鐵牛台灣牛肉麵 (翡翠中心)

營業中

休息中

中環食午餐可以用人山人海去形容，所以通常都早一點離開辦公室，今天到達餐廳時間是12:20，已經需要等候，但輪候時間不超過10分鐘，可以接受。此店名為鐵牛台灣牛肉麵，當然主打牛肉麵，但今天沒有食牛肉麵，選擇了夜市小香腸滷肉便當，朋友經一輪選擇後，居然點了同一樣🤣而我們還加了五味小茄子作小食。此套餐價錢合理，如果加配台灣奶茶檸檬水或檸茶，不需額外付費。以中環區來說，非常可以接受👍上枱時才知道除了香腸及滷肉飯外，還有三碟小食，早知就唔加小茄子啦。台灣香腸當然合格冇問題，滷肉飯則可以油分再豐富一點，因為選擇食滷肉飯，肯定能夠接受他的油分，及滷肉的份量可以再多一點。另外三個小吃其中一款是蕃茄炒蛋，蕃茄炒蛋好像不是台灣食物，感覺有點格格不入，味道則正常。其次是切碎及微辣的菜脯伴以半隻滷水蛋，滷水蛋入味但有點硬。另外還有香菇炒紹菜，味道沒什麼特別。而額外加的五味小茄子，醬汁酸甜開胃，但放在面上的木魚片則非常厚，跟日本和風式的完全兩樣，不合格。整體來說滷肉飯比想像中大碗，男士都一定夠飽，還有三款小食，加熱飲又不需另外付費，中環區$59還想怎麼樣！

突然想食台灣麵，午市後去嘅，一個湯麵，一個拌麵，啲湯唔夠熱，麵又冇乜麵味，口感似公仔面，所有嘢都唔夠熱咁嘅。自己黎冇問題，但係店員態度真係麻麻，唔耐煩。近窗位啲裝飾盆栽一副謝樣，窗邊成尺厚塵，可能冇抹過，凳上有啲污糟嘢。咁樣店鋪質素，得香港人接受到。差唔多價錢，其實應該就咁食樓下茶木嘅麵，起碼唔洗咁伏，何必受氣呢。之前旺角試過，覺得一般，諗住地區唔同會唔會有啲變化，嗯，仲差啲添，唔洗再去，blacklist。

中環半山扶手電梯一向係中環人既食堂之一，今次經同事介紹去左鐵牛同事介紹話飯會比麵好食，所以最後叫左個逢甲鹽酥雞滷肉便當+熱檸檬紅茶提一提，叫野食係要親自出去叫，順便比埋錢。野食一上枱就已經見到有好靚既擺盤，份量都幾大，特別係個滷肉飯，真係裝到好full，咁既價錢黎講，係中環算係唔錯。個人黎講，較少食台灣野，因為好少食啲煎炸野，但依個鹽酥雞既炸粉唔多，皮薄啲，好好食。另外，仲有3個小菜，分別係炒雜菜，蒜蓉菇，滷蛋，全部都幾好食。而滷肉飯既滷肉肥瘦適中，建議中意台灣野都可以一試。

限聚令下，公司要分批食晏，冇得同好同事食，獨自一人，搵到呢間鐵牛。預先㩒定飛，黎到好快有位。入座前選定食物飲品，預先付款，然後坐定定，店員會送上食物，唔駛自己攞。我叫左個鐵牛招牌紅燒牛肉面，粒粒香芋奶茶，粒粒香芋，原來係將香芋切粒粒，整體唔錯！

🍽 Taiwanese Braised Beef Noodles Soup💰 HK$63 (dinner) 2020 has been quite a rough year across the globe and I was forced to cancel my Taiwan getaway trip for the year. Craving for a nice bowl of Taiwan style beef noodles 🐮🍜, I went to Iron Cow Central, which is always my go to place whenever I crave for a nice bowl of Taiwan style beef noodles. Like any other noodles, the broth is the key to success and in Iron Cow the broth is so authentic and has always been up to standard. The beef is so ten

中環翡翠中心開左幾間食肆，一到lunch time 就好多人，要排隊搭lift，鐵牛就係其中一間要大排長龍既餐廳。環境好闊落，坐得都幾舒服。鐵牛主打台灣菜，當然唔少得紅燒牛肉麫同肉燥飯。紅燒牛肉麫有質素，牛肉嫩滑、牛筋炆得夠稔。麫質相對普通，唔夠彈牙。有d台灣餐廳會用刀削麫，比較有口感。燒雞腿扒便當值得推介，雞同配菜分開上，一碟碟好有儀式感。雞扒略嫌咸左少少。肉燥飯唔錯，夠多汁，半肥半瘦。我最鍾意就係魯蛋同菜甫，蛋入晒味，但又唔會過咸，菜甫爽口又開胃。一個set都係$70-80，係中環黎講唔算貴。

第一次見到有得叫外賣，立刻試吓。同事叫了原味牛腩牛筋麵，見湯底好濃，好有牛味。牛腩大大件，好抵食。我就想試台式麻辣湯底。湯沒有麻的感覺，只有辣椒油的辣。我更改了新竹米粉，食極都食唔完，份量好多。牛腩和牛筋都好大件，好似一條條。味道都好入味，只是有點chewy. 飲品我試了水蜜桃紅茶，一般般，沒驚喜。

中環lunch hour真係好多人，好彩用app拎左飛。簡簡單單同同事食個飯，嗌左鹽酥雞麵。鹽酥雞炸得好香脆，入面雞肉都好滑一個午餐女仔黎講都夠飽，原來個麵仲可以轉米粉。不過我個人中意食佢呢個粗麵，好彈牙。

星期日我從西貢坐車來到中環「皇后大道中」，本來是想光顧位於中環「勵精中心」和「半山行人扶手電梯」旁邊的某港式粉麵店，可惜那店原來已經改了營業時間，現在星期六日都關門休息。於是被迫放棄光顧中環「皇后大道中」的粉麵店，改為光顧位於「半山行人扶手電梯」附近，「威靈頓街」商業大廈「致發大廈」旁邊，「翡翠中心」二樓樓上的台灣牛肉麵餐廳「鐵牛台灣牛肉麵」。其實我在上手手提電話跟「開飯喇」戶口還未宣佈報廢停用之前，就曾經上門光顧過兩次，光顧過兩間不同分店的「鐵牛台灣牛肉麵」，包括有位於「尖沙咀東」，還有位於「旺角中心」地庫的分店。至於在中環「翡翠中心」二樓樓上的分店「鐵牛台灣牛肉麵」裡面，我發現裡面有很多年輕的侍應跟店員在工作，直至我食完牛肉麵、結賬、取回收據跟離開餐廳為止，年輕的「鐵牛」侍應仍然聚集在餐廳裡面。由於我光顧「中環」分店「鐵牛台灣牛肉麵」的時候，時間仍然尚早，所以我只是點了一碗酸味蕃茄版本牛肉麵「鮮蕃茄牛筋腩麵」，再加上一杯水蜜桃紅茶凍飲飲品「水蜜桃冰紅茶」就夠了。我發現我自己不單止光顧中環分店「鐵牛台灣牛肉麵」的時間太早，甚至中環分店「鐵牛台灣牛肉麵」廚房實際上製作食品所需要的時間，

搵👦🏽lunch去左食呢間 雖然係話午餐但係去到已經三點幾就嚟四點 係下午茶😂下午茶menu分3部分 一個主食 3款小食同一杯嘢飲👦🏽叫左麻辣擔擔麵 逢甲鹽酥雞 椒鹽牛肚絲同滷味豬爽耳 飲品要左洛神花茶 我就叫左肉燥湯麵 涼拌小黃瓜 木魚炸豆腐同滷味豬爽耳 小黃瓜好入味但得2條🥺 炸豆腐外皮好脆裏面仍然保持嫰滑 好食😋.下午茶整體幾抵食 飲品都好大杯 夠飽

整體疫情下，Lunch Time到門口都有好多人排隊! 好彩bubu到店之前先用app拎定位，去到就直入得。呢間店既lunch time 要先到櫃位點餐＋埋左單先，野先就會之後送到你張枱（唔肯定晚上係味一樣）。環境本身都裝修得好清幽，可惜中環lunch time太多人，環境都好嘈吵🙉~.💁🏻‍♀️台式麻辣金肚牛筋湯麵 $60 Bubu見網上食運好多人都點紅燒牛肉麵(睇黎係招牌)，但bubu唔好牛腩(因為處理得唔好既話，會好乾唔好食)，所以叫左個麻辣麵。黎到都聞到一陣好麻既味道🤤，果然! 飲一啖湯就feel到個陣麻辣味，一開始仲覺得台式既麻辣唔會好辣，點知第一啖就濁親😂😂😂！但食落其實唔算好辣😗仲有一陣牛肉湯既甜味🙂 中和左少少既麻辣味！金錢肚既份量都好足，有嚼勁~唔係好腍 、一咬就斷個種! 正👍! 牛筋就好諗，啖啖筋~ 好滿足~ 而面都屬於彈牙，掛湯能力都唔錯~ 呢間店整體都係幾高質! 唔怪得咁多人，仲有出埋即食面包裝~ 下次後可以入手幾包trytry🤗

疫情下小驚喜，一座大廈有2間台灣小店，試下小店～牛肉麵的肉質好嫩及湯底好濃，小茄子肉碎🍆真係好好味😋，三拼小食-🐤+🍠+🍢一般般啦，尤其珍珠奶茶吾夠茶味

食完中環附近的牛肉麵，始終覺得鐵牛的牛肉麵係味道係最好，價錢又唔貴喎。CP值好高。所以中午食完另一間牛肉麵都要再來呢間食多一碗牛肉麵大家想試下台灣牛肉麵可以考慮一下鐵牛。

本人係「紅燒牛肉麵」粉絲！好鍾意食台式嘅紅燒牛肉麵，今次去「鐵牛」試試，比我預期中好味道！😋除咗符合晒我基本對紅燒牛肉麵嘅要求之外（湯底味道要夠濃、麵要夠煙韌、夠林同入味、醃菜蔥花配料要適中、唔辣），佢湯底嘅味道，跟一般牛肉麵有少少分別，比起其他，佢略帶甜一啲，但味道毫不遜色。牛肉份量適中，比起另一間出名連鎖店的紅燒牛肉麵嘅牛肉件數多。價錢方面，相比那間連鎖店，價錢更實惠。唯一美中不足，會建議增添紅蘿蔔或者白蘿蔔配料。

基本上兩星期都會嚟食一次❤️以往我都係食開招牌紅燒牛肉麵面質岩岩好，牛肉又淋又入味，湯底又夠濃介紹咗比幾個朋友佢哋都一致好評👍🏻👍🏻👍🏻不過最近幾次食，湯底好似咸左少少，希望可以改善下，所以今次叫咗個番茄湯底嘅牛肉麵，都唔錯，酸酸地幾開胃，面質同樣好食，好有咬口，不過我最愛嘅都係招牌紅燒牛肉麵😂😂😂小食方面，叫咗個牛三寶拼盤，有少少覺得偏鹹，所以之後都冇再食過了。食店仲會提供紙袋俾你放口罩添👍🏻細心