閨•家 (西九龍中心) (已結業)

以住家菜為主打的小店，款式選擇豐富：碟頭飯、粉麵類、咖喱、小食類等等，碟頭飯更會附送老火湯一碗，性價比高。手剁鹹魚煎肉餅飯 ($48)• 份量頗多，不論是白飯還有肉餅的大小。• 肉餅底面都煎得香口，帶有點焦香。肉餅口感充實，有啖啖肉的感覺，咀嚼之下會慢慢滲出鹹魚獨有的魚香味。• 當中還有酸菜和香蔥伴碟，令口感和味道更有層次。麻辣雞腎 (大 | $28)• 十分之惹味的小食，麻和辣的程度相對輕微但欲令人一口接一口。• 雞腎口感爽脆、醬汁均勻入味地滲透在肉內，當中混入不少香蒜粒令口感和味道層次更加豐富。老火湯• 隨餐附送的老火湯，有住家的味道而且底部充滿湯的食材相當足料，味道鮮甜、鹹味亦適中。

女生始終對粉紅色有偏愛，今日同老公到了西九龍中心3樓的閨家吃午餐。餐廳是吃中餐，以粉紅色調來佈置，牆上有深水埗特色的畫，標榜無味精食物，餐牌上的款食也多，有飯、湯麵、湯、咖喱、炒麵、小食等等，款款也吸引。我們最後點了蓮藕餅紫薯湯麵、手撕雞、鐵板豬扒炒烏冬。蓮藕餅又厚又好味，又有口感，調味也適中，手工紫薯麵天然顏色很吸引，口感也好。鐵板炒烏冬夠鑊氣，有大大片入味豬扒，而且烏冬有很多菜絲，非常有營！手撕雞足料大碟、麻醬夠醒胃。整體用餐感覺良好，店員服務也好。

呢間餐廳向西九龍中心開左唔耐，但經常好多人排隊，試過幾次都放棄無食到，今次一個人去終於食到。呢間餐廳標榜無味精住家菜，餐單選擇都算多，招牌菜有馬蹄煎肉餅，炆豬軟骨等等，有咖哩系列，亦有自家製面款（有紫薯麵、菠菜麵、甘筍麵），不過麵餐就冇湯送，所以我揀咗飯類，送嘅湯款係根據星期幾定左，冇得揀，但係都係一啲大眾化嘅款式。食物方面，有兩大塊煎肉餅加少少配菜，幾好食又唔會太油，湯無味精亦有料在內，食物味道一定唔係驚為天人，但絕對係健康午餐嘅好選擇！服務方面個個後生仔都好好禮貌，雖然因為太忙落單有d慢，但仍然保持禮貌，值得一讚！最後要補充下呢間餐廳會令你十分安心，拒絕安心出行，登記資料就可以啦！ 💛

北角小店開到嚟深水埗西九龍中心啦🤩閨 • 家出曬名係冇味精餐廳 唔洗驚食完會好口渴㗎~🌟蘋果紅蘿蔔沙參煲咸排骨湯 𝔽ℝ𝔼𝔼想 講 呢 個 老 火 湯 真 係 好 出 色 好 好 飲❗味道超濃郁 飲得出係超級足料 仲要係完全冇味精 鍾意飲湯嘅話一定會滿意💯💯💯🌟招牌豬扒飯 $48豬扒大大塊 仲要俾足3塊 真係好抵食 ! 味道唔錯 如果豬扒係厚切嗰隻 食落一定會更加滿足🐽🌟花雕醉雞飯 $48醉雞份量同樣係唔少 同埋都幾夠"醉" 唯一係希望可以再滑啲細嫩啲🐣

💛之前食過「閨家」嘅炮台山分店, 佢地係西九龍開咗新分店, 當然要再去支持下啦!💪🏻呢間良心小店主張唔落味精, 同出名老火湯👍🏻今次試埋上次冇食到嘅➡️手工麵, 我地揀左紫薯味, 仲有甘筍同菠菜2款味道, 即叫即製, 唔係幾食得出紫薯味, 麵身質感柔軟, 店員都好細心提醒我地要盡快食手工麵, 唔係d麵就會索晒水, 冇咁好食, 而配搭嘅➡️"炆豬手"好出色, 炆得好腍好入味, 又香又滑, D豬手汁配埋手工麵黎食就岩岩好!上次食過嘅➡️"蓮藕餅豬扒飯", 好食到返轉頭, 蓮藕餅煎得金黃又爽脆👍🏻 豬扒水準依舊, 入口好有果香味, 大塊鬆軟, 豬扒汁撈埋飯食勁夾, 大家點餐時可以另叫多汁嫁!呢個仲送埋細盅老火湯, 店內老火湯都係用慢火熬製4個鐘或以上, 好用心嫁, 當日係"蘋果紅蘿蔔沙參煲排骨湯", 都真係幾足料, 飲落好清甜又唔淡, 好似呀媽煲開嘅味道XD😆另外仲叫咗2款小食, ➡️"涼拌海蜇手撕雞"其實手撕雞份量都唔小, 啖啖都沾滿芝麻醬, 海蜇幾爽口, 不過海蜇多返少少就更好啦~➡️"麻辣雞腎"就好惹味, 唔算好辣, 我地唔太食得辣都接受到, 雞腎好彈牙, 係食完好開胃既小菜黎!P.S: 任何飯

-🔸花雕醉雞飯 $55🔸溏心蛋 +$6🔸油菜 +$12🔸麻辣雞腎 $29🔸涼拌海蜇手撕雞 $39-睇過Yellopenrice杜生介紹過呢間良心住家茶餐廳，當然要支持吓！個menu望落都好有住家味道喎！揀咗花雕醉雞飯，超級入味嘅雞件，肉質十分嫩滑。隨飯會配是日靚湯，今晚嘅係青欖青蘿蔔杏汁煲豬展，係抗疫養生湯呢～湯勁清甜，仲有一堆湯渣食得，超抵啊！加咗涼拌手撕雞，麻醬撈埋雞絲、海蜇、青瓜、芝麻，又開胃又好味啊！

太座話好耐冇行西九龍中心，見早放工就一家三口出去，泊車又方便!行過呢間閨.家，見到門口咁多人，應該唔會差，不過太多人都係叫外賣返歸食穩陣!太座當然係叫佢至愛蓮藕“香煎蓮藕餅豬扒飯”，佢話超級好味，蓮藕質感豐夠爽口，豬扒係薄身香口惹味，減肥中嘅佢竟然清哂，哈哈!我就食“慢煮豬軟骨飯”，豬軟骨夠哂腍，最緊要冇豬騷味，送飯一流!例湯係“蟲草花百合無花果煲豬”，真係唔好以為係例水，一飲就知冇加味精嘅清潤，估唔到!“滷水鳳爪”入哂味，逐隻慢慢吮，心想飲啤酒一流;“涼拌海蜇手撕雞”略嫌海蜇唔多;“麻辣雞腎”唔算太辣，比起其他較失色!我見到有手工麵，下次堂食一定要試吓!

Excellent best value and quality food. Service level can compare with 4stars hotel. Support local small operators. Keep the quality and service as good as possible. Thanks The restaurant is well decorated and fresh. They service my old mum with all they can and willing to move to a bigger table as we need more room on the table.Cleaning is very good and sanitise regularly. Come back third time even I live at Kwun Tong area.

自從公司附近開左呢間餐廳之後，我同同事都變左忠實fans，成日過黎食lunch。佢入面有好多唔同既家常小菜，全部都係無味精，健康又好味！我地點左真•手絲雞飯配沙薑汁，雞肉好幾嫩滑，同埋手絲雞係一條條，食落去好方便，沙薑汁好惹味，正！佢呢度點飯仲會送老火湯，健康又好飲！另外仲點左手剁香煎蓮藕餅配紫薯麵，蓮藕餅真係超正，肉既比例好perfect，煎到勁香！我地仲點左麻辣雞臀，雞臀既口感好好，有少少辣，食唔停！呢度既奶茶都唔錯！野食既價錢好抵！

成日經過見過好多人排隊食，有一次下午時間食過一次都感覺不錯，今次再黎食多一次，因為好喜歡佢有湯飲。仲要每日不同湯水供應，岩哂喜歡飲湯既我，見到餐牌上選擇都多，飯裏面類小食都多！～💡招牌豬扒配紫薯麵 加$12一碟菜豬扒好軟身，好特別紫薯麵條，仲有另外兩個味道麵條。～ 💡蓮藕餅配米飯 蓮藕餅厚度好夠，食落好有口感。～💡手撕雞 雞肉比較瘦，醬汁都好夠！～整體來講不錯，侍應生服務好好，環境都舒服！食物質素都不錯！

最近又加班了，唯有放工到附近買外賣，知道西九龍新開了這間閨家餐廳，主打是無味精茶餐廳，實在非常吸引我，一於買來試試。海底椰栗子煲展這裏最出名的是無味精湯，今天是星期四，是我最愛的海底椰栗子煲豬展！料好足，栗子大大粒，而且飲完沒有口渴，大愛。鐵板豬扒炒烏冬鐵板豬扒很有鑊氣，超大塊，一整塊滿滿的，吃上去，豬扒的肉味有層次，應是事先葉好的，烏冬的口感彈牙，不會過淋😋👍🏼日式鰻魚炒飯鰻魚粒粒香甜，配上香濃的醬汁，份量也不少呢。而且炒飯的配料有粟米、菜絲和洋蔥，最喜歡就是這樣的健康，在外面吃飯，必定要配上蔬菜。手剁香煎蓮藕餅飯這個是我最期待的，很有家的味道，記得媽媽的蓮藕餅也是材料豐富的😁喜歡這蓮藕餅，不會有過多的肥肉，又有粒粒蓮藕的爽脆感👍🏼👍🏼

疫情之後好耐無黎西九逛，見到呢家似係新開同埋裡面都幾多人食就試下。12點30入去仲有一兩個位，點完野之後爆哂場，仲好多人出面排隊，好彩早黎姐。🥢香煎蓮藕餅豬扒飯🥢 $50豬扒係呢到既招牌，腌到好入味，仲要大塊過面，蓮藕餅都好正，爽脆！可惜敗筆卡白飯到，太淋啦！🥢慢煮豬軟骨紫薯麵🥢 $48豬軟骨炆到好軟，最重要唔會豬臭味，不過就好多油。紫薯麵份量好多，唔好睇個湯咁清咁水，其實好有味道。🥢咖哩牛腩飯🥢 $50咖哩屬於偏椰味重d柔滑d，完全唔辣。牛腩大大件，軟硬剛好，唔怕食奉送 🥢老火湯🥢

嘩！依間值得去！40幾50蚊就食到好味又有心思的野。如果鐘意食麵、又鐘意食手工麵同特別味的，就可以試下。豬軟骨紫薯麵：麵質有點像拉麵，煙韌而不黏口，麵身不發漲，不會糊口。湯底清澈，不會蓋過紫薯味。豬軟骨入味而濃，送飯一流。配上這個麵亦好新鮮，因為湯底清，聿和了豬軟骨汁醬的濃味；但汁醬並非鹹的那種。咖哩牛腩：因為遷就小朋友，特別要左走辣。會唔會怪怪的？會呀！好像少了咖哩的靈魂，只剩下椰漿味道。下次都係要少辣呀！牛腩淋而滑，但又唔會散開，好正！藕餅豬扒飯：如果單叫一個，又真係少了汁水。不過佢的手剁肉餅好大塊，又好味！清清地，但又有少許燶味，好好食。至於豬扒，唔使講，勁淋勁滑，個邊又脆口，唔覺意又成晒成塊，唔記得左留比小朋友。🙈是日靚湯：蘋果紅蘿蔔沙參煲咸排骨沙無味精老火湯～夠熱夠味夠料店名：閨•家地址：西九龍中心3樓319店

今日陪老公去鴨寮街買電芯，之後去西九龍中心食晏。由於太耐無過嚟西九，所以專登上網 Search 下有乜嘢好食。原來之前喺北角幫襯過嘅街坊小店「閨•家」，喺 3 樓開左間新分店，咁當然要去支持下。餐廳主打豬扒飯、蔬菜手工麵及無味精自家製老火湯，店內的牆身設有「見字飲湯」的霓虹燈招牌。我哋點左個新推出嘅大檸樂手羽飯、一客招牌手工麵，另外再加左兩款小食。所謂大檸樂手羽飯 ($50)，其實即係檸檬可樂雞翼飯，雞翼炆得非常入味，外形飽滿，夠晒大隻，肉質嫩滑又 Juicy，入口酸酸甜甜，用來拌飯吃一流。跟飯配有一客細嘅老火湯，是日老火湯為蘋果紅蘿蔔沙參煲咸排骨，碗湯十分足料，清甜潤肺，飲得出無落味精，有營養又健康。點主食 +$5 可以配熱飲品一杯，配凍飲亦只須 +$7，非常抵飲。至於另一客手剁香煎蓮藕餅配紫薯麵 ($45)  亦非常美味，蓮藕餅以人手即叫即剁，食落鬆軟得嚟又帶點爽身，口感真係一流，香口又惹味。紫薯麵也很好吃，麵條以純麵粉及雞蛋人手搓製，再加入紫薯泥製成，入口柔韌滑順，帶紫薯甜香。小食點了招牌豬扒 ($18) 及 滷水鳳爪  ($30)，豬扒即叫即煎，上檯時仍熱辣辣，肉質很鮮嫩，帶果

經常食d重口味食物今日難得要試試d健康之選湯：清甜，有點黃色包裝通心粉的湯底走味精味特色紫薯麵：口感比較脆，沒什麼咬口紫薯味也不突出大概就是健康的味道吧最驚喜手撕雞+沙姜汁個沙姜汁好加分撈飯都一流香味十足最後還有靚+友善店員