阿久根和牛立燒店 (已結業)

燒肉雖然邪惡，但唔食一排就會心思思。行過白布街見到呢間日式燒肉店，裝修好日系，就拉埋女朋友去食餐勁！前菜牛舌燜煮到好稔滑，香料味好似花椒八角都幾重。阿久根和牛涮鍋 胸腹肉3件、三角肋肉2件、A4肉眼1件、烏冬、雞蛋、雜菜牛肉唔用燒嘅方式，淥完再點雞蛋可以好好保留肉汁同保持肉質。餐廳有附上3種唔同辣椒粉，原味/蒜辣/洋蔥辣，仲會有介紹埋啱咩煮法。我地加咗少少洋蔥辣椒粉，湯底變得勁重洋蔥嘅甜味，好驚喜。極尚和牛定食A4肉眼2件、A4西冷2件、牛舌2件、味噌湯、沙律、白飯味噌湯好鮮甜仲有粒蜆肉，個沙律有芒果同菠蘿，酸甜開胃。牛肉燒完之後香口爆汁，逼出油份後牛肉變得更滑，點一點辣椒粉仲惹味。牛胸爽一放落去燒就會爆油，小心搶火，基本上一兩秒就可以起，食落口感爽脆雞軟骨一串八粒，俾啲耐性燒到乾身之後，就會每粒咯咯聲黑豚肉薄切黑豚肉輕輕燒幾秒就可以保留肉汁五花腩脂肪雖邪惡，但燒完嘅肥肉咬落去超正整體感覺一間唔錯既燒肉店，無論牛涮鍋定燒肉都好多款式選擇，值得一試！📸 Credit to Instagram: @mroolong

極尚和牛定食 ($168)叫套餐抵過就咁散叫😗有A4肉眼，西冷，牛舌同牛肚每樣x2，同有埋飯，沙律，湯。肉眼同西冷和牛都幾腍有肉味，牛舌牛肚爽口。厚切牛舌100g ($148)五花腩100g ($78)想食多啲肉再散叫咗牛舌同五花腩🐮🐷，牛舌厚切有口感，五花腩肥瘦相間，燒嘅時候充滿油脂香。京葱 ($10)冬菇 ($15)燒京葱甜甜哋好吃，冬菇好大舊有菇味。食燒肉加埋大大杯菠蘿啤酒🍍🍺，甜甜菠蘿味好飲！

係台灣百貨掃完戰利品後，附近就有間燒肉店，睇完個餐牌見午市都幾抵食，就試吓，雖然叫立燒店，但其實係有高椅坐😆餐牌上有好多唔同部位嘅肉可以散叫，啱曬想每樣試少少嘅朋友👍阿久根和牛涮鍋呢個餐都好豐富，有肉6片，蔬菜拼盤，仲有烏冬，壽喜燒嘅湯底，甜甜的，配蔬菜就最啱味，d 肉我都拎埋嚟燒，塊肉眼好正🥰極尚和牛定食呢個定食已經包了肉眼A4，西冷A4，牛舌同埋牛肚各2塊，牛肚有驚喜，未試過燒牛肚食，燒完係外脆內軟，好特別☺️A5肉眼試完A4肉眼就埂係叫埋A5肉眼試吓個分別，A4好食，A5仲好食，油份重好多同埋入口溶化😋鰻魚本身已經調好味，一串串嗌，外脆肉質軟綿，值得試

鍾情入口口感軟腍滿足你的靈魂 !日式傳統燒肉拼盤佳因一拼品嚐牛既脂肪味濃、肉質均厚一系列香烤燒牛身部位綜合，啖啖肉與油花不論比例上保留燒肉既原汁原味，邊細嚼一邊烤燒細膩既質感層次讓人回味份量十足「豐和牛定二人盛」一碟鋪滿多款豐富肥美肉品逐款品嚐肉眼A4 | 西冷A4 | 牛舌 | 肉眼A5 |西冷A5 | 三角肋肉| 牛肚，只需花數分鐘由生變熟，入口香噴精透和牛(色、香、味鮮)食落不油不滯女生們食量不大最為合心

係旺角白布街，門面有簡單木系日式感覺，樓㡳高，雖然店名叫做立燒，但係唔需要”立”，餐廳有左右兩排座位同中間一張大枱，台面非常闊落，枱下面仲有好大空間可以擺野，坐得舒服。牆上面貼左d日本poster，餐廳食物相，又有一張介紹牛部位既圖，旁邊bar枱附近有日本典型居酒屋既木桶啤酒，夠晒情調，就算係自己一個人黎食都可以盡興。主要有兩款選擇，燒肉或火鍋，同行友人揀左燒肉，我就梗係試個涮涮鍋。另外可以單點加追加，雞腎、墨魚咀、牛肚都非常推薦。餐廳無茶水提供，建議梗係嗌番杯酒要啤一啤，，職員首先送上前菜，日式味付白鱔加芝麻青瓜，味道不錯。阿久根和牛涮鍋$148原來一set除左胸腹肉、三角肌肉、肉眼A4之外，仲有烏冬、雞蛋、長蔥、菇、高麗菜、蘆筍、豆腐、紫洋蔥、冬粉、仲有隻雞蛋！好豐富。全部放晒落去一鍋燒，最後打埋隻雞蛋落去，一邊飲酒一邊傾計，好有日本風情，氣氛唔錯。特別推介，三角肌肉，油份夠牛味濃，鍾意油花和牛既朋友另外單點追加。極尚和牛定食$168肉眼A4、西冷、牛肚、牛舌、飯、沙律、脆瓜前菜、面豉湯。燒肉又是另一種食法，餐廳有提供鹽同燒肉汁（比較甜），另外台面亦有三款辣粉，原味、蒜辣、洋葱辣，

哩間日式燒肉店位於白布街，餐廳入面有兩排二人位，每個位置都放有一部燒爐及抽風設備，而且中間有個位置會提供紙巾同消毒酒精。餐牌上面有唔同部位既和牛可以選擇，唔想諗食咩既，亦可以揀套餐～🔥豐和牛二人盛 $388前菜：生薑和牛燒 $8/一位🥩肉類：A4肉眼x2、A4西冷x2、牛舌x2、A5肉眼x2、A5西冷x2、三角肋肉x2、牛肚x4哩到既和牛真係好高質素，每一款都係牛尾濃郁，充滿油脂，而且A5級別既仲要入口即溶，當中最鍾意三角肋肉，肉質軟腍，油脂豐溢，而牛舌爽身，牛肚外焦脆，內軟腍，全部肉類都非常好食👍🏻🥬🍚特選蔬菜及兩碗飯蔬菜包括翠玉瓜、菠蘿同蘑菇，燒完又係好好食，而米飯上面仲有我最鍾意既飯素添～

好多年開個陣影過食過,事隔多年再黎,而家立燒變左有位坐仍然不變係抵食既套餐和牛燒肉,而家仲加埋一人鍋物定食呢度係主打單點或定食和牛套餐,可以一個人燒肉爽爽爽今次先黎一個和牛定食餐,有唔同牛既部份,鍋夠熱,好快封住牛肉既肉汁,牛既脂肪夠平均,食起黎唔會滿口油,牛味濃郁!!!定食有湯有飯,味素飯加麵豉湯仲有沙律,日式前菜,夠曬正宗似樣牛肚,牛肩肉和牛A4級,脂香甘甜,入口嫩滑舌位厚切,爽口,好食呢!!一人鍋物好豐富,有各種蔬菜加埋和牛一齊食,個湯夠香夠甜牛肉份量多少少會更吸引,整體水準唔錯,抵食平均消費$200#阿久根和牛立燒店 Akune Wagyu Tachikui Yakinikumise旺角白布街2-24號藝興大廈8號舖Shop 8, G/F, Ngai Hing Mansion, 2-24 Pak Po Street, Mong Kok

🥚🥚🐷燒盡牛肉所有部位✨性價比：8/10🍳食物：7.5/10🌏環境：7.5/10🕺🏻服務：7.5/10💰是次消費：$ 406#蛋蛋豬 🏝地點分類: #蛋蛋豬在旺角🍰食物分類: #蛋蛋豬吃燒烤 #蛋蛋豬吃日本菜————————十分自助，自由度極高的日式烤肉小店，入到去每事物都迷你但舒適，就像一個燒烤小空間。肩胛 ($25)牛肩胛位置是牛隻常活動的部分，所以較有口感，肉質細嫰。上胸腹肉 ($22)原來是日本人燒肉入門的必食位置，胸腹肉比較軟稔；上胸腹肉一半脂肪一半雪花肉，油脂感幾重。西冷A4 ($36)肉眼A4 ($36)最常吃的兩個部位，油花平均分布，肉質綿滑，個人較欣賞A4多於A5，不過級數自由選擇，豐儉由人。刺身A5 ($38)刺身嫰滑，幼嫰，以和牛包卷蔥絲，瞬間增強口感。阿久根和牛涮鍋 ($148)鍋物包一套肉類和一碟蔬菜烏冬併盤；分別是胸腹肉3塊、三角肋肉2片、肉眼A4 一片。三角肋肉與肉眼質量相似，油脂會多一點，牛味都重一點。雞軟骨 8粒 ($18)原來雞軟骨要燒好長時間才好味，要又脆口又夠乾。雞肉 4件 ($25)黑豚肉 ($15)每件都燒出網紋，很有成功感地吃自己燒烤的美食

朋友帶左我一間日式燒肉店🇯🇵可以試到不同牛嘅部位 仲可試到A4 A5和牛🐄店舖有供應各款套餐 同各種單點食品仲有會張紙 話俾客人聽每個部位需要燒幾耐😊豐 和牛 二人盛 (推廣價 $388)套餐有幾款嘅牛包括有肉眼A4, 西冷A4, 牛舌, 肉眼A5,西冷A5, 三角肋肉, 同牛肚 另外仲有蔬菜🥬另外有前菜 兩碗飯🍚 同生菜🥬跟住店舖嘅指引去燒 全部都燒到剛剛好每款牛嘅質素唔錯 脂肪分佈平均最喜歡肉眼A5 食落入口即溶😌最特別係燒牛肚 第一次燒牛肚 燒完都係咁爽口 一啲都唔韌☺️.燒肉店唔只有燒肉食架😊阿久根和牛涮鍋 $148呢個係一人套餐🙌包括胸腹肉, 三角肋肉, 肉眼 用嚟食壽喜燒 都係同樣嫩滑 食落有口感另外仲有烏冬 生雞蛋 仲有蔬菜盤加葛粉壽喜燒湯底 好香濃 帶有甜甜嘅味道😊蔬菜盤好豐富 有小妹最愛嘅蘆筍 冬菇 白菜金菇 本菇 豆腐 京蔥 等等蔬菜吸收啲湯底嘅精華 充滿香濃嘅味道👍🏼

呢間日式燒肉店主打和牛燒肉，最特別嘅係佢可以一塊塊咁order燒肉，而且有好多唔同嘅部分選擇因為想試多啲唔同嘅部位，所以叫咗定食再加散叫啲配料燒和牛燒肉定食：有四款嘅肉，有肉眼、西冷，牛舌同埋牛肚，每款兩塊，所有牛肉都好濃牛油香氣，好有肉味另外仲叫咗個和牛牛肉鍋定食：有三款唔同嘅牛肉，特別嘅係佢唔係薄切牛肉，佢都係燒牛肉嘅size，不過放喺鍋物度煮，仲有個蔬菜盤，配烏冬，不過𣵀湯底偏甜散叫配料：可以逐串逐串叫，按食量叫，太好了

呢日響旺角買嘢，見到呢間阿久根和牛立食燒肉店，最驚喜係除咗有燒肉之外，仲有涮鍋食。另一半一向鍾情燒肉，我就偏愛火鍋，呢次真係一次過滿足晒兩個願望呀。🥢🥢雖然叫做立食店，但其實係有位坐嘅。餐廳有兩層，空間算闊落，裝修好日系，仲有強勁空氣清新機，唔會食到滿身油煙味。🔥🔥極尚和牛定食（$168）- 有A4 肉眼同西冷，仲有牛舌。定食跟埋沙律、湯同白飯，好豐富。和牛好有牛味，入口即溶，牛舌亦相當出色，爽口得嚟柔嫩。🍍🍍另外加咗菠蘿（$10兩件）、雞腎（$20）同牛舌（$15）。菠蘿燒完外脆內軟，入口勁多汁。雞腎好有咬口，勁鍾意佢嘅質地。🍲🍲阿久根和牛涮鍋（$148）- 有胸腹肉、三角肋肉同A4肉眼、烏冬、蛋、冬菇、金姑、粉絲等蔬菜。湯底好甜，好好味，配埋鮮嫩嘅和牛，好正。🇯🇵🇯🇵餐廳職員極有禮貌，環境舒適，一直播住日文歌，好似置身於日本小店。價錢方面亦都唔貴，食物質素相當好。

講起日式燒肉大家除咗牛x同x角仲有冇咩idea先🤪今日俾多個選擇你😝就要帶大家去食一間品嚐A5和牛既好地方 - 阿久根和牛立燒店🥩🔥環境：7/10遠望見到已經覺得有去咗日本既感覺，室內裝修以日式居酒屋設計為主🍶，麻雀雖小但五臟俱全❤️食物：8.5/101️⃣豐和牛二人盛 $388/1份 推廣價有A4 A5肉眼、A4 A5西冷、牛舌、三角肋肉、牛肚、同特選梳菜。樣樣都想試既我就揀左依個套餐🤤，A4 A5既牛係唔通啲，一口就溶，仲有牛既油脂香味充斥成個口，唔識燒既朋友唔洗擔心，店家仲提供建議既烹調時間，勁溫馨囉😝2️⃣鰻魚$ 20/2件鰻魚本身都調好味，再放上個燒爐到燒一陣，皮脆有焦香，魚肉嫩！一百分推介🤩3️⃣墨魚咀 $20/8粒唔係到到都有得食，爽口Q彈，火候控制得幾好🤭4️⃣ 雞肉 $25/4件雞肉🐔冇特別調味，但可以隨心加辣粉慢燒。5️⃣甜薯 $18/4粒一口甜薯，細細粒食完都唔會濟👍🏻6️⃣波子氣水 有好多款唔同既啤酒提供比大家選擇，就算唔飲酒都唔緊要，仲有好耐冇飲嘅波子氣水，係回憶嘅味道🥰💰性價比：7/10 二人套餐依家有推廣價，抵食‼️而另外單點既野食都唔係特別貴亦有定食揀😋，都幾適合情侶一齊燒下燒下🤭

旺角白布街都有唔少食店今日嚟到呢間專食和牛燒肉嘅舖頭食午餐價錢十分之親民 百幾二百蚊就已經有個定食🐮極尚和牛定食$168肉眼A4 /西冷A4/ 牛舌如果有啲budget嘅話可以點呢個餐因為已經包晒幾款優質嘅牛肉部位 油花分明 肉味濃郁 有啲入口即溶嘅感覺 牛舌彈牙🥩風味和牛定食$98胸腹肉 / 肩胛 / 肉眼A4鍾意肉味濃啲嘅話可以選擇呢一款雖然油花相對比較少 但係肉味比較突出以上嘅定食仲會包埋味噌湯 沙律 漬物 白飯味噌湯入面仲有蜆肉 而且好鮮甜三角肋肉@$28each絕對推介追加嘅部位唔係普通燒肉店常見嘅部位 入口即溶 大美味🐥日本雞頸肉$20雞頸肉好爽口 又冇脂肪日本雞尾肉$15鍾意食雞米嘅人絕對推薦呢一款 雞蘇味濃郁🍍菠蘿@$10/2最尾食一口燒菠蘿 甜甜酸酸咁 可以減低油膩感

上星期專責小組去左旺角食燒肉。原來附近仲有幾間人氣甜品舖，食完燒肉轉場食埋甜品無難度！餐廳提供午市套餐套餐包湯＋沙律＋飯。仲有日本A4和牛食，性價比高！💛極尚和牛定食 ($168) 包肉眼A4×2+西冷A4×2+牛舌×2💛風味和牛定食 ($98) 包胸腹肉×2+肩胛×1+肉眼A4×1👯🏻‍♀️食後感👯🏻‍♀️專登嚟到旺角食野，我推介比多50蚊到食個貴啲嘅餐！肉嘅份量多啲，肉嘅部位都靚啲！全部肉同脂肪比例剛剛好，油脂爆發，但都唔會蓋過肉嘅香味。 ✔️自選加送🐂牛肚❤️❤️❤️有驚喜嘅牛肚，牛肚肉質鬆化，易咬，幾好味。🦪蜆肉😋😋 蜆肉新鮮乾淨冇沙，每隻都可以燒至開殼❤️粟米＋翠玉瓜最後講埋餐廳環境服務，坐位闊落舒服，侍應態度良好，值得encore!

第一次去立食餐廳就畀咗呢間阿久根雖然叫立食但係其實都有高櫈坐嘅 感覺反而少咗啲焗促 多咗一啲不羈晚市套餐最平98元就有和牛定食真係好抵和牛質素仲要係真係對得住良心肉眼最好食 A4半肥瘦食落少入口即溶加肉味最平個套餐風味和牛定食($98)已經可以食到仲有肩胛和胸腹肉最貴個極上和牛定食($168)都有肉眼再配搭都好好食嘅西冷牛舌就韌咗少少另外叫左紋理更靚仔嘅西冷A5和肉眼A5嗰種入口融化程度仲正仲有用A5做嘅刺身配京蔥好多肉汁好正定食其他位都做得好好麵豉湯竟然有原隻蜆肉 絕對唔係頹沙律新鮮爽口仲有當做芒果肉是日前菜係白鱔漬 別得嚟又幾好食不過碗白飯就有點太硬