鐵牛台灣牛肉麵 (翡翠中心)

營業中

休息中

落住毛毛細雨的黃昏🌁去到呢間台灣餐廳，播住90後耳熟能詳的周杰倫情歌「浪漫手機」🎶望住餐廳正中央微黃的燈光，倚住座位的植物，真係有小小番左台灣的感覺🥰總體而言都唔差，小菜幾驚喜，但建議試麵食。紅燒牛腩配黃金地瓜飯 $64紅燒牛腩係鐵牛的招牌菜，食落去好軟，有小小入口即融的感覺，調味剛好，值得一讚係除了紅燒牛腩仲會有白蘿蔔同埋小菜🥕味道就多元啲，唔會就咁食牛腩咁寡🐮肚腩食過佢嘅牛腩麵，覺得始終麵食好味好多🙈蔥燒豬軟骨便當 $60同牛腩飯一樣，都係有小菜，豬軟骨底仲有幾條生菜，值得一讚，可惜豬軟骨太咸，而且有啲硬，所以就失色左啲🥺鹽酥雞拼夜市小香腸 $48呢個配搭俾我呢啲中意食鹽酥雞同腸但係又唔敢食太多嘅人就正確啦🤣鹽酥雞炸得香，調味都夠，我比較中意佢嘅腸，厚切得黎有一大塊蒜頭，夠曬辣口，台灣腸甜甜地，過曬口癮😋黃金梅子脆薯 $36呢個都炸得非常脆，甜薯上邊的梅子粉好夾🍠好香口又甜甜地😆但係又冇甜品咁heavy🤗正！肚腩同朋友都試左飲品，分別係低糖豆漿同台灣紅茶，不過台灣紅茶太甜☕冇咩茶味，唔太對我地口味，唔知正宗版係咪都係咁🤨順帶一提，肚腩食完有小小皮膚敏感，唔知係咩食材定油有致敏原

今日可以同班同事一齊岀去食飯啦！其他係呢度做左年幾我地好難得先可以一齊岀去食餐飯🥹因為我地實在太太太「忙」啦今日難得岀去食鐵牛😋鹽酥雞$22大約得7粒左右🫣，不過真係好好食😋紅燒牛肉麵 $68牛肉數量都唔小嫁，幾好👍🏻珍珠奶茶🧋 $10點解小甜都咁甜😭不過幾好飲既☺️提提大家，lunch 去要預多d時間呀鐵牛台灣牛肉麵 📍地址: 中環蘇豪威靈頓街98號翡翠中心2樓A及B號舖電話: 26608321

而家無得去旅行，但又好掛住台灣，所以搵間台灣野食先，朋友推介去了中環鐵牛食台灣牛肉麵，入座後發現店裏環境衛生，服務員態度有禮貌，價格亦都好合理！牛肉麵上枱後飲了幾啖湯，發現湯底味濃郁，適合鍾意重口味既我，牛肉份量多而且煮到好淋，唔會硬到咬唔到，只於麵條好彈牙，好有咬感！另外仲叫了逢甲鹽酥雞肉燥麵 ，鹽酥雞炸得好香脆，外脆內軟，而且好入味，正！木魚炸豆腐，豆腐嫩滑，加豉油食味道一流，十分回味，下次經過一定再食過！

以前成日都食鐵牛, 因為佢個 🍅蕃茄湯底 同 新竹米粉真係好好食, 但價錢愈嚟愈貴同份量愈嚟愈少, 所以少左幫襯!呢日見到有 tea set, 價錢仲要 $38 就有交易, 一於去食喇!Tea set 係一碗小碗飯/麵食🍜 + 3款小食🍗 + 一杯飲品🧋! 雖然係小碗, 但份量都多, 而小食類都有唔同選擇, 同都唔少! 而味道都不過不失!但店內種植左好多植物, 所以烏蠅甚多仲要大隻,尤其是近窗邊位置, 如果唔改善, 幾抵食幾好食都無用, 衛生感覺好差!

因為落好大雨所以㨂間近又未飲過嘅試下，作為堂食套餐加錢咁飲佢嘅珍奶可以接受，比正價質素就完全唔掂，好水，即無茶味亦無奶味。雖然我諗好少人會特登黎呢間飲野嘅，食物無食過，不評論。

-見到下午茶好抵 只係$38蚊，一於試吓食先叫左個小碗滷肉飯+鹽酥雞+木魚炸豆腐+香腸+包埋一杯熱飲，埋單$38蚊😍如果唔想食飯 都可以試下食擔擔面架😚仲有8款小食可以揀架，有脆薯、涼拌小黃瓜、滷味爽耳、麻辣牛肚絲、滷水蛋半舊滷肉飯雖然話小碗，但女仔嚟講都飽🤣男仔可能差少少🤏🏻有幾舊滷肉 分量唔算多但撈埋啲飯一齊食，真心正呀😜小食都唔錯～ 每款都可以試少少🤣另外 服務態度都唔錯💕下次可以再試下

黎到中環食午餐，周圍去睇下有乜野好食，黎到中環半山行人天橋附近嘅樓上店，剛剛有位唔駛等👍午餐餐牌已經係張order 紙度，揀好就要出去收錢枱俾錢先午市套餐有13款，包飲品，可以追加台灣小食，另外特飲、冷泡茶要加$10-$15，珍珠奶茶加$6，凍珍珠奶茶加$10鮮蕃茄牛筋腩麵 $68蕃茄湯底濃香，有蒜蓉香味，牛筋腩都好平均份量，而且煙韌度都唔錯，如果再淋身啲就更加好熱珍珠奶茶 加$6珍珠奶茶裏面都好多珍珠，但係就唔係咁大粒喺中環嚟講都係一個好選擇

喺中環返工其中一個要面對最大嘅困難就係荷包肝硬化～喺附近食飯閑閑哋都要$80-100起跳，但係公司困左咁耐又唔係好想留喺公司食埋飯，於是發掘一啲平價小店就成為左返工嘅動力之一。依間餐廳繁忙時段永遠都係人滿為患，無論外賣定堂食都要大排長龍，不過好處就係可以預先喺app到攞定飛，當然就要靠經驗話俾自己知要早幾多攞飛先可以啱啱好入去食啦～呢個紅燒牛肉麵係每次嚟到必嗌嘅嘢食，佢嘅湯底濃郁、帶少少香辣、但係又不失牛肉麵應有嘅些微甜味，加上麵質彈牙，牛肉份量足夠，性價比非常高！

想食台灣嘢，lunch time 決定就去呢間抵食餐廳食啦！🍴😆🍴由於lunch time，人比較多，啲staff都應接不暇，安排入座之後，要自己去cashier 落單，之後啲嘢食都好快就上黎啦。今次我揀咗：-紅燒牛腩配地瓜飯 $68我一見有地瓜🍠🍠，係我鍾意食嘅，加上呢個咁特別就揀咗地瓜飯試試佢啦🤩🤩一上枱，個樣唔差喎，兜牛腩同兜飯都幾大碗，仲有3款細細兜嘅配菜。啲牛腩唔係得幾舊，係真係幾多㗎，味道唔咸、算淋、易咬開。碗地瓜飯，俾我想像中多好多地瓜，啖啖都有，加上佢啲地瓜微甜同口感唔硬，配埋啲白飯都唔會好突兀。係好食嘅！😋😋

This place serves high quality beef noodle soup at reasonable prices (many good ones out there are getting close to $100 per bowl) which explains why this is one of my favorites in town. You order and pay at the counter and food will be delivered to your table.The broth from both the braised beef noodle soup and the fresh tomato beef noodle soup were strong in flavor and the noodle were cooked just right (rice vermicelli is also available as an option) which beat so many so called authentic Tai

有時如果想食快餐, 又唔想虧待自己,我就推介大家黎食鐵牛😋🍲🍲🍲🍲🍲🍲🍲🍲🍲🍲總舖師私房牛肉麵 ($82) + $3轉新竹米粉湯底濃郁, 配料又十足😋 💯必叫呀!!轉新竹米粉嘅話, 仲會冇咁肥添😝😝🍲🍲🍲🍲🍲🍲🍲🍲🍲🍲鹽酥雞肉燥湯麵 ($65) +$3 轉刀削麵原本佢個湯係清湯, 好清甜😋如果想刺激啲, 可以加辣椒醬,好味10倍👍🏻👍🏻👍🏻刀削麵係硬身嘅, 超彈牙超好味😋加$3 完全抵呀😁😁

下午茶☕️人流唔好先入座再到收銀枱點餐再入座款式種類可以自選配搭下午茶份量剛好如果男仔食可能就未必夠下午茶會有一款主食，三款小食，主食我選擇左魯肉飯小食就簡左台灣腸，麻辣牛肚，鹽酥雞價錢:38另外餐飲包熱飲，可以加$3配凍 / 加$15配特飲我簡左珍奶所以飽足感滿滿下午茶性價比高可惜一點就係小食係預先準備，所以熱到不足/放涼左如果對食物溫到有要求就覺得有d可惜麻辣牛肚辣到如微辣所以食開小辣既覺得香但唔會好辣

突然好好好好想食台灣鹽酥雞, 行嚟行去, 就去鐵牛試下先!😋Menu 選擇都幾多, 飯 set, 粉麵, 小食, 好多款既台式飲品, 珍珠奶茶🧋, 梳打, 冷泡茶等等.. ..小食既鹽酥雞份量唔算多, 但個炸粉漿唔厚, 雞肉又嫩又大舊, 鹽鹽脆脆咁, 都好食!!😋另外叫左碗牛筋腩湯麵 (加錢轉左蕃茄湯底) 但份量真係少左啲😖 以前係非常大碗😖 🍅蕃茄湯底好濃郁, 牛筋腩好重牛味, 個牛筋就得一件, 牛腩就3件!😋 但都係覺得份量真係好少!🤣

(Deliveroo 🏍)台灣嘢就係嗌一大堆小食share鹽酥雞拼夜市小香腸 $47依兩樣都係我fav台灣腸真係好好食🥺脆皮 又香口木魚炸豆腐 $37Surprisingly good wor 個醬好惹味炸過嘅豆腐 配埋木魚又幾夾小街滷大腸拼豬爽耳 $51我覺得一般般🤔唔係好夠味小街綜合滷味拼盤 $53又係大腸同豬耳為主😂覺得嗌返個雙拼就ok, 蛋同豆腐比另外嗰兩樣更加唔好食小碗滷肉飯 $37除咗滷肉 有好多菜脯用嚟撈飯食 真係無得頂紅燒牛筋腩米粉 $73份量幾足~湯底正常發揮啦

牛肉麵湯底唔錯，有水準，外賣🥡黎到麵同湯分開上安排很好，湯底濃厚夠正宗，麵條彈牙夠爽口，牛肉有牛味唔會硬，唔係堂食算不錯了小食揀左地瓜條甜得黎又加左椒鹽，又甜又鹹好惹味，花枝丸同鹽酥雞炸得香脆，有夜市味道。