阿叔泰麵 (金殿臺漢宮閣)

營業中

休息中

見到咁多好評便專程去試下!點知好失望! 今次係我人生第一次寫評語!為咗表示真係比一般般還要一般!牛肉超「 鞋」， 配料冇特別! 根本唔值呢個價錢! 地方細， 但又坐好多人! 泰式奶茶還可以的! 魚餅就麻麻!好難令我再返轉頭食!

🐱🍖 醉貓豬頸肉炒河 ($88)今次試咗呢道菜，河粉炒得香脆，豬頸肉嫩滑，味道融合得非常好。每一口都有濃郁嘅醬汁，真係非常過癮！🥥🌶️ 青咖喱 配飯（雞） ($72)青咖喱嘅香味撲鼻而來，雞肉吸收咗咖喱嘅濃郁味道，配上白飯食落去，令人一口接一口，唔想停手！🍤🌶️ 泰式酸辣鳳 ($60)呢道菜酸辣味道剛好，蝦肉新鮮，搭配啲香料，食落去真係好醒胃，令人想多食幾口，回味無窮！🥬✨ 飛天通菜 ($65)呢道菜清新又健康，通菜炒得恰到好處，保持咗脆口感，帶有一絲蒜香，食完後整個人都覺得清爽！🥤 7up ($10)整體而言，呢餐真係唔錯，值得一試！

位於太古嘅阿叔泰麵，主打食船麵，另外仲有其他招牌嘅泰國菜式。餐廳主要採用木系既餐桌同餐椅，環境簡約。🍴肉碎生菜包（$68）肉碎炒得幾香，夠乾身，味道濃郁，如果再辣啲就更加惹味。生菜大大塊，新鮮爽口，包肉碎一齊食可以中和油膩感。🍴阿叔牛肉船麵（$88）船麵麵底揀左金邊粉，麵係新鮮即煮，比較容易索湯，店員會主動幫忙加湯，湯頭清甜，另外更有醬料提供，可以自行調配適合自己嘅口味。船麵配料包括有:牛腩、牛丸同炸豬皮等，個人特別鍾意牛腩，肉質夠腍，帶點牛香。🍴泰北金麵（$78）湯底濃郁鹹香，唔會太辣。麵條闊而扁，好容易掛到湯汁。部份麵條炸過，脆脆哋，令口感多個層次。雞髀大大隻，肉質幾嫩。🍴泰式奶茶（$30）食泰國菜點少得飲泰奶，奶味較為突出，質感幼滑。🍴泰式綠奶茶（$32）綠茶味道清香，甜度適中。

星期日唔知去邊好，老公話不如去太古城行下！話嗰度有間泰國菜食船麵好正🍜想去試下！一出太古城站D1出口，5分鐘左右就到喇！岩岩過左午飯時間，唔駛排隊！轉河粉+$8碗麵一上黎就聞到好香！望落超多料！店員拎左個調味架，介紹左泰國人食船麵係兩匙糖，醋、辣椒、魚露各半匙！我地先唔落調味料，飲一飲個湯好香濃既牛肉味！！然後再試下跟店員指示落調味料，再飲一飲個湯！估唔到個湯既味道更加有層次！好難形容，大家要過黎試下😂😂 初初覺得加河粉要$8有少少貴！但係食落就知完全係值得！店員話河粉係用上泰國既新鮮河粉！十分掛湯！每一啖都吸晒湯汁既精華！😋😋 牛肉煮得夠淋好入味！炒河好有鑊氣！河粉加上金不換炒！少少辣！正😋😋 豬頸肉份量好多，口感爽口！美好既假日當然唔少得甜品！蛋糕泰奶味香濃！配上香草雪糕，😋😋😋好似好少見有泰式綠奶茶飲！連個杯套都泰有feel喇！ 好清新，唔會好甜！可以試下！總結，呢度既船麵真心令我難忘！其他野食都好有水準！！值得一提，店家提供比客人既係青檸水，泰國菜味比較濃，食完飲一飲杯水感覺好refresh! 印象分💯 ！！

我女友是住太古。所以搵食係太古街坊最容易不過的。更是必備。美味佳餚。應有盡有。見到一間餐廳食泰菜。二話不說衝了入去**阿叔牛肉船麵**無疑是最令人期待的主角。這碗船麵的湯底清澈而濃郁，散發著誘人的香氣，牛肉經過精心燉煮，肉質鮮嫩，入口即化，與彈牙的金邊粉相得益彰。湯頭的鮮美與牛肉的醇厚交織在一起，讓每一口都充滿了層次感，搭配上新鮮炸起豬皮。讓整碗麵的風味更加獨特。令人陶醉。小食拼盤更是讓人驚喜，包含了「地道炸雞棗」、「泰式酸辣鳳爪」和「香矛雞翼」。炸雞棗外酥內嫩，香氣四溢，咬下去的瞬間，肉汁四溢，令人垂涎欲滴。泰式酸辣鳳爪則是另一番風味，酸辣的醬汁讓人感受到泰國的熱情，搭配上鳳爪的Q彈口感，香矛雞翼外皮金黃酥脆，肉質鮮嫩，搭配特製的醬汁，更是美味無窮**泰式咖啡**，這杯咖啡香氣濃郁，帶有淡淡的甜味，讓人感受到泰國咖啡的獨特魅力。入口順滑。

黎到阿叔泰麵，點可以唔食阿叔船麵🤭阿叔牛肉船麵 （含花生🥜、炸豬皮）麵底揀左米粉，特別索湯🤣，湯底味道都幾濃郁，仲會同時比埋4款調味料自行調配岩自己既口味，入面牛肉份量都好多，牛肉口感軟腍入味，仲有幾粒丸子蛋炒咖喱帶子飯 蛋炒咖喱口感好 creamy，好好食，入面帶子係唔會太大粒咁，配埋飯一齊撈黎食，咖喱味道偏香甜，唔會太辣，撈飯一流飛天通菜 通菜好惹味，甜中帶辣咁，口感清爽泰式綠奶茶 青檸🍋‍🟩梳打

呢間阿叔泰麵終於開到嚟港島區，d嘢食都幾抵食！-阿叔牛肉船面$88阿叔牛肉船面以佢濃郁嘅牛骨湯底而出名，湯底經過長時間熬煮，味道醇厚，仲帶有淡淡的藥材香。今次就揀左金邊粉作為搭配，滑嫩又嚼勁，d麵索哂d湯汁。-蛋炒咖哩蟹肉飯$88一直都覺得咖喱配蟹肉係非常之夾。咖哩連埋啲蛋，蟹肉同白飯一齊食口感順滑又濃郁-炭燒豬頸肉$78炭燒豬頸肉喺呢度必試，豬頸肉厚切且炭香四溢，外焦內嫩，搭配特製醬汁，酸辣開胃

一直喜歡食thai餐嘅我 見到太古新開左阿叔泰麵當然要試試啦！【招牌】 阿叔牛肉船麵 當然試試啦~果然招牌船麵🛶 ~菜品滿滿！大塊牛腩 牛丸 仲有船面標準炸豬皮牛肉湯底超濃郁 河粉滑口 湯汁都很掛麵！ 🍜茜和芽菜提升層次喜歡上面炸豬皮，增加整個麵食的口感和層次！Asok Combo香葉肉碎煎蛋飯🍛去泰國必食Combo有五種辣度🌶️這次我揀左中辣搶眼嘅流心太陽蛋~香葉肉碎炒香 口感鬆軟好入味，辣辣地好惹味！餸飯一流！😋甜品 當然要嗌翻個斑斕糕啦！🥰斑斕味十足 甜度剛剛好唔會好膩~~而且QQ彈彈 好過癮啊！

今晚想食得簡單啲，去了太古城一間泰式餐廳。裝潢設計簡潔，服務員非常有禮。食物種類有湯麵， 炒麵， 小吃…….…..。 阿叔牛肉船麵配米粉推介之選。有牛腩，牛丸，炸豬皮，份量不少，相當豐富。湯底濃稠，被米粉吸盡精華。椰子海鮮湯金邊粉湯底雪白，陣陣椰香。金邊粉煙煙靱靱有彈力，掛湯不錯。海鮮有蝦，魷魚，青口，蜆肉。芒果糯米飯配雪糕賣相跟一般不同，好特別。糯米飯十分軟糯有嚼口。酸酸甜甜嘅芒果和雪糕嘅配搭真一流。

太古泰式船麵🇹🇭1. 香葉肉碎煎雙蛋飯 $72肉碎份量好多 而且可以揀辣度 好啱啲鍾意食泰國嘢但又唔食得太辣嘅人揀 而且都幾香蒜味 佢撈左好多嘅蒜粒 個蛋都煎得啱啱好 啲蛋汁泌哂出黎2. 醉貓豬頸肉炒河 $82第一次食到呢個好似蒟蒻嘅河粉texture 食落十分彈牙有咬口 相對港式河粉個個米味同粉味粉味冇咁出 比較有水份 所以似濕炒多啲 而豬頸肉就正正常常 但整體食落幾惹味 佢仲有啲啲辣咁 唔錯3. 香茅雞翼 $62有六大隻 食落外脆內嫩 香茅味好出 入面個雞肉肉質都好嫩滑 仲有啲肉汁 正4. 芒果糯米飯配雪糕 $68佢將個椰子雪糕同芒果糯米飯放入去個細細地嘅碗仔到 幾得意 食落個糯米飯仲係暖暖地 仲煙韌 個芒果多汁又好甜 加埋個椰子雪糕一齊食幾好味又幾夾📍阿叔泰麵 太古太古城道26號太古城金殿臺漢宮閣地下G409號舖

🙋🏻‍♂️餓底探員去咗太古調查呢間泰式粉麵，之前喺大圍見到已經好想食，可惜大圍店已結業，最近太古開咗，終於有機會食到了，餐廳嘅泰式粉麵有多款選擇，搭配唔同口味湯底，另外仲有地道嘅飯類，小食同甜品供應，食完真係泰滿足😌🍗小食拼盤(細) $88🙋🏻‍♂️表示個拼盤有泰式鳳爪，雞棗，炸魚餅，雞翼同炸豬皮，泰式鳳爪味道酸辣，食落有咬口，其餘嘅小食都炸得香脆，餓底最愛雞棗，外脆內軟，食落香口惹味🥥椰子海鮮湯金邊粉 $88🙋🏻‍♂️表示個金邊粉入面有鮮魷，青口，蜆肉等海鮮，味道鮮甜，配上奶白色椰子湯底，飲落有濃厚嘅椰香，加上青檸，香茅同南薑，個金邊粉食落充滿泰式風味🥩阿叔牛肉船麵 $88 (轉河粉+$8)🙋🏻‍♂️表示個船麵有軟腍嘅牛腩，彈牙嘅牛丸，酥脆嘅炸豬皮等配料，麵底揀咗河粉，口感滑順，非常掛湯，湯頭味道香濃，店員建議加入砂糖，辣椒乾，醋同魚露調味，令湯頭更加提鮮，層次更加豐富，唔夠湯汁店員會幫忙加湯，非常貼心👍🏻🍋‍🟩青檸七喜 $28🙋🏻‍♂️表示杯七喜配上清甜嘅青檸，飲落好有泰式風味，清新又解渴📈吃貨指數😋好味度 9/10🔙返啅度 9/10

最近去左太古城近地鐵站嘅一間泰國餐廳，位置真係超方便，無論搭地鐵定係行路都好易到。一踏入餐廳，就感受到濃厚嘅泰國風情，再加上服務員態度親切，好有風味。我地叫左泰國船麵，一碗熱熱嘅船麵端上嚟，湯底金黃透亮，香味濃郁，未食都好有期侍，麵有唔同選擇，配上新鮮嘅肉丸同香菜，口感層次分明。加少許砂糖，湯底嘅味道更突出，甜中帶鹹，真係好正，令人一口接一口，根本停唔落嚟！蝦功拌飯，當服務員將呢碟打卡一流嘅拌飯送上時，我已經忍唔住流口水。粒粒白飯飽滿，搭配上鮮嫩嘅蝦，蝦肉超級爽滑，口感彈牙，真係令人感受到海鮮嘅鮮味。咖喱醬香濃，飯粒上沾滿咗咖喱汁。通菜，呢道菜清新又爽口，通菜色澤翠綠，炒得剛剛好，不會太老，食得健康又好味。肉碎生菜包，生菜新鮮、脆口，包住野味嘅肉碎，咬落去一瞬間，肉香同生菜嘅清脆交織，真係好味到不得了！肉碎調味恰到好處，下會太油。最後，當然唔可以錯過泰式奶茶，一杯香濃嘅奶茶上嚟，奶香同茶味完美結合，甜度啱啱好。呢間餐廳無論係位置同食物都超正，我一定會再返去試其他菜式，期待更多驚喜！

成日行過都好多人,今日早了點有位就立即去試試。阿叔牛肉船麵,這個是我想吃的,選了金邊粉這個是我認為最索汁的,湯頭很濃郁有強烈的牛骨湯味道,但湯是清的不混濁,店員教授要2匙糖,半匙辣椒,半匙魚露,半匙醋,加了以上4樣後味道更香濃帶點甜味又有點辣味再來點鮮味,真的好味道,牛腩是爽口的,脆豬皮索汁後味道一流,牛丸彈牙可口。街頭豬手飯,豬手份量多,豬皮Q彈入味,味菜配飯是很配合的,鹵水蛋如果有一隻就好了。生炸蝦餅,這個可以一試,蝦餅結實彈牙,而且有蝦肉粒的,還有是炸得很脆口。飛天通菜,在家就是炒不好通菜,要做到入味是很難的,這個菜是爽嫩,味道鹹鹹辣辣的,還帶點鮮味,做得不錯。熱蜂蜜菊花露,味道甜美潤喉,適合秋冬的飲品。泰式咖啡,冰凍的咖啡,味道很甜美,咖啡的甘味也有,很好喝。味道: 可以一試環境: 座位較緊密衛生: 整潔服務: 尚可價錢: 可接受

今日介紹嘅餐廳位於太古城附近，去附近打工一族午市嘅好去處，所以我哋去嘅時候都比較多人。餐廳嘅午市套餐都相對抵食，二三十蚊嘅價錢就可以加小食。阿叔牛肉船麵（牛）今次嘅船麵面底選擇咗金邊粉，金邊粉係新鮮製作嘅，比較索湯，所以食到一半嘅時候職員會幫我哋加湯。船麵嘅湯底非常之濃郁，牛味偏重。炭燒豬頸肉豬頸肉嘅份量比想像中大好多，最少有八件豬頸肉。芒果糯米飯細細碗嘅芒果糯米飯，最適合做飯後甜品，如果係當造嘅芒果會更加好食。蛋炒咖喱蟹肉飯蟹肉嘅份量非常之多，配上炒咖喱蟹嘅醬汁，加埋炒蛋，令人係不知不覺間已經食晒成碗飯。阿叔泰麵 (金殿臺漢宮閣) (太古)太古太古城道26號太古城金殿臺漢宮閣地下G409號舖

之前行過見到呢間新開嘅泰國餐廳平日夜晚竟然都幾多人，睇落價錢都唔貴，所以就搵咗日去試吓 ！我哋叫咗炸蝦餅，冬陰功海鮮媽媽麵，同埋紅咖喱雞配飯。炸蝦餅 $92炸得幾乾身，幾彈牙。冬陰功海鮮媽媽麵🍜 $88原來係用泰國嗰隻即食麵媽媽面，食落都幾特別😂！海鮮都幾多，食落都還好。紅咖喱雞配飯 $72個雞原來係炸過，咖喱味道唔錯，但係嫌佢個雞冇乜肉。間店上菜超快，店員都幾好服務嘅，男店員會每樣食物都介紹吓，笑容都幾親切😁