒粒嘅顆粒 而且係34度嘅天氣可以食到一杯冰涼透心係的雪糕爽呀

Appolo乳酪雪糕，完美6圈！🌸西瓜加orea乳酪雪糕$51夏天消暑所以揀左西瓜，淡淡既西瓜同乳酪味，真係好正👍而且完全係用冰凍既生果加乳酪再搞碎混合，跟住吱出黎！成件事比較健康，當然都會較為冇甘滑同creamy。最近有增量50%果肉，加$6就可以配orea或麥提莎傻婆R細個最中意哈密瓜or藍莓，跟住再加orea，成日都要啊媽買俾我食，由細食到大。傻婆T一向都鐘意西瓜加青芒果😋最近再掀起熱潮，都幾感動下！大家又中意點搭配生果？會加orea定麥提莎呢？

呢排天氣好熱，特別想食雪糕乳酪之類嘅嘢，一去到就見到超多人等緊，我就叫左個藍莓＋蜜瓜，姐姐驚我叫錯就提醒我蜜瓜係綠色架喎，可能好多人會撈亂哈蜜瓜同蜜瓜，不過我的而且確係想要蜜瓜～～姐姐都好快手，等左一陣就到我個杯，但係姐姐問我前一位嘅客人介唔介意要部機上一手剩返嘅少少香蕉同麥提莎後佢就拒絕，於是就落力ＳＥＬＬ再下一位嘅我照要～我最後都應成左，食嘅時候好大陣香蕉味，有少少蓋過左我本身Ｄ水果味，仲有少少椰子同麥提莎粒粒，搞到我有少少唔開心，因為香蕉實在太大味啦，下次我都係要學識拒絕先得