鐵牛台灣牛肉麵 (金巴利道) (已結業)

鐵牛嘅下午茶只會係星期一至五供應，今次我就揀咗麻醬乾拌麵，而小食可以揀三款，我就揀咗鹽酥雞，尖麻辣牛肚絲同埋涼拌青瓜。飲品就係凍嘅珍珠奶茶。個麻醬乾拌麵係細細碗嘅又配左啲青瓜絲所以食落都唔會好膩。食得出個鹽酥雞一定唔係即炸，因為唔夠熱同唔夠脆。而麻辣牛肚絲嘅份量都幾多，但就有少少油。杯珍珠奶茶都係正常水準。以$45喺尖沙咀食到台式下午茶有齊小食，主菜同埋飲品，性價比都算高。