長洲糯米滋 (已結業)

糯米糍口味愈出愈多 當然唔少得近年Hit爆既紫薯啦呢間係九龍灣旺角尖沙咀元朗同紅磡都有分店既MooMiCi長洲糯米糍 係我認為咁多間聲稱由長洲正宗引進市區既長洲糯米糍當中最有保證既一間紫薯糯米糍 ($12)對旁邊既芒果糯米糍拍埋一齊 好明顯睇得出紫薯糯米糍既Size比較細唔同口味既糯米糍用唔同色既托紙裝住 而紫薯就係好靚既紫色紫薯餡既紫色微微透出雪白既糯米皮 望落已經夠曬吸引糯米皮非常薄身 真真正正既皮薄餡靚 不過反而覺得皮過薄失去糯米糍煙煙韌韌既精髓 唔太食得到糯米皮既質感紫薯餡超足料 混合忌廉同糖打成 不過味道相當自然一啲都唔甜 仲保留到紫薯本身粉粉實實既質感 滿滿既紫薯餡睇見都令人心花怒放個人覺得餡料同味道都做得好好 當然相比起芒果糯米糍榴槤糯米糍呢啲水果餡料糯米糍始終係無咁好食因為相對下紫薯餡無咁濕潤 不過如果皮可以稍為厚返少少咁多一定更加出色

這個購自紅磡分店，周圍開到成行成市，其實係咪堅長洲真係無人知，淨係知見到口痕想食，就買左四粒黎食上面盒裝係招牌芒果糯米糍$12/粒下面係小妹最愛榴槤糯米糍$12/粒糯米皮好軟熟，但都稍為厚左小小，D24榴槤香味濃，不過食一粒已經夠晒數，芒果如上圖一樣大大粒都係果句：十幾蚊過下囗癮囉

聽講有紫薯糯米糍，咪放工行去買。糯米糍全部十二元，比油麻地那間貴兩蚊。買四件才有盒，買两三件記得帶盒。買一件就有袋。講下個紫薯糯米糍，用一塊糯米皮包住一塊紫薯，簡單到吾值12蚊。不如趁冬天就黎去買煨蕃薯好過。芒果糯米糍由於芒果很酸，可能已經過了吃芒果的季節，一點都吾好味。

沒誠意的芒果糯米糍 , 只有酸味 芒果味完全欠奉糯米糍的皮是還好 , 略為厚了一些 , 有待改善價格方面 $12 以大小來說是還好 , 但這個品質 真的完全不能接受就這樣......

有人說, 這個黃色頭並非真正來自長洲賣芒糯的小店便不能叫 "長洲糯米糍" .... OK 我認同, 但是我有疑問, 全長洲只得那幾間店懂得製作芒果糯米糍!? 還是芒果糯米糍已屬長洲專利!? 我評只為評我買、我吃的那些食物, 它們的背景如何?  .... 關我X事、四個大字！之前食過好食再買回家與女兒們分享~芒果糯米糍有半隻手掌的大隻, 糯米皮煙韌, 薄薄一層包著芒果肉, 芒果肉有酸有甜, 每一啖都食到不均勻的酸甜, 裹粉不會多, 沒有食到天一半地一半~本篇完 ~

男友話見到平時假日好靜既工廠區突然排到咁長龍，於是八卦下係咩la~~原來係近期熱搶既長洲糯米糍係呢度開左間分店，雖然門口好多人，但好奇心重既佢話一於唔執輸排隊買返黎試試有幾好食。好大件(我估都有拳頭咁大)，糯米皮完全好薄，唔會覺得太膩既感覺，大大塊芒果肉，好似真係食緊芒果咁。呢個食落口反而有d失望，同我想像中差得好遠，皮太厚，榴槤肉又少，同芒果完全相反。原來每個糯米糍成為$12，如果呢個價錢買個芒果自己食都得la~~

經過去九龍灣，同事叫我買啲長洲糯米糍返公司俾大家食。咁我就去買俾我同事食，雖然係下午茶時間間謝門口都一條龍排緊隊，我大約排左十分鐘先買到芒果糯米糍。其實我冇食過架，同事話係長洲好出名。但原來個糯米糍都要成十蚊一個，但一個都幾大個有我半隻手掌咁大。返到去公司班禽獸即刻拎黎食，搞到我都唔記得影返張相，食落口立刻有啲失望，同我想像中嘅好味差得好遠，同事都話冇長洲咁好食，首先一樣嘢就係果皮完全唔係好厚皮，芒果切都幾大粒，外面嘅份有好多。食落口好唔滑身，我諗住係好滑極端，裏面嘅芒果汁又唔多芒果又唔多，仲要買成十蚊一件。真係有啲貴，如果係好食嘅我都覺得值得，但用呢個價錢買呢件野我真係覺得完全唔值。

媽媽碰巧在臨豐街有事要辦，經過這芒果糯米糍店，買了三個回家品嚐，而我就成了不勞而獲的食貨了 未能拍下門面實況，先說說主角芒果糯米糍 ("芒糍") 吧。像近來熱搶的"芭蕉扇"般，"長洲糯米糍"為店名的舖在市區開了幾間。名字相同，但原來東主有所不同，聽聞葵涌廣場那間是獨立的。依稀記得長洲一行時吃過兩至三間芒糍，大小相若，但糯米皮的厚度有異；我比較喜歡薄皮的，因為沒那麼飽肚，太多糯米皮會膩得像吃了一口飯。大小方面，可看看芒糍在我手中的比例吧。很喜歡這種糯米皮的厚度，是薄得均勻，不會有"露餡"的危機！ 每一口咬下去，不用拉扯也能輕易咬斷。芒果肉很清甜，不會是快要爛掉的濃甜，清暑一流！可惜媽媽短期內不會到那邊去，如果我到 megabox 逛，讓我親身去再買幾個來吃