長洲冰室

營業中

休息中

第一次入長洲，就去網上睇下資料睇下推薦，網上多評論既甜品店長洲冰室包括在內，咁高分就去試下，好多人都話長洲冰室好好食，咁我都來試一下係埋推薦講既咁好食。去到睇佢既餐牌完來都有好多選擇，而外觀都好靚相機食都一流，我地一行有6個人每人都叫一樣唔相同既黎試下，估唔到每一款甜品都好好食，真係照網上推薦評論講既咁係值得一試既甜品店，食完之後我仲有兩個家人要追加叫多兩樣黎食因為好食所以追加，呢間既甜品真係好好食

其實去得長洲，都只係想開開心心食個甜品。。。。俾你用支付寶，但電話收唔到。。。問佢有無Wifi,佢話長洲無固網，佢叫你幫佢向政府投訴。其實六點幾佢無乜人，四大四細。。。都要你叫足八個。。。我話最大五歲，最細兩歲。。。佢話都要叫七個。。。。其實我真係好2多謝佢😅我想講，俾錢食甜品，都係想食得開心啫。。。

長洲冰室.之前黎長洲有食過呢間既甜品 覺得非常唔錯估唔到係長洲都有咁高質既台式甜品食嚟咗兩次 兩次都要排隊 就證明呢間長洲冰室有幾受歡迎.餐廳有室內同室外嘅位置夏天就梗係坐室內涼冷氣先舒服😌.🌟仙草黑糖三色圓冰 （$58）拎到過嚟就見到顏色10分吸引 上面有唔少材料 有紅豆 薏米 三色芋圓 同芋頭蓉 食落口感豐富 但係我覺得有啲啖可以再甜啲-🌟桂花酒釀三色圓 （$33）好耐冇食過桂花酒釀 嚟到上面真係有唔少桂花入面再配埋啲三色芋圓唔知點解呢碗既芋圓比較欠缺口感 對比你講都係食返佢地既冰比較高質

星期日中午，只有中女和小狗靜靜係度享受甜品。見openrice有唔少人推介呢個泰奶刨冰芋圓，所以冒住食凍野既危險試下。好彩今日好猛太陽行到好熱，而且同小狗要坐室外，所以食凍野都可以接受。等左唔係好耐甜品就出現眼前，一口食齊雪糕、紅豆、冰、芋圓，感覺非常滿足，每樣野既味道都恰到好處。份量亦好適合一個人食，不多也不少，$63碗都唔算貴。期待冬天試下熱既甜品😊

夏日熱辣辣，就緊係要食啲凍冰冰嘅嘢啦🤤 而我就最鍾意食啲消暑嘅甜品！長洲有間打卡一流而且又好味嘅甜品店——長洲冰室。是日甜品：🥥椰香三色圓冰（正！芋圓迷！）🥣椰皇湯圓三色圓燉奶（凍）

堂食拎走都試過，堂食冇咁快溶，拎走去海邊食就好chill，但係佢外賣個包裝唔係好得。價錢都唔平，不過難得入長洲就基本個個都會去食，大熱天時食好爽，冷氣都超級凍。味道都好味，唔會因為出名而hea 做。足料，奶茶冰全部都係奶茶味，唔係嗰啲冇味冰底淋奶茶個啲，抵讚。

以前去長洲食甜品嘅話，都係食芒果糯米糍嗰啲多。之前上網睇飲食page見到呢間長洲冰室啲芋圓好似好吸引，嗰日去長州玩就隨便去試吓。我哋嗰日11點幾一去到長州就即刻去食咗先，因為晏啲可能會多人排隊。個芋圓其實都幾好食😋唔會太甜，配搭埋個雪糕食真係好正！佢啲嘢飲都唔錯，如果夏天去長洲嘅話一定推介去度食。最緊要係佢個賣相真係整得靚嘅igable，加埋佢啲裝修，幾啱打卡。如果下次再嚟長洲，都會再嚟呢間食。

入到長洲行到肚餓，見到長洲冰室諗住食個茶餐啦，點知原來係食甜品🥲所以決定食飽飯先再食甜品，於是食飽之後記買返去渡假屋食啦😚今次試左兩個甜品椰香芋泥三色圓仙草 （凍） $36芒果糯米飯 $45先講椰香芋泥三色圓仙草，聽聞佢哋芋圓好出名，果然冇令人失望，好有咬口🤤仙草都好煙韌💕至於芒果糯米飯，我直頭覺得情價比極高🔥芒果甜，糯米飯又軟熟，同係泰國食嘅有得揮啊👍🏻下次大家有機會黎長洲記得入嚟試下啦😚

📍長州冰室📍💡長州見上網都話入長州必要試呢間，影相又靚，即刻話試下佢先，果然冇令我失望🐥泰式奶茶三色圓冰($64)呢個甜品同睇相一樣，睇得又食得，成個甜品上面會有一球雲呢拿嘅雪糕，再臨上焦糖，呢個沙冰佢真係用泰式奶茶嚟整，每一啖都好似飲緊泰式奶茶咁，奶茶味都好出，食到尾真係飲緊奶茶。上面仲有紅豆三色宇圓，宇圓有咬口，整體上比平時沙冰咁特別、好食、同豐富🐥雪糕多芒小丸子($50)呢個甜品相比上一個冇咁特別同普通甜品店差唔多。不過芒果夠多而且清甜，夏日熱辣辣食真係好適合，不過略嫌小丸子麻麻。不過要記住每人最低消費一個甜品或者一杯飲品，下次會回頭返到屋企已經想再食😆🥴🥴🥴

長洲冰室今日去長洲放鬆吓，長洲真係好多嘢食㗎，每次黎都係食大魚旦同Cafe，今次就試試呢個港式甜品舖，好好彩今日唔係太多人，睇到Or話平時呢間好多人排隊㗎泰式奶茶三色圓冰~$63好有泰國風味，係我最鍾意嘅泰式奶茶味，上面會有一球雲呢拿味嘅雪糕，側邊會有紅豆同埋三色芋圓，其實又唔係咁甜，OK我接受到好好食😋雪糕D24榴槤花奶奶凍~$45唔好睇佢個樣好似平平無奇咁，超級驚喜，榴槤勁香勁甜，配埋奶凍簡直Perfect match，痴線，勁好食，想食多個囉，鍾意食榴槤嘅你一定要試吓🙋🏻‍♀️泰式仙草奶茶~$30反而呢個仙草奶茶真係幾一般，呢度嘅甜品比較出色，又未去到難飲嘅，只不過冇咁出色姐長洲冰室 🏠：長洲北社海旁19C號地下☎️：29812982

朝早一行10人搭9點慢船，入長洲慢遊行山去，好彩天氣十分好，人流出奇地不大多。慢步行4小時後，食完海鮮餐，緊係要食番個甜品。傳說中長洲最好味既甜品店—長洲冰室，幸運地去到時即刻有位子，不用等位，如遲一步，就要等好耐。入座後揀左-椰香芋泥奶凍、抹茶冰。估不到椰香芋泥奶凍超級好味😋😋😋，芋泥加奶凍，尼個組合出奇的合拍，不夠2分鐘已被食清😂😂😂抹茶冰就普普通通，但大熱天時，食冰冰就真係消暑解渴。

耐無去長洲發現左有唔少新開嘅餐廳 上網睇長洲攻略都唔再止係長洲大魚蛋同糯米糍🤣bookmark左幾間出名嘅餐廳諗住食盡全日 點知早到好多都未開🥲好彩行完長洲兩頭 歷經9個字終於入到一間🤣🍧泰式奶茶三色圓冰💰63係ig見到以為好大個一定會食唔晒 其實實物size冇咁驚人！上面有個好大嘅雲呢拿味雪糕球 淋上焦糖醬 再潷一啖清新嘅泰奶刨冰超解暑哦～泰奶冰沙十分入味 融化左之後更加好似飲緊泰式奶茶咁🤣左右兩邊分別係蜜紅豆同三色圓 紅豆好甜 同偏苦嘅泰奶味好搭 而三色圓本身偏細 同埋冇乜特別味 所以撈埋甜甜地嘅雪糕都唔錯～都推介！🍨椰香芋泥三色圓仙草💰36呢碗都分得好明顯 右邊嘅pat淺紫色嘅就係椰香芋泥 齋食有好重嘅cream同芋頭味！下面就係仙草海 撈勻晒之後反而冇乜芋泥味 椰香味會重D！椰香芋圓都唔錯！不過個人更喜歡泰奶口感～大家記得要每人都嗌一個甜品做最低消費！同埋要自己去收銀處買左先 再係座位等！到埠嘅時候佢啱啱開門無耐 但係員工就唔係好熱情 唔知係咪平時都係咁😬

長州冰室勁耐都無黎過長州 除左食經典美食大魚蛋芒果糯米糍 仲要食其他甜品佢地就有芋圓涼粉 紫糯米同西米露涼粉紫糯米加芋圓睇落唔太夾嘅配搭 但真能係好好食 芋圓帶著一絲絲嘅 芋頭蕃薯香同甜涼粉嘅軟淋淋加上 紫米嘅煙韌口感兩者有著不同口感 帶來奇妙嘅味道熱死辣辣係長州咁 梗係要入去坐下涼下冷氣食涼浸浸 嘅甜品黎消下署

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️去親長洲都一定會計劃好要食邊幾間餐廳🤤，嚟到「長洲冰室」就係最後一站。呢間野好受歡迎，所以都等位等咗一陣先有得入去：⭕️ 泰式奶茶三色圓冰 - 喺呢度其中一個招牌剉冰，一上枱就覺得勁興奮，滿滿嘅配料加埋上面一大頭嘅雪糕😍 冰底本身都已經係好香濃嘅泰式奶茶味，又唔會好甜喎！配埋大量嘅煙韌芋圓同埋紅豆蓉，口感額外豐富。雲呢拿雪糕幾滑同埋比較杰身，同奶茶味都幾配🙌🏻

由於去唔到旅行,所以前排去左長洲過下夜啦,渡下假咁啦.輕輕鬆鬆又一日啦~晚上食完個晚飯,就係附近行下啦.大家都知啦,食完飯,食個甜品係幾咁美滿既事~咁就係附近見到呢間野啦.環境幾好既.打下卡都OK既咁就叫左個當時期間限定既3色圓冰,幾好食既.....可能開心啦 放鬆既心態食啦覺得好正~仲可以影下影..打下卡當時開既時間都幾夜先收..所以時間上幾好~但價錢方面,我覺得有點貴既