阿叔泰麵 (西菁街) (已結業)

平日去所以唔洗排長龍系一件好事，見星期六、日都好多人排隊 所以我覺得超lucky🥰！叫左雞肉金邊粉同牛肉金邊粉價錢都係$55/$58（希望冇記錯）雞肉金邊粉既肌肉係雞鎚，但啲肉好「鞋」、冇咩雞汁，有啲失望。只係雞肉既話2.5/5分然後我係叫牛肉金邊粉，牛肉係瘦既、夠曬味道同煮得夠淋！係本人鍾意食既瘦牛！食完唔會「sip」牙，都幾唔錯啊～所以就咁牛肉4.5/5分 金邊粉同其他店鋪都差唔多 睇樣以為湯底係濃，飲落去又ok喔，唔重！佢有四款嘢可以➕係湯度 我覺得加醋、將成碗麵層次升級左，令佢更加好食！辣椒粉都係，我食過一啖（主要因為天氣太熱唔想食辣既出汗，不過都好食！）配料有炸豬皮、蝦片（我覺得中規中矩）仲有幾粒豬肉丸，佢吸左啲湯既味同可能本身有味，所以食到最後覺得有dd鹹姐，但都好食既！泰式奶茶好飲！因為冇得揀糖度開頭好驚太甜，發現茶同奶比例唔錯、都唔覺好甜！飲到後面有茶既香味、一啲都唔澀！👍🏼👍🏼

太耐無去旅行，又掛住泰國既味道咁緊係要黎呢到食啦環境：3/5店舖內位置不多，坐落都唔係話好舒服，枱與枱之間都幾近，裝修就比較簡單啲。衛生方面就一般，張枱呢就有少少油我都需要自己用濕紙巾清潔一下。食物4/5如果你鍾意食重口味嘅話咁呢一間嘅船面係真係好好啱你。點解咁講呢？因為個湯底比較濃厚，同埋有點咸。服務：2.5/5不過不失，正正常常。性價比：4/5呢個價錢食呢碗野，都幾抵，因為好似泰國浸味，不過略為重口味

下班後相約了朋友一起到元朗的阿叔泰麵食餐泰國菜，門外裝修很有異國風情，店內雖然不大，但座位寬敞，店員很有禮友善肚子太餓我們馬上就下單了！因為想試多些菜式，我們吃了泰國正宗必食的船麵，有金邊粉/河粉/米粉/粉絲/蛋麵選擇，是店內的招牌之選，我們點了小的版本，所有船麵配料包括：炸豬皮，芽菜，通菜，花生碎，我的牛肉船麵還有牛腩及牛丸，我選了河粉，它是闊身和短那種，很掛湯，湯底非常濃郁帶點點的藥材香味，配上獨特的炸豬皮，非常爽口酥脆，牛腩很入味，口感夠鬆軟。朋友的豬肉船麵也是選了河粉，配料是一樣，分別在了換成豬肉丸子，同樣地爽口彈牙！我跟了店員的建議，將魚露，白醋和辣椒粉加到湯內，味道馬上提升了個層次！ 配了船麵小食的香茅魚露雞翼香脆可口， 生炸的雞翼很熱辣辣，吃得出魚露及香茅味，雞肉富有肉汁！泰式牛扒沙律 (辣)，吃得出驚喜，調味名口感上非常獨特及出色，牛扒軟腍入味，加上香脆生紫洋蔥絲，口感清新帶辣又有泰國香料味道，推介菜式之一！配上一杯凍青檸梳打，馬上感到涼快及清爽，為這晚餐寫下完美的句號！

元朗有得食船麵既餐廳唔多 今日又想食濃味d既野 就泥到阿叔泰麵😊小店入面都幾有泰國style 環境都算舒適今次叫左個牛肉船麵同埋燒豬頸肉～🥢牛肉船麵 - 叫左個粉絲底 因為比較吸湯～個湯底濃得泥唔太咸又唔會飲完覺得好口渴 牛腩有3大舊 牛丸都好彈牙 而佢既炸豬皮 都真係好脆口👍🏻👍🏻跟佢既提示加埋魚露 白醋 白糖 辣椒粉🌶 個湯既味道係會再提起左🥰🥢燒豬頸肉 - 燒到微微脆既豬頸肉 配埋個酸汁 好味！不過肉質略嫌有少少乾 如果juicy番d就perfect!🥢 泰式奶茶 - 杯奶茶好濃茶味 絕對有泰國街邊買個d奶茶既味道☺️整體泥講有⭐️⭐️⭐️⭐️ 食完之後真係好掛住泰國😣好想去泰國掃下街🙈🤣

船麵麵底可以揀金邊粉/河粉/米粉/粉絲/蛋麵今次同朋友一行幾人 試完幾隻麵底後排名如下1️⃣河粉(闊身而短嗰隻)2️⃣金邊粉3️⃣粉絲4️⃣米粉如果落單嗰陣選擇困難嘅話可以參考下😛🔖 牛肉船麵無諗過會咁大碗 餸同麵嘅份量都超多湯底鮮甜濃郁 或許因為由牛骨長時間熬製嘅緣故牛丸爽口彈牙 但牛腩較硬身 如果可以軟腍啲就好

唔明點解會得獎，食物真係麻麻哋味道只可以話勉強OK，沒有泰菜嘅味道，坦白講本來期望好大，但係試過之後就覺得可惜，服務態度唔錯，好有禮貌，希望佢哋可以改善食物質素。

今晚特登入元朗食呢間阿叔泰麵，一直身邊朋友都向我推薦呢間泰麵，終於有時間食了。阿叔泰麵門口設有坐位俾人等位，不過我等左一陣好快已經安排我同朋友入坐。店員細心向我地介紹船麵既湯底都是牛骨製成，船麵以牛肉、豬肉、雞肉為3種口味，可配搭金邊粉、河粉、米線、粉絲等等 牛肉船麵值特推薦，入面主要係牛腩同牛丸，牛腩非常入味，入口鬆軟。湯底非常濃郁深褐色的湯底帶點藥材香味，入面仲有好多配菜包括： 芽菜、通菜、花生碎、獨特既炸豬皮非常酥脆。麵煮得剛剛好硬度適中。平均一碗價錢$58， 非常抵食。泰北金麵是以椰汁咖哩湯配搭粗蛋麵，味道香濃。粗蛋麵口感煙韌，而且盡吸咖喱汁精華。主要是雞脾非常入味嫩滑配搭香咖喱汁，味道口感一流。整體味道相當濃郁又香辣，價錢也合理$62小食方面我地叫了酸辣無骨鳳爪酸酸甜甜，食落幾爽口，配上酸辣汁調味、配上洋蔥絲, 層次更豐富, 酸酸味味吾會好辣。餐廳飲品有好多選擇，我就選擇了泰式奶茶，呢度泰式奶茶同出面既手標茶差不多，不過值得一讚味道吾會好甜有茶香味正合我意🤗

勁想食泰國嘢，所以同老公嚟咗元朗呢間阿叔泰麵，簡簡單單食個泰國船麵🤩🤩🤩門口裝修已經好靚，入到去一望上天花板已經感覺好有氣氛，真係好似去咗泰國市集嗰啲地方咁，坐低咗之後店員俾咗Menu我哋選擇食物，叫咗一個牛肉船麵，一個冬陰功湯面，一杯碟豆花檸檬蜂蜜特飲，本身面底係用泰國正宗船麵，如果你唔想食船麵，佢哋都有其他面底俾你揀，例如金邊粉，河粉，米粉，粉絲同埋蛋麵，但係我哋係一心想食泰國嘅嘢，所以就冇轉其他面底，另外佢哋除咗泰國船麵之外，仲有好多泰國嘅小食，首先嚟到嘅係飲品，顏色好靚，飲落去酸酸甜甜，唔會太甜，非常之好飲，但係記得飲用之前要攪勻佢👍🏻👍🏻👍🏻然後兩個面都上埋枱啦，份量啱啱好一個人，但係唔會好似泰國嗰啲咁樣細細碗，佢哋都迎合返香港人嘅胃口，牛肉船麵，裏面除咗有牛肉，牛展之外，仲有豬肉丸，同埋脆豬皮，平時有去開泰國嘅朋友應該知道每碗船麵都一定有脆豬皮喺面🤪🤪🤪湯底濃郁，牛肉唔會太硬有口感，再配埋一啲泰式香料，整碗麵都好香。另外冬陰功湯面，除咗湯底係冬陰功味之外，配料亦都同一般冬陰功裏面有嘅配料一樣，一啲都唔野少，鮮蝦嘅有，青口都有🥰🥰冬陰功味道亦都濃郁唔會好淡，整體真係不錯，都比

兩位食晚飯，星期日大概6pm 到唔洗排隊。叫咗一個豬手飯，一個牛嘅船面。一個青檸梳打，一個泰式檸檬茶。船面嚟先。牛湯濃郁，好大陣八角味，食落去唔辣，唔知以為食緊台灣牛肉面，但係多舊炸豬皮plus兩片高層塔香葉。豬手飯要稍為等等，配嘅係咸菜，同樣比我地一種台式味道。我諗主要係佢無配辣椒白醋汁喺隔離，又無d酸蘿蔔之類。反而配咸菜，好似變左台式/中式飯。豬手可以再腍d，都合格。我杯泰式檸檬茶係全晚感覺最泰式的。飲得出係係泰式茶葉，同埋係用泰式青檸。略覺得唔夠酸，問佢加d青檸都好配合。總括味道係好食嘅，不過我覺得唔夠泰式，尤其個豬手飯。船面也是自己加枱面的乾辣椒碎才感覺泰式d，但係堅泰國菜應該多用新鮮辣椒粒。我覺得店家如果主動提供鮮辣椒喺枱面會更好。食完離開，好多人排隊！

雞肉船麵 $55豬頸肉飯 $58泰國玫瑰奶 $10星期二嘅下午3:00冇咩人walk in有位環境舒適室內設計嘅佈置裝修都唔錯唯一就是食物嘅款式比較少，一係就食麵粉金邊粉，而食飯都只係得幾個選擇對於我玫瑰奶茶都還好啦，但其實識落同普通泰國奶茶差唔多，個玫瑰都唔算好出——————-——————-——————-我只是一個普通平凡的為食肥妹仔，不是什麼專業食評，也不是廚師或是對食物有什麼研究，單純分享和紀錄日常生活過什麼東西，也不想過份吹捧同吹噓。

星期日2:15到都等左9個字先入到，時間岩岩好可以食層層疊船麵(3-6pm)!層層疊船麵🍜🍜🍜🍜🍜睇post發現牛肉船麵最受歡迎，原來迷你版都可以任揀牛豬雞配唔同粉（金邊粉，河粉，米粉，粉絲等），岩哂我呢d選擇困難症患者，可以有無限個配搭好爽✌️最鍾意係配粉絲同河粉，粉絲好掛湯，河粉係一大塊果隻又滑又特別！男仔一啖可以食哂一碗，但佢每碗都好足料，最緊要落哂佢suggest嘅4大調味，缺一不可泰式奶茶🥤飲第一啖，呀怪獸哥飲到黑人問號，佢話係形容唔到嘅味，同泰國飲開嘅奶茶唔同，umm下次試飲其他🤣🤣後記：食完疊起哂d碗好治療☺️

🔍牛肉船麵船麵可以揀要金邊粉、河粉、米粉、粉絲同蛋麵。我就揀左河粉，佢既河粉唔係平時食開嗰隻，係比較闊身同薄身既，但口感好滑。牛肉船麵有3舊牛腩同3粒牛肉丸，配料方面就有炸豬皮、芽菜、通菜同花生碎。牛腩都算大舊炆得好冧，牛肉丸味道都可以。船麵湯底偏深色，味道帶少少甜味同藥材味。外賣佢都會配上4款調味：魚露、白糖、白醋同辣椒粉。鋪頭建議全部放晒入去先食，落完之後嗰湯底層次完全唔同曬~味道好特別。

已經第二次食佢喇同第一次食一樣咁好味依然係叫雞肉河粉 雞鎚肉質稍為比較鞋身同硬個湯底甜甜地 似滷水河粉係非常寛身同薄皮個種 面頭仲有炸豬皮同碎花生吸哂湯汁 正！泰奶茶冇一般個種咁甜 啱啱好

位於元朗既阿叔泰麵，環境舒適寧靜，今日黎到唔洗排隊， 可以直接入去雖然知呢到主打船麵，不過今次叫左其他野食首先試一試阿叔小食拼盤，有齊酸辣鳳爪，2款雞翼，以及椰汁糕。鳳爪酸辣適中，好開胃。雞翼香茅味好香，外皮亦非常脆！椰汁糕微甜，好清香冬蔭公湯河，鍾意辣既有福了，辣味好夠，每啖食完後漸漸有辣味後勁滲出黎，亦好足料，青口都有2,3隻。河粉剛剛好，唔會煮到糊狀。青咖哩牛腩飯，牛腩煮得非常嫩滑，冇筋，亦吸收晒咖哩味，普通配以白飯已經好正

💛元朗大熱黃店 正宗泰國船河🇹🇭▫️放假為食兔就同朋友又去左元朗搵食，呢一間都係bookmark左好耐！一直都想試下既！門口都好多人排隊，不過排咗大約20分鐘左右就可以入去。▫️🍜牛肉船麵($58)佢哋嘅船面，可以揀幾款不同面底：金邊粉、河粉、米粉、粉絲、蛋麵。湯底係用新鮮牛骨熬製12個鐘，味道好鮮甜，不過比船皇清。而面頭嘅九層塔味道好香，附上嘅炸豬皮好香脆，通菜、芽菜等配料都多，牛腩牛丸嘅份量都好多，整體都好大碗👍🏻重點係佢哋嘅河粉係真係正宗泰國食到嘅闊條河粉，口感會煙un d，因為平時喺香港出邊食嗰啲河粉都係港式嗰啲河粉，好感動😭搵咗咁多間終於搵到一間正宗嘅！不過略嫌湯底唔夠熱，只係偏暖，如果係再熱啲會更加好！（為食兔中意飲啲熱到辣嘴嘅湯🤭😂）▫️阿萊燒豬頸肉($60)豬頸肉炸得好金黃色！又大塊又好味！配上泰式酸汁，別有一番風味🤪▫️🥤泰式奶茶($24)好好飲！真係好似泰國飲過嘅味道咁😍！▫️地址：阿叔泰麵 ASOK Thai Noodles元朗西菁街20號益輝大廈地下3號舖。大圍積信街31-51號安信樓地下Q號舖。▫️為食指數:7.5(10分為最多)抵食指數: 8