1
招聘中
應徵
$16,000-$18,000
月薪
223
88
19
等級4
124
3
呢晚做孝順女同媽媽出去食飯☺️,因為佢只食中餐,所以決定帶佢嚟阿元來了試下台灣嘢,之前佢喺第三街嗰時我就成日食,都覺得ok。觀塘店其實近牛頭角站多啲,估唔到星期六黃昏工廠區都咁多人,客似雲來,食客無停過,長期滿座,不愧為打卡點。餐廳比起以前真係大N倍,坐多好多人,裝修同以前一樣都係超吸睛✨,真心會忍唔住係咁影相。望望餐牌,發現食物種類比以前多,而好多招牌亦都繼續保留喺到👍,但價錢就貴咗唔少,咁當然佢都係維持$2x-$4x就有一樣主食/小食,因為始終台灣食物定價較低,而份量亦較為的骰,所以我哋叫咗四樣食物同一杯飲品share。首先係魯肉飯($30),賣相同味道同以前差唔多,飯夠多汁,魯肉亦都幾香半肥瘦,但醃漬得一嚿...。另外份量好似細咗🤔,真係白飯size,但眼見其他枱點解個碗大啲嘅,又係飯嚟,先諗返起應該係雞肉飯或者「阿元魯肉飯」,但講真我齋睇menu點知有無阿元二字個分別係乜呢?就算我上網睇咗都係見多嚿鹵水豆腐,👻鬼知原來連個size都唔同咩,我媽un咗好耐話早知比多$10😅。第二樣係香菇肉羹米粉($45),呢個就大碗啲,但好杰下好糊😥,一撩起啲米粉發現勁大pat,夾極都夾唔開,而且
更多
呢晚做孝順女同媽媽出去食飯☺️,因為佢只食中餐,所以決定帶佢嚟阿元來了試下台灣嘢,之前佢喺第三街嗰時我就成日食,都覺得ok。
40 瀏覽
0 讚好
0 留言

觀塘店其實近牛頭角站多啲,估唔到星期六黃昏工廠區都咁多人,客似雲來,食客無停過,長期滿座,不愧為打卡點。餐廳比起以前真係大N倍,坐多好多人,裝修同以前一樣都係超吸睛✨,真心會忍唔住係咁影相。
35 瀏覽
0 讚好
0 留言

望望餐牌,發現食物種類比以前多,而好多招牌亦都繼續保留喺到👍,但價錢就貴咗唔少,咁當然佢都係維持$2x-$4x就有一樣主食/小食,因為始終台灣食物定價較低,而份量亦較為的骰,所以我哋叫咗四樣食物同一杯飲品share。
126 瀏覽
0 讚好
0 留言
58 瀏覽
0 讚好
0 留言
29 瀏覽
0 讚好
0 留言

首先係魯肉飯($30),賣相同味道同以前差唔多,飯夠多汁,魯肉亦都幾香半肥瘦,但醃漬得一嚿...。另外份量好似細咗🤔,真係白飯size,但眼見其他枱點解個碗大啲嘅,又係飯嚟,先諗返起應該係雞肉飯或者「阿元魯肉飯」,但講真我齋睇menu點知有無阿元二字個分別係乜呢?就算我上網睇咗都係見多嚿鹵水豆腐,👻鬼知原來連個size都唔同咩,我媽un咗好耐話早知比多$10😅。
36 瀏覽
0 讚好
0 留言

第二樣係香菇肉羹米粉($45),呢個就大碗啲,但好杰下好糊😥,一撩起啲米粉發現勁大pat,夾極都夾唔開,而且索哂啲湯,變咗好似撈粉咁。味道就都係同以前差唔多,但個粉唔知係煮唔開定點,真係勁唔開胃,我媽仲話啲肉團亦無尼味道喎🙈。
29 瀏覽
0 讚好
0 留言

第三樣係新竹貢丸湯($20),個size又係好mini,而且貢丸(街市買到果啲)好珍貴得兩粒,味道無乜特別,但肯定無用味精,因為無口乾。
26 瀏覽
0 讚好
0 留言

第四樣係🦑酥炸魷魚($39),即炸熱辣辣送上,份量都幾多,味道我覺得唔錯,夠味又幾香口,但我媽又嫌唔夠脆哈哈。
21 瀏覽
0 讚好
0 留言

最後就係凍茉香珍珠奶茶($24),佢加$10可以換購嗰啲飲品都幾唔吸引😡,所以焗住原價叫,杯奶茶正正常常,叫咗少甜所以甜度啱啱好,珍珠亦幾好嚼口👍。btw呢到堂食叫熱飲都係用紙杯上,唔環保♻️囉!
23 瀏覽
0 讚好
0 留言

總括嚟講,我覺得佢哋其實又唔算係開咗分店所以味道退步咗,諗返起可能嗰陣都唔算非常好食哈哈🤣,正正常常啦。價錢單睇一樣就會覺得都幾唔抵,因為真係台灣夜市小食嚟,但價錢可能係台灣2-3倍,不過叫多幾樣食物夠飽之餘,每人都唔使$100,今時今日出街食飯算好難得。餐廳環境係幾特別嘅,好多影相位,坐得都尚算舒服,另外亦無再限用餐時間30分鐘。但服務真係認真麻麻,店員無乜禮貌,反應慢好頹,好多人手但唔會觀察下客人有無需要,連落單都要自己行出去🙄。而且送餐安排亦唔尊業,明明我哋早啲落單,但同一食物竟然上咗比另外幾枱較遲落單嘅客人先😖,唉。最後就係我留意咗幾次唔同店員上餐都會插咗隻手指落啲食物到...🥴無眼睇。
28 瀏覽
0 讚好
0 留言
23 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-09-21
用餐途徑
堂食
人均消費
$80 (晚餐)