阿杏飯團 (東海商業中心)

營業中

休息中

疫情下唔知幾時先再有得去旅行，非常懷念台灣，今日去完科學館，竟然見到呢間台式過江龍飯團店，當然要搵返d台灣味道。新宿燒汁牛扒飯團 : 呢款係餐廳招牌飯團之一，梗係要試下，餐廳所有飯團都用上紫米，整體更健康。每個飯團都係即叫即整，入口時熱辣辣，飯團口感似粢飯，煙煙韌韌好好味，牛扒鮮嫩多汁，雖然全熟都唔會好乾，配料有肉鬆、油條、生菜等等，配埋醬汁食非常惹味。芙蓉鹹蛋飯團 : 鹹蛋份量多，每一口都食到鹹蛋，咸香味好濃，配上油條及生菜，整體味道好夾。黑糖珍珠奶茶 : 食台灣野，珍珠奶茶是必須的，奶茶茶香味濃，味道唔會太甜，珍珠份量多，煙煙韌韌好有咬口。椰果四季春 : 四季春茶飲落好清新，配埋微甜嘅椰果，天時暑熱飲番杯來消暑簡直一流。