鐵牛台灣牛肉麵 (金巴利道) (已結業)

之前有好多人都話鐵牛幾好食,,個湯做得幾有台灣既風味!!終於搵到日早收工過黎食.可能熱潮過左.到既時候都7點幾，已經無咩人係門口排隊等位.入面都係得6,7成full~好啦, 叫左個紅燒牛筋腩麵, 外表睇落好吸引，D牛筋煮到好林,好易咬,都幾好食.個湯底無想像中咁濃味,覺得少左D五香/藥才既味道,令到碗牛肉湯味道既層次提升! 面既彈性都好足夠，浸耐左都無淋bibi既感覺! 再試多左個蒜拍青瓜同珍珠奶茶，都不過不失!總括以言,都係一間唔錯既台灣菜餐廳

好耐無食過台灣野 今次嚟左朋友介紹話好食嘅鐵牛 回憶下台灣旅行食野味道 鐵牛係地庫地方好大 坐得舒服 食完可以慢慢坐吹下水.睇下menu先 呢度係揀完野食再出去比錢 尖沙咀嚟講呢度野食價錢算幾抵食😆我地叫左招牌台灣牛肉麵： 普通無咩特別 個湯底有d咸 但個面又無咩味 雞扒乾拌麵：雞扒好好味 個面有d肉躁所以撈埋都幾好食wo 有驚喜 芝士鹽酥雞：啱哂我呢d芝士控 個雞炸得好脆同芝士一齊食好夾 細細舊咁方便一口食一舊仲有叫左野飲 百香qq茶入面有d珍珠同椰果 珍珠咬口怪怪地 不過呢杯野酸酸甜甜幾開胃 總結嚟講呢間鐵牛性價比唔錯 可以encore!

未食呢間嘢之前 真係好抗拒係香港食台灣嘢 因為之前試親都覺得好伏。但呢間 我食咗三次 一次lunch 兩次dinner 回頭率極高 之後都仲會再去食～環境寬闊座位舒服 lunch 比dinner多人 要等位同排隊買單， dinner一般客源 唔需要排隊買單 亦可以同fds傾耐d計～鹽酥雞新鮮出爐 熱辣辣脆皮 份量夠多 食唔曬～ 驚喜嘅係小食 口水椒麻牛肚 好好味 但又真係幾辣下。食完一啖要飲下嘢 都幾辣。茄子加埋d肉燥一齊食好正～ 上次三個人食 order咗三份餐 兩份小食 食唔曬。 因為set餐量都幾多下～但總言之係好抵食

之前試過 鹽酥雞肉燥撈麵 覺得幾好食 但係撈麵好乾 今日想試下辣辣哋嘅湯麵 就叫咗麻辣鹽酥雞湯麵呢個面真心幾辣 有譚仔小辣咁辣 好多紅油 應該都幾肥下 食落去幾刺激 有啲似麻辣火鍋嘅味道 鹽酥雞炸得幾脆 啲肉好嫩 可以再食

同同事今日lunch黎到金巴利道嘅呢間鐵牛台灣牛肉麵之前去尖東個間都冇lunch set 但呢間有！由於之前已經食過佢嘅紅燒牛肉麵，心血來潮就試左佢嘅香蔥麻辣擔擔拌麵好耐冇食台灣野啦！！😂食到呢個拌麵好開心對於我黎講 辣度適中 完全唔食辣嘅朋友就應該頂唔順香蔥配上擔擔麵 完全係絕配haha成個拌麵係勁香！！會令我想食多幾次!價錢都公道雖然台灣好易就可以去到但想食起上黎 鐵牛牛肉麵都不失為一個好選擇 lalala

啱啱喺台灣旅行完，返到香港心仍然喺台灣，好掛住台灣嘅美食呀！於是老公帶我去食牛肉麵，一解我嘅單思苦！我揀左最正宗嘅紅燒牛肉麵，佢嘅牛肉好(林)，半肉半筋㗎，又有啲咬口，啲湯都好味，最後再配杯珍珠奶茶，簡直完美呀！😋

一間完全垃圾餐廳1. 店內服務差,無論台同櫈都係濕,店員抺台敷衍了事,全無服務可言2. 店內冷氣如同虛設,只有接待位置感覺到有少許冷氣,向店員反映,態度惡劣,懷疑為了逼顧客order飲品3.食物質素比起中環店差得多,炸豬扒只有炸咩,咩肉味都無食呢間店唯一用處,就係希望唔會餓死.決定不會再光顧呢間店鋪,垃圾麥當勞比佢出色好多十分難食, 炸豬扒只係得粉既味道,完全唔得

鐵牛嘅午市套餐真係幾抵食，有12個選擇，而我就多數揀【鐵牛招牌紅燒牛肉湯麵】。呢間嘅紅燒牛肉湯麵係香港嚟講質素算唔錯，個湯底都有牛味，而且都幾清，而麵就可以唔洗加錢轉新竹米粉，新竹米粉嘅”索”湯能力好高，食每一啖都充滿住牛湯味，所以我建議大家去食嘅話都轉新竹米粉！-不過有個扣分位就係酸菜唔夠多同埋冇得任加，因為台灣牛肉麵酸菜都係一個好重要嘅角色，而係台灣嘅話，絕大部份嘅台灣牛肉麵餐廳都係會有酸菜擺係桌上俾食客自己添加，所以希望【鐵牛】遲啲會有呢個Service啦～

We went to here for lunch yesterday because we would like to have some Taiwanese food. The beef noodles here is famous and the beef is so soft and yummy The lunch set here is not expensive , only cost around $60 which is much cheaper than dinner. While we think the quality is the same

突然間好想食台灣嘢，於是就黎左呢間鐵牛，好似除左tst,旺角都有分店睇完menu後，已經覺得勁多野食,唔知點揀好,樣樣都想試下！於是我地就叫左個特別啲既：紅燒牛腩地瓜飯啲牛腩幾淋，好入味，底下有紅蘿蔔，亦都係淋哂好入味，個飯亦都有口感唔錯唔錯當然唔少得食台灣嘢必食既紅燒牛肉麵（有牛腩牛筋牛𦟌），個湯唔算太鹹，牛肉又夠入味，整體黎講呢個麵都好高分！除了飯同麵，亦叫左小食，呢個鹵水豬耳，豬腸同蛋都好惹味，味道剛剛好！因為我本身好鐘意青瓜，所以叫左黎食，同手拍青瓜唔同，呢款比較甜，係另一番既好味！價錢亦都唔算太貴，口痕想食台灣嘢又去開tst可以一試

岩岩去完台灣旅行就會好想食台灣野，甘岩搵到呢間就試下啦。。呢間係尖東既。我地8點左右到，餐廳坐左大概7成人啦。。我覺得坐中間位置坐得好辛苦所以就調去坐左2邊，舒服好多。。呢度係半自助形式，自己出去落單，職員送餐。。。食物種類吾算好多，來來去去都係同一款食物，飯。麵既配搭。。所以我地揀左呢啲👇🏻👇🏻👇🏻排骨肉燥拌麵：🐷排骨炸得酥脆又大塊，不過炸粉較多有點硬。但醃製味道不錯，幾好食。肉燥拌麵味道好濃郁，麵條好q，吾係淋Patpat。。招牌牛肉麵:🐮牛腩有4件左右，湯頭個人覺得不太濃較淡味，麵底好食的！但整體上吾夠熱，暖暖的。雞腿排便當🍱意想不到好食，飯粒粒分明又夠香。雞腿燒到好嫩滑，燒汁好入味，不過略偏咸。。鹽酥雞香腸：小食份量好少，吾抵食。雞同腸都得6件，香腸係台灣腸好食！鹽酥雞好多炸粉，又吾夠熱，麻麻地。。飲品：我飲左胚芽珍珠奶茶，好甜，珍珠好硬，吾好飲既。。。基本上成大半杯我都無飲過☹️呢度食物質素同服務一般啦，吾知係咪店內冷氣較大，有點凍，不過呢度吾算貴又吾洗加一，都算大眾化價錢。。。

尋日同朋友係尖沙咀食左e間台灣麵，地方好大，坐d舒服唔逼。我地食左兩個干拌麵，奮起湖燒雞干拌麵同廚師牛肉干拌麵。聖誕去奮起湖冇機會時燒雞麵，今次竟然係香港食到。燒雞好香，都幾多塊，但牛肉就相對少d喇。

係特別的一日後，我同朋友A決定避開大量的人流，去了尖沙咀食飯。係壽司同牛肉麵之間，我揀左有珍奶的牛肉麵。餐廳叫鐵牛，黎到當然要食牛肉麵啦。呢到的面食，除了有一般的湯面外，仲有鮮蕃茄湯麵、麻辣湯麵，仲有乾拌麵。揀了食物後，就要拎張紙出去收銀處比錢。珍珠奶茶好快就到，珍珠的數量唔算特別多，不過就幾有咬口。奶茶係一般台式飲品店沖的味道，唔差但又無咩特別。由於我唔食內臟，朋友就叫碗內臟的湯麵再加小食同我Share。麻辣大腸肉燥麵的湯可以揀辣度，揀左少辣都唔少野。我見朋友食大腸時要用些少力去咬開，不過我無食過大腸，唔知係有咬口定淋身先係好食(笑)。成日都食湯麵，所以今次我見到有拌麵就叫了紅燒牛筋腩乾拌麵。湯面好似只可以揀牛筋或牛腩，但拌麵就可以食齊兩款牛。牛腩雖然表面好似有D乾，不過食落去口感淋身又入味。牛筋煮到好淋，不過膠質就差緊少少。麵的質地係夠煙韌，係我鍾意食的口感。加上拌麵的汁夠香濃，而且非常掛汁，令到每條麵都沾上了牛汁的精華。我們仲叫左一碟鹽酥小拼盤，一份有齊炸花枝丸、蕃薯條及鹽酥雞。鹽酥雞唔會炸得太乾，炸蕃薯條有開胃的酸粉，仲有炸得金黃的花枝丸。炸花枝丸入面有細細粒的花枝，食滿的口感

又到午餐時間，在尖沙咀找尋既平宜又好味道的餐廳是十分有難度，這時候行經金巴里街, 一女侍應招手推介我入內進餐，我本著一食無妨心態進去，店在地庫位置。先看看有沒有空位，因為這店是先付款後送餐，我選定家鄉滷肉便當再加凍珍珠奶茶，滷肉便當是一碗上白飯加滷肉，滷肉分量很少，而且肥豬肉較多，味道是一般滷肉飯味道，以這樣價錢明顯是唔抵，而跟飯有三樣配菜，粟米，雜菜及菜脯，分量又是少少。珍珠奶茶味道中規中矩，珍珠較為硬身可能放得太耐，如果下次再來我不會點滷肉便當了。

成日喺尖沙咀浦，一到午餐時間都唔知食咩好咁就唯有有同事發板決定啦，其實我平時好少食牛，但佢帶咗我去一間叫做鐵牛嘅餐廳食午餐，咁佢又好落力咁樣介紹我話呢度啲面同埋牛肉都好好食。咁就一於聽佢介紹，叫咗兩碗面同埋我最愛嘅鹽酥雞 Lunch Time都幾多人，要搭枱，同埋呢度係要自己出去落咗order之後先至有得送黎，有啲似快餐店嘅感覺。食物係OK嘅，麵係好煙銀價錢都唔貴，所以可以稱為尖沙咀中平價美食 見唔係太食牛嘅我都覺得幾好食 下次再試吓其他台式小食先