長浜No.1拉麵

營業中

休息中

這家位於中環九如坊的拉麵店「長浜No. 1拉麵店」，以簡約的日式風格呈現，主打特色拉麵。這次品嚐了三款拉麵： 辛辣味噌拉麵（$108）湯底濃郁帶微辣，味噌香氣突出，麵條勁道足，略嫌湯底太辣，適合重口味愛好者；No.1 HOUSE RAMEN（$115）作為招牌，湯頭醇厚但不膩但有咸，叉燒軟嫩，肉片份量偏多，溏心蛋火候恰到好處； 魚湯冷凍拉麵（$108）則以清爽取勝，柚子香氣清新，搭配薄切肉片，適合偏好淡雅的食客。天氣熱，十分推薦。整體而言，湯底與麵質表現一般，配料選擇較傳統，驚喜感稍缺。服務費10%合理，人均約$120，在中環屬中高價位。若追求地道日式拉麵且預算充足，值得一試，但性價比略遜於同區其他選擇。

因為同事想食拉麵，食完又要返工，就係附近搵咗間。1130開門，一去到，店內已經有唔少顧客，不過裏面比較細，一眼就可以睇完。既然叫得no.1，緊係要食no.1拉麵啦！長浜No.1拉麵🍜 $115我鍾意軟麵，湯底啱啱好，不太濃不太稠。性價比最高，有肉有菜有蛋，仲要係一隻完整嘅蛋（好多餐廳淨係俾半隻，次次都再加錢買多一隻）。除此之外，仲叫咗好多小食，冇特登影。柚子蘿蔔好驚喜，酸酸甜甜，令人大開胃口；餃子係椰菜肉碎餡（如果冇記錯），都好好味，唔洗點醬汁，蔬菜嘅汁水都已經好足夠，口感豐富；芥末八爪魚，好似刺身咁，又係十分令人開胃。價錢都係2X左右，小菜有驚喜，不妨一試！

中上環半山一向多拉麵舖，但一般我都係去上一條街嘅歌賦街食，今次發現九如坊都有幾間食肆，就入咗去呢間唔算起眼嘅拉麵舖試試。佢比一般拉麵舖比較寬敞，雖然都有對廚房嘅吧枱位，但亦有卡位，好適合三五知己去食拉麵飲下嘢傾偈，而且餐廳應該唔會趕人走，同一般拉麵舖快食快走嘅感覺唔同。一碗拉麵大概$100-110，係中環區拉麵嚟講唔算貴，我叫咗個招牌嘅No.1拉麵，雖然係餐牌上比較貴嘅一碗拉麵，等咗5-10分鐘，見住廚師用火槍炙燒五花腩，拉麵入面仲有幾片叉燒同兩邊嘅溏心蛋，肉同蛋嘅份量可謂相當慷慨，連紫菜都有幾片。只能夠講啲叉燒真係好香又腍，豬骨湯底非常濃郁，我覺得係我喺香港食過Top 3嘅豬骨湯拉麵。No.1拉麵 ($115) ★★★★★值得一提嘅係配菜辣芽菜辣度啱啱好，放啲落本身唔辣嘅拉麵湯令換拉麵味道層次有所提升，令成碗麵更好食。辣芽菜(隨拉麵附送) ★★★★★店員服務都算親切，上拉麵時有個托盤同附送濕紙巾，亦算貼心，係間我會專程再去食嘅拉麵店。

上次响道食完碗豬骨湯拉麵，急不及待帶家人來試試，咁我當然把握機會試試佢另一款拉麵啦，就佢啦！《長浜魚🐟拉面(熱湯)🍜》睇睇個Menu，赫然發現佢有一款响香港比較少見嘅味型：煮干（にぼし Niboshi）雖然從張相都得知，佢絕對唔會係個湯又稠又甘苦嗰種“水泥系”煮干拉麵，不過好奇心驅使下，還是一探究竟，以下係食評。香味 (4/5) - 香味相當充足，但香而不濁，係屬於清香型而唔係濃香型。湯 (4/5) - 魚味相當夠，鹹度同甜度剛好，食到明顯嘅旨味（うまみ umami），風味屬於淡麗風。色澤係紅茶色，通透，油度剛好。我認為相當好味。不過咁，因為個湯唔係傳統上煮干湯嘅灰色或深灰色，我理解為，佢係用去頭去尾去內臟嘅魚干肉去淆湯，所以我認為如果佢叫做魚介湯會比較貼切，如果佢用鯖魚或鰹魚薄片嘅話，叫鯖節或鰹節都較適合。麵條 (4/5) - 選麵同佢嘅豬骨湯拉麵嘅應該係一樣，細直麵，低至中加水，吸湯夠。而我點嘅係硬麵，口感夠扎實，清爽，絕對冇話黏黏糊糊嗰隻。我食得出廚師嘅基本功相當深厚。配料 (3.5/5) - 配料整體就中規中矩啦。先講豬叉燒方面，應該都係用豬里脊，有兩塊，較瘦但夠腍夠嫩，肉味甘

是咁的，一講起豬骨湯拉麵，普羅大眾最常聯想起嘅發源地可能會係九州，或者博多，但可能一般人未必聽過，豬骨湯拉麵其實係源自長浜。當我知道香港有間店專食長浜拉麵嘅時候，其實我係相當興奮。因為一，未食過，二，我想知道同豬骨湯拉麵天花板，一蘭，去比較嘅話，有幾大差別。呢間店入面有張相，看似呢個品牌都係做屋台起家架喎《No.1拉麵》香味 (4.5/5) - 香味濃郁。除左豬骨湯嘅香味，仲聞到海苔同醬油嘅香味，相當好聞。湯 (4.5/5) - 中等濃稠，以豬骨湯來講我認為好合適。筆起個湯，第一啖入口覺得口味算中等至少少偏淡，不過因為我本身鍾意食淡口味，所以非常鍾意。豬骨嘅鮮味同鹹香，我認為同一蘭真係有得 fight，未至於去到一蘭個湯咁濃郁但都算8成，足夠滿足。不過，個湯唯一嘅問題係，因為佢比較濃稠，而拉麵師傅我諗佢放個麵落個湯道時，冇額外去搞均，所以個湯變成個面係淡，個底係鹹，食到尾時個湯都偏鹹。但整體來講個湯嘅完成道非常高，豬骨味夠濃郁，鹹鮮味齊晒，濃稠質地令個麵相當掛湯，4.5 分我認為冇比多，亦冇比少。麵條 (3/5) - 豬骨湯要配幼麵，呢個人人都知道，呢間店亦唔例外。我選左硬麵，而可能因

呢間日本拉麵舖最少有五年或以上，一直我都有經過，一直都提不起勁入去。也不知為什麼。我每一天在中環都會留下氣息，也就是說我是中環人，住了25年，工作了25年。中環的興衰成敗盡在眼簾。中環亦可以講是日本的食店重鎮，以往最好的不同特色日本食店，由置地廣場延伸到中大小街道，我對日本的情意結就如香港人對香港人一樣，無盡的關心亦有無盡的小心。因為很多日本店也不一定是具有水準。這間店也有一班日本朋友經常網絡打卡 ，我近來亦忽然多吃了不少日本拉麵，珠海匠魂麵亦都跟得很貼，所以令我對日本麵突然間又多了一份的追求。週末下午就到這一間店了他們的No.1 拉麵，期待已久。拉麵似乎賣相不錯，應該都是豬骨湯麵再加豐富的一些配菜，你呀我要的都是軟身的面身，但軟身邊不代表不彈牙，放鬆並不代可用力，但這一碗的麵確實軟而無力。第一湯羹的湯底，山姆的豬骨湯包完勝。what! chik碗湯淡得像豬骨水一樣。整碗湯頭完全沒有什麼豬骨的香味，叉燒是厚切，感覺雪藏的。整碗湯麵俾任何一間的日本拉麵店還要差質素，遠遠離開我的期待。看上來這間拉麵店都是有一點是賣酒飲，完全是外國的拉麵店專做外國人不懂吃的拉麵生意。確實我不想寫得那麼盡，他

Beside the food being very good. The customer service was absolutely appalling. After waiting for a table in the heat for a good 20 mins. A male staff finally sat us down at the table. Within 2 seconds of looking at the menu, a female staff with red hair came out and demanded that we cannot sit there because there’s other people outside. The male staff already voiced that we were queuing first but the girl insisted we move to the bar table by the door. (No apologises from staff whilst we moved.)

都唔記得有幾多年冇嚟長浜No.1，當年門面同裝修好似都舊派啲，而家就現代少少咁，同佢哋嘅餐牌、麵食一樣......上次嚟長浜No.1係冇乜嘢好揀，豬⻣湯拉麵就豬骨湯拉麵，佢個餐牌基本上就係多隻蛋少隻蛋，多塊叉少塊叉咁上下，簡陋，但我好buy。而家多咗啲花臣，有味噌湯底、煮干、冷拉麵、素食版......其實又唔係變咗好多，至少唔係又雞白又蝦湯咁，但就睇落「多元」啲。在我角度，呢種係「世故咗」、「妥協」嘅表現，以長浜No.1嘅超班豬骨湯頭，其實唔使搞呢啲嘢，但江流如此，唔追少少潮流就未必吸都新客。可歎也。掙扎咗幾秒點唔點煮干，最後決定先重溫豬骨湯面嘅味道。湯嘅底色冇變，偏啡嘅白豬骨湯，油脂掛晒碗，聞說此乃「長浜系」signature。但睇起來冇以前咁有「黏稠感」，飲落都真係冇咁鹹，又係我所謂嘅「妥協」吧？但其實噉係適合本地人口味嘅，濃鹹、黏口嘅湯唔係個個香港人接受到。最後都係飲晒。麵就繼續幼而爽彈，我揀「硬」，覺得啱啱好，食到最後一啖仍然冇過腍。叉燒，我印象中唔係長浜no.1強項，不過久別重逢又覺得幾好食，幾嫩，冇油膩感。味玉就繼續一般般，本來就知佢呢樣唔係好突出，但今次唔知搞乜兩邊蛋都沉

Lunch我上司突然話想食拉麵，所以又黎咗呢到食。間舖頭位置唔算市中心，要行上去。我地坐低，嗌咗個玉子拉麵，emmm，我塊紫菜浸咗落口，但唔影響個味道。個湯好濃郁，有小小creamy，幼麵但有口感，個溏心蛋都整得好靚，啲叉燒放放咗湯入面，正正常常，整體好味

2024.2.28一齊食開拉麵既朋友見佢出院好返都一段時間，所以今次約埋佢，去佢推薦既拉麵店，哩間成為今次試既拉麵店。我點左份煮玉子拉麵+可樂，🍲🍲🍲湯底睇落係好淺土黃色，飲落有濃厚骨膠口感，雖然有少少漿口，但唔油膩，鹹味偏淡，而且豚骨鮮甜味好出而且清爽，久違既美味豚骨湯😃👍🍜🍜🍜麵身係細既直身麵，口感順滑爽口，因為係點硬身麵，所以浸係湯度耐左都唔會咁快變林😁🍥🍥🍥配菜有叉燒+木茸+味玉+青蔥+紫菜叉燒有兩款豚肉，分別係梅頭及豬腩肉各一塊，每塊厚度適中，約0.3厘米厚，味道鹹香適中，腩肉唔肥，約2：8左右肥瘦，腩肉叉燒彈牙，梅頭肉質唔韌易入口，冇豬腥味，有兩款各一既叉燒可試到唔同口感好滿足😃👍木茸份量適中，口感清脆爽口，味玉鹹味適中，流心偏熟少少😮青蔥份量比較多，青蔥既辛辣味啱曬我😁👍因為湯底鹹味係偏淡，所以配菜和湯加埋既比例啱啱好，唔會越食越鹹😃👍朋友點的小菜，明太子辛子高菜，搞拌食，明太子的鹹辣味和高菜既酸味剛好中和；另外店員入坐就送埋既辣芽菜入口時有芽菜既清甜，後勁帶黎辣味同麻油香中和後，兩款小食配搭啤酒非常好👍店內是方形店，加埋廚房約500尺左右，有兩邊6位以及4位吧檯，和3張

🍜❣️🍜❣️🍜❣️🍜❣️🍜❣️雖然不能去日本旅行和吃拉麵，但幸好上環有這間由日本人親自主理的拉麵店🍜這間拉麵的麵條是每日新鮮製造，軟硬度亦可以自己選擇。而湯底是秘製的純豬骨湯，香濃而不膩，豬骨味非常濃郁，十分喜歡！終於可以一解思「鄉」之愁！🥹🍜❣️🍜❣️🍜❣️🍜❣️🍜❣️#hk #hkfoodie #hkgirl #hkig #japanesefood #japan #日本 #日本拉麵 #ラーメン #とんこつ #可愛い #プレーンメイク#食好西 #食評 #フードレビュー

睇到網上好評如潮，就去試一下。Google map的準確性有時候相對較差，如果要去既話都係睇地圖再自己plan下路線較好。安排左係bar枱位置，其實正合我意，可以用下iPad睇下notes. 之後侍應介紹一下，還好奇我是不是第一次光臨，似乎是做熟客生意？我先點了關冬煮大根作前菜，大根入味，湯亦有香濃，只是份量較少，大根亦不夠香甜，應該是季節性吧？之後，食著大根等no.1拉麵，侍應說客人都點這個，當然，食signature 的拉麵是無可置疑的。等候了10分鐘多，麵就到了。湯是豬骨濃湯，十分濃味，亦不會太膩。我點了硬麵，食下來會比較爽口。豚肉有4塊，由肥到瘦，十分精彩，一陣油香充滿了整個口腔。不過，食到最尾會有一陣膩的感覺，想要refresh一下，我想要一支可樂會否更好？ 整體來說，我是滿意的，價錢亦合理。

上環有好多正宗既日本拉麵食，今次黎試下呢間no.1拉麵🤭鋪頭唔算好大，座位都唔多。店員主動問要唔要芽菜，梗係試下啦，點知食落～哇！竟然好辣🤗鐘意食辣既我當然鐘意，但唔食得辣既朋友要小心d啦！哈哈！另外叫左個牛舌，煮得好淋，我就覺得咸左d。餃子就正正常常，唔算好特別。叫左no.1拉麵$115可以揀麵既硬度，呢種麵既質地我鐘意👍餸都幾多，湯好味，食落個味好似一蘭🤣本人係好鐘意食一蘭，所以都覺得呢碗拉麵好好味🤤整體黎講值得推薦👏👏

平時經過九如坊 依間長浜no.1 拉麵成日都有人排隊，今日同朋友行過見冇人排隊就走入去试下 今次点左佢地既no.1 拉麵同一杯sake 佢地個拉麵糸由日本師傅煮既 湯底算系不錯 配反杯sake真糸幾正下次會再去食過

中環九如坊No.1 長浜係一間由日本人主理既拉麵🍜店店舖細細，之前經過多數都滿坐，今次平日夜晚就順利試食！有9款拉麵選擇，小食都有好多款💰$48 燒魚餅外皮香脆，魚肉味濃郁帶點甜💰$108 玉子拉麵🍜濃濃豬骨湯底，無多餘油係面，少了一分油膩感，讚👍🏻配料有蔥粒、紫菜、木耳絲玉子嫩滑，叉燒夠淋，麵軟硬度可自選💰$108 辛味拉麵🌶🍜辛味拉麵都係第一次試，辣度都偏辣，但幾刺激總結：中環好多出色拉麵店，但長浜走低調風格，不至於要大排長龍，但質素絕不遜色，日本師傅親自煮理，值得一試！