鐵牛台灣牛肉麵 (金巴利道) (已結業)

因朋友想食台灣菜，所以揀左係尖沙咀既鐵牛， 呢間鐵牛係地下一層，環境裝修不錯既，地方夠大。我見餐牌有推介台灣直送既麻辣鴨血麵，所以點左一份試一試台灣嘅鴨血風味，而我朋友就點左份逢甲鹽酥雞滷肉便當1. 深坑豆腐豐盛麻辣鴨血(5/10)碗麵的賣相唔錯，開頭以為好辣，點知食落普通辣，如果有得揀辣度會更好。鴨血質地都彈牙，有鴨血嘅煙韌同香味，但唔知點解碗麵有少少酸，可能落咗醋🤔豬大腸比夠大舊，如果切細啲會較容易入口，整體都係因為碗麵唔知點解有啲酸所以扣咗唔少分2.逢甲鹽酥雞滷肉便當(6/10)試食了朋友點的便當，滷肉配珍珠米飯係夾同好味既會想食完一啖又一啖但配菜普遍比較凍，應該無翻熱，略嫌失色，帶吾出滷水蛋同鹽酥雞嘅香味所以呢個位都扣咗少少分

有時lunch諗唔到食咩，又要快食完返公司嘅話，就會去呢間食😂通常都唔洗等位，上菜都好快😆🤣·香蔥麻辣擔擔軟骨伴麵($68)每次lunch去都必食呢個麵😆之前都有食過佢嘅鹽酥雞麵，但都係中意食呢個豬軟骨麵多啲😍🤤有肉躁有豬軟骨，但豬軟骨有時唔夠淋，咬落去「烚烚」聲🙈麵好彈牙，個汁好香，味道似係加左辣嘅麻醬，辣度我接受到，平時食開三哥嘅三小辣，呢個無三小辣咁辣🤣🤣跟餐仲有一杯飲品，部分熱飲唔洗加錢，台灣奶茶係唔洗加錢架😍我幾中意飲佢嘅台灣奶茶😙

-【抵食性價比高台式午餐】如果要食一餐抵食又好味嘅台灣野，鐵牛相信就係大家嘅一個好選擇。我諗冇一個人唔知道鐵牛出咗名下午茶平靚正，所以我今日都想同大家介紹一下鐵牛下午茶有幾好食！你地都見到啦，鐵區嘅下午茶係可以揀三樣小食再加一個主食，而我每次都會揀呢三個小食，特別係台灣腸，真係有一種喺台灣食緊腸仔嘅味道！另外必然要飲嘅就係一定係珍珠奶茶，雖然唔係話乜嘢好特別嘅味道，但係就係一種台灣嘅味道係入邊。大家一定要試啦！

係尖沙咀食台灣菜嘅餐廳唔算多，所以鐵牛都叫做幾唔錯嫁，主要係食肉燥飯同埋肉燥麵，而配菜嘅選擇都好多下，係台灣菜嘅抵食之選！**********<夜市小香腸肉燥乾拌麵> $64碟台灣小香腸好好食，唔怕食完蒜頭會口臭嘅話，加埋蒜頭就更加好食，可以辟走油膩感！另外值得一提嘅係個set會跟一碗細湯，如果乾拌麵太乾嘅話，就可以按自己喜好加落個麵，所以唔會有愈食愈乾嘅問題嫁😋**********<奮起湖燒雞腿排肉燥麵> $62肉燥麵可以免費轉做新竹米粉，而燒雞腿排肉有一整塊都幾大份，個雞皮煎到脆脆地，同埋個醬汁帶甜幾入味，都幾推薦啊👍🏻

鐵牛好耐之前食過，今日同朋友再食，叫了主廚私房牛肉麵，牛肉幾大件，幾淋，入味，啲麵似拉麵，軟硬適中，另外叫了黃金梅子脆薯，幾好味，啲梅子粉同D脆薯好夾，炸得脆口，飲品甜味適中，平日也幾多人食，整體來講ok.

今日遲左食晏，直接過黎食個3點3下午茶～叫左平時食開的麻辣紅燒牛肉麵，香口又可以過下辣癮😋 好鐘意食呢間既牛，好嫩滑!! 其實有間大型台式連鎖餐廳都有同款的麻辣牛肉麵，但相對油份會比較多，肉都比較遜色😀 鍾意食辣牛肉麵嘅朋友不妨試試比較下ah

鐵牛嘅下午茶只會係星期一至五供應，今次我就揀咗麻醬乾拌麵，而小食可以揀三款，我就揀咗鹽酥雞，尖麻辣牛肚絲同埋涼拌青瓜。飲品就係凍嘅珍珠奶茶。個麻醬乾拌麵係細細碗嘅又配左啲青瓜絲所以食落都唔會好膩。食得出個鹽酥雞一定唔係即炸，因為唔夠熱同唔夠脆。而麻辣牛肚絲嘅份量都幾多，但就有少少油。杯珍珠奶茶都係正常水準。以$45喺尖沙咀食到台式下午茶有齊小食，主菜同埋飲品，性價比都算高。

金巴利道同埋金巴利街呢一帶好多韓國菜不過近排都成日食食到有啲厭今日轉行食台灣菜記得先前響中環都好似幫襯過一次果次食個lunch差唔多等咗成半個鐘先有位場面迫爆今次嚟到尖沙咀晚飯時間只可以話今時唔同往日舖頭響地庫地方都好大應該都坐到三十至四十枱餐牌半自助形式坐低響點菜紙度畫完之後之後自己拎出去收銀度俾錢奮起湖燒雞腿扒便當又有滷肉飯又有雞扒仲有幾樣配菜一次過滿足晒幾個心願飯煮得幾好食粒粒分明滷肉就肥咗少少雞扒味道好夠但係就略嫌乾身咗啲招牌紅燒牛肉麵其實我係想食牛肉麵所以先來食台灣嘢湯底唔錯都係有一種類似藥材咁嘅味不過牛肉份量就十分之少得兩三條牛肉炆得好淋但係筋位就略嫌多咗啲冇乜食到牛肉鹽酥雞拼香腸估唔到台灣腸加埋蒜片一齊食係好食左咁多甜味之中帶微辣香芋珍珠奶茶加十八蚊換嘅冇乜特別

尖沙咀原來有兩間鐵牛，之前一直都係去尖東嗰間，今次朋友介紹話金巴利道都有一間，一見到呢間係地庫嘅鐵牛，就唸起之前同一位置係一間茶餐廳嚟架，我都有幫襯過好多次，原來轉左手做鐵牛！雖然牆身天花都係黑色為主，但都好光猛，由於係地庫，地方都幾寬敞舒適。嚟鐵牛，我老公都係好專一，點咗招牌紅燒牛肉麵，味道同尖東嗰間差唔多；我就點咗鮮蕃茄鹽酥雞麵，雖然鹽酥雞分開上，但似乎係整定係度，不夠熱辣辣，不夠鬆脆，有點失望😞。價錢普普通通，尚算合理，但如果加錢配飲品方便可以平啲就更好😅

#新竹米粉 #米粉 #蕃茄排骨麵 $66 免收+1蕃茄新竹米粉都好入味～排骨啱啱油炸脆卜卜#荔枝椰果 #汽水 #梳打 #荔枝q果梳打 +18飲之前記得攪勻～普通好飲的荔枝汽水🤣疫情嘅關係加了膠板隔著，環境算寬敞舒適ᶘ ᵒᴥᵒᶅ個人口味評分：6.5/10

未食晚餐，咁啱經過依一間牛肉麵，又要等朋友就一個人去試吓，要落地牢一層，面積都幾大見到好多位，坐滿八成嘅人，生意都幾好坐低點左碗牛肉米粉（新竹米粉），另外再加個肉操茄子（好喜歡食茄子），叫人過嚟落單，原來要自己去櫃檯度俾錢，比完錢之後就會有人送餐，好快牛肉米同茄子已經送上1）牛肉米粉，湯唔夠熱，牛肉麵最重要其實都係個湯，平視我食牛肉麵我會係咁飲啲湯，但呢一間啲牛肉麵嘅湯又唔夠熱，味道又麻麻哋，再試佢嘅牛肉，只有三舊，第一舊都OK，第二同第三舊好韌，而新竹米粉其實都唔會難食得去邊，成碗牛肉米我淨係食晒啲米粉，牛肉我淨係食咗一舊！香港來講呢一間嘅台式牛肉麵唔算好食2）肉操茄子，味道可以，但如果茄子再淋啲會好食啲，我覺得佢有啲硬總括來講價錢唔算低食，份量亦唔算好多，如果牛肉麵我唔會再選擇食呢一間

Lunch 見到鐵牛就諗都冇諗過入咗去呢間都出名抵食同埋杯珍珠奶茶好味！嗌咗一個逢甲鹽酥雞滷肉飯便當同埋紅燒牛腩配黃金地瓜飯一杯珍珠奶茶同埋一杯珍珠咖啡鹽酥雞揸得幾香脆，牛腩都唔啱同埋地瓜幾好味。值得一提嘅係杯珍珠咖啡有咖啡味得來啲珍珠都好甜，下次一定會再嗌。上菜速度都算快嘢食都有質素聽講紅燒牛肉麵係最出名，麵好彈牙。店裏面啲職員好忙不過服務態度都幾好餐廳環境有啲黑但係幾舒服同埋幾啱傾偈。算係香港數一數二抵食嘅台灣餐廳。

疫情緩和，尖沙咀慢慢回復昔日繁華光景，所有有口碑的餐廳於晚飯時間大多滿座，所以就隨意入了一間台式餐廳醫肚。招牌紅燒牛肉麵賣相吸引，湯底入味，牛肉夠腍，雖稱不上驚艷，但味道是可以的，另一半覺得不錯！鮮蕃茄牛筋腩米粉賣相一般，份量超多，非常適合大胃王！感覺這蕃茄湯底和牛筋腩味道不太相配，下次絕不會再點這配搭。肉燥小茄子份量都幾多，茄子入味而且有咬口，味道不錯，推薦👍🏻蜂蜜柚子茶及香濃朱古力2杯飲品都頗甜，而且落單時已向店員要求蜂蜜柚子茶要少冰，但最後和另一杯飲品一樣多冰，結果要自行將冰取出，最終飲品未飲已只剩一半🤷🏻‍♀️

入座前講明9點15 分last order，食到9點45分。9點10分左右嘢食嚟到，9點26分一放低筷子就收走你碗嘢，問都無問！大家都要收工，絕對明白。但禮貌地問一句有幾難？仲有冷氣唔夠問下有冇得開大少少，就話我哋員工行嚟行去仲辛苦過你啦。嘩，我真係見識少，咁樣回個客都得？講返嘢食，叫咗個牛筋腩麵，湯底有濃烈嘅牛湯味，牛筋腩都好腍，麵條偏硬，可能又係趕工嘅關係....食物整體嚟講係唔錯但嘢食幾好食都無用，態度可其差劣，絕對唔會有下次！永不幫襯！

台灣菜算係我唔會主動話想食既野食，因為個人有啲易敏感同固執，唔鐘意聽男仔讚台灣點點點，仲有另外啲故事🤥所以有得揀都唔想去台灣，亦都唔想見台妹台仔，只會係香港食台式野。而鐵牛既牛麵重台灣味，正正可以cover到去台灣既意慾😂食鐵牛🤔絕對唔食旺角分店，香港打工仔態度，呢間都ok，旺角分店不了。❌口水椒麻牛肚絲$38。好多條，碟中間有汁，麻香味重，開胃，比較容易咬。招牌牛肉麵$63係必叫。呢間湯底比較濃郁而唔油膩，有明顯中藥味，加埋完美牛肉，彈牙麵條好正。麻辣大塊牛肉麵$68可以揀辣度。大辣夠麻不夠辣！但好過癮，不比過橋類辣差。呢三個選擇都幾推薦一試，當然本身要鐘意牛牛～雖然食食下麻辣麵再食牛肚絲，會不覺忽略掉左原本嘅麻香味，但係冇排斥感，又幾岩食。飲品印象中珍奶好似普通淡啲，所以試冬瓜檸檬，幾好，唔假甜，解渴解辣。