阿來泰式地道風味

營業中

休息中

依家出外食個飯加杯野飲都差不多要一百蚊，仲未計加一添，真係百物騰貴。好彩我之前行經旺角，發現有間泰國餐廳幾抵食，質素都唔差添！餐廳係位於通菜街近地鐵出口既［阿來泰式地道風味］。環境不大，但幾整潔午市/ 全日套餐定價只係$50左右，仲包杯飲品添，最貼心係午餐供應時間由12-5:30，岩哂返shift既同事來食飯～阿來海南雞飯 $54另外加$10要左雞脾位因為友人唔食油飯，改左配白飯。眼見雞肉份量都好足夠。雞脾位做得好滑又新鮮泰式清湯金邊粉配滷豬脾 $44另加左海南雞 $10 ，配料有滷豬脾/海南雞/豬頸肉/ 雞絲扎肉，可以自由配搭 湯底除左有清湯，仲有冬蔭公、喇沙添。豬脾有三大件，連埋皮、筋位一齊食，口感軟腍易咬。海南雞浸左湯都係一樣咁滑套餐加椰青只係$22 ，當然即刻要返個解渴先

自問都真係幾鍾意食泰國菜，香港又周圍都有，所以要食都唔難搵。今次就係旺角搵到呢一間阿來。鋪頭唔算十分大，但係過咗午飯時間都仲係好多人，咁都應該係實力嘅表現！坐得近廚房位，聽到啲店員同個廚師有陣時傾計都係用泰文，相信野食都有返咁上下正宗！首先叫咗一碟泰式生蝦，非常新鮮！然之後就叫咗半打沙嗲，呢度一次過淋晒啲沙嗲醬上面，唔使自己點。沙嗲醬惹味，d肉亦都燒得好好。然後就嚟咗個泰式辣肉碎生菜包。都係非常惹味但就有啲辣，鍾意食辣嘅朋友應該都幾鍾意呢一味。馬拉盞炒通菜夠大碟又夠鑊氣！最後最特別就係呢個咖喱軟殼蟹法包！個咖喱汁唔係好辣，但好香，同埋啲炸到恰到好處嘅軟殼蟹，再用法包點咖哩汁食，大滿足！飲品就叫左杯椰汁三色冰，椰味香濃！

秋天悄悄來了，天氣都開始有少少涼左。本身怕熱嘅我就唔係好鍾意食辣野，因為食完仲出更加多汗。但近來轉天氣有轉變，又心思思想去食下泰國菜過癮下。旺角呢間阿來，之前見過佢有分店，應該都唔會太差，本住半賭半試嘅心態就入咗去食啦。雖然去食嘅時候已經過咗lunch hour，但都仲有唔少人食緊，都放心少少。第一時間叫左杯椰汁三色冰爽爽佢先！椰香味足，叫左少冰都夠凍！跟住重頭戲就梗係各式各樣的正宗泰國菜啦！生蝦非常新鮮；泰式串燒惹味，勁多沙嗲汁！辣肉碎生菜包嘅生菜新鮮，肉碎個分量足夠每塊生菜都包到好飽滿；馬拉盞炒通菜香口惹味；咖哩軟殼蟹法包夠特色之餘，味道都係一流呀！員工態度服務亦都好好，既殷勤又親切！

一場嚟到旺角先達廣場附近買iphone買完 新電話， 就食醫肚。對面就有一間東南亞美食， 睇落門面都幾企理坐低 叫返兩味小菜 休息下。首先 叫左 2杯 凍檸茶 消消暑。之後 叫咗一個海鮮炒金邊粉， 總共有四隻大大隻鮮蝦。金邊粉炒落爽口彈牙 甜甜酸酸。非常之醒胃之後再加咗一個咖哩軟殼蟹麵包， 非常好味咖哩汁非常之嘢 味， 總共有四隻軟殼蟹。炸到脆卜卜，咬落去 爽脆鮮味。惹味的咖哩汁， 配上爽口軟綿綿的 法國 麵包麵包沾上咖哩汁 入口非常醒胃咖哩汁用來送麵包就在一樓

泰式餐廳今年都吃過不少，有格調高級的，也有新穎走潮流路線的。今天吃lunch走過這家，感覺像平民的午飯茶餐廳，也有價格相宜的午餐餐牌，但泰式的特色主菜，也相當出色，就例如這個火山軟殼蟹法包，正正是包羅萬有。餐牌可以看見泰國菜應有的款式都有。飲品方面較傳統、正常款式。叫了最特別的椰汁三色冰，價錢也很貼地，只需要22蚊。喝下去很香甜有濃厚椰奶味，啫喱也很滑。主角的火山軟殼蟹法包來了，製作時間差不多10分鐘，即叫即製當然趁熱食了。趁佢仲又香又脆即刻食左個麵包蓋先，索曬香甜咖喱嘅法包又脆又香。講返個咖喱，未埋到檯已經香氣撲鼻，吃下口除了有咖喱味和椰香甜味，還有一點薑汁和蒜蓉的味道，特別清新。好大兜咖喱汁，可以讓每一樣食物都沾滿。但肉眼可以好像只有法包和軟殼蟹？其實不止的，在包內有很多鮮甜健康的蔬菜，例如西芹、甜椒，既提高營養價值，又增加咖喱的香味，而且不浪費每一滴咖喱汁。軟殼蟹的殼絕對不是軟的，是脆卜卜的。而且蟹肉新鮮軟滑，有蟹味。不做大嘥鬼，全部食曬。在旺角鬧事有如此平民又高質的餐廳，實在是很方便呢。

在旺角要吃美味的海南雞飯，我會推介「阿來」。這家餐廳主打泰國菜，價錢親民貼地，全日免加一，而且碟頭大，所以我極愛到這裏開餐。中午時份，吃午餐或全日套餐比較抵食，隨餐附送咖啡或。阿萊海南雞飯由於不想吃過多澱粉質，所以吩咐待應少飯，另外，我亦多加HK$10，將海南雞轉成雞髀，送上來時賣相不錯，雞髀肉肉質超嫩滑，雞皮清爽，脂肪不多，但味道超甘香。泰式豬髀飯同樣地這個都是要求少飯，豬髀份量極多，而且煮得非常入味，豬皮爽滑，油膩感不重，入口有點點黏黏的膠原感，多吃養顏。豬頸肉炒芥蘭芥蘭幼嫩不老，炒得夠鑊氣，所以口感爽脆，入口帶有濃濃蒜香，加上甘香豬頸肉，超惹味。芒果糯米飯芒果味道非常香甜，糯米飯口感煙韌煙韌，加上清甜椰奶，十萬個推介~青檸梳打及龍眼冰我多加了HK$5將飲品升級特飲，非常超值，喝後既消暑又解渴。

今日放假想行下旺角，午飯時間嚟到通菜街呢間泰國點食lunch我哋初時12點左右入去都唔太多人，再等耐啲就多人到冇位坐喇。午餐嘅套餐好抵食，一個主食連埋飲品都只不過係$50左右。佢嘅份量都唔少，幾大碟。我聽到比較多客點依兩樣，我哋也點了海南雞飯套餐以外，都可以散叫其他嘅餸菜我哋坐喺廚房附近，聽到廚師切雞嘅聲，好期待😊 海南雞飯等左一陣終於有得食！肉好滑，佢係完全去骨，味道香濃，小小肥食落口好好味。配合埋連雞湯味白飯，同埋感覺清新嘅青瓜，熱天氣好啱食！ 之後上我哋兩個跟餐加錢嘅飲品，一個係椰汁冰，一個係椰青。椰汁冰味道香濃，飲落去有椰漿嘅香味，好滋潤。椰青香甜，裏面嘅肉好滑，到最後我哋都食得椰子肉🥥好乾淨。海南雞飯以外，另一個主食我哋叫咗金邊粉。配料足夠, 炒得好香。之後我哋叫咗半打串燒。一半係豬,一半係雞。加埋佢哋嘅沙嗲醬,非常之夾。比較起我哋之前食過嘅泰國店,呢間都算份量多。最後,我哋都點左一客蒜蓉包。蒜蓉嘅份量好多,食起嚟好香口：包好脆,加埋頭先串燒上面嘅沙嗲汁一齊食好好味。呢個鋪頭價錢合理,食物品質OK 。下次到旺角行街再幫襯先😀

今日去咗旺角食泰國菜～內在環境都癡咗好多食物相圖文並茂好易揀～有午餐精選亦都有全日套餐亦都有成個Menu俾你揀～我嗌左凍柚子蜜($22)甜甜地好潤喉，男朋友就飲可樂($14)，之後太頸渴仲飲咗凍檸水馬拉盞炒通菜($68)新鮮熱辣辣濃郁嘅口味用泰國嘅技巧炮製好好味～仲好大跌添辣椒膏蝦頭油海鮮炒飯($68)，呢個飯入邊有好多海鮮魷魚蝦獅蟹樓炒蛋，係真心辣架，因為每一啖飯都有辣膏，好好味，兩個人食啱啱好最後仲帶咗個芒果糯米飯當甜品($58)，好大舊芒果，遲啲返你一啖都有椰汁，啲飯仲暖暖地添好滿意～兩個人買單二百幾蚊好抵呀

哩個泰國菜性價比極高，地理位置方便，菜式選擇都好多，係聚會既理想之選，推介比大家🤩🤩😜我地兩個人叫左成台菜，特別推介以下幾款！生蝦刺身$98哩個係泰國菜既靈魂所在，亦係我泰國菜既必叫之一！入面有差吾多成9隻蝦，隻隻都好大粒！咬落去又爽又甜，配埋蒜頭同辣椒🌶，真係好滋味！亦好開胃，可以食多更多野！🥳🥳生菜包$78生菜包同其他既口味有小小吾同，哩間比較偏甜，無咁辣，鐘意食既朋友可能要注意一下🧐不過份量好大好多，性價比超高，因為食極都食吾完😚😚明壚冬蔭功烏頭$168食泰國魚，明壚烏頭魚係其中一道煮法！亦係我既最愛！佢既魚肉就算浸耐左都吾會稔哂，一樣咁香甜嫩滑，個湯食完都仲飲得🥳🥳佢仲有個係有檸檬煮烏頭，下次再黎都會試下，好似都幾特別，出面都未見咁煮👍不過冬蔭功就比較大眾化小小！芒果糯米飯$58哩個椰香味十足，奶味好鮮甜😋😋配埋水果真係好想叫多份😚😓🤪不過一份2個人食就岩岩好🤘🏻食完咸食完甜真係好滿足！

工作日，同事二人行去午餐後，又心思思想食泰菜，就試下呢間。um... 普通！同九龍城既泰菜相比，味道真係相差太遠喇，可能位於旺角區，午飯時間跑生意，我就感得似茶記多過似泰菜。我自己點左豬手飯，豬手夠軟滑，但味道好中式，而個汁係用白醋，完全冇青檸汁既香味，而且過酸。而同事就點左肉骨茶配白飯，我試左兩淡，可以接受啦，有香料味，但骨肉既咸甜味就唔夠，令到湯唔夠香甜。我地加左蛋黃雞亦兩隻，通過加咸蛋黃炸既食物都好好味！比兩份主餐好味！整體來說，唔係好差，但唔夠正宗，味道唔足，所以話佢係港式茶餐廳的話，會覺得好味，但佢標榜食東南亞風味，就有D失望喇。

最近休假在家，日子突然变得简单。从上一份不适合的工作里面抽身出来，终于美好的时间又是自己的了。当然要吃好的，天气还是很热，所以，泰国菜是首选，清爽开胃健脾消食😜一上来就点了经典菜式，芒果糯米饭还有椰青！一样都不能少。椰青很甜，解暑止渴，芒果糯米饭🍚糯米香软，裹着椰汁，加上芒果🥭就是这种久违的感觉！糯米和香甜可口加上椰汁的浓郁椰香，还有芒果的清甜，入口仿佛泰国的阳光沙滩就在对面，怀念度假的美好时光！柚子沙拉也是最爱！吃多了才发现，原来每一间泰国菜都是不一样的。同一道菜，可以有千万种可能，这间的柚子沙律就采用了独特的调味，里面有泰式辣椒🌶️还有蒜跟其他调味，所以，入口之后，先是柚子的清甜，之后是辣椒的刺激，很独特的味道，很大胆的配合！

睇過唔少食評都大讚呢間泰國餐廳, 今次小妹終於可以去朝聖😌 一個人去食食唔到好多嘢, 就先試一試佢出名嘅阿來海南雞飯!☆小妹特别鍾意食海南雞飯, 因為多數都係無骨啖啖肉😍 (如果有骨嘅話就大打折扣lu😗) 呢個海南雞無骨加上肉質嫩滑, 配埋酸辣汁, 雞肉夠哂鮮味之餘個汁都好惹味👍 大家亦可以試下唔點汁, 都會食到幾濃郁嘅鮮雞味, 又唔會太dry😋 另外, 大家食過海南雞飯都會知道個飯係精粹之一, 因為佢用左雞油同浸雞嘅湯嚟煮, 夾埋雞肉一齊食令到雞味更加濃郁, 所以食海南雞唔少得佢嘅雞油飯😌 小妹喺其他舖頭食過好乾嘅油飯, 真心唔敢再食果個海南雞飯😓 好彩今次呢個飯香得嚟又唔會太乾或太油, 個人認為啱啱好! 下次再去幫襯都要叫多次😛☆餐廳仲有其他泰國菜都大受好評, 聽講好正宗, 例如咖喱軟殼蟹包, 炸蝦餅等等, 下次有機會再試埋先🤓 話說, 呢間餐廳由中午開到凌晨兩點 夜媽媽肚餓想食宵夜可以考慮下🤤

香港人大部份都很喜歡泰國菜，如果抵食就更加好 !旺角就有一間抵食又方便的泰國菜店。餐牌選擇很多,價錢也不貴,叫多幾款也不肉赤,人均消費只係百零蚊。泰式鮮蝦冬陰公湯 $78冬陰公湯味道非常香辣，裏面有很多款不同的香料，而且都有幾隻大蝦，已經好足夠最少兩個人飲用。泰式Suki炒粉絲$64海鮮唔同海鮮喺裏面，加埋一啲好香嘅炒粉絲已經入晒海鮮味，加上一啲醬油，送飯一流！泰式香芒蟹肉炒飯$68裏面芒果同埋蟹肉mix埋一齊，估唔到又幾清新，炒飯粒粒均勻。凍華田$20熱柚子蜜$20加多杯飲品咁就完美喇。

今日去左試泰菜🤪。晚飯時間19:30去到，都有唔少人排隊😳，睇黎都好多fans😂! 第一次係旺角區食泰國野，以為價錢一定貴到嚇死人，點知竟然算平，平均講緊既係$70-$80左右👍🏻黎到仲要好鬼大碟😂！心諗早知唔叫咁多啦～開胃小食必叫既一定有泰式生蝦🦐🦐！食落夠凍夠新鮮，無海鮮果浸腥味，配埋個自家製辣汁同埋蒜片仲有辣椒粒簡直無得輸🤤🤤重點係一碟都有8-10隻！勁抵食😨另外點少得泰式鳳爪沙律🥗！鳳爪數量又係超多，食極都有咁款😂，個味調到酸酸辣辣咁勁惹味🤪亦唔算太辣，唔好辣既朋友都岩食啊～配埋爽脆既蔬菜中和返，正🤩開完胃～正式進入主角🥳爐頭東蔭公烏頭魚👐🏻個湯底唔會太搶口～唔錯，個魚中規中矩啦，唔算超新鮮但亦唔會腥。而配菜數量都幾多下，索湯汁食一流🤭最鐘意又點少得雞脾菇～唯一要改善既地方就係唔夠熱😂同埋個火好鬼快熄😂另外值得期待既就係生菜包🤩個肉炒得超級惹味！唔係一般既豬肉而係用左豬腩肉～油香100分☺加埋蒜呀洋蔥呀真係無得頂～～不過略嫌有少少鹹🤭～食哂啲生菜後就咁食就無咁過癮啦！馬拉盞通菜都唔洗多講啦😂相信都係必叫既～味道正常無野挑剔😂只係真係太大份最後食唔哂🤭建議大家人少少就要考慮清楚啦

之前行過呢間阿來老公已經話想食，不過成日都好多人排隊其實我同老公都鍾意食泰菜，不過屋企附近冇乜好好食，又唔想特登去九龍城叫咗一個二人餐另加咖喱軟殼蟹，個餐本身有飯，不過我地加錢轉咗蒜蓉包話說老公睇完牙醫先去，本身話自己食少少，但結果佢話太好味，都係食咗好多🤣🤣連泰式豬手佢都都食到呀不過是晚最好味一定係咖喱軟殼蟹👍🏻👍🏻個炸粉好薄又熱辣辣，配埋好香椰汁味又甜甜地嘅咖喱汁，配埋蒜蓉包簡直係perfect match 🥰🥰..其實生蝦都唔錯，個辣汁都好味㗎呢間絕對會回頭