開飯 (已結業)

銅鑼灣來說，如果趕時間食飯，隨便選一間快靚正的餐廳卻不算容易。上課前，先要吃一餐飽餐，才能有力氣上三小時的課～走到學校附近的一間茶記。當年學車都是在這附近遊走的，走著有一份親切感。來過幾遍了，晚餐時間三十多元有一份晚餐連凍飲，已經很難得。平日會吃沙爹牛，今天想吃清一點，選了羅宋湯粉（羅宋湯是那門子的清淡啊哈哈～）常餐可選粟米炒蛋，蒜蓉包，通粉和凍蜜桃茶。蜜桃茶可算是這家的特色了，至少我未曾在其他餐廳見過呢～用上罐頭蜜桃沖入紅茶底，未嘗過的可以一試，不算甜，很好。蒜蓉包搽得滿滿不吝嗇，炒蛋正常表現。羅宋湯粉濃濃的胡椒香氣，味道濃郁，是偏稠的湯底。以快餐來說是不錯的選擇。不過要小心，如果你是很注重環境便建議三思了，衛生一般，桌面總是黏黏的感覺。適合速戰速決的飲食體驗～

第一次來這間茶餐廳，亦會是最後一次。每次經過這條街道，最多也是過來買雞蛋仔吃，從沒有到這條街逗留吃午飯，朋友在這邊上班，介紹我這裏最近開了一間平靚正的快餐店，相約我來這裏開飯。看見餐牌價格也真的很相宜，我點了開飯極品套餐＄35，包括鮑魚片帶子羅宋湯通粉，炒蛋厚多士或蒜蓉包，可以加＄1轉牛角酥，奉送凍餐飲，凍桃蜜或熱牛蒡茶，亦可轉出前一丁或烏冬加＄4。說實話，這個餐味道不過不失，少有餐廳炒蛋內有粟米粒，頗新鮮的嘗試；羅宋湯通粉有蕃茄湯味，也有少量的鮑魚片和帶子粒，廚師亦用了胡椒粉令通粉更野味。可惜，這間茶餐廳有兩隻大曱甴爬來爬去，其中一隻還爬到我的手袋上，我實在接受不了，希望老闆會注意一下店內的衛生情況。

經常來這裡光顧，因價錢便宜，味道亦Ok外賣自取飯盒有九折，今次食呢個午餐：白飯魚煎蛋飯，配中湯同飲品。個蛋煎得好香好軟，下面仲有少少菜，清清地，所以略嫌唔夠味，飯有落豉油，可惜都冇乜味，唔係甜豉油。中湯每日都唔同款，有時候係赤小豆，有時候係粉葛湯，次次都好足料，好好味。飲品我叫牛蒡茶，一黎好少餐廳有牛蒡茶供應，二來好好飲，一打開杯蓋會見到落左好多料去煲，唔馬虎架！甜甜地啱晒餐後飲！

銅鑼灣食飯真的又貴又不好味！剛好有張新的外賣紙，即管試下！每日有六款不同的款式，今日叫了咖哩雞飯，一打開.....超多餸......個咖哩唔辣，但好啱送飯食，汁多到啲飯都唔夠撈，而雞主要是我喜歡的髀位加少少翼位，仲有幾舊薯仔，味道不錯！跟餐要了熱菜蜜，結果來了熱檸蜜，檸檬有點苦！p.s. 1）要50分鐘才送到，有點耐p.s.2）外賣有9折

開飯唔係幫Openrice 賣廣告, 今次純粹想介紹Cwb 一間價廉物美茶餐廳除左一般茶餐常餐, 仲有d 好得意搞鬼既套餐, 好似係蛋黃哥懶洋洋推介, 索女瘦身推介.... 今次就試左開心極品套餐 $35鮑魚帶子羅宋湯通粉, 炒蛋, 加$1 轉左富士山(原本係厚多士/蒜蓉包)配凍蜜桃茶羅宋湯夠酸好開胃, 而且足料, 呢個價錢又估唔到真係有d 罐頭飽粒炒蛋入面有粟米粒, 都夠滑既。富士山我第一次聽, 緊係試下, 原來係指呢款包, 食落外表香脆小甜, 入面綿軟, 贊凍蜜桃茶都好得意, 原來係用左平時蛋糕d 蜜脯沖茶, 飲落其實就係甜甜地既紅茶, 不過可以撈哂d 杏脯來食整體35咁多野食, 係cwb 來講真少見, 唔怪得開左唔算耐都咁多客

係銅鑼灣番工，食到d個價既飯真係差唔多架啦！叫左咖哩雞飯，朋友叫麵，隻蛋真係好足料，我唸至少兩隻蛋係到，咖哩汁多但唔夠辣，我食開再辣d，雞都幾滑，可以既話我會選擇走粟米，哈哈不過咁既價錢仲要係銅鑼灣，好好架喇！朋友話個麵就ok啦，不過飯好似多d，飽肚d，下次叫番其他飯wo！推介俾銅鑼灣既打工仔😆算係幾好既一間平民茶餐廳！題外話食麵通常都去新記，但真係越來越貴，，🙄有無其他好味又平既車仔麵推介？

在銅鑼灣工作的我, 每天一到食lunch就肉赤, 最少都要$45一餐, 有時要$60-80一餐㖭.... 但幾個月前發現在呢間平民飯堂, 又平又好食, 由$32-40 不等, 凍飲仲要吾使加錢 重點係D野食吾差, 好似我當日去食, 我叫左洋葱燴豬扒, 豬扒煎到脆面, 肉質相當淋, 洋葱汁濃味, 而且多汁, 送飯一流。還有我朋友叫了的麵醬豆卜蒸排骨也值得一試, 排骨沒有雪味, 但稍為"鞋"左D, 幸好吸了麵醬汁能彌補一下。另外, 款式好多, 每日7個午餐選擇, 天天轉款, 如果都吾啱食, 仲有其他常餐, 麵餐, 健康餐...... 大把野選擇

銅鑼灣工作的小妹，近期愛上此店！價簾物美，無論常餐.大碗飯餐.米缐餐等等全部$40有找。最重要係凍飲不需加錢。喜歡這些小店，以平價好味吸納打工仔的我地。鬧市中尋找優質服務及美味食物。小店有一款飲品是牛蒡茶·內有紅棗，杞子，淮山明目又健康簡直是女性恩物=］夏日炎炎女仔都要瘦身，適逢餐廳少有的瘦身餐緊係要試😊😊😊別以為鮮蝦蔬菜沙律芝麻醬配上牛油酥條！$39仲有牛蒡茶，真心抵到不得了，推介。其實這個索女瘦身餐（$39）有以下選擇：1.鮮蝦/煙鴨胸 配上蔬菜沙律+2.蒜蓉多士/牛角包/牛油酥條3.凍/熱飲一杯溫馨小提示：開飯只開星期一至六早上0700-1900，星期日及公眾假期休息嫁😉

途經銅鑼灣區時，帶著小朋友不知食乜好，能夠在這區貴價餐廳中找到這個細細地的餐廳吃飯，餐牌款式很多也適合我和小朋友口味的食物，而且價錢經濟合理，服務員態度也親切及表現專業，就算我改單也沒有問題，最後我點了干抄肉片河及五香肉丁抄飯，只等了一陣就已抄好，而且抄得很香不太油，份量亦適中，味道很好～值得再去。