阿升麵線 (已結業)

4月無機會去台灣食鹽酥菇係香港食補數啦$20有四款:鮮菇+白豆+金菇+鮑菇鹽酥雞就好好食但原來鹽酥菇係無乜味喎唔夠辣不過就好脆今次吃了下次有機會去台灣唔使咁渴望去試了因為唔太吸引

呢度啲鹽酥雞(大$24)不錯, 即叫即整, 好香口, 細細粒, 正唔正宗就見人見至啦, 不過幾好味但係啲珍珠奶茶(買食品+$6)就麻麻哋, 珍珠還可以, 但係啲茶就得個甜字, 有奶味, 冇咩茶味下次都係响呢度買嘢食, 過隔離買嘢飲嘞

同友人係千色行完街心郁郁想試下未試過既大腸麵線我另外加左小小辣菜圃買左返屋企食DD大腸唔係特別好味只係普通而辣菜圃係我落之前個店員話好辣好辣叫我唔好落但我本住好想知有幾辣既精神下我整左幾粒落去都唔係好辣姐但D麵線好林唔夠滑味道只係麻麻而已

因上一餐不是吃得太飽, 胃部仍有不少空位, 記得上次經過阿升時留意到有新出品, 這次終於有機會試到了。 除麵線外, 還有多款香口小食如炸花枝丸$10、鹽酥菇$10, 眼見各人就在店前立食, 也懶理路人奇異的目光。 香酥蚵仔$15(細): 要了辣味, 約有十多粒, 外脆內嫩, 炸法甚具台式風味, 其中一兩粒是孖住的, 蚵仔算很肥美, 頗為鮮甜, 不會有腥味。調味並不複雜, 只是簡單的椒鹽和辣粉, 不會掩蓋蚵仔的鮮味。 鹽酥雞(細)$15: 炸漿和蚵仔的不同, 不算太脆口, 而且上得不夠均勻, 某些地方很厚粉。 雞肉嫩滑不鞋口, 只嫌不夠咸, 反而甜味較突出, 令我回想起羅東夜市的三星卜肉。 現凡購買任何小吃, 加$6便有杯飲品, 可選珍珠奶茶、柑桔檸檬, 但見冰塊的份量都幾驚人, 大半杯有多, 若不想味道易變淡, 就要少冰。

其實開左好耐下我都未食過咁岩男朋友話想食鹽酥雞見到黎度有就試下喇價錢又唔太貴啵買左個細既已經好夠食雞唔會太膩加左6蚊有杯大既珍珠奶茶雖然唔係話太好味但我覺得已經好唔錯喇DD珍珠仲有超多添

個日係元朗睇戲,知道阿升係元朗開左分店,就去試下我超愛佢既鹽酥雞,覺得好過其他台式店,仲有個鹽酥蠔都好好味!!依家仲新出左d雪花冰,味道都唔錯,我鍾意朱古力味既,正我覺得佢既飲品都幾好呀,相比起其他既都值得飲呀!!!

每次去元朗都必食既就係阿升既鹽酥雞,仲係要岩岩整起立即食,超好味同埋飲朱古力珍珠,朱古力味濃,珍珠又可以要混珠(即大小珍珠),朱古力雪花冰都係一個好既選擇,我一個星期都會食幾日架

最近台式小吃開到成行成市, 我見呢間阿升麵線旺角分店咁多人幫親, 咁元朗難得開左分店, 咪去買黎試下囉. 叫左個鹽酥菇+珍珠奶茶, 等左二十分鐘, 杯珍茶奶茶無其他幾間台式飲品既咁好味, 只係一般, 點知一食個鹽酥菇, 咪講笑. 超難食,油炸到成個紙袋都係油不特止, 佢仲 一D 都唔係鹽酥,個菇菇上面D 粉漿夾出黎黏住晒, 講得衰D, 成pat 鼻涕咁. 我個fd 見到都唔敢食, 結果食左一兩件就成包掉左. 鹽酥應該爽口乾身脆卜卜架麻. 想有第二次幫襯都幾難.