阿元來了 (鴻圖道)

營業中

休息中

今天突然心血來潮，去"阿元" tea當天下午人流較少不用等位，馬上可入座😄叫了兩客小食~肉鬆起司蛋卷和鹽酥雞,还有兩杯飲料芒果多多及苿莉奶茶。蛋卷:沙律醬加香酥肉鬆滲透蛋香鹽酥雞:炸粉有點厚茉莉奶茶:茉莉茶香，不錯芒果多多:由於走冰关係，超甜總括來說，价錢親民，食物錯，佈置怀舊，环境乾淨，坐得舒適，值得推介😄

阿元滷肉飯($40)-面頭鋪滿滷肉，有D菜同埋一大舊既豆腐，滷肉分量好足，將滷肉撈好之後每啖飯都食到滷肉，夠嫩滑半肥瘦岩岩好，送飯一流。舊豆腐都大大件好好食~香菇肉羹米粉($45) -望落好細碗，但原來米粉份量都幾多下，女仔黎講已經夠晒飽！配上去D香菇肉羹，真係好正中!!鹽酥雞($37) -鹽酥雞炸得岩岩好。唔係好多炸粉，雞肉都好嫩滑，調味料都好足，係香港已經算係唔錯既鹽酥雞。唯一唔好既係分量太少!百香果紅茶(+10) -個人好怕D飲品好甜，所以叫左個最少既甜度~~微甜~~ 出到黎既效果岩岩好，微甜得黎有百香果既酸同清新，同紅茶好夾!餐廳地方- 有少少偏僻, 但估唔到佢鋪頭入邊嘅佈置係好有台灣特色，有夜市既感覺。感覺都幾熱鬧~~

午餐來了這間觀塘隱世台式小店！竟然今天唔洗等就有位！一個人食果然容易好多✌🏻平時排隊排到街外，估唔到裡面寬敞搭台都坐得舒服，整個店都是台式佈置，點菜時侍應都是滿腔台式譜通話，真像去返台灣！這台式慢慢的節奏令我吃飽也繼續坐多會呼吸新空氣！在這另類小店，埋單時忍不住跟收銀員：你們的店很出名唷！她說：真係唔知點解咁出名，好忙做唔停😂好可愛！難得在觀塘區有寫意小店，下次我都會再來！#呼吸新空氣

作為台灣過江龍，每日午市都大排長龍，星期六經過咁啱唔洗排隊，又未過5p.m.，可以一嚐出名嘅台灣蛋餅。1\焢肉飯$45五花肉肥瘦比例均衡，肥肉Q彈唔油膩，瘦肉紮實美口。入口即融，肉質軟嫩，皮脂口感黏稠，膠質豐富。配送熱辣辣嘅白飯大大啖食，感覺好幸福～(*^o^*)起初以為，只有兩片焢肉加少少魯肉唔夠送飯。後來發現，焢肉魯肉肉汁非常香口，少少都夠用一碗白飯。2\阿元魯肉飯魯肉味道濃郁飄香、甜咸可口，用醬油滷汁煮過嘅五花肉切丁，而非一般肉碎，貼近台灣味道。肥瘦比例適中，唔會過分油膩，肉汁同油脂令口感更香滑，乎合香港口味。滷汁分量剛好，可以撈哂成碗飯。配搭醃漬白蘿蔔同青菜，解決滷肉嘅油膩感。加埋半隻滷水蛋，滋味十足。3\肉鬆起司蛋餅蛋餅即叫即製，外層煎得微微金黃香脆，蛋皮柔韌、頗Q、有咬口。肉鬆香口，蓬鬆、酥脆嘅口感豐富層次。 熱溶嘅起司🧀️令蛋餅食落更加柔嫩潤口，唔會乾噌噌。甜辣醬汁同蛋餅味道好夾，食到舐舐脷。4\彰化肉圓見餐牌推介就一於試試。肉圓味道唔錯，香菇味道突出、香口。可惜唔太鍾意外層口感，質地好黏，但唔算Q。醬汁濃稠，建議減少份量，避免搶走肉圓味道。

相信啊元來了，大家都聽過，係香港出哂名，有幾次去都要排隊！餐廳地方較為偏僻，但為咗一嚐啊元美味，都要花下腳骨力！首先第一樣叫嘅係滷肉飯（細）。面頭鋪滿滷肉，我會將滷肉撈好令每啖飯都有滷肉嘅，真係好好食！成個飯好簡單得滷肉，但就令我食到一粒飯都無滷肉真係白飯小偷！第二樣係烷肉飯！同行朋友一向都唔愛食肥肉，但呢個飯佢讚不絕口，話肥嘅部分完全無啫喱嘅感覺，無臭味，入口即化！我都試咗，果然係入口即化，又係可以配上好多飯第三樣百香果綠茶，叫咗少冰少甜，啱啱好！有百香果嘅清新，同綠茶好夾，唔係死甜，糖漿味！第四樣就有失望，係九份芋圓。本人好喜歡食煙韌野，芋圓係我至愛！黎過幾次食滷肉飯，蛋餅，小食拼盤都無失望，所以對芋圓都有好大期待。點知上到場成碗湯係好清好淡味，仲有啲酸酸地，好怪。芋圓痴埋一舊，不過芋圓味道咬口都尚算合格但個湯真係fail哂，好似用1份紅豆湯沖咗10份水落去。下次黎，我唔會再叫芋圓，失望！其餘就推薦大家食！

#中意嘅請分享請點讚🍻----------😋阿元魯肉飯 $40同普通魯肉飯最大嘅分別係多左半隻滷水蛋同菜。魯肉嘅份量多，食到最後都仲有，魯肉夠嫩滑，半肥瘦適中，送飯一流。😋起司蛋餅 $25😋椰果奶茶 $24呢度係冇午市套餐，所以飲品要另外叫。飲品比較普通，唔太突出，不過食完飯再加杯台式飲品就好滿足。😋胚芽珍珠奶茶 $29----------店內裝修比較特別，好有台灣懷舊風味，有幾位店員仲係台灣人，感覺真係去左台灣咁。我係lunch hour去，所以去到已經大排長龍，不過好快就入到去食。----------🔎阿元來了🚩觀塘鴻圖道28號地下後座🚩西環堅尼地城北街31號地舖

之前都有聽過阿元來了的大名，今次有朋友帶路一嘗台灣風味美食！一到餐廳，就能見到懷舊的台灣裝潢，散發住一陣陣的台味😂朋友極力推薦這裡的蛋餅和魯肉飯！點了芝士玉米蛋餅，蛋餅的皮不會過厚，內裡夾著香濃的芝士加上清新的粟米粒，食畢一整份都不會覺得滯。(忘了拍照) 魯肉飯小巧一碗，肉燥肥瘦適中，而且肉汁豐富，整碗飯都能沾到肉汁，令人一口接著一口！及後見到隔壁食著擔仔麵又心思思想試，麵條口感彈牙，再配上肉燥，令整碗麵都滲透著台南風味，而貢丸都夠彈牙，不會有過多肥肉！整體來說，餐點份量不會好多，男士未必夠飽，不過就適合想試勻幾款美食的朋友！

我第一次可以比同一個員工激嬲幾次，真係唔寫條氣都唔順。女員工，金色highlight短髮，帶圓框眼鏡，操流利國語。我們2位約晚上8:30到，都想望下有無細枱可以得我們坐，點知望都未望，她已經命令式叫我們坐大圓枱。她說話高音，尖銳，無尾音，無請、謝謝、可不可以呢d字眼，簡單講就係無禮貌。坐低後，見到隔離細枱客人起身，我們坐過去，她再一次命令式叫我們坐另一張細枱，因為她想拍枱做大枱比客。好，我們坐低照食野。約到9點，她再次命令我們埋單先要計數。我問她攞個盒袋走食物，我已伸手想接盒但她無視我，直接放在枱面，好野！坐到9:30，她再一次命令我們離開，當時已經趕走了不少客人，她準備好哂清潔劑、抹布想要clear我張枱，下欄盤已經放係凳上，比哂signal我們好快d過主。呢位員工真係經典中之經典，可以用一種命令式、毫無禮貌咁同客人溝通，我們坐不夠一個鐘已經比她激嬲幾次，她的面口咀臉就更加唔好講。。。雖然聽得出操著台灣口音的普通話，但絕對無台灣人基本的禮貌，以及一間台灣餐廳基本的待客態度！人均消費唔係平，都$120，但享受住咁嘅服務態度，加上Disco的澎湃刺耳音樂，已經完全收到哂要”趕客”的意思。

這家店一直也特別有名，今天剛巧去觀塘所以就去嚐嚐。我們是平日中午來的，沒想到人也挺多的，基本上滿座，需要搭臺。我點了一碗小的滷肉飯再加一份鹽酥雞。我覺得都不錯，但讓我特別想要推薦的是它家家的蛋餅～我點的是配肉鬆蛋的，它的皮真的超有台灣的感覺～整個配下來覺得特別好吃！必點的！！！此外，它的冬瓜茶珍珠也很好喝！推薦！！！

食台灣野  少不免要去阿元啦!之前都真係太多人排  唔想等甘耐  今次終於有時間 一定要幫襯試下味!!我叫左一個肉燥飯，要肥版 (脂肪好正)佢D肉粒雖然係肥得，但佢配埋白飯食 減輕左肥膩感  而且又飽肚 真係唔錯下次可能會再試埋其他炸既小食 !

早幾個月同朋友去左一場台灣之旅，到依加就有啲掛住台灣同懷念係台灣食嘅嘢。好彩香港嘅美食好多元化，都有好多台灣菜嘅鋪頭。今次就黎左係觀塘嘅阿元來了，大家都知道佢出名在於佢好有台灣特色，特別係鋪頭入邊嘅佈置，好有夜市嘅感覺。我同朋友就帶咗兩個滷肉飯、鹽酥雞同埋芋泥蛋黃卷。碗滷肉飯有好多滷肉，啲肉都好多汁、好juicy。好好食，就好似返左台灣食滷肉飯咁，機票都慳返。個小食鹽酥雞都炸得啱啱好。佢上面唔算好多炸粉，入邊啲雞肉都好嫩滑，我第一次喺香港食到咁好食嘅炸鹽酥雞。最後就係依個芋泥蛋黃卷。呢個我唔推薦大家食，因為$30得兩舊，好貴。而且佢食落都普普通通，唔值咁嘅價錢。

餐廳鋪面設計富有特色，擁有很多懷舊舊式台灣擺設，店員服務態度友善，環境清潔。叫了阿元滷肉飯，味道濃郁肥瘦適中，與台灣味道相約，油香甘香；還叫了蚵仔煎，雖然蠔粒偏少，但菜與蛋漿分布平均，粉漿韌度與醬油有台灣夜市的味道👍；另外還叫了台灣香腸和芋圓，香腸感覺比台灣瘦，食落口不太油，可惜份量偏少；芋圓叫了凍的，糖水上加上冰塊，不會太凍，芋圓份量多，有口感，紅豆不會太甜，若珍珠更煙韌味道會更好，整體甜度適中，可會再來支持。

一直都有興趣試阿元來了，但是觀塘區不是經常到訪的區域；但今日12:00到達，幸運地不用排隊內裡也有乾淨的洗手間🚾～ 上菜速度也很快！侍應好像大都是台灣人～魯肉飯的份量適中，所以可再外加小食！但胃口不大的，也是剛剛好！我相信會再找機會試的！

去開牛頭角附近做野，進了阿元來了吃午餐，都有一段時間無來了，由於比較晏的關係，唔需要等位就可以直入。呢到嘅裝修好正，好似去左台南食野咁，裝潢一啲都唔馬虎，仲有條樓梯上二樓 不過好似係員工專用我地今次叫左兩個台南擔仔米粉，咪睇佢細細碗，米粉份量食極都食唔完！天時熱唔想食飯，米粉就易入口。再叫左碗魯肉飯俾仔仔食，佢第一次食，食到舔舔脷再叫左碟鹽酥雞，覺得水準下降左，無左之前果種地道嘅味道朋友叫左杯百香果綠茶加珍珠，珍珠有點硬，有待改善。整體都係唔錯嘅

大約晚上845到鋪，一進店店員安排在收銀前的台，我們向店員表示可否在餐廳中心位置，店員表示等一下要清潔，不可以坐，在收銀前的台，空氣十分不流通，食物送上時，我們向店員表示很熱，很焗，可否換一張台給我們？店員說了一句他們其他位置等一下要做清潔，之後就轉身走了，食物送到後，因為空氣十分不流通，我們一行三人每樣食物只食了一點就走了，因為焗到有點暈，完全沒有食慾，只能說店員沒有顧及客人的感受，而且我們用餐只需15-20分鐘，真的對他們清潔有那麼大影響？