阿來泰式地道風味

營業中

休息中

放咗工去到油麻地，諗緊食咩好之際見到間東南亞風味的餐廳即管入去試試佢好多泰式美食係餐牌度見到個泰式鐵板蠔仔蛋雙眼閃閃發光勁耐無食過泰式鐵板蠔仔蛋一上菜果刻係超香噴噴😍簡直係流哂口水蠔仔肉好大粒好新鮮個辣醬絕對係呢個餸嘅精髓每一啖都充滿咗蠔仔肉同蛋，爽呀！ 沙嗲串燒半打串燒可選雞肉同豬肉，沒有牛肉可供選擇豬肉串更嫩，沙嗲醬很濃食泰式菜必食的是咖哩同薄餅馬沙文咖哩配薄餅，可選豬/牛/雞/雜菜/海鮮今次選了咖哩牛肉馬沙文咖哩不辣的，比黃咖哩更易入口配以薯仔洋蔥的配菜咖哩汁沾上薄餅一流！蒜茸炒椰菜苗這個菜亦是泰菜必食之選炒得不會太咸美食配椰青，泰風味！

呢間泰國菜喺旺角交通中心，七點半去到已經多人到要排隊，因為價錢親民又好食。 .==推介== .海南雞飯：海南雞雞肉嫩滑， 油飯亦都調味得幾好。炸蝦餅：估唔到份量咁足料， 顏色金黃香脆， 咬落去係有聲嘅， 蝦味十足， 而且好彈牙。 .~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$120⏪回頭率：80%~~~~~📍阿來泰式地道風味旺角通菜街97號地舖

呢一間泰國菜可以用平靚正黎形容一啲都冇誇張， 食物選擇好多出菜又快而且份量好大碟，啱曬一班人過嚟聚會。重點推介炸蝦餅：炸蝦餅 有四大舊，舊舊炸到金黃色，粉漿薄，咬落去脆卜卜之餘亦都啖啖肉。蠔仔炒蛋：蛋炒到又滑又香，配埋芽菜同埋新鮮又鮮甜嘅蠔仔，熱辣辣送飯一流。 ~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$150⏪回頭率：90%~~~~~📍阿來泰式地道風味旺角通菜街97號地舖

今晚同女朋友2個去到旺角口痕痕想食泰國野 睇開食評知道呢間泰國菜口啤都唔錯 所以就試試佢門口都有一堆人排緊隊 所以想食既人就要預早少少啦咁影個menu比大家望望先 價錢黎講食夜晚都唔算貴 幾合理 所以我地就叫左1個飯 2個餸第一道就係泰式蝦醬炒飯（$58） 個飯味道好濃 重有幾舊臘腸送 蝦醬味好重 食落都幾似糯米飯既味道 大大份夠曬飽肚第2道就係泰式鐵板蠔仔蛋（$78） 呢個個人認為幾抵食 一個人自己食呢個菜都夠曬飽 因為佢既蠔仔好多 同埋半熟既炒蛋 都幾濟 鐘意食蠔仔煮既人岩曬 食到飽都得！呢間鋪既出色地方就係道道菜都好大份同埋調味好夠 唔會口啖啖 即刻我地最後叫既呢個馬拉盞炒通菜（$68）都超大份 而且好地道 上個月我先去完泰國 估唔到返到香港都可以試到咁地道既泰國菜！ 各位鐘意食泰國野既可以一試

平時經常係通菜街搭車返屋企都無咩留意到原來有間泰國菜,見到內裏雖然地方唔大但仍然爆滿就決定去試一試.泰式炸蝦餅新魚炸起脹卜卜咁切開半邊圓拱型,外層炸得夠脆得黎又唔油淋淋,咬開蝦餅肉彈牙又香口.泰式肉碎生菜包炒得夠晒辣,咬落第一下好香之後辣味慢慢滲出黎,配返新鮮大大塊生菜就啱啱好.生菜包既肉碎好香檸檬葉味同九層塔香食落帶少少肥豬肉提升香味.泰式濕炒河粉係我比較鍾意既泰式主食,濕炒河精華在於炒香左既河粉同個汁撈埋後夠獲氣呢間完全合格.炒河粉用開闊身河粉質感加上芡汁後更滑.芡汁用上豆醬夠濃唔會好淡口配料夠多.

早幾日同朋友行開通菜街，我地都好鍾意食泰國美食，我朋友就帶咗我去呢間餐廳食lunch😋我見到餐牌好似都幾豐富，幾多菜式揀😋我地叫咗下面呢幾款：泰式香芒蟹肉炒飯：芒果好鮮甜，蟹肉都幾新鮮，炒飯炒得幾香口，原來蟹肉同芒果既味道係好夾，甘樣配搭好好食😍泰式冬陰功湯金邊粉，配滷豬髀：冬陰功湯好入味，少少辣，令人好開胃😋，滷豬髀都好淋身，好入味👍👍蒜蓉炒芥蘭：落咗好多蒜蓉去炒，所以有好濃郁既蒜蓉味，好正😍😍芥蘭都幾清甜，唔錯👍牛油雞翼：雞翼皮好香脆可口，好入味，加埋牛油真係好好食😍😍椰汁三色冰：椰汁味濃郁，三色冰咬落去幾煙韌，幾有口感😋👍整體上，我地都幾滿意呢間餐廳，下次會再幫襯😊

🇹🇭sa-wa-di-cup好耐冇食泰國菜 就去左通菜街搵食超多人排隊 大約等左30分鐘裝修好似茶餐廳咁 但價錢平民 可接受.原隻椰青海鮮焗飯🥥兩大隻蝦放左係表面 仲有青口 魷魚等海鮮不過椰青底部深 容量偏細 所以份量不多食食下發現原來有椰子果粒 幾特別但略嫌椰汁不多 整體不夠椰香.阿來海南雞(無骨)飯🐔呢個幾出色 雞肉夠滑份量多沾上泰式雞醬更好吃 酸中帶辣飯除了雞油的香外 還有薑味.串燒沙嗲(半打)🍢雞豬各半雞肉幾滑 但豬就太硬了 好難咬開燒得唔算話太香 沙嗲汁正正常常.水準普通 可能價錢不貴才受歡迎吧

上星期六兩個人去左旺角食泰菜只係叫左兩樣野就食都好飽walk in 都等左一陣先入得，都幾多人食，keep 住有人排隊，有兩層，坐位位置比較迫叫左個冬陰公炒飯，啲料都夠足，有兩隻幾大隻嘅蝦，但美中不足係唔夠辣另外仲叫咗個蠔仔炒蛋鐵板上，下面墊住啲芽菜都OK起碼有啲菜食食到有蛋香味啲蠔仔又唔會腥，都夠大粒，簡單得來都幾好味，唔夠味嘅話其實佢仲附送埋辣椒醬俾你點，酸酸辣辣都幾好味食完都滿足嘅好飽但係問題係返到屋企好想飲水，令人懷疑落咗好多味精整體來講可以encore因為味道都OK價錢又唔算貴

平時晚市想食餐泰國飯，價錢嚇到你食都食唔落，旺角有一間價錢唔算貴，但又可以飽到你變成球體嘅泰國餐廳，旺角夜蒲友啱晒嘢飲就普通啦，解渴都有餘嘅胃民食過呢間嘅海南雞飯，推介大胃嗌佢，飯雖然唔係好多，但煮得幾香，醬汁幾惹味蝦餅大大舊，醬料酸酸甜甜幾開胃，但食到呢度就開始飽，點繼續呢？嘩，呢個一上檯真係羨煞旁人，隔離檯嘅目光都放咗喺呢個包身上，爆多軟殻蟹，塞到啲咖喱湧晒出嚟，畫面超震撼！同埋法包唔係硬身嗰種，好易入口，結果都食得晒

今晚想食泰國菜，朋友帶左我哋去到旺角通菜街（阿來泰式地道風味）這小店地方雖然不是太大，但已坐滿了客人，相信應該是食物質素做得好， 同時地價錢一定亦是相當抵食，所以先可吸引了一班街坊同顧客來光顧。 海南雞例牌，雞件肉質嫩滑 而不鞋，再配上碗軟熟及帶雞味的油飯，十分醒胃。馬拉盞炒通菜，炒到翠綠好夠味道。蛋黃雞翼，皮脆肉嫩，每隻雞翼都沾滿蛋黃醬，食落口好有層次感。甜品是我的至愛椰汁西米糕。泰式奶茶。餐牌上有各款泰式美味的食品。

夏日炎炎最好食泰國野, 之前LUNCH食過長沙灣既阿來, 超級超級平, 40幾蚊有飯有野飲~今次黎到食晚餐, 除左有2人餐, 仲可以單點, 我地就決定散叫啦~因為一碟海南雞飯都係$54!! 平過食茶記!泰式豬脾飯($50), 有菜有豬脾, 仲有隻蛋, 豬脾個汁好甜, 炆得好淋, 淡淡肉, 好正! 炸蝦餅超級大推介, 因為好大份, 又足料, 入面蝦肉好彈牙, 真係好好食! 其他小菜/咖哩都唔錯, 最後我地都叫左個芒果燸米飯, 芒果有D酸, 不過燸米飯好夠熱, 飯粒幾淋唔會太UN胃XD

👭阿來泰式地道風味 (旺角)👭1⃣精選午餐-泰式炒金邊粉 $4838果日係lunch time去，所以餐廳出餐出得好快👍🏻38食過咁多間泰式餐廳，覺得呢碟係一個性價比頗高嘅金邊粉😍金邊粉既材料用左類似櫻花蝦代替鮮蝦仁，其他材料有青口、魷魚、豆腐乾同蟹柳。 金邊粉炒香左，味道辣辣地又唔會覺得太油❤配上爽口芽菜加埋蛋香，係38會encore既主菜！2⃣泰式炸蝦餅 $78一碟炸蝦餅有6件，每件都好大件同充滿蝦香味🥰咬落膠質重，肉質口感豐富。外面炸到脆卜卜，裡面仲保持到蝦餅嘅彈牙🤪好惹味❤3⃣青咖哩(牛) $68一開始38睇佢水水地以為味道會好淡，但係竟然同38想像中兩回事😍青咖哩夠辣，香料放得好足。將咖哩吞嚥之後，香葉嘅味道仍徘徊於口腔內 ❤牛肉爽口唔老，份量亦比得好多。最衰38小鳥胃，唔係一定叫個飯/蒜蓉包配咖哩汁黎食🤤4⃣芒果糯米飯 $58黎到泰國餐廳點可以唔叫芒果糯米飯黎做結尾😁一份有完整既芒果切片，配埋表面淋左椰汁嘅糯米飯。芒果顏色屬於淡黃色，但甜度卻好高👍🏻雖然芒果肉既頭尾會食到一兩條纖維，不過唔會影響到整體味道。5⃣泰式咖啡 (午餐+$5）38知道泰式咖啡出名

一直bookmark左呢間阿來好耐，今日6點零行到攰就早d食飯，估唔到6點鬆d已經坐滿左樓下，不過樓上仲靜d好坐d👍🏿懶得揀就揀左2人餐，有冬陰功湯，海南雞，蝦餅，炒菜，咖哩同飲品，超多野食！我地將一個油飯轉左蒜蓉包，野飲可以揀特飲，梗係飲珍多冰啦！😍冬陰功湯好飲，唔太辣，好多料，係偏香港人既口味！海南雞無骨，幾滑，青咖哩好香，我地掂哂d蒜蓉包仲有好多汁，d野食真係大份又好食，我地食唔哂都打包左，應該3-4人食會好d😂😂😂

之前都聽呢間野幾出名，今日一行四人去嘗試，結果就好失望，可能就係之前抱太大期望。我地叫左最普通、必食既泰菜，唸住實冇死啦。最先黎既係大蝦刺身，蝦質唔算新鮮，唔爽口，醬汁唔特別。泰皇咖哩炒蜆好重咖啡粉味，有幾舊青椒，加少許香料但個味一啲都唔飽出，整體成個算係咖哩湯炒蜆囉，好稀，我期望佢係稠啲泰式炒金邊粉係濕炒金邊炒，個人覺得乾啲好吃啲，不過佢個炒蛋都好味。如果對金邊炒有要求既人就唔好對呢盤抱有期望，寧願唔試最好炸蝦餅好大件，好full，但好硬，食落有啲臭串燒沙嗲呢個有豬肉同雞肉，沙嗲醬唔多覺有但就好似加左啲芝麻、香料食落怪怪地。豬肉比雞肉好吃啲，雞肉肉質整到乾唔juice嘢飲方面-叫左杯泰式咖啡，伏到一個點，完全係一杯溝淡左嘅雀巢咖啡龍眼冰-就係一杯菜蜜加咗幾粒龍眼肉椰青/青檸疏打-無特別價格合宜，得閒依下肚都可以既，若果對食物質素有要求，建議選擇其他吧

上網是但搵左一間泰國菜試吓，結果都冇令到我失望，都唔錯！餐廳有兩層第一層已經爆滿，所以被安排上2樓。晚上用餐時間大約一個鐘頭，食到差唔多嘅時候，侍應就會開始收走你枱面嘅碟暗示叫你走😂火山軟殼蟹法包呢一個整體上有少少失望，因為法包唔係外脆內軟😞不過個咖哩就整得好好味🤣唔會太辣個軟殼蟹就少肉左啲🙈冬陰公炒飯炒飯炒得好香，不過就偏濕🤔中間有少少菇同埋蟹柳做配菜份量好多三個人都未必食得晒。燒豬頸肉豬頸肉切得比較口所以有少少難咬但係嗰醬汁好味👍🏻串燒沙嗲呢個應該係全晚最好味既餸🙀味道好似泰國食嘅串燒咁😼有豬有雞，豬就多咗少少肥膏咁重點係個醬汁超級無敵好味！！！