阿來泰式地道風味

營業中

休息中

這幾天天氣寒冷 放工下起雨來 出到旺角落車之後都唔想再搵餐廳直接見到咩餐廳就衝入去 這樣反而有意外驚喜 在旺角先達旁的泰菜食店 餐廳有兩層典型茶記風 牆身貼滿推介之美食下雨天都可以接近坐滿證明應該有相當質素 🤗//泰式火山排骨 $108//被牆身的相片推介吸引了，四條排骨砌到好似一座山咁，感覺好似玩層層疊，四條骨互相倚靠，拿左一條就會傾斜倒下，欣賞餐廳的心思設計，排骨加了各種泰式調味料，十分香辣惹味，排骨煮得十分軟腍，很容易就可以骨肉分離☺️下面亦多數塊小排骨及泰式調味汁可以不斷點來吃，好滋味，食完令人回味！//泰式炸蝦餅 $78//值得推介! 炸蝦餅好大件，外面脆卜卜炸得十分香口！食落個蝦餅比其他餐廳既蝦餅更足料，更結實，蝦味勁重入口彈牙！//泰式炒金邊粉 $63//金邊粉軟，芽菜爽口，配料有蛋絲同豆乾，這碟炒金邊粉口味非常正宗！以甜酸味道較重，辣味相對較輕，食落開胃👍

《📍 阿來泰式地道風味食評》by @ihungry.hkอรุณสวัสดิ์🙏🏻今日小編同大家介紹一間地道兼超抵食嘅泰式餐廳，位於新之城附近嘅阿來地道泰菜！餐廳提供多款超地道泰式小菜、串燒、面食、飲品等，當然唔少得超正嘅Thai Tea😘！想知到底有幾抵食，立即睇睇🤩！🔸『星馬喇沙米線配豬手 - $50』見個湯底咁重口味，就知呢碗面絕對唔係普通貨色😏！喇沙湯底辣辣地而且好香椰汁味😫，湯底夠濃郁，每條米線都充滿濃郁嘅椰香味，再加埋超足料嘅豬手，超滿足！值得一讚係呢個價錢絕對係超值，超級足料，CP值超高🔥！🔸『泰式清湯金邊粉配豬頸肉 - $46』Q彈金邊粉加入豐富嘅配料，每舊蘿蔔都十分清甜，令湯底更清甜🥸！不過小編稍微覺得湯底如果可以加入酸辣嘅調味會更加惹味！🔸『Thai Tea - $6』套餐只需加$6就可以有泰式奶茶🥤，超抵！茶味濃郁，香濃滑順嘅口感，仲有陣陣煉奶嘅甜味，中和咗泰菜嘅濃郁，絕對同泰國嘅Thai Tea不相伯仲🔥！🤪iHungry肚餓指數：7.8/10分

阿來 - 泰式地道風味今日嚟到旺角先達對面嘅一間特色泰國餐廳，平日中午仲有lunch menu，又好食又抵食。一場嚟到除咗叫佢嘅lunch之外，仲特登叫咗一個特色菜，火山軟殼蟹法包。火山軟殼蟹法包 $148最近聽到火山可能有啲擔心，但係唔使驚呢個火山係唔會再爆發㗎喇。喺酥脆嘅法包入面加入香甜嘅咖喱汁，上面再擺咗兩隻炸軟殼蟹。口感好有層次，軟殼蟹夠晒脆口。泰式炒金邊粉 $53金邊粉唔會冧得濟，炒得好有鑊氣，而且調味好正宗，食到泰國嘅味道。串燒沙嗲 $78半打串燒雞同豬肉，上枱嘅時候已經聞到勁香沙嗲味，絕對唔會令人失望。

上網好少會見到咁多好評嘅餐廳 於是特登出嚟試吓 好彩冇令人失望🙈推薦大家都過嚟試吓👍🏻海南雞飯$56 雞既口感好嫩滑 雞偏肥 大概都有7-8塊 而且仲有雞翼😚💕 好欣賞佢哋嘅醬汁 酸酸辣辣勁開胃 點雞撈飯一流👍🏻 雞同飯嘅比例啱啱好 唔使驚唔夠送飯 滷豬髀冬陰功湯金邊粉 豬髀偏肥 湯底好香好濃 金邊粉口感岩岩好 帶有少少彈性 唔會煮得太冧👍🏻 串燒拼盤得雞同豬 燒得好好食 肉質細滑唔會鞋 而且汁勁多 一啲都唔會手軟勁邪惡😳 一致好評👍🏻評分：8.5/10

而間泰國菜係旺角人氣高企🕺🏻 今日終於試到🤩🥢泰式鐵板蠔仔蛋 ($88)熱辣辣上碟🔥 見到個樣已經好想食🤪蠔仔每粒都好飽滿, 蘸埋泰式辣醬食, 好開胃😋🥢串燒沙嗲 ($78 半打, 豬雞各半)食泰國菜一定要食串燒啦😗沙嗲汁好香, 仲有粒粒花生, 食落惹味☺️只係略嫌豬肉燒得鞋左d🙈🥢泰皇咖哩炒大蜆 ($118)咖哩味香濃而不辣, 醬汁仲有絲絲蛋絲, 送飯一流😉大蜆係真大蜆, 如果整多幾粒會更好🤪🥢泰式火山排骨 ($108) ❗️必點❗️一字排骨砌到好似一座山咁🗻勁吸睛🤩🤩🤩 排骨炆到好軟腍, 好快骨肉分離🦴醬汁有d似平時蘸生蝦既汁, 十分香辣惹味😍🥢原隻椰青海鮮炒飯 ($78)椰香味香而不膩, 唔會過濕, 而且入面仲有勁多海鮮😋份量超多 滿到瀉❗️我諗要3~4人食先得🙈整體黎講, 價錢公道, 性價比幾高~而且係旺角 勁方便一班朋友來食😝評分: ⭐️⭐️⭐️⭐️

🟡咖哩炒蜆🟡$118咖哩幾惹味，但太多太多太多真係好多辣油，呢個價錢希望可以多番啲咖哩。蜆嘅話唔入味，但可接受，不過個人認為鼓椒炒蜆果隻size嘅蜆會滋味啲！🟡辣XXXXX炒飯🟡$68個賣相少衰，一拎過黎見啲飯如土委地咁款🤨，味道中規中矩，入面個蝦都唔錯，少少辣～但偏油，唔叫番個椰青是頂唔緊。椰青 ～$32？都是普通一個椰青。叫黎解下濟～幾fresh坐樓上幾好～ 旺角諗唔到食乜可食～averagely good嘅泰菜

泰國菜黎講， 呢間算係好多人食， 入面都幾乎坐滿左人。 好似都開左好多年啦～呢間餐廳既泰國食物種類都好繁多， 今次我揀左樣比較特別既黎食， 就係泰式鐵板蠔仔蛋， 呢樣食其他餐廳真係比較少見。 食物一上枱， 蛋香味就飄出黎， 蠔隻既份量都好多， 粒粒都好大， 好飽滿， 配上泰式辣醬， 另有一番風味！ 火山軟殼蟹法包： 呢樣都算係必食之一， 軟殼蟹好大隻， 好酥脆， 法包加上汁，又係一種多重既享受。 呢個軟殼蟹份量十足， 兩至三個人食都好足夠。

《阿來泰式地道風味 - 旺角》🥰有時唔知食咩好，泰國菜會係個唔錯既option😉之前喺旺角返工我成日都會去一間好家庭式嘅泰國餐廳食嘢，價錢公道而且款式好多，晏晝去食lunch總會排晒長龍😆當日我係下午茶時段去，避開咗人流最多嘅時候，所以啲餸菜都上得特別快🤓當日一共點咗三樣嘢食同埋兩杯飲品💁🏻‍♀️泰式肉碎生菜包 $88每次食泰國菜，男朋友一定會叫生菜包，肉碎嘅份量好多，基本上用晒所有生菜都未食得晒啲肉碎💪🏻入需有好多切碎咗嘅肥豬肉同埋香料，所以食落特別香口👍🏻我都幾鍾意呢個口味，如果可以在辣少少就好啦😆💁🏻‍♀️飛天通菜 $68飛天通菜用嘅醬料都好濃味，有蒜蓉又有辣椒，好惹味😋通菜食落冇渣，每一條菜都索晒啲醬汁😂最後都俾我哋清晒💁🏻‍♀️泰式香芒蟹肉炒飯 $73呢個炒飯我都係第一次食，平時我多數會叫泰式金邊粉，香芒果肉份量都唔少，個炒飯食落甜甜地，零舍開胃，我最鍾意就係呢啲又咸又甜嘅菜式😛男朋友都話幾好味👍🏻💁🏻‍♀️青檸梳打 $25呢一杯青檸梳打唔係我叫的😂感覺好似好酸咁，不過男朋友話夠晒解渴，夏天飲確實係唔錯💁🏻‍♀️泰式奶茶 $25基本上每次食泰國嘢我都一定會試嗰間餐廳嘅泰式奶茶🥤曾經有一

每次經過都大排長龍，今日人少少即刻入咗去😛 餐廳主打多款泰國料理，地方雖小但五臟俱全，聽講晏晝去五十蚊就已經食到一個飯加杯嘢飲，大件夾抵食，下次又去試吓先🫣火山軟殼蟹法包係佢哋嘅招牌菜之一！軟殼蟹有成四大件🦀️，香脆可口，唔錯唔錯🔥～ 咖喱汁超有驚喜，味道甜甜地咁，唔油膩而且食完都唔會覺得口乾，啱晒唔食得辣嘅朋友仔呀💞 搭配少量雜菜，口感豐富，夠晒惹味！法包都值得一讚，大大塊，夠脆身，唔會硬到咬唔開，兩個人share就啱啱好🤪另外叫咗個泰式炒雜菜🥬，感覺更加健康🤣 有齊芥蘭、椰菜、粟米芯、紅蘿蔔同秀珍菇！調味適中，有選擇困難症嘅不妨叫呢個🙈 飲品方面要咗椰汁三色冰同凍朱古力，消暑解渴，正😃

🥛’Nomsod’ means fresh milk in Thai. Mont Nomsod has sold toast and fresh milk for more than 50 years! They offer a wide variety of toast and milk. My fav are pandan custard toast, condensed milk toast, and butterfly pea milk. This shop is always full of customers, but the queue runs pretty fast. 🥛มนต์นมสดร้านดัง มาสาขา stadium one คนเยอะเหมือนเดิม รอบนี้เราได้ชิมนมอัญชันที่ไม่เคยลองมาก่อน สีน่ารัก อร่อยเกินคาดเลยค่ะ ส่วนตัวชอบมากกว่านมชมพู 🌴 Milk🌴 Sala Milk / Pink Milk 🌴 Butterfly Pea Milk🌴 Toast with Condensed Milk 🌴 T

雞肉狂魔又出現我同男朋友最鍾意食啖啖肉 一件件雞吸收多啲蛋白質😋我自己鍾意有皮有筋有肉 🌟海南雞半隻 $138今日午餐又嚟食海南雞🐥🐥見到佢午餐餐牌都有幾多選擇而且價錢平但係因為 我哋想食多啲雞肉所以冇叫到午餐套餐直接叫咗半隻海南雞半隻雞分量好足， 值呢個價錢黃油雞肉好嫩滑， 見到仲有皮下嘅啫喱， 係啲肉汁形成， 滿滿嘅骨膠原肉雖然滑但係唔會唔熟， 啱啱好大部分位置嘅肉質都好滑， 當然雞脾位有埋啲筋仲正🤤🤤見到隔離枱嘅情侶 都係叫咗半隻雞嚟食🤭大家都好識食不過略嫌有三四件雞嘅脂肪太多， 雞皮比較厚 🌟 午餐泰式豬髀飯 凍飲加三蚊 $53豬髀飯就不過不失豬髀肉 比較難咬同乾， 可能因為太瘦但係個豬皮就好正， 黏口好多骨膠原🤤成碟嘢上到嚟都係熱辣辣嘅👍🌟 芒果糯米飯 $58最後收尾叫咗個芒果糯米飯一上枱我覺得份量少少細 ，食落好有驚喜椰汁鋪喺糯米飯上面， 啲飯糰暖暖地，軟身，唔會硬暖暖哋嘅糯米飯， 配埋甜甜地嘅椰汁， 加埋凍嘅芒果🤤芒果都係又凍又香甜埋單共$267, 連兩杯飲品👍覺得都抵食好味

星期日到處都無下午茶，今日就黎到阿來泰式地道風味食野。泰式蠔仔蛋飯 $53蠔仔都算大大粒，但完全冇鮮味，如圖中所見，就係蠔仔煎蛋飯，成個煎蛋冇咩味，要靠旁邊既泰式辣醬吊味，食食下有d單調，好難食晒成個飯。泰式炒金邊粉 $53金邊粉入面有好多配料，包括蟹柳、魷魚、蜆同豆干，但食落去每樣配料完全冇味，似係急凍材料包，金邊粉既味道麻麻，同泰國金邊粉完全冇得比，唯一要讚就係每個餐都大大份，叫一個餐，兩人食都食得飽、但味道真係好似食緊茶記咁。我地仲叫左兩杯野飲，一杯就凍檸茶，正正常常，另一杯就係龍眼冰，如果閉眼飲的話，完全唔知自己飲緊咩，冇咩味。但呢間餐廳最敗筆就係成個環境，真係好似茶餐廳咁，餐具洗唔乾淨，仲有d食物殘渣係上面，成張枱同地下都黏黏笠笠，周不時仲有d蚊仔係你面前飛過，整個環境衛生好差，客人坐得極唔舒服。雖然網上好評如潮，但抱歉，我真係覺得呢間泰式料理認真麻麻，入到去好似食緊茶餐廳咁，應該不會再惠顧。

阿來 係一間成日同朋友黎食嘅泰國餐廳🇹🇭每次都可以叫多啲餸 大家share食☺️係旺角近地鐵站嘅地方食物質素好好 而且算幾平 性價比極高🥰泰式生蝦刺身泰國菜必叫嘅開胃小菜🦐蝦肉夠彈牙 點埋個酸辣汁夠晒開胃☺️泰式肉碎生菜包平時我吾會生食生菜🥬但係用生菜包住泰式肉碎 成個味道又吾同晒🤣新鮮嘅生菜 包住熱辣辣又香口嘅肉碎真係好夾好好食🤩燒豬頸肉燒得好香 個表面仲好脆口又吾會太硬😋配埋個豬頸肉嘅酸辣汁 真係夠晒野味🤤泰皇咖哩火山軟殼蟹法包🥖依個係我最鍾意食嘅野黎🥰軟殼蟹整得好香脆 再用咖哩煮 真係好好食🫣而做底嘅法包 因為吸晒啲咖哩汁令到個包好濃咖哩味 好正😍馬拉盞炒通菜好夠鑊氣 通菜又夠爽口😋泰式濕炒雞河粉依個就冇咩特別 同平時嘅泰式濕炒差吾多😗

突然想食泰國菜，九龍城就去得多了，見啲間咁多like就專誠黎試吓。我哋大概6點半到，門口已經開始有隊。好彩我哋2個人唔洗等好耐就有張小枱。店舖環境都幾逼夾，細細間店座位都唔算多而座位同座位之間都幾密，所以好快就排長龍了。2個人叫左個細冬陰功🍲，一個炒飯🍛，一個軟殼蟹咖喱🦀，再點左2客蒜蓉包🥖，最後再叫左個奶茶🧋（因為太口渴）泰式鮮蝦冬蔭功湯 （細）$78 👍🏻👍🏻👍🏻👍🏻啲個湯係好飲，蝦夠新鮮，料頭都足，酸辣都平衡，係全餐飯最好味嘅菜式。唯一不足係超細碗，根本只係一人份量，定價$78就太進取了泰王咖喱炒軟殼蟹 $118 👍🏻👍🏻個咖喱都幾好味嘅，不過唔算好出色又唔算好香，中規中矩。敗筆位係個軟殼蟹，得個死咸嘅味道，再加上個咖喱其實都好重手味精，成件事唔係咁enjoy，要狂飲水，下次要番雞牛豬會好啲（如果有下次嘅話…）蒜蓉包（四件） $28 👍🏻👍🏻👍🏻正常野，都幾脆，不過份量太少，得4小舊我地2個人叫左兩客先勉強夠點啲咖喱。辣椒膏蟹頭油海鮮炒飯 $68 👍🏻👍🏻👍🏻唔知乜嘢係頭油，食唔出，亦唔係好食得出膏蟹嘅味道，就係普普通通一個炒飯，唔需要特別點。泰式奶茶 $25 👎🏻👎🏻👎🏻👎🏻

呢間絕對係旺角平價泰國菜好選擇！平日晚餐時間都幾滿座仲幾多後生仔女黎食😝一直bookmark左上星期終於有時間試一試佢🥰➣火山軟殼蟹法包(💰𝟭𝟰𝟴)𝕽𝖆𝖙𝖎𝖓𝖌: 𝟯.𝟴/𝟱見到隔離枱好多人點呢款😍軟殼蟹有𝟰大件炸得超香脆！法包唔會硬到咬唔爛🤣但食落都好脆身～咖哩汁甜甜地岩哂怕辣既我😛➣泰式海南雞例牌(💰𝟴𝟴)𝕽𝖆𝖙𝖎𝖓𝖌: 𝟯.𝟳/𝟱海南雞好嫩滑重點係冇咩骨🤣啖啖肉真係食得好開心😬醬汁辣辣地點綴左唔少☺️🔸𝙍𝙖𝙩𝙞𝙣𝙜: 𝟳.𝟲/𝟭𝟬