阿杏飯團 (東海商業中心)

營業中

休息中

今日同朋友喺尖沙咀行街，嚟到尖東附近搵食，見到呢間最近好紅嘅「阿杏飯團」，一直都好想試，今日終於有機會！「阿杏飯團」來自台灣，飯團口味多元化，而且即叫即製，攞上手真係熱辣辣㗎！🐔奈良黑椒雞扒飯團（ $38 ）最外層用紫菜裹着飯團，紫糯米口感煙韌，而且健康有營養，食完都唔會有罪疚感。黑椒雞扒好嫩滑，味道惹味香濃。🐮新宿燒汁牛扒飯團（ $38 ）呢款係店內招牌，爆晒餡，認真足料澎湃！燒汁牛扒令人垂涎欲滴，仲配有生菜，中和飽滯感，正！🍵椰果四季春（$25）🧋黑糖珍珠奶茶（$29）珍珠煙韌彈牙，奶茶充滿黑糖香，不會太甜膩，不錯。食飯團配台式手作飲品，簡直完美！

行過科學館附近見到有間外賣店仲要即叫即製台式飯團真係要好好填飽個肚先芙蓉咸蛋飯團我要keep fit 就食個走肉的飯團，芙蓉咸蛋勁香，拎返屋企再翻叮，仲有流沙感覺。配料有油條酥，滿滿的肉鬆，沙律醬生菜真係好有口感。同樣都係紫米，喜歡紫米的色澤。新宿燒汁牛扒牛扒很大件，肉質嫩滑，燒汁很惹味，少少甜甜地，配料有青瓜絲，吃起來很爽口，又清新。米飯用了紫米，很健康，紫米很煙韌。黑糖珍珠奶茶黑糖珍珠很Q彈，味道濃郁，茶味香濃，奶感重，搖勻慢慢嘆真係唔錯椰果四季春四季春微甜很健康，喜歡茶飲比較清清地下火，仲有勁多椰果粒，一口一口吮唔停。

“在阿杏的記憶中最懷念的是媽媽温暖的一雙手，還有屬於媽媽的味道”“手作飯團，帶給你幸福的味道”等候製作飯團的時候，望著這幅牆，令我想起剛上初中時，媽媽每天為我預備的飯盒。亦令我發揮無限想像，想像女兒將來長大成人後會否懷念我的味道。想著想著都差點忘記今日特意來試試台灣過江龍飯團，除即叫即製外，而且仲選用健康紫糯米造的健康飯團。💎 新宿燒汁牛扒飯團 $38牛扒帶有點黑椒味，惹味肉嫰，再配埋飯糰其他配菜，咬口一流。💎 芙蓉鹹蛋飯團 $33鹹蛋油香配紫糯米粘口，非常合拍。💎 黑糖珍珠奶茶 $26珍珠Q彈，茶味香郁。💎 椰果四季春 $22清茶伴以椰果，消暑又解渴。人均消費💰 ： ＄ 59.5總結✍ ： 手作夠用心。

尖沙咀 - 阿杏飯團又有台灣過江龍登陸香港喇！主打健康嘅爆餡紫糯米飯團，有啖啖肉、海鮮、鹹蛋黃、芝士、麻辣系列嘅飯團可供選擇，標榜手工製作，即叫即做，所以都需時製作喔😌係附近番工嘅打工仔，無論係早餐定午餐都係必食之選🤤🤤店鋪裝修好日系少女夢幻風，粉紅色嘅櫻花樹同木系嘅裝修，感覺好舒服，有少量嘅坐位可供堂食。爆漿芝士飯團（🌟96.44/100）💲39因為即叫即製，所以拎上手仲係熱辣辣，裏面嘅芝士好似熔岩般流出，愛芝士人士必點🔝紫菜包住軟糯有嚼口嘅紫糯米，內裏有火腿、台式肉鬆、香脆油條、生菜、蘿蔔乾、沙律醬等各款配料，首先食到軟糯嘅紫糯米，然後脆卜卜嘅油條，新鮮嘅生菜，台式肉鬆加上沙律醬，同大量嘅芝士，口感豐富，而且每一啖都係驚喜🤩新宿燒汁牛扒飯團（🌟97.33/100）💲38牛扒細細塊但厚實，帶點黑椒同燒汁甜味，惹味滑嫩，加上各種配料，餡料爆出，飯團大大份，無論係男仔定女仔都夠飽黑糖珍珠奶茶（🌟91.33/100）💲26，小完全冇諗過飲黑糖珍珠奶茶，都可以飲到健康嘅味道，甜度只係黑糖焦香味，奶茶完全冇加糖，茶味好香濃，珍珠口感煙韌，有咬口椰果四季春（🌟83.76/100）💲22，小茶味好

成日經過見到裝修好靚好特別，想試好耐。新宿燒汁牛扒飯團$38配飲品有85折優惠份量好大份，餡料佔左3/4有多，用紫糯米的飯團好煙韌，勁大份牛扒，配埋香脆油炸鬼，肉鬆，蘿蔔乾同生菜，口豐好豐富！好食黑糖珍珠奶茶 🧋 $24揀左走甜，配埋黑糖珍珠都好夠味，珍珠煙韌，高質！熊本烤腸飯團$36雖然唔明點解叫熊本烤腸，我覺得似台灣香腸多d，回憶起台灣夜市烤腸感覺，味道都唔錯！椰果四季春 $24茶味幾香，配埋椰果好有咬口，估唔到都幾夾

疫情下唔知幾時先再有得去旅行，非常懷念台灣，今日去完科學館，竟然見到呢間台式過江龍飯團店，當然要搵返d台灣味道。新宿燒汁牛扒飯團 : 呢款係餐廳招牌飯團之一，梗係要試下，餐廳所有飯團都用上紫米，整體更健康。每個飯團都係即叫即整，入口時熱辣辣，飯團口感似粢飯，煙煙韌韌好好味，牛扒鮮嫩多汁，雖然全熟都唔會好乾，配料有肉鬆、油條、生菜等等，配埋醬汁食非常惹味。芙蓉鹹蛋飯團 : 鹹蛋份量多，每一口都食到鹹蛋，咸香味好濃，配上油條及生菜，整體味道好夾。黑糖珍珠奶茶 : 食台灣野，珍珠奶茶是必須的，奶茶茶香味濃，味道唔會太甜，珍珠份量多，煙煙韌韌好有咬口。椰果四季春 : 四季春茶飲落好清新，配埋微甜嘅椰果，天時暑熱飲番杯來消暑簡直一流。

主打台式飯團的阿杏飯團早已紅遍了內地和澳門🙈終於在2021年的11月攻入香港這個美食天堂，接著在港九火速開了數家分店，相當看好上班族的消費能力。今天午餐和同事想來點新意就來到這間滿佈台式小清新風格的飯團店飽餐一頓，店面以粉紅色為主💗設有一棵櫻花裝設在以木系為主的立食位置，加上小玻璃窗台，顯出了台灣深受日本文化影響的一面🪵餐單一目了然，左邊是各種特色手製飯團，右邊是手搖飲品，吃的喝的都有，一站式處理好我的需要，出餐亦十分快，符合尖沙咀濃厚的商業氣氛📘標榜使用健康的紫糯米，全人手製作，提供幸福味道。🥩新宿燒汁牛扒飯團 | $38 | 7.5/10一打開就見到飽滿的餡料，牛扒吸取了燒汁的甜香，肉質很軟嫩，配合著生菜、蘿蔔乾和沙律醬很惹味☺️紫糯米帶點煙韌口感，飯量不多，很適合OL一個解決不會浪費。🍘鹹蛋烤腸飯團 | $39 | 7/10正港的台式風味，烤腸帶點黑椒味，一口咬下有點爆汁，不過烤腸跟其他材料粘度不夠😒容易一口就整條掉出。鹹蛋不會過咸，配搭了香脆油條和惹味肉鬆，真的仿佛在旅行時早上起床後吃的豐富台式早餐。🥥椰果四季春 | $22 🧋黑糖珍珠奶茶 | $26

講起飯糰，好多人都會諗起日本代表華御結， 如果要揾台灣代表，一定係阿杏飯團， 未試過嘅推薦大家試吓😎🌟新宿燒汁牛扒飯團🍙 鍾意啖啖肉嘅我，一定揀個招牌飯團🍙 首先賣相一流， 店員好細心用紙包住再幫你分半， 咁就食得方便啲😃😃 但係原來攞上手都唔係咁易😂 因為真係好新鮮，熱辣辣， 記住要慢慢歎。 材料滿滿的， 不得不讚佢嘅配搭口感豐富， 紫菜包住紫米飯， 牛扒好嫩， 配上脆嘅油條粒， 加埋有沙拉醬嘅椰菜絲， 真係好吸引😍😍 本來諗住外賣拎走，最後我都選擇坐定定係度食🤣 份量十足，好滿足😋🌟凍毛尖茉莉呢個都有驚喜，茶味香濃，完全唔會輸畀一啲專做茶嘅手搖店， 一啖熱辣辣嘅飯糰，一啖冰茶，爽😎我已經諗定下次叫邊個款， 我估計芝士系列一定唔錯， 因為個飯團真係好熱，芝士可以keep住喺半溶解狀態慢慢嘆， 下次一定會試下佢😋😋

收工去搭車都經過左幾次阿杏飯團，今日特登過嚟食lunch，阿杏飯團一聽就知係台灣出品🥰果不其然連店員都係台灣人☺️見到佢哋都會同客人傾吓計，係台灣嘅‘人情味’啊😌我哋叫咗兩個飯團+2杯飲品🥤一拎起手😳好足料啊！沉甸甸的🤓佢外面有層紫糯米，夾埋啲紫米增加口感～同埋內裏是爆餡！🍙廣島黑椒豬扒飯團 （芥末醬）$38一啖咬落去肉鬆咸香、芥末醬好可口😻油炸鬼香好香脆～黑椒辣辣地幾香口～豬扒有用辣椒粉醃過，好惹味☺️好豐富嘅層次👍🏻🍙新宿燒汁牛肉飯團 $38紫糯米薄薄地岩岩好軟硬適中☺️第一啖已經食到好香冬菇味～沙律加生菜好夾😋配埋燒汁牛肉甜甜地不錯喔❤️🧋黑糖珍珠奶茶 $26黑糖味同奶香都重🤤粒粒珍珠好煙韌🤪🥤椰果四季春 $22四季春茶味好出～椰果夠爽脆💯

台灣過江龍「阿杏飯團」應該係我食過最出色既飯團🤩餐廳主要以外賣為主，但都有四個堂食座位，木系既裝潢加上一棵「樱花樹」🌸絕對係打卡好地方！- 新宿燒汁牛扒飯團飯團用左紫糯米，感覺非常健康、比一般糯米更有口感👍🏻。另外有多款配料包括生菜、油條、肉鬆等等。牛扒份量唔算太多，但幾乎食每一啖都有牛扒，牛扒惹味多汁。食完已經飽到上心口。- 芙蓉鹹蛋飯團飯團一樣係紫糯米，鹹蛋黃既鹹香成為呢個飯團既主軸，加上生菜、油條、肉鬆等配料，口感特別豐富！- 黑糖珍珠奶茶珍珠既黑糖味幾香濃，口感亦煙韌，味道真係好邪惡😈。鐘意黑糖珍珠奶茶既朋友可以一試！- 四季春味道清甜，配上爽口既椰果粒，消暑解渴必備良藥🤣每款飯團都爆餡，可惜阿杏飯團無開係我屋企或公司附近，如果唔係每個星期至少食一次🥲

之前喺旺角見到阿杏飯團已經好想試，今次去尖沙咀staycation喺附近行街時見到，就即刻買左兩個做下午茶😋😋😋😋—————————𝑴𝒚 𝑯𝒐𝒏𝒆𝒔𝒕 𝑹𝒆𝒗𝒊𝒆𝒘 🍽 𝗧𝗮𝘀𝘁𝗲 :▐ 招牌新宿燒汁牛扒飯團 $38▐包得好靚，食果陣好方便😋😋飯團用左紫米好健康，口感煙煙韌韌，好似食梗栥飯咁，但唔滯😋薄牛扒甜甜地，配埋肉鬆、生菜、油炸鬼、菜脯，味道有層次而不膩😋▐ 芙蓉鹹蛋飯團$33▐雖然呢款係最平，但食落最有驚喜，鹹蛋咸香，配合配菜令成飯團味道更有層次，甜甜嘅肉鬆令飯團更美味😋😋▐ 阿杏奶茶 $23▐本身諗住見平平地就加杯飲品，估唔到都有驚喜，茶底唔錯，唔太甜。▐ 椰果四季春 $22▐四季春茶味清香，加埋椰果飲好有夏天特飲嘅感覺😋😋🌐𝗔𝘁𝗺𝗼𝘀𝗽𝗵𝗲𝗿𝗲 : 店面小小，但有靚靚嘅打卡櫻花樹裝飾😍😍充滿日式風情，影相好靚💕🤵‍♂️ 𝗦𝗲𝗿𝘃𝗶𝗰𝗲 : 店員友善，飯團包裝得好靚，仲細心地幫我地切開。💰 𝗩𝗮𝗹𝘂𝗲 : 性價比高，食完一個已經好飽（搞到晚餐要遲d食😛）味道與健康並重，一定會再試其他款😋😋

以前去台灣旅行的時候，早餐必定會食飯團，夠飽肚之餘仲有多種配料在其中，根本是一舉多得～ 有次同朋友聊起一段長時間沒有去旅行，很掛念台灣的食物，然後她就介紹我去一試在尖東的台式飯團專門店～一去到就看到餐牌上有超過十款的飯團，忍不住直接上前點餐！等餐期間看到店內有少量的堂食位置，亦有春天的代表—櫻花裝飾比大家食飯之餘更可以打卡～飯糰用料和份量都十足，裡面的配料有肉鬆、脆油炸鬼、蘿蔔乾、惹味醬汁等等，用上香甜軟糯的紫糯米，令口感更有層次。🔺海草八爪魚飯團：中華沙律和芝麻八爪魚配上蜂蜜芥末醬，不但味道開胃滋味，口感亦爽脆可口。🔺新宿燒汁牛扒飯團：啖啖肉系列中的招牌之一，厚厚的牛扒大塊嫩滑，配上沙律醬，肉類配上適合的醬令整件飯團油而不膩。🔺飲品：有不同選擇的台式飲品，今次我就想試試台式奶茶和四季春。奶茶香濃入口順滑，而四季春就選擇走甜，因為我想飲出茶的清香，再加上微甜有咬口的椰果。

同同事去買外賣飯團做lunch ～ 見到阿杏飯團勁多人排隊～ 我地都忍唔住要排埋一份～ 我哋買左鰻魚飯糰同埋牛扒飯團🍙飯團是以卷卷的型式出現，可以一開2，方便同同事分黎食，一人一個味道～ 鰻魚飯糰內除咗有鰻魚之外，仲有菜甫，肉鬆等配料，非常足料豐富，大大個飯團內全是材料！牛扒飯團都係一樣咁足料～ 係個主材料由魚換左個牛扒，牛扒滑滑的好好味！我地仲叫左黑糖珍珠奶茶🧋同埋椰果茶配埋飯團一齊食～ 真係又抵食又飽～ 餐廳仲有櫻花🌸裝飾，連外賣袋同外賣紙都咁好睇～

呢間台灣飯團專門店開左一段時間～分店都有幾間追不上潮流嘅🐻最近先食😂食完整體印象都不錯飯團即叫即製 食落暖笠笠看似細細舊 但內餡好實淨 配料幾豐富😋飯用左紫米加少量黑糯米 飯粒偏黏口濕潤～食落似栥飯帶點煙韌 但就無一般栥飯咁滯🙂—————-🍙熊本烤腸飯團🍙主角烤腸有台灣夜市食嘅味道 外層脆脆地 內面香口但唔會油淋淋內餡仲有生菜絲 肉鬆 菜脯粒 同一d好似油炸鬼嘅脆粒～再加d沙律醬 鹹鹹甜甜成個配搭好滿足😛！—————-🍙新宿燒汁牛扒飯團🍙牛扒望落似叉燒🤣牛扒份量唔算好多～但厚身 肉質幾嫩 唔會柴🐮燒汁味濃 所以鹹味較突出 味道都比其他配料搶～—————-飯團配料夠多 所以食一個再加杯飲品🥤都夠飽lu個人認為十分適合買返office做lunch/買去野餐😌

🌸🌸🌸早幾日經過尖沙咀，試咗間想食好耐嘅飯團間間分店都有粉紅色花，飯團包裝又係粉紅色，即刻開心啲即叫即整熱辣辣，拿起手都真係辣手店舖有提供手套，夠晒方便衛生🍙新宿燒汁牛扒飯團💰$38飯團入面有生菜、紫米，感覺健康，口感有啲似粢飯，有油酥條、菜脯，鹹鹹哋，mix埋個味道又出奇地幾好，油酥條唔油，食完成個都好飽🍙芝士饅魚飯團💰$46對比下，我比較鐘意鰻魚飯團，啖啖肉，饅魚汁襯飯更好吃，一樣有油酥條、菜脯，整體味道好見其他饀料味道都好吸引，有機會再試埋其他因為佢仲有「啖啖肉系列」「芝士飯團」「鹹蛋黃飯團」「麻辣飯團」😋🥤椰果四季春💰$25最欣賞佢唔甜，啱我飲，椰果爽口，茶香味濃🧋黑糖珍珠鮮奶💰$29必飲，味道剛好，台灣感覺返晒嚟「在阿杏的記憶中最懷念的是媽媽溫暖的一雙手，還有屬於媽媽的味道」「手作飯團 帶給你幸福的味道」見到呢2句，心想創辦人一定很有孝心，感動的💕🚩阿杏飯團 (尖沙咀) @a_xing_rice_roll 📍尖沙咀加連威老道98號東海商業中心地下18C號舖