閨•家 (寶榮大廈) (已結業)

全民抗疫，難得這良心小店為學生們免費提供老火湯水加加油，一定要支持有多款休閑下午茶餐，點了招牌豬扒出前一丁！豬扒煎得焦香，不會過乾鐵板炒招牌豬扒出前一丁，一丁炒得香口彈牙下午菜套餐配餐飲，凍飲加$2，凍奶茶入口幼滑延綿老火湯怎能少？今天有花生眉豆煲雞腳，有健筋骨和衡水利濕的功效，十分適合香港的學生哥雖然已經很飽，但被餐牌上的花雕醉雞所吸引，酒香撲鼻、雞肉嫩滑可口，可配自家製手工麵，可惜真的吃不下，下次一定要試

某日來到炮台山附近路過一間門面很吸睛的小店，位於都幾入既內街蜆殼街，地點比較隱閉，哈哈，但一入店內見到好靚既獨角馬壁畫，好似突然置身於童話世界入面甘，小朋友一定喜歡。完全估唔到佢係食住家既麵食，飯同飲老火靚湯為主既一間餐廳。坐位舒適。叫左一碗招牌豬扒手打麵（甘荀麵），手打麵有三款，甘荀麵，菠菜麵同紫薯麵。招牌豬扒真係好淋唔熱氣又好好味，豬扒原來係人手搓揼，加入鮮榨果汁及秘制醃料整成，所以比較健康。甘荀麵味道清淡麵條好幼。自家制比較特別。朋友叫了一個咖哩魚柳飯，咖哩可選辣度，朋友選了中辣，哈哈，不過可能真的太辣所以吃完還要喝一大杯阿華田熱飲解辣。咖哩香濃。魚的份量都幾多。配送小盅老火例湯清淡真材實料。我叫了一杯鴛鴦味道也不錯，跟餐加凍飲只需$5,好大杯。最後還叫了一個小食麻辣雞腎凍食，爽口。

咁岩喺附近經過，同朋友行都有啲肚餓，見到呢一間新開嘅鋪頭好似都幾多嘢食，於是就同朋友入嚟試吓。入到黎好快就有位坐啦，我哋兩個就揀咗香煎蓮藕餅配豬扒飯，同埋咖喱牛腩飯，仲叫咗啲小食就係炸饅頭同兩隻雞翼。呢度鋪頭個名叫做閏家，果然連嘢食都係主打住家菜。每一個餐都會跟例湯，而且每日嘅例湯都唔同架，今日嘅例湯就係花生味豆煲雞腳。個湯夠晒濃郁，加埋啲湯渣同媽咪煲嘅真係一樣架。肉餅豬扒飯個肉餅幾好食，食過其他餐廳d肉餅可能煎得太耐，所以唔好食。不過，難得哩間d肉餅食落唔乾身，比想像中既好食！個豬扒都有驚喜，好鬆軟，仲要佢好細心將個豬扒剪到剩低dd同骨相連，好容易就可以將d骨同肉分開，哩到要俾個like佢！至於個咖喱牛腩飯，我哋就叫咗中辣。上到黎見到啲咖喱牛腩份量同碗飯一樣咁多架，大食嘅人都唔使驚。而且入邊嘅蘿蔔同牛腩都大大嚿，應該炆咗好耐，因為蘿蔔同牛腩都好稔，尤其係蘿蔔，完全係好入味，成舊都係咖喱味。而且最緊要就係佢嘅中辣係真係辣㗎，鍾意食辣嘅朋友真係要來試吓。至於小食，個炸饅頭炸得夠晒香，入邊唔會話好多粉，同埋好稔，配埋煉奶食落去真係好滋味呀。

媽咪懶得煮飯，所以就同媽咪落街食飯。見到街口新開咗呢一間餐廳，主打住家菜，食媽咪嘅味道咁就梗係要同媽咪黎試吓。我哋兩個都鍾意食麵所以就叫左麵同埋一個大老火湯。個湯係花生眉豆湯，好足料，好香，好大碗啊。有雞腳，豬肉，紅蘿卜，花生，眉豆，個湯好明顯煲左好耐，所以蘿蔔好夠稔。我地要食埋湯渣先夠侯，個身暖粒粒。驚喜的是碗湯無味精啊，飲完唔口渴！正！小朋友都飲得！原來呢度嘅例湯係一星期日日都有唔同靚湯，就算自己屋企唔煲都有湯飲啦。 28蚊咁大碗，兩個人分都Ok。個五香肉丁公仔面，正常分量味道，不過我地兩個都大食，好彩有個湯，咁就夠哂飽。另一個麵就係即製嘅手工紫薯麵，我就揀咗配慢煮豬軟骨。因為係手工即製所以都要等一陣，不過唔緊要可以食新鮮即刻整嘅手工麵，等耐啲都係值得嘅。上到黎果然好靚呀，紫色嘅麵加上有番薯味嘅湯底，清清地，另外仲有睇落好足料嘅豬軟骨。一上到黎就忍唔住即刻試咗個豬軟骨先。個豬軟骨夠晒稔，而且因為係慢煮嘅關係，非常之入味，無論係肉定係軟骨都有好香嘅醬汁味，配落去清淡嘅紫薯面，呢個配搭真係一流呀。呢間店主打粉色系列，雖然茶餐廳簡單佈局，但有家的感覺，服務態度一流，仲會好細心提醒我手工麵

熟呢頭嘅人都會知道呢度食飯兩極化，好好食嘅嘢有但係好貴！平嘢有，但絕對唔可以用好食來形容，只可以用維持生命來形容。當我知道呢間野之後，作為銅鑼灣食神嘅我，咁就梗係一定要試吓啦。一入到去服務員親切廚房都有禮貌幾好！佢哋就介紹蓮藕豬扒飯，價錢絕對唔貴呀！呢頭Office嘅真係要來搵呢間。餐嚟到蓮藕餅非常好食，豬扒腌製都好用心，但我就有點意見，由於佢用梅扒，如改用爆「炸」，就好食好多。小食方面好多都冇晒可能真係好生意，我見到好多客都叫「口水雞」，下次要試吓應該幾好食！感覺就像當年鰂魚涌阿Ben嗰度一樣，係當區一點清泉！仲有一句就係比較細，大家有心理準備係要買外賣！

男友黎接收工 見到呢間小店 裡面充滿粉紅色既裝潢 獨角馬壁畫而menu上係住家飯既菜式 又幾特別 就入去試下落左單之後 好快就上左兩碗跟餐既老火湯水(細)老火靚湯 每日唔同，今晚既靚湯係：蟲草花冬菇煲雞，仲有木瓜tim!又甜又滋潤，湯料都好足 無味精既感覺餐飲兩杯+小食：麻辣雞腎雞腎爽口有嚼勁咖哩牛腩飯(勁辣)🍛牛腩炆煮香濃入味 夠哂腍咖喱汁稠身 岩哂撈飯食咸魚煎肉餅配豬扒飯大大塊既豬扒揼到好鬆軟 食落仲有陣陣香茅味

以前在這裡附近工作，很多附近的餐廳都嘗遍了。這天經過時被這間新開的餐廳吸引了，外牆是獨角獸🦄️的設計，還有粉紅色sofa，難得的茶餐廳如此少女風～涼涼的天氣喝碗住家湯，十分足料且沒有味精。每次到不同餐廳看到有豬軟骨，都會忍不住想試一下，這次也不例外，豬軟骨難得的很淋，而且軟骨真的煮到淋、還有那種溶了的感覺，很值得讚👍🏼我特別喜歡雞翼，所以通常看到餐廳有雞翼都會試一下，這個香茅雞翼很入味，是個不錯的小吃！餐牌上還有一樣頗吸引的，就是這款手工麵，有菠菜麵、紫薯和甘筍個人不太喜歡紫薯，所以就點了甘荀來試試，無辣不歡的我、還配了口水雞和甘荀麵。口水雞很入味，如果喜歡辣，又能吃很辣的，不妨一試！甘筍麵頗特別，麵質也不錯，是個健康的選擇價錢來說比較同區很抵食，有機會要再來試試波菜麵呢

今日去開北角，經過見到呢一間餐廳係新開一於就試下啦~餐廳唔算太大，但係裝修係以女仔中意既粉紅色為主☺️好靚呀，坐都坐得好舒服。見到個menu就見到推介嘅全部既招牌豬扒系列同埋炆豬手飯係呢間餐廳最撚手既小菜，不過可能由於係新開張同埋限量供應嘅關係，呢兩款嘅嘢食都賣曬啦~我同朋友就試左咖哩魚柳飯同埋慢煮豬軟骨飯， 呢度嘅飯餐包一杯熱飲加一碗老火湯，以呢個價錢既晚市黎講真係好抵!老火湯(跟餐)餐廳話係用慢火熬製4小時以上，飲落去真係覺得好濃郁好足料，而且一飲就知係冇味精咖哩魚柳飯 $46咖哩汁可以揀唔同嘅辛辣度，我同朋友都好食得辣所以就叫咗大辣~ 第一口食落去嘅時候真係覺得好少會咁辣，加上濃濃既咖哩味，好正呀~而魚柳都好滑，都好香魚味，加埋個咖哩汁撈飯真係好正~慢煮豬軟骨飯 $48豬軟骨既份量好多~有成7大舊，好抵食。豬肉煮得好淋而軟骨位置保持爽口，有豐富既口感!而且個汁好香好濃，加埋豬軟骨索晒啲汁，真係好推薦!韭菜豬肉餃甘荀面$36原粒韭菜好香口，同埋豬肉份量配合得好好，唔會搶左其中一方既味道，而且會餃子皮好薄，唔會食到成口粉，又唔會穿。至於甘荀面又唔太食到甘荀既味道，不過橙色既面的確係好吸

蜆殼街曾經是我的午飯食堂多年來改變了不少，食肆的選擇更多，繁榮多了這間新店的裝修十分少女風，粉紅色裝修用餐時留意到很多街坊光顧，店員和顧員會閒聊，關係也不錯咖哩牛腩飯 - $48朋友是咖哩牛腩控，吃遍港九新界的咖哩牛腩咖哩一定要點辣才惹味，選了「小辣」牛腩炆得香濃軟熟，很入咖哩味自家秘方調配的咖哩汁很稠身，很適合拌飯，很開胃家傳炆豬手飯 - $46豬手非常受歡迎，每天限量供應炆得很軟滑，筋部位置也能輕鬆嘴嚼醬汁很入味，連花生也有陣南乳味老火例湯(小) – 沙蔘玉竹煲豬展跟餐附送的，沒有味精招牌豬扒(一件) - $18豬扒經過人手逐塊搥鬆醬汁方面，使用鮮榨果汁及秘製醃料用以取代砂糖、梳打粉和味精等，使食材更天然健康醃製一天後用鐵板即叫即煎豬扒極濃郁醬汁味，肉質變得鬆軟，但又被鐵板煎得表面脆香麻辣雞腎 - $18不算太辣，爽口有嚼勁凍朱古力、凍奶茶跟餐凍熱飲加$5油菜跟餐加$10

閨．家係一間小店,主打無味道健康小菜家的味道,由屯門走出港島開分店北角都有分店喇!招牌豬扒飯,食起黎味道自然拍鬆過,食起上黎仍然有肉汁 配埋蔥油撈飯食,好味! 每日一款老火湯,家的味道,而且唔油膩好味到想飲多兩碗！真材實料煲出鮮味！ 仲有自家秘製咖哩 自選辣度或不辣有豬扒，牛腩等唔同配搭牛腩燉煮得一咬就開，好鬆軟咖哩香濃，撈飯最好拍檔！無味精添加，食完唔會胃痛！反胃！ 仲有麻辣小吃，香辣俱全！不會死辣，辣度拿得剛好！ 食完好滿足，而且真心份量豐富！好像返屋企食飯一樣～！屯門龍門路45號富健花園地下40號舖北角蜆殻街6-16號寶榮大廈地下F號舖Shop F, G/F, Po Wing Building, 6-16 Shell Street, North Point

放假當然要食個靚早餐醒晨下，relax 的一天當然由早餐開始🥰連鎖集團都食到有點悶，見蜆殼街新開了一間 閨·家 ，一於試吓🤪店舖新開，當然乾淨企理，以粉紅色做主題，牆身以童畫油畫作主題，給人溫馨，家的感覺🥰🥰早餐🥣店員介紹這款花膠湯底，配通粉最適合，哇仲見到一嚿嚿花膠，店員話佢哋自家褒左4、5個鐘，冇味精㗎，連湯都飲埋😋😋仲有充滿牛油的多士，啱晒我口味，一啲都吾吝嗇😍😍火腿奄列火候都啱啱好，配埋嘢飲真係一個大男人都夠晒飽😛😛花膠湯以為好貴，都係30幾蚊買單咋，性價比超級高😋😋yeah多咗間健康飯堂😛😛

內裏有一幅很大粉色系的壁畫，如果不看牌，還以為是一間少女cafe呢!餐廳命名為“閨.家"， 應該是要做到有回家的感覺吧! 所以菜色都是以家常便飯和簡單為主,例如有豬扒、蓮藕餅和鹹魚肉餅等。雙蛋豬扒飯($43)， 豬扒是薄身，小肥， 是煎香而非炸過的， 十分有住家feel。跟飯送是日湯水， 蓮藕章魚煲排骨。因為我喜歡喝湯，所以除了這個跟餐的湯水外，還另外要點了一碗大的。 第一口已經品嘗到香濃的章魚味， 十足阿媽煲的湯。看見餐牌有即製手工麵， 便點了豬手甘筍麵($43)， 炆豬手夠淋，甘筍麵有淡淡的胡蘿蔔味。看見對面枱點了紫薯麵和菠菜麵， 顏色吸引，下次要試一下其他款式的自家麵。 而且應該很快便賣光吧， 因為聽到遲來的客人只有一款選擇了。當天的麻辣豬耳已經賣光了， 所以試了麻辣雞腎， 雞腎薄身， 味道很夠辣。

本身諗住去天后附近一間日本沾麵店食嘢，點知去到先發現執咗，就嚟咗附近呢間試吓。原來呢度都係啱啱開業兩星期，一入到去成間鋪都係粉紅色同白色，仲有獨角獸同城堡做壁畫，卡位亦都好寬敞，感覺好舒服一睇餐牌，就發現呢度好啱一家大細黎食，最特別係呢度有冇添加老火湯飲，平時冇得飲阿媽煲嘅老火靚湯，就可以嚟呢度感受返家的感覺。嘢食方面，揀咗:秘製咖喱牛腩飯$48咖喱可以選擇辣度，我就揀咗小辣，係港式咖哩，即係唔會好大陣香草味，係屋企都可以煮到嘅感覺。五香肉丁炒飯$45 餐牌講到係鐵板即炒，上枱時都係熱辣辣出晒煙，比較濃烈味道嘅一個主食，肉唔會俾得好孤寒，又唔辣，不錯的選擇。呢2個主食都會送例湯，不過送完即止，今日係星期三，例湯係雪耳南北杏煲排骨，餐牌話係冇味精慢火熬足4小時靚湯，之後主廚出咗嚟，問我地意見時，話俾我聽原來係熬足6小時才煮到出嚟嘅湯，如果鍾意飲嘅仲可以單點$28/大碗，不過係lunch 11點到2點先有嫁。另外見下午茶咁抵，就點左個招牌豬扒手工麵$40加炸饅頭$8/2件。原本炸饅頭單點係$18/3件，不過下午茶平d， 同埋仲可以揀加選麻辣豬耳或麻辣雞腎。手工麵可揀菠菜麵，甘筍麵，紫薯面麵

今日同小朋友逛街後去吃下午茶，看到這店是新開不久，故即入去試試~店內的裝修很少女感覺，全都是粉紅色椅子及獨角獸城堡壁畫，一進店心裡已暗開心中🤣🤣🤣看到豬扒是招牌菜，難得下午茶都有，當然就是吃豬扒了🤣🤣豬扒烏冬~豬扒果然是招牌菜，都是用心機去鬆豬扒肉的，而不是用鬆肉粉等，吃得較健康，像家的味道~慢煮豬軟骨甘筍麵~豬軟骨很冧軟又入味，只用雙唇閉合，已經分離，小朋友或老人家都能吃~而甘筍麵是即叫整，超新鮮~炸饅頭~就是平日能吃的一樣味道🤣🤣但下午茶只需8元，就有兩個，沒理由不點吧～🤣🤣🤣沙蔘玉竹煲豬~很足料👍👍28元就一大盅，抵👍👍

有時都想出街食得健康啲，我發現咗有間北角嘅新餐廳，可以滿足到喺街都食到住家飯嘅心願。位於蜆殼街嘅閨家，離遠已經見到佢粉紅色嘅門面，裏面以粉紅色為主題，好少女feel😍牆壁仲有獨角獸嘅卡通畫像，好可愛。見到餐牌有色彩繽紛嘅手工麵，有三種顏色，綠色係菠菜麵，橙色係甘筍麵，紫色係紫薯麵，平時好少見，所以一定要嗌。我就配咗花雕醉雞，價錢唔貴43蚊，加五蚊有飲品，加多十蚊有油菜。紫薯麵好好食，甜甜地好彈牙。湯底都幾好飲，唔似有味精。而花雕醉雞酒香味濃唔錯。朋友就點咗豬手飯，豬手炆得超霖。我哋仲叫咗個麻辣雞腎share，雞腎辣辣地配麵配飯食幾惹味。